Senior Anas
عريس البيلسان
- إنضم
- Feb 1, 2009
- المشاركات
- 4,947
- مستوى التفاعل
- 34
- المطرح
- في الافق القريب لعينيك
عالهوّارة الهوّارة .... عالبحر عْملنا زْيارة
شو معتَّر يا هالفقير ...ماكِلْ طُعم الســّنّارة
________
عالبحر طْلعنا يومين ... عا شط ّ اللاذِقيّه
مُتعة للروح وْ للعين ...هالشواطي السوريّه
لكنْ مافي سوريّيَين ... و الـبـاقـي خليجيّه
و العِراقيّه الثلثين ... و الثالث سعوديّه
رفْعو الأسعار لـْ ضِعفين .. الأسعار السياحيّه
شاليه نجمة مش تنتين.. بأربع تالاف وْ مِيّه
وْ آجار المنقل: مِيتيَن .. وْ مِتْلو كرسي وْ شمسيّه
و لو تستأجر فَرشتين ... بتحط ّ الخَمسميّه
و الفحم الكيلو بْستّين ... و ما فِيّو فحم اوقيّه.
الشّط تْنَضَّف ْ من جيلَين ..للحملة الفرنسيّه
وْ للصرف الصّحي نبعين .. وين ما تنزل بالمَيّه
وْ حمّامَك عا مرحلتين .. لو تتحَمّم عَشيّه
لأنّو المَيّه تخمين ... للإشيا الضّروريّه
ساعة مقطوعة وْ ساعتين .. للحمله التّقنينيّه.
وْ لو ما يْرَجِّعنا بالدَّين ... سائق حمصي الجّنسية
كنّا رْجِعنا عالرِّجلين ... مافي أجرة ســـيّارة!!
