ورقــــة بيضــــاء ( 2 )

[جمانة]

صباح الخير للجميع .. صباح معطر بماء الورد الفارسي .. يلي ريحتو بتعبي المكان
أحلى صباح مع احلى ابتسامة بنرسمها ع وشنا اول ما نفيق من النوم .. مع ضحكة خفيفة نقابل فيها الناس يلي حوالينا
لنبث جواتهم الامل و الطمأنينة و التفاؤل .. و بداية حلوة ليوم جديد و صفحة جديدة من كلشي ماضي
مبارح كان في كتير شغلات متدافعة ببالي .. و كنت بس عم فكر بشو بدي بلش .. و شو بدي اكتب ..
حسيت انو كل المشاكل مستهلكة .. وما في مشكلة ما انحكا فيها و ما تلاقى الها ميت ألف حل و حل
منها السهل و منها الصعب و منها يلي بخليك تدور بدوامة وما بتعرف تطلع منها .. مع انو ع اساس حل للمشكلة .. بس يمكن يفوتك بمشاكل تانية انت بغنى عنها
بس انا اليوم .. جاية بحل كتير بسيط .. ليخليك تتفادى كل المشاكل يلي ممكن توقع فيها بيومك
تبعد عنك الفال النحس .. تكون مروء طول اليوم و مبسوط وشايف الدنيي بعيون حلوة مليانة امان و دفا و أمل
شغلة صغيرة بتعملها اول ما تصحا .. كفيلة بأنها تخلي يومك .. يوم من الجنة .. يوم عيد .. يوم حلو بكل بساطة
بظن انو قبل ما احكي شو هي هالشغلة لازم كلنا نعرفها ... لانها يلي بتبث الروح فينا
هي وبكل بساطة ​

الابتســـامــــــــــــــــــــة​

يلي منرسمها ع ملامحنا كل يوم .. يلي بتحلي وشنا .. يلي لما تفارقنا منحس انو الدنيي مسكرة كل ابوابها علينا
أكيد كلنا لاحظنا ... انو أول شعور منحس فيه لما نصحا من النوم .. هو الشعور يلي رح يرافقنا كل اليوم ...
يعني لما تسأل اي حدا .. شبك مكشر اليوم .. بيقلك والله صحيت من النوم ومزاجي هيك شو بدي أعمل يعني
طيب ليش نحنا هيك .. منجيب الزعل لحالنا .. و منحب نحسس حالنا بالالم و المعاناة
ليش دايما بنسكر كل البواب الحلوة .. و منعيش بالظلام بعيد عن نور الشمس
و بعيد عن نور البسمة ...
انا ... عم حاول طبق شغلة وحدة كل يوم .. اول ما اصحا من النوم .. حتى لو حسيت حالي مزعوجة .. بحاول ارسم البسمة ع شفافي
ما بظن انها صعبة كتير .. مجرد تحريك لعضلات وشك .. و حتى لو كنت متدايئ .. و رسمتا ع تقاطيع وشك .. لحالك رح تحس بشعور مختلف جواتك
شعور حلو .. بتحس انو يومك كلو اشراق .. و كلو جمال ..​

مرة قريت شغلة عن الابتسامة ... ومن بعد ما قريت هالشغلة قررت اني ضل مبتسمة طول الوقت​

هل يمكن وصف الوردة وهي تزهو , والطير وهو يشدو؟ بأي شيء أُعِّرفُ الابتسامة؟. الابتسامة بوابة الحب, وطريق المودة والقرب, ولوحة الجمال, وزينة النساء والرجال,
الابتسامة عمل لا يُستر, وفعل لا يُنكر, تلقى عدوك بالابتسامة فتشعل في قلبه مصباح الحب لك بعد ظلمة,وتجمل في عينه ملامحك بعد غضبه.
الابتسامة مصيدة التسلل فلا تسجل عليك أي هزيمة, بالابتسامة ينظر المحبان إلى طريق واحد, ينسى كل منهما العتاب
ولا يذكرانه إلا كالسراب, تتجاوز الحدود, فإذا بالابتسامة تصل إلى قلبك وتصل الى ماتريد !
. فهي أقوى حكومة في الأرض , وأكبر رشوة للقلب ! وهي قبلة الحب في محراب النشيد !
بالإبتسامة .. نلتقي .. وفي الإبتسامة يجمعنا الحب والترابط .. الجميع بإنتظار إبتسامتك ومشاركتك .. فلاتحرمهم ذلك !​

ازا كانت كل هالشغلات .. هي مجرد تعريفات بسيطة للابتسامة .. و جزء لا يعد ولا يحصا من جماليتها .. فليش لنحرم حالنا منها؟؟
ليش لحتى نعيش بعيد عن ظلالها؟؟؟ ...
ابتسم للدنيا الدنيا بتردلك الابتسامة ... بيكفي انو الابتســامة صدقة .. هالشي كفيل بأنو يخلينا مبتسمين طول اليوم .. ​

ابتسم للناس... ما بتعرف .. يمكن بابتسامتك لشخص ما .. حتى لو كنت ما بتعرفو .. انت رح تكون عم تساعدو .. عم تحسسو انو لسه في خير بهالدنيي
ازا ما قدرت .. فتش عن الابتسامة جوات قلبك .. رح تلقى كم كبير من الفرح مقابل كم الحزن يلي فيه
و هالكم من الفرح رح يرسم ع شفافك أحلى بسمة تقابل فيها الناس .. حتى لو كانت لبضع ثواني قليلة فقط
صدقني هالثواني رح تقلب تفكيرك .. حتى لو كانت ابتسامة مصطنعة .. رح يكون الها تأثيرها الخاص على عقلك وفكرك و كل حواسك​

الابتسامة بحد ذاتها فلسفة غريبة .. مو الكل بيقدر يفسرها ..
لما تشوف حدا معصب .. بمجرد ما تبتسم بوشو بتحسو بيهدا ..
و الاعجب و الاحلى من هيك انها فلسفة بسيطة وما بتاخد منك وقت ابدا
بيكفي انها تكون صادقة ونابعة من القلب لحتى تقرب الناس منك​

الابتسامة .. الضحكة البريئة يلي بتدخل ع القلب السعادة و التفاؤل .. بوقت انعدم فيه كلشي حلو..​

الابتسامة .. فيزا مفتوحة لدخول القلب .. ومفتاح لكل القلوب .. قوة هائلة تصنع المعاجز .. رمز المحبة و الصفاء و الامل
الابتسامة ... انحناءة .. تستقيم بها الحياة​

و بتزكر هالكلام يلي قريتو كمان عن الابتسامة ​

البسمة مملكة الجمال , ومخفية الأعمار، ومهدئة الأعباء والأثقال.
هي ورب الكعبة نور يتلألأ, وريحانة تهتز،
رفيقة الطريق, وهازمة الضيق.
مع البسمة تذكر الحسنات, وتخفى السيئات, وتنسى الزلات, وتقال العثرات.
البسمة حركة الأوداج, ولكن معها تتحرك الأمواج وتتسامح أفواج​

بتمنى ما كون طولت عليكون...​

​

 

[Cosette]

. فهي أقوى حكومة في الأرض , وأكبر رشوة للقلب ! وهي قبلة الحب في محراب النشيد !



التلك رايي جمانة

وبرجع وبكرر
روووووووووووووعة
عندك موهبة بنثر كلام جميل بسيط
يحمل معاني عظيمة

ياريت كل يوم تطولي علينا بمتل هيك كلام

لانو ما عم حس فيه

ودي لك ولقلمك الذهبي
:Albilsan (115)::Albilsan (115)::Albilsan (115):

 

[موجة بحر]

البسمة مملكة الجمال , ومخفية الأعمار، ومهدئة الأعباء والأثقال.
هي ورب الكعبة نور يتلألأ, وريحانة تهتز،
رفيقة الطريق, وهازمة الضيق.
مع البسمة تذكر الحسنات, وتخفى السيئات, وتنسى الزلات, وتقال العثرات.
البسمة حركة الأوداج, ولكن معها تتحرك الأمواج وتتسامح أفواج

نثرتِ ابتسامتك هنا عبير روحك ... وكلماتك
الابتسامة دوما مفتاح لقلوب الكل .. مفتاح للحياة .. مفتاح الامل ..
مفتاح الهنا .. مفتاح الحب .. مفتاح الدنيا
دوم البسمة القشة الي منتعلق فيها مشان تضحكلنا الدنيا
جعل الله ايامك كلها باسمة الثغر لكِ .. ​

 

[jiana]

موضوعك كتير حلو جمون
وعنجد انا وقت بضحك من قلبي برتاح كتير كتير كتير
واكتر شي بنرفزني ضحكة المجاملة
شكرا الك لنبقى دوما مبتسمين للحياة لتبتسم لنا
دمتي مشرقة مع ابتسامتك :Albilsan (115)::Albilsan (115)::Albilsan (115)::Albilsan (115):
​

 

[المستشـــار]

موضوع رائع جمانة وبالفعل الابنتسامة في وجه أخيك صدقة

يسلموو

 

[darine]

كتبتي فابدعتي
ان شاء الله الابتسامه تبقى مرسومه على وجوهنا على طول
وكيما يقول المثل اضحك للدنيا تضحك لك



تقبلي مروري

لكى كل الود والاحترام
​

 

[Life of the soul]

الموضوع رووووووووووووووووووووووووعة
واكتر كمان
وفعلا الابتسامة لازم ما تفارقنا أبدا
بس نحنا هيك روح قلبنا نزعج حالنا :80:​

تؤبشيني جمونتي يعطيكي الف عافية :Albilsan (115):​

 

[aaaaay]

الأبتسامة كلمات دون حروف وأبلغ تعبير
شكراً إلك عالموضوع :Albilsan (115)::Albilsan (115):

 

[Rosalinda]

ميرسي كتير عالكلام الرائع:Albilsan (115):

 

[عكــ البيلسان ــيد]

يقول المثل الصيني: إن الذي لا يحسن الابتسامة لا ينبغي له أن يفتح متجراً.
والابتسامة الصادقة النابعة من شغاف القلب هي التي تفعل فعل السحر وتجذب كالمغناطيس، وهي التي تزيد الوجه رونقا وبهاء؛ لا الابتسامة المصطنعة التي تخفي وراءها الكيد والمكر.

والابتسامة اليوم أصبح ظاهرة حضارية لتعديل مزاج الإنسان وإزالة التوتر وضغوطات الحياة اليومية، وتفتح لها دورات خاصة لتعليم الآخرين الابتسامة في وجه المقابل.
يقول أحد العلماء: إن كل إنسان منا لديه مواد كيميائية خاصة تفرزها أجهزة جسمه عندما يتعرض للخوف أو الحزن أو الكآبة أو القلق. هذه المواد تكون في أدنى مستوى لها عندما تنظر لشخص قدم إليك وهو يبتسم في وجهك!!!
لماذا؟ لأن هذه الابتسامة قد أزالت من ذهنك أي خوف أو قلق حول هذا الشخص. وبالنتيجة نستخلص أن الابتسامة هي أسلوب مهم للنجاح في الحياة. يقول العلم أنه عندما يبتسم الإنسان يتحرك من (5- 13) عضلة في الوجه، وعندما يكون في حالة تجهم وعبوس يعمل (47) عضلة...

فالابتسامة هي سر الاسرار في تجاذب القلوب
وهي مفتاح الروح الى عالم الصفاء والطمأنينة
جعلها ربي مرسومة على وجهك في كل وقت وحين​

 

[Pure Feelings]

جوج كلماتك سطرت بماء الدهب

فعلن الابتسامة من شخص عزير عليك

بتنسيك همومك

يسلمن جوجيتي الفارسية :Albilsan (115)::Albilsan (115):

 

[جمانة]

. فهي أقوى حكومة في الأرض , وأكبر رشوة للقلب ! وهي قبلة الحب في محراب النشيد !



التلك رايي جمانة

وبرجع وبكرر
روووووووووووووعة
عندك موهبة بنثر كلام جميل بسيط
يحمل معاني عظيمة

ياريت كل يوم تطولي علينا بمتل هيك كلام

لانو ما عم حس فيه

ودي لك ولقلمك الذهبي
:albilsan (115)::albilsan (115)::albilsan (115):

انتي الروعة حبيبة قلبي
الله لا يحرمني من ابتسامتك الحلوة ​

 

[جمانة]

البسمة مملكة الجمال , ومخفية الأعمار، ومهدئة الأعباء والأثقال.

هي ورب الكعبة نور يتلألأ, وريحانة تهتز،
رفيقة الطريق, وهازمة الضيق.
مع البسمة تذكر الحسنات, وتخفى السيئات, وتنسى الزلات, وتقال العثرات.
البسمة حركة الأوداج, ولكن معها تتحرك الأمواج وتتسامح أفواج​

نثرتِ ابتسامتك هنا عبير روحك ... وكلماتك
الابتسامة دوما مفتاح لقلوب الكل .. مفتاح للحياة .. مفتاح الامل ..
مفتاح الهنا .. مفتاح الحب .. مفتاح الدنيا
دوم البسمة القشة الي منتعلق فيها مشان تضحكلنا الدنيا

جعل الله ايامك كلها باسمة الثغر لكِ .. ​

و جعل الله ايامك مليئة بالفرح ومليئة بالابتسامات المفعمة بالحب و الامل ​

 

[STELLA]

أوراقك البيضاء غاليتي

تجذبني نحوها

لأقرأ ما تحتوي من جمالية

صدقتي بجميع كلامك

الأبتسامة كفيلة بتعديل مزاجنا .. وكفيلة بأسعاد من حولنا

فلماذا نحرم أنفسنا وهم منها !!

ودي لكِ ولأوراقك البيضاء

 

[جمانة]

موضوعك كتير حلو جمون

وعنجد انا وقت بضحك من قلبي برتاح كتير كتير كتير
واكتر شي بنرفزني ضحكة المجاملة
شكرا الك لنبقى دوما مبتسمين للحياة لتبتسم لنا
دمتي مشرقة مع ابتسامتك :albilsan (115)::albilsan (115)::albilsan (115)::albilsan (115):​

كلشي نابع من القلب بيكون صادق و دافي
وجودك بيدفي مشاعري
منورتيني دايما يا قلبي انتي ​

 

[Bilal Mohammad]

ملكـــــــــــــــــــــــة ​

 

[جمانة]

موضوع رائع جمانة وبالفعل الابنتسامة في وجه أخيك صدقة

يسلموو

الله يسلمك أخي عماد
مرورك أروع ​

 

[جمانة]

كتبتي فابدعتي
ان شاء الله الابتسامه تبقى مرسومه على وجوهنا على طول
وكيما يقول المثل اضحك للدنيا تضحك لك​

تقبلي مروري​

لكى كل الود والاحترام​

مرورك كالنسمة العطرة يلي بترسم أحلى بسمة ع الوجوه
منورتيني دايما ​

 

[جمانة]

الموضوع رووووووووووووووووووووووووعة

واكتر كمان
وفعلا الابتسامة لازم ما تفارقنا أبدا
بس نحنا هيك روح قلبنا نزعج حالنا :80:​

تؤبشيني جمونتي يعطيكي الف عافية :albilsan (115):​

ليش ما يكون روح قلبك انو تبتسمي يا حياة الروح
بيكفي اسمك يلي بيبث الفرح
ضلك مبتسمة قلبي
منورتيني ​

 

[جمانة]

الأبتسامة كلمات دون حروف وأبلغ تعبير
شكراً إلك عالموضوع :albilsan (115)::albilsan (115):

الابتسامة هي لغة الجسد المبهمة يلي من الصعب تفسيرها
و شكرا الك ع المرور ​