هَلْ تَقْبَلْ أَنْ تَحْضُرَ عُرْسَ حَبِيبِتِكَ أَوْ حَبِيبِكِ وبـِ كُل صَرَاحَةٍ ..؟!

[دموع الورد]

هَلْ تَقْبَلْ أَنْ تَحْضُرَ عُرْسَ حَبِيَبتِكَ أَوْ حَبِيبِكِ وبـِ كُلِّ صَرَاحَةْ ..؟!
لـِ كُلِّ شَخْصٍ قِصَّةُ حُبٍّ عَاشَ فِيهَا ..
وتَعَايَشَ مَعَهَا بـِ كُلِّ تَفَاصِيلِهَا ..
وأَحْدَاثِهَا ..
ضَحِكَ مَعَهَا أَيَّامـْ ولَيَالِيْ ..
وبَكَىْ مِنْهَا بَعْضِ الأَحْيَانْ ..
وسَعِدَ بِهَا وحَلَّقَ فِيْ عَالَمـِ المُحِبِّينَ أَجْمَلْ اللَّحَظَاتْ ..
ورَسَمـَ خُطُوطًا لـِ لَحَظَاتِ اللِّقَاءْ ..

ولَكِنْ ....!!

بَعْضُنَا خَتَمـَ هَذِهِ القِصَّةْ بـِ أَجْمَلِ النِّهَايَاتِ ..
وبَعْضُنَا إِنْتَهَىْ حُبَّهُ بـِ الفُرَاقْ ..
وبـِ زَوَاجِ الحَبِيبِ مِنْ شَخْصٍ آخَرْ ..
والآنْ تَوَقَّفُوا مَعِيْ لـِ وَهْلَةٍ وفَكِّرُوا بـِ كُلِّ جِدِّيَّةٍ ..
إِذَا دَعَتْكَ حَبِيبَتُكَ أَوْ حَبِيبُكِ إِلَىْ حُضُورِ زَوَاجِهَا أَوْ زَوَاجَهُ ..!
هَلْ سـَ تُلَبِّيْ تِلْكَ الدَّعْوَةِ ..؟!
وبَرِّرْ مَوْقِفَكَ إِذَا رَفَضْتَِ وأُذْكُرْ / يْ السَّبَبْ إِذَا وَافَقْتَِ عَلَىْ الحُضُورْ ..؟!
أَتَمَنَّىْ أَنْ يَكُونْ النِّقَاشْ بـِ كُلِّ جِدِّيَّةٍ وبَعِيدًا عَنِ التَصَنُّعْ ..!
​

 

[ḾǑŏǑŏǓĐỸ]

لا وبدون تعليق
​

 

[king of sorrow]

لأصدقك القول .. أستطيع أن أحضر العرس وأهنئها بالمناسبة
وأبتسم فرحا دون أن تقرأ شيئا في عيوني ...

يمكنني حتى أن ارقص ...
فلن يستطيع أحد أن يعرف عمق بئري


لكن في وحدتي ... لا أحد سيعلم كم سيتمزق قلبي
وأظنها أجمل ميزة الرجال ... الكبرياء أولا .. والشرف دوما
والدموع بعيدا عن العيون المراقبة


أختي العزيزة .. موقف صعب هو حقا ...
فمشكورة على الطرح الراقي والموضوع الرائع
​

 

[عهد القمر]

ليش ما احضر بحضر بجبلو هدية معي ..وبعطي مرتو بوسة وبقلا تتهني فيه ...!!

لانو اذا رفضت احضروه ...راح يفكر اني لساتي عم فكر فيه ...وعم اتعذب كتير

واذا حضرت هالعرس ....بيكون هيك ..!!انو هو ولاشئ بالنسبة لاالي ...او بماضيي كان
مجرد انسان ...وراح ..من حياتي ...وبالعكس بكون كتير مبسوطة
وبتمنالو حياة كتير حلوة .....
وبعدين كلا قسمة ونصيب
​

 

[غنوجة بيا]

ليش لأحرء ألبي؟؟؟؟؟؟؟؟؟؟

 

[فرآشة الياسمين]

بصراحة اي بروح مشان ورجيه انو هو ما عاد ببالي وانا ما عدت فكر فيه ولو انو انا ما نسيتو ولا لحظة بس بروح ...بروح بس لحتى اسبت قوت شخصيتي يعني متل ما هو نسيني وراح تزوج وحدة تانية انا كمان نسيتو واجيت احضر عرسو

 

[نُـور]

صراحة مابئدر قلك انو فيني روح والله صعب اتخيل هيك موقف
ولو افترقنا اكيد قبل هيك بنكون رسمنا احلا الاحلام مع بعض
اذا رحت بدي شوف كل احلامي بتنبني مع وحدة غيري
وخليه يقول ويفكر شو مابدو مارح روح
وحتى لو انتهى الحب بس بدي اتذكر كل كلمة حلوة كان يقلي ياها
ولو انا بمحل العروس اكيد كنت بتمنى ماتحضر اللي كان يحبا
مشان هيك بعتذر عن دعوته ببساطة وبتمناله كل السعاة
​

 

[سعد قيس]

طبعاً بوافق والسبب لأنو كلها قسمة ونصيب
وبا العكس بحضورك وتلبيتك للدعوة بتترك
لمسات حلوة با النهاية
​

 

[إلهام]

ليش لا
وبرئص كمان عشرفو
​

 

[White Pearl]

لا مابروح لعرسه ولا بحضره
ما بقدر مثل اني مبسوطة لزواجه
وما بهمني شو بده يقول عني ازا ما رحت
اللي بيهمني اني ما دايق حالي وبس

 

[ملكة زماني]

بحضر العرس وبباركلو وبهني عروستو فيه بس ما بخليه يحس شو بقلبي

ولا يشعر إني متدايقة لأن ممكن يتدايق

إذا بتحبي شخص عن جد بتفرحي لما تشوفيه مبسوط

ولو كان هالشي على حساب سعادتك

مع أنو ما بتمنى إني كون بهيك موقف

بس هيك موقفي

شكراً دموع

​