نسوان الشام بين ردح و مدح و الزكرتية

[روح الشام]

ومن ورا الأبواب ...​

و رَد الجارة عل الجارة ..​

وردح الكنّة لبنت الإحما ...​

وحكي الصبيان والزكرتية ... ​

ويلي بيغاروووووووووووووووو​

​

الإيمع: القيمع أو الدندرمة: البوظة المثلجة.​

يم يم يم ... ​

وبالأخص من عند بكداش .. يا سلاااام ..​

أو رامز " نوتيلا مثلاً "يم يم

اللازمة: حفلة ضرورية في المناسباتالهامة كالزواج.​

​

وهاااااااد لحالو مقال مفصَّل بحذافيرو من أول ما بتجي الوجاهة لحتا ما يجي أوّل ولد ..​

فاستنّو شوي ... جايي الدور بعدين ..​

​

الليلية: سهرة نسائية تستمر حتى الفجر في حفلة عرس أو حفلةطهور أو نذر بسبب شفاء مريض.

العصرية: تعزية أهل الميت عند النساء لمدةثلاثة أيام من بعد العصر حتى المغرب، وتكون بلا كلام.​

وبالأسود ........

إخدان الخاطر: تعزيةأهل الميت عند النساء، بعدة كلمات يوم إخدان الخاطر. والاغلب بتكون ..​

عظَّم الله أجركم ...​

شكر الله سعيكم ...​

بننتقل للحكيات ..في عنَّا ...​

دشّرني: اتركني.​

بتنقال أكتر شي وقت الحرد ... ​

وأكتر أكتر شي وقت الجوز بدو يراضي مرتو ​

​

​

الكلحوس: البخيل.

النساس: الإنسان البارد القلب الذي يبعثعلى الضجر، ويقال فلان نساس لأن أسلوبه في الحديث يسبب الضيق لما يتضمنه من تعليقاتباردة.​

السحنوك: قدقود: النحيل الهزيل الذي يبعث هزاله علىالضحك.​

وهَي كتيييييير بتنقال وبالأخص للنحفا ..​

والمعَصِمْصِين ...​

هلأ أنا نحيفة .. بس مالي سحنوكة هه​

​

النايط: النعيان: الإنسان البارد البطيء​

ويا عيني على هل الكلمة .. بتلاقيها عم تنط من الشبابيك ...​

بصيغة ..​

لك أوم على الشغل ويعليك شو نايط ..​

أومي على المطبخ .. بلا نَعْيَنة وبرادة..​

أو امشي امنيح وبلا نياعة ...​

والأغلب بتكون على الصبايا .. آل شو .. الهدف شد براغيهن شوي لأنو بيت الإحمى ما بيحبو البنت النايطة ​

وممكن يكون بأسلوب المألسة ..​

شوفو هل النايطة شو عم يطلع معها ... " إذا كانو مو معتادين عليها تشتغل "​

من شان هيك قليل لتلاقو بنت شامية أصلية مو حِرْكة وبِرمِة ومتل المَكوك الحايك ..​

ولأ ممكن تكون متل الزيبق...​

لأنو عرق الفلهوية ​

والنشاط يلي آتل حالو بيسقي ..​

وأهل الشام من زماااااااان​

فالحين بالتعزيل​

وشطف أرض الديار والطبخ ...​

​

يلّى سيط غِنى ولا سيط فقر

مجلوء: مدلل، مائع،مفروط.​

ولي على آمة هل الكلمة إذا نزلتلي على معدة ..​

ويااااااااالاااااااطيف شو بتنقال ..​

وعلى الشب أكتر من البنت ..​

مثلاً وقت بيحط مسكة بتمّو ​

" الخَتايرة بيقولوا عنّا بانة " ... وهوّ عم يحكي مع أبو ... ما بيشوف إلا وهداك الكف نزل سفق على تمّو ... وبيقلو .. إيما من تمّك وبلا جولأا ..​

وممكن من البنت وقت بتحكي عليها الداية لمرا تانية من شان خطبة وهيك شي ..​

بتقلها .. .. لك لأا شوبدك فيها مَجْلوءة وحُوبة​

وهكذا دواليك .......

امجَلْوَع، امشَهْون يعني امشَحْوَن على الأكل، ​

عنده شهوة ظاهرة للأكل، يقولون: "عينهجوعانة، مجلوَع".​

بس أحياناً بكون الزّلمة امشَحْوَن غصب عنو ​

على شي قدامو مو آدر ياخدو ..​

مثلاً ...​

يعني ولد بإيدو أسكى بلبن ​

وبنت قدّامو صايمة .... حاجة تشَحْونّي بقا ..​

بنت مع إمَّا بزيارة لبيت من الحارة هون قريب .. وعلى الطاولة شكاليطة ... ولك شحوانة ما بتستحي ..اركني بقا حاجة تحوصي​

جار عم يئرا مقالات نور الشام ....والله شحونتيني وشوَّقتيني للشام حاجة تحكي ..​

الشَّحْوَنة .. يعني شم ولا تدوق ..​

واصحيح لا تئسم ومأسوم لا تاكل ..​

وكول حتَّى تشبع ​

هه

ممصوع: نحيف جداً.​

ممصوع الرقبة ... وقت بدك تبهدل شي ولد ​

ممصوعة عصاية طئِّي ... في وصف بنت جلدة وعضمة..​

في متل بيئول .. امصاع راس الأط من ليلة العرس ..​

ولح يجي شرح ليلة الأط .. بمصع العريس ...​

بعدين هه​

​

ليكو: يعني بالفصيح ها هو.​

ممكن تكون : شَحُّو ... يعني هداك هوِّ أو ليكو ..​

شحّوكى .. ليكوكى .. إذا حب الواحد يتدلَّع شوي​

​

مَرأ علينا: مرّ علينا.​

والأغلب بتكون على الشكل التالي ​

" لا والله ما مرأ علينا "

إجا لعنّا وراح: أتي لعندنا وذهب.​

وهَي يمكن من زمان وزمنة بنقولها .. وبالأخص إذا حدا سألنا عن حدا ما بدو ياه .... ولا بدّو يحكي معو​

منقول .. إيه إجا وراح ...​

​

هلأ بأا من الكلمات التي تستخدم للتعبير عن المحبةالآتولية ...

يقبر قلبي، يعني يموت قبلي، ومنهااستخرجت كلمة ملطفة هي: يؤبش قلبي​

ومنها كانت ..​

​

يقبرني

يكفّني
يطلع علىقبري
يشكل آسي،​

وكلها بالمعنى نفسه.​

بس ما أظن حدا من صبايا هل الأيام فيهن دهلزة صبايا زمان ...



​

جئر: وقحوعنيد. ​

بلا جآرة ... ولعمى شو جئرة ومكيودة ...​

مكيودة أحياناً بتيجي محّا ...

الوتوتة: الوشوشة: اثنان يتكلمان همساً.​

وهَي بأا روح ألب اللتاتات والسرنوَّات ..​

على شفتي شو آلت وشفتي شو عملت ..​

سرنوّة: خبيثة تخفي خبثهابذكاء.​

الشرشوحة: المزرية: التيتعيّر بلباسها وأخلاقها.​

وهون بلَّشنا الردح ..​

والحكي الطالع نازل ... وأغلبها من النَسَوين للنَّسَوين ...​

يعني دود الخل منُّو وفيه ..​

​

الشرنّة: الفوضوية غير المنظمة في بيتها.​

مع إنُّو كلمة سئيلة بس بتنآل للبنت يلي طائئ أعلها ... ودايما حايصة ولا يصة وما لها عرفانة وين راسها وين مداسها ..​

يعني فيّا عرء جدبة ..​

​

أمكمونة: البخيلة.​

وأحياناً بتنآل بالمزح .... آه يا أم كمّونة شو مهضومة ..

الجاضومة: امرأة ثرثارة وقوية.​

​

كلّو على النَّسَوين ... بس وينكون نَسَوين أيام زماااااان .. يعني تبعات الدَّأة الأديمة ..​

​

​

يوه دخيلكن على هالقصة : يعني توجيهالحكي للسامعين ليحكموا بهل القصة​

إنو يا بايخة يا إمّا مو كتير مهمّة ..​

​

متل الدبة : السمينة​

وبتستعمل بكترة ... ​

​

جارتنا متل الراديو :يعني الجارة الثرثارة نقالة الحكي​

كانت وما زالت ... ممكن تنآل .. ​

إيه الأريضة شو بالعة راديو ... ​

جارتنا برج مراقبة :الجارة يلي بتراقبجيرانها​

يعني جاسوسة ونأالة حكي وأخبار ..​

وابتتسمّى أم أربع وأربعين ..​

أو أم رادار ...


​

متل الحية : المرة القوية الشريرةوالأغلب بتكون صفة مرت الأب والحماية ..​

أو متل الحرباية : غالبا للمرة يليكل شوي بوش

يوه اريضة تئرضه: بتنئال للشي الغليظ اوالشخص الغليظ
حل عنّي بئى: يعني بعد عنيمتل دشّرني مرقت معنا بالمقال السابق​

​

كنه ابو بريص : تنئال للشخص الاشقر الغليظ​

إذا الوحدة بدها توصف واحد أشقراني مصدِّي ..​

الشنتير: الكبير الذي لم يعد طفلاً​

هه وهَي بأا للشباب الي عم يتولدنو​

​

بتنآل : لك استحي بأا أد الشنتير صرت ..​

وبتنآل للصبايا يلي عم يتزغرنو ..​

شو إنشالله مفكرة حالك صغيرة .. أد الشنتيرة ..​

بصباص : يلي بيراقب العالم وبيطلع على البنات​

وهاد ما يعلأ بإيدين الزكرتية بيجيبو خبرو​

متل القط : الجبانالمتراجع​

وكان الرجال بيموت ولا ينآل عليه حريمة ..​

أمّا هلأ بيؤول .. الهريبة تلتين المراجل ..ه


​

اندبوري دئاء بوري : الشي يلي لاشغلة ولامشغلة بس صايع​

وهَي وقت بدُّون بحكو على شي خاطب شو بيشتغل وما كان عاجبون شغلو .. بيؤولو عنُّو أندبوري لا شغلة ولا مشغلة ..​

أو سنَّاد حيطان .. إذ اما كان بيشتغل ​

الملاوءة:تقليد الشخص الآخر ومجاكرته​

حركات ولاد ... ​

أم بتسأل ابن الجيران ليش لاوأتو ؟؟ ... بيئلها ..​

إي هوِّ بلَّش



​

هلأ الزكرتية وأبضايات الحارة يلي آل يعني بغارو ​

إلك والا للديب ... فالجواب نتر وأكيد ...​

خسا الديب .... ​

يعني حسبما فهمت :​

​

بتفشلني .. لأ ما بفشلك ​

هتِّي لا بتِّي .. دلالة الزكرتية ​

إيوااااااا .. بالتَّفخيم يعني نحن هنا ..​

إحم إحم .. وقت بيفوتو على البيت وبتلحأا كلمة اتغطّوا يا حريم ..​

معلِّيم ..!! لقب الأبضايات ويلي ساوولن شي إنجاز بالحارة ..​

أبشر عكيد .. من زمان وزمنة وصارت هلأ أكتر بعد باب الحارة ..​

يعني طلبك مجاب ميّة بالميّة ​

لعيووووناك .. يعني تؤمور..​

إخص على الرجال : إذا حب حدا يستفز رجولية حدا ​

ومن هل الشّوارب : قسم أو وعد عظيم عند الأبضايات .. لتأكيد ما طلب ..​

آل لأنّو الشوارب كتير غاليين عليه ...​

زقاقي: يلي بيضل بالشوارع​

وهَي أول صفة لهل الأبضايات هه


​

قبضاي : يعني زكرت ... من صفات ولاد الحارة ​

يلّى لهون وحاجة ... اليوم تألنا العيار ..​

لتكونوو مليتوو .. اذا مليتوو خبرووني​

لا تخشلووو .. شنّو بخاف عليكن انا​

يلا ورجوني ردودكن​

 

[قيــ الروح ــثارة]

نعمش والله أنا ما عرفت نص هالكلمات

ميرسي عالقاموس الشامي البحت


ميرسي سوسو ​

 

[مختار]

جارتنا برج مراقبة :الجارة يلي بتراقبجيرانها



يعني جاسوسة ونأالة حكي وأخبار ..



وابتتسمّى أم أربع وأربعين ..​

أو أم رادار ...

هه
يسلمو عمري

 

[alqaesar]

أنا أول مرة بسمع هيك كلمات

 

[روح الشام]

هه

اي هون اسمعتا


اهلا وسهلا فيكن نورتووو​

 

[§ أبو المر §]

أمكمونة: البخيلة.



وأحياناً بتنآل بالمزح .... آه يا أم كمّونة شو مهضومة ..

:19::19::19::19::19::19::19:

هاي بتذكرني بوحدة هون بلمنتدى :19:
بلا ذكر أسماء يعني :19:



​

 

[الأمبراطور]

الله يعطيكي العافية
بيلبقلك تكوني آنسة مدرسة بتدخلي المنهاج بمخ الطلاب غصب عنن:19:

 

[king*]

شكرا الك روح

 

[قمر الشام]

:19::19::19::19::19::19::19:
الجاضومة: امرأة ثرثارة وقوية

الشرنّة: الفوضوية غير المنظمة في بيتها.

أمكمونة: البخيلة
:19::19::19::19::19::19:
شي حلو الله اهم شي الردح
يسلمو سوس​

 

[ملكة زماني]

:19::19::19::19:
يعطيك العافية سدورة ​

 

[Pure Feelings]

:19::19::19:

حلوين كتير يا شرنة

 

[روح الشام]

شرنة بعينك وليه شاضومة





منووورين شباب صبايا​