مين بيزيد...

[DE$!GNER]

أخوتي في البيلسان...
الموضوع لا يخرج عن إطار الدعابة.. فأرجو ألا يُؤخذ على محل الجد..
يعني بالمشرمحي...
لا حدا يقول هادا شو دخلو... وليش حاشر أنفو بالنص... وشو قصدو...
القصة وما فيها أنو حبيت قول:



سجل حضورك... وعبر عن شعورك...
مارس هوايتك... ولا تنسى أمورك...
سجل حضورك... وبلش بدورك...
سجل حضورك باسم طفل بتحبو...
ولا تنسى انو أمو هي اللي جابتو...
تعبت وشقيت لحتى انهرى بدنها...
وانت جاية ببساطة تسرق الاسم منها...
سجل حضورك باحلى إس أم إس...
ولا تبعت الرسايل ع الهمس واللمس...
ابعتها نصية ع السريع وريح حالك...
واخسر أربع ليرات عليها ولا على بالك...
سجل حضورك باسم ناديك المفضل...
ولا تختار واحد في لاعب معضل...
خليك دائماً فنان بالتنقاية والاختيار...
مشان يربح فريقك من الأبطال الأخيار...
سجل حضورك باسم عضو بتحبو من عنا...
ولا تفكر تحب حدا من برا منتدانا وتدعمنا...
شنو اللي عنا بيكفو وبيوفو يخزي العين...
واللي بيحسدنا ان شاء الله بتطرقو العين...
سجل حضورك باسم لاعبك الفنان...
ميسي سنايدر رونالدو أو سوبر مان...
ولا تنقيلي لاعب أفكح ما بيعرف يلعب...
بتطلع أنت الخسران وبتضحك عليك الملعب...
سجل حضورك بعبارة عن تطوير الذات...
هون الفصاحة والثقافة وأفضل الاختيارات...
بس لا تجوجلها وتجيبها من برا متل المستحية...
شغل مخك واكتبها من بنات أفكارك السخية...
سجل حضورك بأي جزء وصلتلو من القرآن...
يعني فيها وجهة نظر ويلي حطو فهمان...
بدو ينافسك ويسابقك بكسب الأجر والثواب...
فلا تخليه أبداً يسبقك ويدخل من هاد الباب...
سجل حضورك باسم مدينة بتحبها كتير...
يعني الكل رح يبلش باسم مدينة المشاهير...
بس بشرط لما بدو يذكر اسم المدينة...
لازم يحط عنها ولو نبذة مفيدة ثمينة...
سجل حضورك باسم الفنان اللي بتحبو...
وما تكره اختيار زميلك وتبلش تسبو...
كل واحد إلو إحساس وذوق...
وبيرفع اختيارو للعالي فوق...
سجل حضورك بصورة فنان...
يعني ما فرق كتير عن اللي قبلو يا إنسان...
هادا متل هادا والاختيار رح يبقى واحد...
فإذا ما اخترت فنانك رح تكون لإلو جاحد...
سجل حضورك باسم عصير بتحبو...
وإذا خلصت العصاير الموضوع بنكبو...
إلا إذا ما خلصت كل الاختراعات...
واخترعوا بطريقهون عصير للجرابات...
سجل حضورك... وعبر عن شعورك...
مارس هوايتك... ولا تنسى أمورك...
سجل حضورك... وبلش بدورك...

​

​

 

[- ]Safee[ -]

هه
ولسا الخير لقدام..
و دائماً في حدا بيزيد

يعطيك العافية ديزاينر​

 

[JuSt RaMoOTa]

ه

​

 

[Queen]

رائع ديزاينر ....يسلمووو
​

 

[RoOoR]

و الخير لئداااااااااااااااام​

 

[DE$!GNER]

والله هيك شايف... أنو لسا الخير لئدام كتير

 

[mr_ops]

راااااااااااائع يا ديزاينر .. عن جد رهيييييييييــبة وهاد الي عم بصير هون .. وقريبا بيخترعوا عصير جرابات وعلى نكهات كمان لا تخاف
​

 

[جمانة]

تسجيل حضور
روعة ديزاينر الله يسلم هالايدين
​

 

[DE$!GNER]

راااااااااااائع يا ديزاينر .. عن جد رهيييييييييــبة وهاد الي عم بصير هون .. وقريبا بيخترعوا عصير جرابات وعلى نكهات كمان لا تخاف
​

والله يا حبيبي كل واحد حر بمشاركاتو... أنا حبيت اتغالز بس مو اكتر...

 

[DE$!GNER]

تسجيل حضور
روعة ديزاينر الله يسلم هالايدين
​

الروعة في حضورك سيدتي...

 

[Chantal]

أكيد مادام في عقول بتفكر حيكون في زيادة
شكراً لديزاينرالمتغالز

 

[ČốηťĕṨṩก]

 

[روزا]

 

[DE$!GNER]

نورتوا جميعااااً بلا استثناء..
​

 

[B.A.R.C.A]

 

[{Dark~ Lord}]

​

 

[DE$!GNER]

وسجل حضورك باسم ألذ برشلونيين بالمنتدى...
​

 

[The Hero]

بدون قمع ..... هه


​

 

[DE$!GNER]

بدون قمع ..... هه


​

لأ حبيبي... بينفع القمع مشان ما نكبكب زيت عالأرض...
وسجل حضورك بأطيب سندويشة زيت بزعتر عند هالمسا...

 

[Tobiza]

يعطيك العافية
​