ورجيني لون عيونك

[اميرةالنجمات]

ياجماعة الخيرانا محششة اليوم مدري شو عم يصير معي ؟
خطرلي خاطر((مو تبع باب لحارة هااااااا))
ببالي احكيلكن عن الوان العيون

العيون الخضراء :
تدل ع انو صاحبها...او صاحبتها

نفسو هافة ع حشيش...
وعلى أثرها...اخضرت عيونو..
وبيجوز يطلعلو شعر أخضر ع ايديه.
اذا كان ذكر أما ان كانت أنثى..فيجوز..ها..يجوز..تخضر خدودها بعد العصر.
بعد أدان العصر يعني مو بعد ما نعصرها...
وغالباً بتحب البامية والفاصوليا والملوخية الخضرة مو المفورة



العيون الزرقاء:
تدل ع انو صاحبها او صاحبتا حلوة!
اي..بس هاد احتمال هااااااااااا
وانو نفسو هافة ع شمة هوا و ورحة بحر أو طلعة جبل
و قعدة بآخر الجبل مع نفس أركيلة
والولاد عم ينطوطو وعود يافلان واوعا يا فلانة وتضربو وانتو هالسيران...الخ
وانو من كتر ما انو حلوة...نزل الزراء ع عيونها و ازرئت..
وصارت تشوف او يشوف الأمور من زاوية زرقاء ...حلوة!
و بعكس..العين الزرءة..في عنا عين الفيجة وعين الخضرا...كلهن حلوين

العيون السود:
نفس صاحبها مو زابطةبنوب
يا ملعي ألبو
يا لعيت نفسومن شي اكلة
وبيدل سواد عيونو ع انو كان نايم من شوي..
وفاق ولقا الدنيا " معتمة يمكن مطفية الكهربا الله اعلم
وع أثر هالشي لما شعل الضو..
بيقولو انو لقاعيونو سودا..مدري ليش
او يمكن متاثر بشخصية صاحب الظل الطويل
والعين السوداء مائلة للحنية مع قليل من الغضبة بساعة الصفر..

العيون البنية:
هي أحلى عيون بالدنية وصحابها عايشين بسبات ونبات ومخلفين صبيان ونبات.
أغلب صحاب هالعيون عندن بيت وسيارة ورصيد بالبنك و طيارة خاصة...وشعراتن طوال... يمكن بحبو يطبسوبالطين :19:


العيون الرمادية:
صاحب هالعيون بيكون مخربط أو حاطط عدسات.!




لعيون الحمرا :
صاحبن بيكون معلم كبير..
يعني ...عينو حمرا ..من فلان مثلاً..
بس مابعرف ان كان بيقصدو فيها انو آلع عين فلان ..ومركبها...
وبالأساس سبب الحمار انو عيون فلان كانت محمرة أو حمرا خلئة!

ويجوز هااااااا أنو تكون بوادر احتقان لا قدر الله .. ع كل حال العلاج بكون بالتمر الهندي والشمندر .. فركة الصبح وفركة المسا .. وبتزول هالأعراض بمشيئة الله ..


عرفتو شلون
وفي عنا عين الصاحب...
وعين الفيجة....
وعين الخضرا... ووووووو

وكمانة في عين الطرائة
وعين السفائة

حاج
شبني اليوم
فئس الحشيش عندي

 

[عكــ البيلسان ــيد]

وين العيون العسلية ..... شو نسيتيني​

 

[Cosette]

عبد
بني=عسلي
:80::80:


شومشانك تحليل علمي دقيق كتير
:19::19::19:

 

[§ Lισи Hεαят §]

وين العيون الشهل :80:​

 

[اميرةالنجمات]

عبودي وانوس تكرمو بس ديرو بالكن هااااااااااااااا انا مالي علائة في عالم هنن نايمين بكونو عيونهن لون ع لون
بكون متئثرين بالاحوال الجوية

 

[Tobiza]

:19::19::19::19:
متألة جرعة الحشييش ها
اي شو هالتحليل الخنفشاري هااد اي طبيب نفسي موهييك:10:​

 

[ندى القلب]

العيون البنية:
هي أحلى عيون بالدنية اي بعرف وصحابها عايشين بسبات ونبات ومخلفين صبيان ونبات.

أغلب صحاب هالعيون عندن بيت وسيارة ورصيد بالبنك و طيارة خاصة. اي طيارتي صافه على سطوح البيلسان ..وشعراتن طوال. كانوو الله يرحمهم.. يمكن بحبو يطبسوبالطين :19: بفكر :19::19:

:Albilsan (115)::Albilsan (115):
​

 

[اميرةالنجمات]

جوري صح كلامك ممكن البني = العسلي
انا لح اهريكن تحشيش لنا عودة باذن الله لاكمال التحليل التحشيشي او الحشيش المتحلحل

 

[mahmoud salih]

العيون الخضراء :
تدل ع انو صاحبها...او صاحبتها

نفسو هافة ع حشيش...
وعلى أثرها...اخضرت عيونو..
وبيجوز يطلعلو شعر أخضر ع ايديه.
اذا كان ذكر أما ان كانت أنثى..فيجوز..ها..يجوز..تخضر خدودها بعد العصر.
بعد أدان العصر يعني مو بعد ما نعصرها...
وغالباً بتحب البامية والفاصوليا والملوخية الخضرة مو المفورة

​

ممكن صير الرجل الأخضر ​

 

[butterfly]

العيون البنية:
هي أحلى عيون بالدنية
الله
وصحابها عايشين بسبات ونبات ومخلفين صبيان ونبات.
لا عايشين ولا مخلفين:80:
أغلب صحاب هالعيون عندن بيت وسيارة ورصيد بالبنك و طيارة خاصة...
اي عندي انا:10:
وشعراتن طوال...
مش بالزبط يعني
يمكن بحبو يطبسوبالطين
بحب

لك شو هـ التحليل يللي مالو بـ المنطقية ابداً:19:
بس حلوة منك

​

 

[CoOoL CaAaT]

عنجد حشيش ​

 

[المستشـــار]

أنا عيوني يا بني يا أسود

وبجوز خضر

حششني عالأخير

وقال شو عين الفيجة :19::19::19::19::19:

 

[fofetooo]

عيوني عسلي .... شوو يعني بقى​

 

[عكــ البيلسان ــيد]

عبد
بني=عسلي
:80::80:
لا مو يساوي :80:
لانو الرمادي =الاسود ما


شومشانك تحليل علمي دقيق كتير
:19::19::19:

بس بيني وبينك عجبني تحشيش العيون البنية
اهم شي الطيارة الخاصة​

 

[اميرةالنجمات]

هلاء في بنات بتلاقي الوحدة منهن مساوية طقم ...يعني لون عيونها من لون كنزتها والشنتاية والساعة وال شوز.... انتو أكبر أدر....

أما الشباب....يا حبيبي يعلي عليهن ما بيحسن الواحد فيهن يلحق ينعرف شو لون عيونو...وخصوصا اذا كان مارق بشي محل من الأماكن....
المفعمة بالعبق والضجيج الأنثوي....بتلاقيه متل الرادار ماشالله...
عيونو بصيرو متل عداد البنزين تبع الكازية عم يألبو ألب..ما بنحط حدا بزمتنا


كمان الحباشات يلي حولين العيون بتلعب دور ....يعني...
بتلاقي واحد عيونو حمر والأعصاب باظة منهن ...هادا واحد بحب يتفرج على افلام التو والأكشن كتير....

واحد تحت عيونو اسود شغلة من تنتين ...
يا ما زلمة اكابر و.ئاعد ئدام الاب توب متل حضرتي ...يا اما زلمة حشاش وكش برا وبعيد...((ع اساس انا مالي محششة بهالموضوع ))


اما الصبايا

مثلا اذا بكون مكياجها بناتي وأكابر يعني كحلة خفيفة ....وهيك شوية موف ناعم ...بتكون احدى الحالتين...

يا اما هية هيك مكياجها رايء وبدل على شخصية ناعمة ..
يا أما بتكون مساويتهون بسرعة برات البيت مشان ما يشتلأ عليها أبوها او اخوها
وبتكون شخصيتها هي البنت مرعوبة او بالأحرى مجلوطة رعبة...
ولربما هرت المسكرة يا حرام من الخوف...

أو بتلاقي مثلا مو حاطة شي بالمرة...وهي بتكون احدى حالتين ...
يا أما البنت هيك بتحب الجمال الرباني متلي ...وهي بيمتازو فيها الحلوين كتييير
أو بتكون حزنانة وزعلانة....يعني ما بدها تنين يحكو فيها....

ياأما بتلاقي وحدة ما عطى حالها معط بمختلف الألوان يعني صاير جفنها متل دفتر الرسم تبع ابن اختي الصغير ميت لون وميت عجقة....

بقا هي شغلة من تنتين ...يا أما بتكون ما بتعرف تتمكيج وهاد الشي بدل ع عدم خبرة في المجالات الانثوية (غشيمة)

يا أما بتكون ......
نسيت شو بكون....
اي اتذكرت عم تعمل مكياج خليجي


مممممممممممممممم

حاج
برجعلكن باذن الله

 

[اميرةالنجمات]

ممكن صير الرجل الأخضر ​

كل شي جايز محمود معئول :19:\
من الممكن يكون الك علاقة بعين الخضرا عرفتشلون

 

[اميرةالنجمات]

:19::19::19::19:​

متألة جرعة الحشييش ها​

اي شو هالتحليل الخنفشاري هااد اي طبيب نفسي موهييك:10:​

شو عرفك الي كم يوم متالة الجرعة ان شالله ضل هيك هاد معناتو رايئة :19::19:
بعدين ماحدا احسن من حدا اصلا مابيطلع بايدو الطبيب النفسي يعمل هيك هو بجيب الاكتئاب

 

[أنس الأبطح]

بيجنن الموضوع

انا لون عيوني بني

بس ما عندي شي من المذكوور

بس عجبني اكتر شي تبع الحشيش

خخخخخخخ

ميرسي عالموضوع الحلوو اميرة
​

 

[moazo]

إذا الواح حشش بقولو الواح حشش واذا ماحشش الواح بقولو ماحشش الواح
وشو بدو حشش الواح تي حشش الواح :19::19:

 

[Bilal Mohammad]

العيون البنية:
هي أحلى عيون بالدنية وصحابها عايشين بسبات ونبات ومخلفين صبيان ونبات.
أغلب صحاب هالعيون عندن بيت وسيارة ورصيد بالبنك و طيارة خاصة...وشعراتن طوال... يمكن بحبو يطبسوبالطين :19:



هلأ احلى عيون هي شغلة معروفة

بس انو طيارة خاصة ؟؟ ​