وزير التعليم العالي امر بمنع المنقبات دخول الحرم الجامعي ..

[احلى دنيا]

اليوم عرفت بخبر مئتني كتير .. عنجد صدمني
ويزر التعليم العالي اعطى توجيهات بمنع المنقبات يدخلو عالحرم الجامعي !!
يا ترى شو السبب
السبب هو انو هالظاهره ..( لاحظو كلمة ظاهره ) بتتعارض مع القيم والتقاليد الاكاديميه ومع اخلاقيات الحرم الجامعي

معقول يا شباب ؟
يا ريت هالخبر مو صحيح ... ازا بسوريا هيك .. لا عتب ع فرنسا
طيب هالمنقبه شو تعمل بحالا

شو رايكون ...
بجوز لو هالخبر باي بلد تاني غير الشام ما كنت زعلت كل هالقد ​

 

[ḾǑŏǑŏǓĐỸ]

كــــــــــــــــــــــــــــــــــذب
​

 

[Black Hawk]

بتتعارض مع القيم والتقاليد الاكاديميه ومع اخلاقيات الحرم الجامعي

ما شاء الله عنو وعن اخلاقيات الحرم الجامعي ,, اذا كانت الاخلاقيات الي يحكى عنها تمنع مظاهر الحشمة فأي اخلاقيات بقت للحرم الجامعي

يروح يشوف شو عم يصير بالجامعات وبالحرم الجامعي ,, يروح يشوف اخلاقيات الحرم الجامعي ويشوف مظاهر العري والانفلات وبعدين يجي يحكي عن النقاب انو يعارض اخلاقيات الحرم الجامعي

بالفعل لا عتب لا على فرنسا ولا على غيرها اذا كنا نحنا نصدر هيك قرارات

بكل الاحوال دولتنا دولة علمانية واي شي ضد المظاهر الدينية ما رح يكون غريب

القرار رح يعمل ضجة كبيرة جدا وباذن الله رح يرجعو عنو حتى لو بالقوة

القرار مزعج جدا ويخلي الواحد يغلي والله

حسبي الله ونعم الوكيل
​

 

[احساس انثى]

اليوم كنا عمنحكي بهالكلام كله كذب هالحكي بفرنسا اما هون حكي لا اكتر ولا اقل رفيقتي منقبه سجلت صيدله كل هالحكي كذب بكذب

 

[احلى دنيا]

شفت الخبر ع قناة العربيه انا
بتمنى من جوات قلبي يكون كزب

 

[الحياةحلوووة]

الحمدلله اني بالسعودية

 

[THE FALCON]

هالخبر كذب

 

[جمانة]

بس انا يلي بعرفو انو هالخبر مو كذب لانو رفيقتي منقبة و هي كتير مزعوجة و كتير عم تفكر شو بدا تعمل بس تروح الجامعة
وقال حكولهم انو النقاب بيسهل من عملية الغش
ازا جد هيك .. الله يكون بالعون .. لانو الدول العربية عم تصير من زفت لازفت ...​

 

[هايم]

بربي شي بيندالو الجبين
اخر شي كنت متوقعو هيك قرار ببلادنا
و انا بدعو لكسر هالقانون بأي شكل كان
لانو اذا سكتنا هلأبكرا بطالعو قرار بيمنع الحجاب كلة
​

 

[Faby]

انا كمان سمعت هاد الخبر
ليش الحريات الشخصية بتوقف عند الحجاب والنقاب ومابتوقف عند التعري والخلاعة؟؟؟
وازا هاد القرار صحيح فهو الصفاقة بحد ذاتها
الكل بيحكي بالديمقراطية طيب وينها

 

[عهد القمر]

الخبر كلو كذب بكذب ...انا بعرف وحدة منقبة وليكة عم تتدرس سنة تانية ...ناس بس بدا تحكي ...وتلعي ماعم تلاقي حكي
وعنجد متل ما حكى بلاك هوك ....رحت مرة ع الجامعة ..انصدمت ..العمى شو هاد ..!!
تقولو رايحين يحبو ويعشقو تحت الدرج ...كل واحد ماسك ايد وحدة ..وشوف المحادثات
حاكم انا حشرية ...قرب عند واحد ووحدة وشوف شو عم يحكوا
ناس فاضية وربي ....
​

 

[Black Hawk]

لكل بيحكي بالديمقراطية طيب وينها

راحت تقمقش حطب
​

 

[جمانة]

بس انا شفت الخبر على عدة مواقع سورية متل سيريا نيوز و غيرو
و الخبر تم عرضو بقناة العربية كمان
و رفيقتي منقبة و حكتلي عن الخبر
هو عموما لو كان هيك الحكي جد
فعلى الدنيا السلام
بكرا بيمنعو الحجاب
وكل الدول العربية بتاخد هالشي اسوة
و بتطبقو
و كمان انا قريت بموقع سيريا نيوز انو هي محاربة ظاهرة التطرف
لك انو تطرف لما الوحدة تطيع شرع ربها
شي بيحزن ..........................​

http://www.syria-news.com/readnews.php?sy_seq=118365​

 

[سعد قيس]

يا سيدي القرار تم اعلانه بتاريخ 21/6 ويتضمن القرار منع النقاب داخل الحرم الجامعي
وكمان مدارس التعليم الابتدائية والثانوية يعني المستورة وين ما تدرس بدها ترمي النقاب
بنجي للسبب : السبب يا أصحابي أنو في شباب ما عم يقدر يشوفوا ها البنت
منشان يلطشوا عليها فنزعجوا ورفعوا أول تقرير للوزارة يطالبون بمنع النقاب
والسبب التاني : في شباب بدهن يتزوجوا بس ما عم يقدروا يا حرام الا يمنعوا النقاب لحتى
يشوف أنوا وحدة أحلى من التانية

يا سيدي فرنسا منعتوا لأسباب أمنية
ونحنا منعناه لأسباب فسوقيه
ينعن أخت هيك تقاليد وقيم شو بتوطي الراس
بطاطا وعوجا إلى يوم يبعثون
​

 

[احلى دنيا]

كان نفسي يطلع كزب مع اني شفت الخبر بعيني عالعربيه
طيب ليش ؟؟
ليش يعني ماعم بلاقي سبب يقنعني شو هالتخبيص
هلا انا صحيح ماني منقبه
وسبور
بس انقهرت ع هالبنات يلي بحبو نقابهن ... هني عندهن قناعه بهالشي
عيب يجبرهن على انهن يشيلو
البنت المنقبه بس تشيل النقاب رح تحس حالا ماشيه بالشارع بلا تياب
بدون مبالغه بس هاد احساس ايا بنت بتتعود ع لبس معين وبعدين يتغير

بدل ما يمنعو النقاب
يمنعو التنورة القصيره

 

[سعد قيس]

له له له زعلتيني منك .. كيف بدك يمنعوا التنورة القصيرة بعدين بتصير مشاكل
الشباب ما بيشوفوا لحم
عوووووووجا إلى يوم يبعثون ​

 

[احلى دنيا]

في شي خبر جديد عالموضوع شباب ؟

 

[سعد قيس]

اي في أشاعات بتقول
أحتمال في سنة ال2015
بتصير الجامعات كبريه للدراسه

كمان وجا

 

[مشــــ كل ــــا]

عم نفوت على الجامعة و عم نشوف منقبات
ما صحيح هل الحكي

 

[سعد قيس]

حبيب القلب القرار يتم تنفذيه أعتباراً من السنة
الجديدة