ورقــــــــــــــة بيضـــــــــــــاء - 3 -

[جمانة]

الوحدة بتقتلني ولا حد بيسألني
ما بعرف ليش وانا بطريق الجامعة بدل ما اسمع فيروز او بدل ما حط شوية اغاني كلاسيك تروئني من ع الصبح
بلشت يومي على انغام هالغنية .. انت عامل ايه .. مجروح من جرحك .. تعبان من تعبك و حبايبك ناسينك ليه
بالبداية عشت الجو معها .. وحسيت دموعي عم تنزل ع خدودي .. بعد شوي حسيت حالي رح افرط ضحك
لا حدا يستغرب مني ويقول شبها جمانة جنت .. معقول حدا يسمع هيك غنية و يضحك .. اي انا .. ما في داعي لهالتساؤلات كلها يعني
القصة وما فيها .. انا ما بعرف كيف هالشاعر .. طبعا مع اني ما بعرفو بس مع احترامي الشديد الو ..
ما بعرف كيف بيحكي عن الوحدة بهالاسلوب القاسي .. الوحدة بتقتلني .. الصراحة لولهة حسيت انو شخص غبي
بكرر مع احترامي لهالشاعر
لانو هل يا ترى بجد الوحدة بتقتل؟؟؟
او هل الانسان لما يكون وحيد بيحس حالو منعزل عن الدنيي .. و الناس نسيتو ..
انا من ناحيتي تفكيري بالوحدة بعيد كل البعد عن هالمضامين و المعاني الحزينة
و بالزات عن .. الوحدة بتقتلني ..
يمكن بالنسبة الي .. الوحدة بتردلي روحي .. بتفتحلي مخي و عقلي .. بتخليني بلش فكر صح و منيح
الانسان من فترة لفترة جد بيحتاج يكونو حواليه ناس.. بس بظن أغلب الاوقات بيحتاج يكون لوحدو ..
يفكر .. يحاول يستوعب الشغلات يلي عم تصير حواليه .. يفضي مخو من كل التفاهات يلي بالكون ..
لحتى يئدر ينقيه .. و يخلي يشتغل مزبوط .. و يفكر مزبوط
في ناس بتقول انو الوحدة بتمزق الانسان و بتكون متل الموت البطيئ يلي عم يمر بكل برود و يسبب الملل و الضجر
بس انا بقول انو الوحدة هي حياة جديدة .. حياة خاصة .. بتكون ملك الانسان لوحدو.. حياة بيبنيها هو الو لحالو
بكل معانيها و كل افكارها و كل ابعادها
الوحدة بتقويني .. بتخليني فكر صح ..
لما بعد لحالي .. براجع كلشي صار معي بيومي .. بحاول لحالي لاقي حل لمشاكلي .. و كتير شغلات بتصنعها الوحدة
وما بيكون فينا نصنعها و حوالينا ناس
هلأ الشاعر اكيد قصدو بهالابيات انو هالانسان عم يعيش الوحدة الدائمة ..
لهيك مجروح و منهار .
بس كمان .. لو شو ما كانت الاسباب .. ما رح ايدو بأنو الوحدة بتقتل ..
لانو الوحدة نعمة متل ما بشوفها انا .. و الانسان هو كفيل بأنو يتحكم فيها و يعرف اوقاتها منيح .. ليش كل نعمة بنحولها لنقمة ما بعرف
يمكن الانسان هيك بطبعو .. كلشي بيريحو .. لازم يلاقي فيه علة .. او جانب أسود مظلم
في ناس بتقلي .. شو هالحكي .. حدا بيحب الوحدة .. هاد اكتئاب شديد ولازم تطلعي منو
بس انا بقلون لا .. مين قلكون اني عايشة اكتئاب .. بالعكس
انا عايشة اقصى لحظات النشوة .. لما بكون لحالي .. و بسرح بمخي بالخيال اللامتناهي
يلي لو حدا شاركني فيه رح يخرب ..
بس لكلامي كلو .. حتى لو كان ضرب من الجنون
عدة اسباب .. لو كل واحد فيكم قراها .. و تمعن فيها منيح .. رح يعرف انو كلامي صح
ليش انا بحب الوحدة
كلمات قريتها و هي يلي خلتني حب الوحدة
واتمنى اني عيشها بكل لحظة
لماذا أحب الوحدة :​

لكى لا أرى وجوه الرجال الذين يبيعون نفوسهم ليشتروا بأثمانها ماهو دونها قدرا وشرفا ​

لأننى مللت مجاملة الخشن الذى يظن اللطف ضربا مـــن لضعف ..والتساهل نوعا من الجبانة .. والترفّع شكلا من أشكال الكبريــــاء ​

لكى لا أجالس ذوى ( النصف معرفة ) الذين يبصرون فى المنام خيال العلم
فيخيّل لهم أنهم أصبحوا من العلم بمقام النقطة من الدائرة
ويرون فى اليقظة أحد أشباح الحقيقة فيتوهمون أنهم قد امتلكوا جوهرها الكامل .​

لأنى لم أحصل على شىء من يد بشري الاّ بعد أن دفعت ثمنه من قلبى ...​

لأن فى الوحده حياة الروح والفكر والقلب والجسد .​

لأنى فيها أتمتع بغبطة البرية الخاليه ونور الشمس ورائحة الأزهار وأنغام السواقى .​

لأنى سئمت ذاك البناء العظيم الهائل الذى يسمونه حضارة
ذاك البناء الدقيق الصنع والهندسه القائم فوق رابية مـــن الجماجم البشرية .​

لأننى أريد معرفة أسرار الأرض والدنو من عرش الله .​

هلأ ما بظن حدا رح يسألني .. ليش بتحبي الوحدة .. ​

فشــــــــــــة خلق مش اكتر ..​

 

[Life of the soul]

اكيد الوحدة حلوة جمونتي
بس هو بيقصد بالغنية
انو الوحدة يلي بتقتل وقت بيكون ماحدا سائل عنك
متل الحبيب
ساعتا بتحسي انو الوحدة فعلا بتقهر ومافيكي تعيشي فيها
وانا من النوع يلي بحب اعد لحالي كتير
وما اختلط بالعالم الخارجي
بس اكتر وقت بحس فيه بالوحدة
وقت حبيبي بيكون بعيد عني ومانو سائل

وتسلميلي انتي وفشة خلقك امورتي :10:
تقبلي مروري :Albilsan (115):​

 

[Cosette]

الوحدة بتردلي روحي .. بتفتحلي مخي و عقلي .. بتخليني بلش فكر صح و منيح


انا معك بكل كلمة قلتيها
اوقات جد الوحدة بتكون أفضل من انو يكون حوليكي كتير اشخاص
بس ما حدا بيعرف شوفي بقلبك وببالك
وما حدا عم يفهم تفكيرك
انا من جهتي صايرة من محبي الوحدة


جمانة
كل الود والاحترام لكلماتك البيضاء
ودي لعظمتك

 

[jiana]

الوحدة هي حياة جديدة .. حياة خاصة .. بتكون ملك الانسان لوحدو.. حياة بيبنيها هو الو لحالو
بكل معانيها و كل افكارها و كل ابعادها

الوحدة ضمن هل الحدود ضرورية لكل شخص بس اذا زادت عن هل الكلام بتصير فعلا نقمة
شكرا جمانة على طرحك الجميل:Albilsan (115):

 

[آلبتول]

معك حق والله
أحياناً بحس بالوحدة بفهم أمور كثيره
وخاصة لمى اراجع اخطائي
فلازم تكون لوحدك لتفهمي هالشيء من نفسك وتراجعيها وتعرفي اسبابها
بدون ما حد بدخل فيكي
لانو احياناً ما بلاقي حد بفهم علينا كثر ما نحنا بنفهم على حالنا
بس فيه أمور نكون محتاجين حد يساعدنها فيها
شيء ما بتقدري انتي توفري لنفسك
مثل الحنان والعطف
هي بالوحده لمى تكون مش موجوده تحسيها وقتها الوحدة تحاول تقتلك
لدرجة بتحسي انك مجرده من الاحاسيس
بس طبعاً في شيء ذكرتي والي هوه اهم شيء
انو لمى نكون بالوحدة لمى نصير نفكر ((معرفة أسرار الأرض والدنو من عرش الله))
هي اللحظات تكون بجد لحظة خشوع وأيمان لتدبر مخلوقات الله وسبب وجودنا بالحياة
وساعتها تبعد عن هالافكار وهالضعف الي بخلي الانسان كأنه عايش ومش عايش
بصراحه انا بنصح القلوب الضيفه والملئ بالاحاسيس يبعدو عن كذه أغاني الي كلها اسئ وحزن
وما بتفيد البني آدم غير انه يكون بعيد عن رب العالمين وغارقان بهمومه
والله يهدي الجميع ويجعلنا من الصالحين المتقين
::
::
::
جمــــــــــانه أنتي منبع جنان من العطاء
شكــــــــــراً لفشة روحك العطره
ودي يا فارسية العبق ~​

 

[احلى دنيا]

لا جمانه الوحده شي قاسي كتير
شي قاسي كتير انك ما تلاقي حدا تشكيلو همك
ما تلاقي حدا يحبك او يحضنك
كل شخص فينا محتاج انو يقعد مع حالو يوميا ويفكر لفترات بسيطه
بس انو لما يضل لحالو فترات طويله اكيد شي مو منيح
الانسان اجتماعي بطبعو ما فيو يتحمل
وفي كتير ناس انتحرت بسبب الوحده
بنفس الوقت اوقات الواحد بيطفر من الناس
بهرب من كل شي حواليه
لانو بكون عايش حاضر اسود
بس مافي حدا بالعالم بقدر يعيش بالهروب مده طويله
لانو محتاج حدا عالقليله يبتسم بوجو كل يوم
هيك رايي انا ​

 

[butterfly]

انا مع مقولة "الجنة بلا ناس ما بتنداس"
مع اني عانيت من هـ البشر
وشفت يللي ما بينشاف و ع بكير للأسف !
الا اني بخاف من الوحدة
وفعلاً الوحدة بتقتلني
بحس حالي عم بموت اذا ما لقيت حدا جنبي
يواسيني اشكيلو ابكيلو ...
ع طول بحب احس انو في حدا بجنبي ..
لحظات بتمر علينا بنكون بحاجة انو نكون لوحدنا
لكن بـ نظري هي لحظات عاااااابرة ...

​

 

[Black Hawk]

انا من جهتي صايرة من محبي الوحدة​

والله انا الصراحة من محبي الكرامة ومعهم قلبا وقالبا

المهم وعودة للموضوع ​

اول شي انا مابعرف لا الغنية ولا الشاعر مين ولا حتى مين بيغني بس بما انو عم يغني عن الوحدة وانو بتقتلو​

فأكيد عم يقصد الوحدة بمعنى العزلة وليس الوحدة بمعنى الجلوس والحوار مع النفس يلي حكيتي عنها بإسهاب​

فرق وفرق كبير بين الامرين
في شغلة مهمة لازم نتعلمها وهي الحوار مع النفس لما الواحد فينا يقع بمشكلة لازم يجلس مع نفسو ويعقد حوار معها​

ويبلش يسأل اسئلة متل شو بدي ووين المشكلة وشو هي الاولويات ووين بدي اصل وشو هي الاشياء يلي بتوصلني يلي بدياه ​

وشو هي الاشياء يلي بتكون مسلية لوقت محدد بس بتأخرني عن يلي بريدو كتير , مين الناس يلي لازم اتعامل معهم ​

ليكونوا العون في حل المشكلة واكيد كل ما كانت المشكلة اكبر كان من اللازم وجود اطراف للحوار اكتر ​

ودائما الرأي الفردي حتى وان كان صحيح يعتبر منقوص و يعني الله مبارك بالجماعة ورأيهم​

مو غلط ابدا الواحد يجلس مع نفسو من فترة لتانية ويعمل جرد لافكارو واوضاعه بس باتخاذ القرارات من الانسب مشاورة الناس ومتل ما بيقولوا من شاور ما خاب ​

الجلوس مع النفس متل ما الو ايجابيات كمان الو سلبيات و اذا زاد عن اللزوم احيانا كثيرة تصبح نتائجه كارثية

يعني حلو الانسان يقعد مع نفسو ويصفي ذهنو ويعيد حسابتو بس اذا زاد الامر عن الحد الطبيعي بيتحول لمرض اكثر من ان يكون علاج ​

ما بعرف حاسس حكيت كتير وعم لف وارجع لنفس النقطة ​

بس يجي ببالي شي تاني برجع وشخبط معكم على الورقة البيضاء​

جمانة​

صافي الود لكِ على الطرح المتميز كعادتك دائماً​

​

 

[آلبتول]

معك حق بلاك هوك لازم نفرق بينا محاورة النفس وبين الوحدة
لانو الوحدة احياناً بتكون مرض مثل مرض التوحد
فلازم نفرق بين هالكلمتين وما نربطهم ببعض
ردك بلاك هوك كان حازم ووافي ​

 

[mahmoud salih]

والله انا الصراحة من محبي الكرامة ومعهم قلبا وقالبا

المهم وعودة للموضوع ​

اول شي انا مابعرف لا الغنية ولا الشاعر مين ولا حتى مين بيغني بس بما انو عم يغني عن الوحدة وانو بتقتلو​

فأكيد عم يقصد الوحدة بمعنى العزلة وليس الوحدة بمعنى الجلوس والحوار مع النفس يلي حكيتي عنها بإسهاب​

فرق وفرق كبير بين الامرين
في شغلة مهمة لازم نتعلمها وهي الحوار مع النفس لما الواحد فينا يقع بمشكلة لازم يجلس مع نفسو ويعقد حوار معها​

ويبلش يسأل اسئلة متل شو بدي ووين المشكلة وشو هي الاولويات ووين بدي اصل وشو هي الاشياء يلي بتوصلني يلي بدياه ​

وشو هي الاشياء يلي بتكون مسلية لوقت محدد بس بتأخرني عن يلي بريدو كتير , مين الناس يلي لازم اتعامل معهم ​

ليكونوا العون في حل المشكلة واكيد كل ما كانت المشكلة اكبر كان من اللازم وجود اطراف للحوار اكتر ​

ودائما الرأي الفردي حتى وان كان صحيح يعتبر منقوص و يعني الله مبارك بالجماعة ورأيهم​

مو غلط ابدا الواحد يجلس مع نفسو من فترة لتانية ويعمل جرد لافكارو واوضاعه بس باتخاذ القرارات من الانسب مشاورة الناس ومتل ما بيقولوا من شاور ما خاب ​

الجلوس مع النفس متل ما الو ايجابيات كمان الو سلبيات و اذا زاد عن اللزوم احيانا كثيرة تصبح نتائجه كارثية

يعني حلو الانسان يقعد مع نفسو ويصفي ذهنو ويعيد حسابتو بس اذا زاد الامر عن الحد الطبيعي بيتحول لمرض اكثر من ان يكون علاج ​

ما بعرف حاسس حكيت كتير وعم لف وارجع لنفس النقطة ​

بس يجي ببالي شي تاني برجع وشخبط معكم على الورقة البيضاء​

جمانة​

صافي الود لكِ على الطرح المتميز كعادتك دائماً​

​

الحقيقة كفيت ووفيت وحكيت كل الكلام يلي لازم ينحكى أبا لؤي ...أنت وردة بيضاء نقية صافية

لا تمد باي صلة الى الوحدة

والله انا الصراحة من محبي الكرامة ومعهم قلبا وقالبا

​

 

[جمانة]

اكيد الوحدة حلوة جمونتي

بس هو بيقصد بالغنية
انو الوحدة يلي بتقتل وقت بيكون ماحدا سائل عنك
متل الحبيب
ساعتا بتحسي انو الوحدة فعلا بتقهر ومافيكي تعيشي فيها
وانا من النوع يلي بحب اعد لحالي كتير
وما اختلط بالعالم الخارجي
بس اكتر وقت بحس فيه بالوحدة
وقت حبيبي بيكون بعيد عني ومانو سائل ​

وتسلميلي انتي وفشة خلقك امورتي :10:

تقبلي مروري :albilsan (115):​

بعرف مية بالمية هو شو قصدو بالغنية
و انا على يقين من كل كلمة حكاها بالكلمة و من معناها
بس لما سمعتها
اجا ببالي هالحكي كلو
و فشيت خلقي
بعدين الوحدة .. لما بيكون الكل عم يبعد عنا
بنكون نحنا صنعناها بايدينا
و هي نفسها حتى لو كانت دمار
رح تكون بداية لشي جديد
مع التفكير .. و التأمل الدائم
الانسان رح يوصل لنتيجة منيحة
منورة حياتي ​

 

[MALAK AL7OB]

يال الوحده القاتله لاتذكروني عشت معاناتي معها تقريبا سنة ولولا رحمة ربي يمكن تحول مرض نفسي من كترت التفكير ......
الأنسان لازم مايبتعد كتير بالتفكير عن عالمه واهله واول شيء مايبتعد عن ربه
ساعتها بيستفرد فيه ابليس وبيضيع
يعني نعيد حساباتنا بس مانتجاوز المعقول
جمونه لك ودي على هالموضوع

 

[جمانة]

الوحدة بتردلي روحي .. بتفتحلي مخي و عقلي .. بتخليني بلش فكر صح و منيح


انا معك بكل كلمة قلتيها
اوقات جد الوحدة بتكون أفضل من انو يكون حوليكي كتير اشخاص
بس ما حدا بيعرف شوفي بقلبك وببالك
وما حدا عم يفهم تفكيرك
انا من جهتي صايرة من محبي الوحدة


جمانة
كل الود والاحترام لكلماتك البيضاء
ودي لعظمتك

دخيلو يلي بيفهمني وكأنو قاعد بقلبي
جوري حسيتك عم تحكي عني
و عم تجسدي كل الكلام يلي حكيتو
بهالعبارات البسيطة
منورتيني يا جوريتي الغالية ​

 

[دموع الورد]

الوحدة احيانا بتكون افضل بكتير من انو يكون حواليكِ مليا ناس ومو عارفين بللي

جواتك وعم تحسي فيه

بس جمونتي الوحدة الها حدود يعني بتصير مضرة لما تزيد عن حاجتها يعني هي حلوة انو تقعدي مع حالك

تراجعي فيها نفسك وتحسمي افكارك بس مو انها تنقلب ضدك وتوصلك للبؤس والتشائم

شكرا لطرحك الجميل :Albilsan (115):
ِ
​

 

[جمانة]

الوحدة هي حياة جديدة .. حياة خاصة .. بتكون ملك الانسان لوحدو.. حياة بيبنيها هو الو لحالو
بكل معانيها و كل افكارها و كل ابعادها

الوحدة ضمن هل الحدود ضرورية لكل شخص بس اذا زادت عن هل الكلام بتصير فعلا نقمة
شكرا جمانة على طرحك الجميل:albilsan (115):

بالنسبة الي بعمرها ما رح تكون نقمة
ما بعرف ليش
منورتيني يا قلبي ​

 

[جمانة]

معك حق والله

أحياناً بحس بالوحدة بفهم أمور كثيره
وخاصة لمى اراجع اخطائي
فلازم تكون لوحدك لتفهمي هالشيء من نفسك وتراجعيها وتعرفي اسبابها
بدون ما حد بدخل فيكي
لانو احياناً ما بلاقي حد بفهم علينا كثر ما نحنا بنفهم على حالنا
بس فيه أمور نكون محتاجين حد يساعدنها فيها
شيء ما بتقدري انتي توفري لنفسك
مثل الحنان والعطف
هي بالوحده لمى تكون مش موجوده تحسيها وقتها الوحدة تحاول تقتلك
لدرجة بتحسي انك مجرده من الاحاسيس
بس طبعاً في شيء ذكرتي والي هوه اهم شيء
انو لمى نكون بالوحدة لمى نصير نفكر ((معرفة أسرار الأرض والدنو من عرش الله))
هي اللحظات تكون بجد لحظة خشوع وأيمان لتدبر مخلوقات الله وسبب وجودنا بالحياة
وساعتها تبعد عن هالافكار وهالضعف الي بخلي الانسان كأنه عايش ومش عايش
بصراحه انا بنصح القلوب الضيفه والملئ بالاحاسيس يبعدو عن كذه أغاني الي كلها اسئ وحزن
وما بتفيد البني آدم غير انه يكون بعيد عن رب العالمين وغارقان بهمومه
والله يهدي الجميع ويجعلنا من الصالحين المتقين
::
::
::
جمــــــــــانه أنتي منبع جنان من العطاء
شكــــــــــراً لفشة روحك العطره

ودي يا فارسية العبق ~​

ليش الانسان ايمتى فيه يتواصل مع الله سبحانه و تعالى
غير لما يكون لحالو وفي حالة من الخشوع التام
الوحدة بكل معانيها .. بتعنيلي جزء كبير من حياتي
و من حياة كل انسان
و انا بكلامي ما حكيت عن الوحدة القاتلة يلي انتو عم تحكو عنها
يعني لما كون محتاجة حدا حدي
انا عم بحكي عن الوحدة بشكل عام
عموما .. بظن الانسان بطبعو فيه يتغلب غلى مشاكلو لحالو
و بهالدنيي .. يلي كلها مصالح .. يلي بطل الواحد يعرف فيه مين الصديق و مين العدو
يضل الانسان بعيد عن الناس .. احسنلو ..
بلا ما يوقع بشي هو بغنى عنو
منورتيني يا قلبي​

 

[جمانة]

لا جمانه الوحده شي قاسي كتير

شي قاسي كتير انك ما تلاقي حدا تشكيلو همك
ما تلاقي حدا يحبك او يحضنك
كل شخص فينا محتاج انو يقعد مع حالو يوميا ويفكر لفترات بسيطه
بس انو لما يضل لحالو فترات طويله اكيد شي مو منيح
الانسان اجتماعي بطبعو ما فيو يتحمل
وفي كتير ناس انتحرت بسبب الوحده
بنفس الوقت اوقات الواحد بيطفر من الناس
بهرب من كل شي حواليه
لانو بكون عايش حاضر اسود
بس مافي حدا بالعالم بقدر يعيش بالهروب مده طويله
لانو محتاج حدا عالقليله يبتسم بوجو كل يوم

هيك رايي انا ​

كل انسان بيشوف الامور من منظورو الخاص حبيبة قلبي
الوحدة .. يمكن تكون قاسية .. بس انا بشوفها اوقات
ارحم من اني كون مع حدا .. ما بيفهمني و ممكن يكون سبب بجرحي
الاجتماعية حلوة .. بجد حلوة ..
بس الوحدة كمان حلوة .. و صفاء الذهن حلو
و هي الطفرة من الناس
هي بالزات يلي انا بعنيها
وفيكي تشوفي الاسباب يلي عددتها بالنهاية
هي كفيلة بأنو تخليني اعشق الوحدة
مو بس حبا
منورتيني حياتي انتي ​

 

[جمانة]

انا مع مقولة "الجنة بلا ناس ما بتنداس"
مع اني عانيت من هـ البشر
وشفت يللي ما بينشاف و ع بكير للأسف !
الا اني بخاف من الوحدة
وفعلاً الوحدة بتقتلني
بحس حالي عم بموت اذا ما لقيت حدا جنبي
يواسيني اشكيلو ابكيلو ...
ع طول بحب احس انو في حدا بجنبي ..
لحظات بتمر علينا بنكون بحاجة انو نكون لوحدنا
لكن بـ نظري هي لحظات عاااااابرة ...
​

حبيبة قلبي الله يبعد عنك الخوف
والله يجعل ايامك كلها سعادة
حلو يكون في حدا جنبنا يحس فينا
بس لما ما يكون في حدا يحس
و يهتم .. و يقدر .. و يفهم
بظن الوحدة بالهوضع
بتكون ارحم
منورتيني يا قلبي ​

 

[جمانة]

يا الله يا كريم .. ما بعرف ليش بدي صفنة وانا بقرا ردودك
يلا توكلنا ​

والله انا الصراحة من محبي الكرامة ومعهم قلبا وقالبا

( )​

المهم وعودة للموضوع ​

اول شي انا مابعرف لا الغنية ولا الشاعر مين ولا حتى مين بيغني بس بما انو عم يغني عن الوحدة وانو بتقتلو​

فأكيد عم يقصد الوحدة بمعنى العزلة وليس الوحدة بمعنى الجلوس والحوار مع النفس يلي حكيتي عنها بإسهاب​

فرق وفرق كبير بين الامرين

في شغلة مهمة لازم نتعلمها وهي الحوار مع النفس لما الواحد فينا يقع بمشكلة لازم يجلس مع نفسو ويعقد حوار معها​

ويبلش يسأل اسئلة متل شو بدي ووين المشكلة وشو هي الاولويات ووين بدي اصل وشو هي الاشياء يلي بتوصلني يلي بدياه ​

وشو هي الاشياء يلي بتكون مسلية لوقت محدد بس بتأخرني عن يلي بريدو كتير , مين الناس يلي لازم اتعامل معهم ​

ليكونوا العون في حل المشكلة واكيد كل ما كانت المشكلة اكبر كان من اللازم وجود اطراف للحوار اكتر ​

ودائما الرأي الفردي حتى وان كان صحيح يعتبر منقوص و يعني الله مبارك بالجماعة ورأيهم​

مو غلط ابدا الواحد يجلس مع نفسو من فترة لتانية ويعمل جرد لافكارو واوضاعه بس باتخاذ القرارات من الانسب مشاورة الناس ومتل ما بيقولوا من شاور ما خاب ​

الجلوس مع النفس متل ما الو ايجابيات كمان الو سلبيات و اذا زاد عن اللزوم احيانا كثيرة تصبح نتائجه كارثية

يعني حلو الانسان يقعد مع نفسو ويصفي ذهنو ويعيد حسابتو بس اذا زاد الامر عن الحد الطبيعي بيتحول لمرض اكثر من ان يكون علاج ​

ما بعرف حاسس حكيت كتير وعم لف وارجع لنفس النقطة ​

بس يجي ببالي شي تاني برجع وشخبط معكم على الورقة البيضاء​

جمانة​

صافي الود لكِ على الطرح المتميز كعادتك دائماً​

​

هلأ من ناحية انو انت حكيت كتير
فلا تقول حاسس
لانك جد حكيت كتير
بس عموما كلامك كلو بيتمحور تحت نفس القضية
الجلوس مع النفس و المحاورة معها ..
و طبعا هاد الشي اغلبو يلي انا كنت بحكي عنو
بس كمان انا حكيت عن الوحدة بشكل عام
الوحدة و هي الابتعاد عن الناس
و يكون للانسان عالمو الخاص
الخالي من كل الناس يلي ممكن يأزوه
و ممكن يكونو سبب في وجعو لو واحد بالمية
انا بعرف مية مية الشاعر شو قصدو بالاغنية
وبعرف هو عن اي نوع من الوحدة يحكي
وبعرف اني فوتت الامور ببعضا يمكن .. بس هو مجرد كلام اجا ببالي
وحبيت تشاركوني فيه بخربشتي على ورقتي ..
و بظن انا كتبت كل الاسباب .. يلي ممكن تكون كفيلة
كما زكرت بالسابق
بأني اعشق الوحدة .. مو بس حبها
ابو لؤي .. دايما منورني بردودك الحلوة ​

 

[جمانة]

الحقيقة كفيت ووفيت وحكيت كل الكلام يلي لازم ينحكى أبا لؤي ...أنت وردة بيضاء نقية صافية ​

​

مممم
كل القصة عم حاول لاقي حالي بردك
بس ما عم لاقي
منورني محمود ​