يــــــــــــــــــوم منحــــوس من أولو ....

[جمانة]

مسا الخير .. كيفكون جميعا :80:
انو يعني جد غريبة كيف الواحد بيمرء يوم
كلشي فيه بيمشي عكس ما هو بدو
انا اليوم صار معي هيك
لك عشت احداث مو طبيعية ابدا
لدرجة حسيت بدي زت حالي من فوق البلكون بس وصلت البيت ​

صحينا من النوم يا فتاح يا عليم يا رزاق يا كريم
مع انو ما نمت غير ساعتين بسبب اصوات نبح الكلاب و خنائ القطط جنب بيتنا
انو يعني ما بيلاقو يتخانئو الا جنب شباك غرفتي ​

ومع العلم اني اليوم عم عاني من رشح شديد من الدرجة الاولى
لدرجة انو مع كل سعلة الالم بيدبحني
و مو طالع صوتي كمان ​

اول حدث رائع اليوم .. اني من فترة جايبة جينز كتير حلو قلت بلبسو اليوم
و لبستو .. و طلع الزر مئطوع :80: .. هون بلشت الاحداث الحلوة تاخد مفعولها مع ام الجوج ​

و لبسنا جينز تاني .. و توكلنا على الله ... ​

و نزلنا لحتى نفطر .. و طبعا ما حدا كان معي ع الفطور
فانسدت نفسي .. وما اكلت شي :80:
و طلعت من البيت الساعة 7 بتوقيت البحرين بالزبط ​

سقت ع مهلي طول الطريق وما شاء الله حولي
ما احلاني و انا بسيارتي :10:​

وصلت ع الجامعة .. الساعة 7 و 20 دقيقة تقريبا
و انا مبسوطة و مروءة وصلت بكير ومحاضرتي الساعة 8
طالعت الجدول .. مقرر عربي 337
وينو وينو ..
الصدمة كانت
انو
ما عندي محاضرة اليوم
ما عندي محاضرة لغة عربية ..
عندي ياها يوم الاحد و الثلاثا بس وانا مفكرة انو الخميس كمان في محاضرة
و القهر انو المحاضرة يلي بعدها الساعة 12 ​

يعني بدي استنا من الساعة 7 و 20 دقيقة للساعة 12 هيك بس
ما عندي لاب توبي و رفقاتي مو معي و انا لحالي ولي على قلبي الهي ​

عصبت و نرفزت و اجتني حالة نفسية من النوع الخرندعي
يلي بيخلي الواحد مو شايف شي قدامو
و بدو يخبط كل انسان يجي بخلقتو كف مرتب ​

استسلمت للأمر الواقع .. :80:
و صرت ضيع وقتي شوي بالقراية
و شوي ع النت
وشاركني احزاني اخي ضجيج الصمت الذي كان اون بالمسنجر
طبعا بعد عدة محاولات لفتح موقع مسنجر مع طلوع الروح
لانو كل برامج المحادثة محضورة بالجامعة ​

و ستنينا و ضيعنا الوقت .. الساعة 8 وصارت 9 و صارت 10 و صارت 11
وانا بلشت انعس .. وجاي ع بالي اتسطح بنص الجامعة و نام
صارت 11 و نص قلت اخيرا اجا وقت المحاضرة
ورحنا زبطنا الشعرات و التياب و كلشي :10:
لحتى ما يحس الدكتور اني نعسانة :19:
و فرفشت و اكلت جالكسي يم يم
المهم :80:​

مشيت مشيت مشيت للقاعة تبع المحاضرة
و از بي ...
بشوف سكرتيرة الدكتور جاية
ومعلقة ورقة على باب القاعة
الدكتور عبد الامير بركات يعتذر لطلاب مقرر ENGL 334 Special Topics
عن المجيء
و محاضرة اليوم الموافق 25 / 2 / 2010 ملغية ​

لاااااااااااااااااااااااااااااااااااااااااااااااااااااااااااااااااااااا ​

انا انصدمت حسيت حالي بدي ابكي
بعد انتظار دام 4 ساعات و 40 دقيقة
ما بيجي الدكتور
لااااااااااا حرام .. انتحار ...
حسيت لو شفت الدكتور قدامي رح فجرو ​

و محاضرتي التانية كانت الساعة 2 ..
قلت يلا معليش بنتظر
و بروح بعد ع النت شوي بضيع وقت ​

رحت فتحت النت .. قام بعد ربع ساعة
فصل .. فصل النت .. وانا شو بدي اعمل بشو بدي سلي حالي
استسلمت و رحت قعدت بكراسي ع جنب حاطينهم مشان الانتظار :80:
و ضليت انتظر من ال 12 و نص لل 2 ​

صارت الساعة 2 قلت اخيرا اجا الفرج
و رحت بكل ثقة على قاعة المحاضرة ..
وانا طبعي ما بحب فوت ليفوت حدا قبلي ما بحب كون اول وحدة :80:
ضليت ناطرة ناطرة ناطرة ناطرة صارت 2 و ربع وما حدا اجا
قلت لا .. ما يكون سكرو الشعبة وانا مو دريانة
حملت حالي و مشيت من مبنى ادب الانجلش لمبنى التسجيل يلي بالجامعة
و للعلم المسافة مشيا على الاقدام بتاخد حوالي نص ساعة
و انا لابسة كعب ولي على حظي ​

و لما وصلت ع مكتب التسجيل
بكل بساطة بتقلي الموظفة هناك
ييييييييييي اختي نحنا آسفين كتير
سجلنالك رقم القاعة غلط
قلتلها انا بس يعني ما في طلاب تسجل معون رقم القاعة غلط
قالتلي والله هيك شكلو
و اخدت رقم القاعة و كان باقي نص ساعة و تخلص المحاضرة
و انا حلفت الا احضر بعد كل هالتعب
و صرت اركض بالكعب
يلا منيح ما كان في حدا بالجامعة ما حدا شافني :19:
و منيح ما وقعت على وشي :80:​

وصلت القاعة وانا كلي ثقة
فتحت الباب
و شفتلكون هديك الشوفة
طبعا انا و بكل فخر عم عيد هالمقرر لانو الدكتورة رسبتني فيه
قصدي لاني كنت مهملة و رسبت فيه :80:
المهم .. فتحت الباب
وبلاقيلكون نفس الدكتورة يلي كانت تعطيني المقرر الفصل يلي راح
هي يلي رح تعطيني ياه هالفصل
و بلشت فيني
شوووووووو جمانة انتي معنا هالفصل كمان :19:
اي منورة :19:
ومتأخرة كمان
و احرجتني قدام الكل
و كملت معي هالاحداث البايخة
وقعدت ع جنب لبين ما خلصت المحاضرة ​

طلعت من المحاضرة وقلت اخيرا حان وقت العودة الى المنزل
رحت بدي شغل سيارتي
ما اشتغلت معي
يا اله السماوات شو عم بصير معي اليوم
دقيت لاخي و اجا زبطلي ياها :80:
طلع ناقصها مي
بس انا شو بفهمني بهيك قصص ​

و كنت مبسوطة بدي روح جيب فستان لانو في محل عامل ديسكاونت بس بعيد عن بيتنا شوي
وانا مبسوطة و عم سوق .. وصلت ع المحل
لقيتو مسكر
يا ربي انا ليش هيك بيصير معي ​

استسلمت و توجهت الى المنزل ..
مع العلم انو عصافير بطني كانت تزقزق من الجوع ​

وصلت البيت
لقيت امي عاملة سمك على الغدا
و انا ما بدي سمك ..
قلتلون ما بدي اكل شي
و ضلت بجوعي ​

و بالاخير .. فتت ع غرفتي .. لقيت تحفة كتير حلوة جايتني هدية من انسان كتير غالي على قلبي :10:
مكسورة و مرمية ع الارض
ابن اختي الدب كسرها ​

لهون وبس
طئيت طلعت روحي من اليوم
قلت ما في غير حل واحد
اني نام بركي فيق من هالكابوس ​

و نمت 4 ساعات
و هلأ صحيت
و جوعانة
وما في شي صالح للأكل
و الرشح دابحني ​

بئا شلون يومي معكون ​

طولت عليكون بس بدي فش خلقي :80:


تزكرت شغلة .. و فوق كل هاد :80:
شفت وحدة معي بالمحاضرة لابس نفس الصندل يلي كنت لابستو
ونفس اللون
وصارت تطلع عليي تطليعات
حسيت كأنها بتقلي ليش تقلديني
تضرب بشكلا

خلصنا :80:​

 

[Life of the soul]

ولي ع قلبي عليكي يا جمونتي ​

 

[ταℓα syяɪα]

يعليني عليكي يا ام الجوج
بربي بتبكي
خلص تعي عازمتك عالعشا عندي
وانا اعدة الوون ورح طئ وااااااااااع
بس شغلة المحاضراات بتموووت
مني ومنك بتصل برفئاتي بشحطن عالجامعة موجودا
بئلن في شي مهم ولازم ينزلو خخخخخخخخخخ
تئبشيني سحلتيني عليكي
​

 

[جمانة]

حبيبات قلبي ​

 

[سِدْرَة المُنتَهَى]

حرام
ياربي من 7 لحد 2 ...والجلسة ع الفاضي
ياما أكلت على راسي من وراء هالجامعة و إلغاء المحاضرات
الله يعينك بس يوم مميز من ناحية النحاسة ... يسجل بالتاريخ الله لا يبلانا :19:
تعيشي و تأكلي غيرها جموووون ​

 

[STELLA]

لك يييييييييييييي

شكلو النحس اجاني جمونة

كتبتلك رد هالطول طولو

بس شرب ريد بول وطلعلو جوانح وطار

وفوق هيك ما عم اقدر اعطيكي تقييم

شو هالنحس المعدي لك جمونة

هاد بيجوز الله عم يعاقبني ع قد ما ضحكت بالرد الاولي :19:

:19::19::19::19::19:

ومنحووووووووووووس من عين البشر منحوووووووووس

:19::19::19:

راجعتلك بتقييم حبي :10:​

 

[المستشـــار]

هو الله يعينك بس بدي هنيك على طريقة روايتك لهاليوم بالفعل كتير حلوة وشدتني جدا

وعادي جمانة يوم إلك ويوم عليك

 

[STELLA]

اي صحي تذكرت

اكتبي تاريخ اليوم بدفتر مذكراتك

وكل سنة احتفلي فيه

:19::19::19:

سمية يوم النحس العالمي :19:

​

 

[Pure Feelings]

بتستاهلي

هاد عقاب من ربك

ابصر شو عاملة لحتى الله هيك عمل فيكي

يلا تعيشي وتاكلي غيرها :19::19::19:

 

[§ Sammo §]

:19::19::19::19:
ياسبحان الله
دعويي عم تتلبى :19:


سلامتك ام الجوج ماعلى قلبك شر :10:
بس انو خلي بسيارتك مي منشان ماتفور معك :19:
​

 

[جمانة]

حرام

ياربي من 7 لحد 2 ...والجلسة ع الفاضي
ياما أكلت على راسي من وراء هالجامعة و إلغاء المحاضرات
الله يعينك بس يوم مميز من ناحية النحاسة ... يسجل بالتاريخ الله لا يبلانا :19:

تعيشي و تأكلي غيرها جموووون ​

للشماتة انتي بس امون
منورة حبي
بس لا تتمسخري بيجيكي يوم ​

 

[جمانة]

لك يييييييييييييي​

شكلو النحس اجاني جمونة​

كتبتلك رد هالطول طولو ​

بس شرب ريد بول وطلعلو جوانح وطار ​

وفوق هيك ما عم اقدر اعطيكي تقييم ​

شو هالنحس المعدي لك جمونة ​

هاد بيجوز الله عم يعاقبني ع قد ما ضحكت بالرد الاولي :19:​

:19::19::19::19::19:​

ومنحووووووووووووس من عين البشر منحوووووووووس ​

:19::19::19:​

راجعتلك بتقييم حبي :10:​

ستولة حتى انتي عم تتشمتي عليي
و هو صح الله عم يعاقبك :80:
منورة ستولتي :Albilsan (115):​

 

[عهد القمر]

ائ ان شاء الله خير
قومي كلي سندويشة زيت وزعتر بتسدي جوعتك :19::19::19::19:او مقدوس حمصي :19::19:

 

[عهد القمر]

ونسيت شغلة ...خديها نصيحة من مجربة

روحي ع الصيدلية ...وجيبيلك ئطرة للرشح ...بترتاحي :19::19::19:
سلامتك جمونة ماتشوفي شر :10::19::19:

 

[جمانة]

هو الله يعينك بس بدي هنيك على طريقة روايتك لهاليوم بالفعل كتير حلوة وشدتني جدا

وعادي جمانة يوم إلك ويوم عليك

منورني عماد
يسلمو على مرورك والله طريقتي بالسرد عادية بس انتو يلي بتمرو و بتحلولي الموضوع :Albilsan (115):
اي شو بدنا نعمل يوم الك و يوم عليك
​

 

[جمانة]

اي صحي تذكرت ​

اكتبي تاريخ اليوم بدفتر مذكراتك ​

وكل سنة احتفلي فيه ​

:19::19::19:​

سمية يوم النحس العالمي :19:​

الله ع الظالم

يجيلك يوم يا ظالمني ​

 

[جمانة]

بتستاهلي

هاد عقاب من ربك

ابصر شو عاملة لحتى الله هيك عمل فيكي

يلا تعيشي وتاكلي غيرها :19::19::19:

مو عاملة شي الله وكيلك
والله انا بريئة
بيجيلك يوم سنوء اي ​

 

[سعد قيس]

جوجو بربي أنك موتيني ضحك
من غيرك بضرب الي قدامي نووي لكن ليش خترعناه :19::19::19:

أحلى أم الجوج ع الخط المعصلج :19::19::19:

:19::19::19: لسا بدي اضحك للصبح :19::19::19::19:​

 

[جمانة]

:19::19::19::19:

ياسبحان الله
دعويي عم تتلبى :19:​

سلامتك ام الجوج ماعلى قلبك شر :10:
بس انو خلي بسيارتك مي منشان ماتفور معك :19:​

انو دعوات شو قصدك شو داعي عليي
الله يسلمك :80:
طيب انا شو بيعرفني كيف بيخلص المي يلي بالسيارة ​

 

[ταℓα syяɪα]

يعليني
حاج تتمئطعو فيها للبنت
حلو عنها
بكفيها شو صار معها اليوم :19: :19: