هل تؤيد باب الحارة 4

[حسام الحلبي]

متل مع نسمع على محطة mbc الفضائية أنو رح يتم انتاج جزء رابع لباب الحارة هالمسلسل الجماهيري القوي يلي دخل بشكل رائع بحارات الشام وعادات أهلها وتقاليدهم ويلي رسخ بأجزاء التلاتة الفئتة المروءة والعزة والكرامة والشهامة عند أهل الشام لحد هون الأمور جيدة أما أنو يتحول المسلسل لسلعة تجارية هدفها جلب أكبر كم من الاعلانات خلال عرض ثلاثين حلقة أو أكثر من باب الحارة بغياب وجود نص لائق وبداية تلاشي بعض الممثلين الذين كانت لهم أدوار أساسية أولا كان بتغيب الزعيم ( عبد الرحمن ال رشي ) ويليها تغيب أبو عصام ( عباس النوري ) وأخر أخبار المسلسل عن ترشيح الفنان قصي خولي للقيم بدور معتز بلا عن الفنان ( وائل شرف ) وأخبار غير موثوقة عن رفض العكيد ( سامر المصري ) عن تجسيد دور العكيد للجزء الرابع اضافة الى تبديل الفنانة ( تاج حيدر ) التي كانت تؤدي دور جميلة بنت كبير الاحارة بالجزء الأول والثاني وادخال شخصيات وحارات جديدة على المسلسل
السؤال هل ادخال الشخصيات الجدد أو الحارات يغني عن أبطال المسلسل الأساسيين ( أبو عصام _ العكيد _ معتز ............) وخصوصا تغيير الممثلين وغياب نص لائق ( وكبر راس المخرج ) واصراره على الانتاج بعد اعلانه جاهزية الجزء الرابع والخامس كتابة كل هذا هل سينجح باب الحارة 4 ؟؟؟؟​

 

[دلوعه وكلمتي مسموعه]

انا بعتبر انو الجزء التاني من باب الحارة
هوة الجزء الذهبي
الجزء التالت كان علاك صراحه انا ما حبيتو
وما بتوقع انو ينجح
بس انا سمعت انو ابو عصام بدو يرجع ع المسلسل
ازا رجع اكيد بينجح المسلسل
يسلمو حسام ​

 

[Life of the soul]

بالنسبة الي كان احلى شي الجزء الاول
والباقي صار بايخ كتيييير ومالو طعمة الصراحة
والغريب انو لسه عم يطلعو سيناريو وحوار للمسلسل
وكل مالو عم يصير بايخ
واحلى شي كانو الممثلين الاساسيين ومو كل الممثلين بيئدرو يتقمصو الشخصيات
ومو كلهن عم يطلع معهن راكز الدور
يسلمووو

​

 

[كتكوووووت]

حسامو تسلم على الموضوع الحلو بصراحة الجزء الأول والتاني كانو حلوين بس حسيت انو الجزء التالت رجع من البداية وخاصة بعد ما تاب ابو غالب وعقل رجع للعبنة ورجعت الاحداث مع بعض التغييرات في الشخصيات وإدخال شخصيات جديدة لإعطاء رونق مختلف عن الجزئين ولكن المطمطة واضحة دون وجود احداث وأعتقد أن الجزء الرابع سيحمل مفاجآت نسأل الله لهم التوفيق والنجاح.

​

 

[مختار]

بالنسبة الي كان احلى شي الجزء الاول
والباقي صار بايخ كتيييير ومالو طعمة الصراحة
والغريب انو لسه عم يطلعو سيناريو وحوار للمسلسل
وكل مالو عم يصير بايخ
واحلى شي كانو الممثلين الاساسيين ومو كل الممثلين بيئدرو يتقمصو الشخصيات
ومو كلهن عم يطلع معهن راكز الدور
يسلمووو

​

عم تحكي اصول
وانا متل حكيها شريكي حسامو
لانو بجد حكيها المزبوط وهاد للي شفتو
ميرسيتو شريك
​

 

[shadoo]

الجزء الأول كان قمه بالإبداع
وربطنا بالجزء التاني
بس التالت كان تضيع وقت
ومابظن الرابع ينجح
لأنو التالت شفنا بالزور
بس إذا في قصي خولي غير شكل :10:
يسلموووووو​

 

[فادي]

باااااااااااااااااخت كتيررررررررررر يعني زودها مو

 

[Bilal Mohammad]

أنا ضد الفكرة نهائيا
لأن شو بقلك المتل كل شي بزيد عن حدو بيقلب ضدو

أنا ما بحب المسلسلات المجزئة لأن كلها بتصير علاك وبصيرو يشطو ويمطو فيها لحتى تكمل تلاتين حلقة وأنا بتوقع ينجح هي السنة باب الحارة بنوب حتى لو متل ماعم يقولو بدو يرجع ابو عصام :80:
بعدين واحد ميت بيرجعو بعيشو شو هالكذب والخداع للناس هاد

أنا هاد رأي
​

 

[♥البرنسيسة♥]

انا ضد الجزء الرابع لاني اصلا ماشفت التالت

الي عجبوني الاول والتاني بس

يسلمن حسامو​

 

[جمانة]

وانا كمان مع اني ما تابعت المسلسل منيح يعني كنت شوفو حلقة اي وحلقة لا
بس بحس الجزء الاول والتاني احلى شي
الجزء التالت علاك بس
و لو عملو جزء رابع جد رح يحطو من مستوى العمل ​

 

[Pure Feelings]

يعني ما بعرف
يعني تقريبا الجزء التالت صار اعادة للجزء التاني
ابو غالب متل ما هو
ابو بدر متل ما هو

كلون متل ماهنن
يعني ما صار شي جديد
غير تغيير بالشخصيات
وشطشطة ومطمطة وهيك شغلات

يعني انا تابعتو
وهلأ عم يطلع كمان
بس يعني هو بضل حلو لانو عم يحكو عن الشام
اهل الشام وهيك شغلات


يعني مو كتير رأيي سلبي نص نص
يعني هنن عم يرسخو يمكن القيم من خلال اكتر من جزء

ويسلمن حسام

 

[روح الشام]

ممممممم والله بيخوها صارت أمر من المسلسلات المكسيكية

يعني الجزء التالت كان بايخ كتير

شلون الجزء الرابع

مالو داعي لو نهوها من الجزء التاني كان احسن

يعطيك العافية حسام​

 

[♥ jasmine rose ♥]

أنا مو مع الجزء الرابع
وكان ممكن ينتي بالجزء التاني :80:
يسلمو
​

 

[حسام الحلبي]

هلق حسب معلوماتي ويمكن الكل بيعرف أنو من لما كتبو الجزء الأول كان مكتوب المسلسل ضمن 60 حلقة تقسم لجزئين بسام وكوسا أعتذر ونفذ بس تلاتين وحلو الجزء التاني لأنو نومة أبو عصام بالدكان كشفت المخبى والمستور اضافة لأنو الحكمة كانت موجودة والصبر عند أبو عصام يلي كان الوحيد الحكيم كحكمة بعدين أبو عصام علمنا أنو يلي بدو الشغلة تصير بدو يخبي بغياب أبو عصام تغيبت الحكمة وزادت البوجئة​