هل تؤيد الموت الرحيم أو القتل بدافع الشفقة؟

[لكبړيآئي قصھہ]

أقر البرلمان الألماني قانونا يسمح بما يسمى طبيا بـ "القتل الرحيم" أو "القتل بدافع الشفقة"، وذلك لوضع حد لمعاناة المرضى الذين يعانون ويتعذبون في المراحل الأخيرة من حياتهم، ويطلبون هم أو عائلاتهم الموت بدل المزيد من العمر الذي يكون عادة بواسطة أجهزة التنفس وغيرها من الأجهزة التي تكفل للمريض القليل من الحياة مع الكثير من المعاناة.
كثيرون تطرقوا لموضوع "القتل الرحيم" بين مؤيد ومعارض مع إدخال الجوانب الدينية وما إذا كان للدين رأي في هذا الموضوع، فمن جهة نحن نؤمن بأن الأعمار بيد الله ومن جهة أخرى نحن نرفض المعاناة للمقربين والأشخاص الذين نحبهم، في حين لم نشاهد أبدا ميتا يشكو أو يعاني من ألم!!
هل تؤيد "قتل" الاشخاص في الحالات الميؤوس منها طبيا بناء على رغبتهم في الموت لوقف المعاناة؟
هل تعتقد أن هذا النوع من القتل يوازي القتل في بكل أشكاله وأنواعه..​

هل لديك رأي آخر؟ ​

شو رأيك؟​

 

[إلهام]

مافي شي اسمو قتل رحيم
والاعمار بيد الله
عمستوا الاجهاض بطفل معاق بعد وقت معين محرم
فكيف انسان ولو انو مريض الله سبحانه وتعالى اخبر في
هاد رايي انا
بعتبرو جريمة انا ومو عكيف الشخص ينهي حياتو
شكرا للموضوع
​

 

[ḾǑŏǑŏǓĐỸ]

هذا اكبر حرام


الاعمار بيد الله مافي شي اسمو الموت الرحيم


لأن رب العالمين بيمتحن عبده بهيك مواقف


شكرا لك على هذه اللفتة تقبلي رأي ومروري ​

 

[دموع الورد]

لأ طبعا اكيد ما بأييد هالشي لنو متل ما حكو ما في شي اسمو الموت الرحيم

ورب العالمين محدد لكل واحد عمرو سواء رح يعيشو براحة او مرض وعذاب فكيف رح نقتل ارواحنا ازا مو جاييها يومها متل ما هو مقدر النا

من عند ربنا بعتقد انه هاد اكبر حرام
​

 

[Cosette]

هلأ في حالات بتكون مستعصية و مافي امل منها
يعني موت سريري
مافي امل انو يصحى المريض ولا بأي شكل من الأشكال
يعني عذاب للأهل عالفاضي
هون بأيدو
مو مشكلة

أما

والله واحد مل من حياتو
حب يموت
يروح ينتحر احسن
ليش يكسب الناس ذنبو



يسلمو ميس سوسو عالطرح

 

[Lobna]

لا طبعا ما في موت رحيم
احتمال العذاب الي قبل الموت يكون سبب لدخول هذا الانسان الجنه

 

[بلسم الشام]

الأعمار بيد الله
وما حدى بيموت ناقص عمر
وما الرحيم إلا الله عز وجل

بسم الله الرحمن الرحيم
الحمد لله رب العالمين
الرحمن الرحيم
مالك يوم الدين
صدق الله العظيم


​

 

[جمانة]

بظن نحنا كمسلمين ما لازم نتناقش بهالشي لانو الروح ملك للخالق الله سبحانه و تعالى
و حرام نتصرف فيها
يعني حتى لو كان رحمة لهالشخص
ما حدا بيحقلو ينهي حياة حدا الا الله
و هالشي حرام بالاسلام
كل واحد الو عمر وقت يخلص رح يخلص
يسلمو


​

 

[Chantal]

برأيي .. مافي شي إسمو الموت الرحيم
الله هوالرحمن الرحيم .. الله أرحم بعباده من أنفسهم
وقمة الإنسلاخ من الإنسانيه عندما ينهي الآخرون حياة الغيرمهماأختلفت الأسباب
الروح من صُنع الله وأستودعهافي الإنسان ووحده سبحانه يسترجعها فلكل أجلٍ كتاب ..
يسلمو

 

[آلبتول]

هلأ في حالات بتكون مستعصية و مافي امل منها
يعني موت سريري
مافي امل انو يصحى المريض ولا بأي شكل من الأشكال
يعني عذاب للأهل عالفاضي
هون بأيدو
مو مشكلة

أما

والله واحد مل من حياتو
حب يموت
يروح ينتحر احسن
ليش يكسب الناس ذنبو



يسلمو ميس سوسو عالطرح

الكل معارض الفكرة لأنه الموت الرحيم بالنسبة لهم انه رحمة للمريض وخلصوه من عذابه
وما بأمون أن مرضه على السرير إلي شبه ميت والعذاب إلي فيه يكون رحمه من الله لتكفير ذنوب في الدنيا أو ابتلاء في الحياة ليختبر الله صبره وصبر أعوانه
مثل ما تفضلت جمانه نحنا كمسلمين ما لنا أحقية نناقش في أمور بالنهاية تكون أمرها لله سبحانه والأعمار بيده

ذكرتِ الانتحار هذه قضية ثانية وما لها دخل في الموضوع
لأن المنتحر هو إلي أختصر على نفسه المسافة وبيديه أختار الموت
أم المرضى الذين يقتلونهم بدافع الشفقة وعلى أساس انه موت رحيم فهؤلاء لم يختارون الموت
ويعتبرون في الحقيقة ضحايا لتوفير اقتصاد المستشفيات

أتمنى تتقبلي ردي لك بكل رحابة صدر ...تحياتي
​

 

[ღRosa Blancaღ]

طبعا ما فيشي هيك اسمو

وقد ما كان البنا رقيق ورحماء ما رح نكون ارحم من رب العالمين اللي خلقنا وخلئون

هو القاد عى كل شي

 

[لكبړيآئي قصھہ]

نورتو الموووضوووع

مروركم العطر أضاف للموضوع رونق خاص


شكرا لكم

لكم تحيتي​

 

[Cosette]

الكل فكر بالمريض
ليش ما حدا فكر بأهل المريض
؟؟؟

ع كل حال الآراء بتختلف

 

[المستشـــار]

(( ولا تقتلوا النفس التي حرم الله إلا بالحق )) أكيد هاد الموضوع مرفوض لأنو نحن الله بيطلب منا أنو نصبر وإلنا الجنة بإذن الله .. وقتل النفس موت رحيم أو غيرو غير جائز ولو كان برضى الشخص فهو إنتحار .. عموما موضوع يطول ولكن بإختصار أنا أكيد ضد هالشي

 

[آلبتول]

الكل فكر بالمريض
ليش ما حدا فكر بأهل المريض
؟؟؟

ع كل حال الآراء بتختلف

قبل ما نفكر في أهل المريض أو حتى في المريض نفسه
لازم نفكر أنه يا ترى هالشيء يرضى رب العالمين ولا لا ​

 

[mr_ops]

قبل ما نفكر في أهل المريض أو حتى في المريض نفسه
لازم نفكر أنه يا ترى هالشيء يرضى رب العالمين ولا لا ​

متل ما قلتوا في مرضى بكونوا عم يتعذبوا وفي مرضى مو حاسين على شي ..

يلي عم يتعذبوا هدول شفائهم بايد رب العالمين .. وما بصير ينقتلوا لانه لساتهم عايشين ...

اما يلي بكونوا مرضى وغايبين عن الوعي وبس عايشين على اجهزة الانعاش .. هدووووول ما بنقتلهم بس بنوقف اجهزة الانعاش عنهم ..

انا هاد رأيي لانه مافي فايدة من العيش على اجهزة الانعاش .. طبعا اهل المريض ما رح يرضوا انه تتوقف اجهزة الانعاش بس لامتى ؟؟؟ لباقي العمر بدهم يضلوا عايشين على اجهزة الانعاش؟؟؟ مو معقول ...

وما بعرف رأي الدين بالشي هاد بالحكي الي انا حكيته .. اما الانتحار والي ما حب حياته فـ هوو حر يروح وينتحر على راحته بس هالشي هاد حرااااااااااااااااااام