مارأيك بسفر الفتاة لوحدها

[أميرة كل النجمات]

بسم الله الرحمن الرحيم

السلام عليكم ورحمه الله وبركاته​

الموضوع عبارة عن سؤال ببالي ...​

مارأيك بسفر الفتاة لوحدها ؟
​

ارجو من كل الأعضاء المشاركين في النقاش أن يحترموا آراء الآخرين اذا كانت لا توافق آرائهم الخاصة .
وشكرا ً
:10:أميرة كل النجمات:10:

​

 

[زهرة النرجس]

مافيها شي بس بشرط سافر بالطائرة بس البر او بالبحر او بالصاروخ نو وي

لا عن جد بحس اذا سافرت بالطائرة لحالي مافي مشكله بس بغير هيك لا طبعا
​

 

[Senior Anas]

اول شي مرحبااا وموضوع حلو كتير
هلق البنت تسافر لحالا بالبر مشكلة كبيرة
يعني مخاطر السفر كتيرة يعني تصوري كل الرحلة
اللي بالباص نسوان ومافي غير السائق رجال وليييييييييي
اذا صار شي لا قدر الله شو بيعملوا بحالن يعني مالن خبرة
بأي شي من ناحية المكنيك يعني شغلات الرجال
ومن ناحية تانية تعي نفترض الرحلة كلا رجال وفي تنتين نسوان
ه باللهي باللهي انتي لو كنتي وحدة منن شو شعورك انتي
وعالطريق وخصوصا اذا اشكالن ما بتطمن هاتي لشووف
وانا بوووافق على كلام زهرة بالطيارة مافي مشكلة
مع تحيات الفيلسووف انــــس

 

[المستشـــار]

قال عليه الصلاة والسلام (( لا تسافر المرأة الا مع ذي محرم ))

وشكرا

 

[مختار]

اي والله بالطيارة احسن من البر بألف و200 مرة
​

 

[عسولة]

انا مستحيل اسافر لوحدي إلا عند الضرورة
ولو صار ورحت لوحدي اكيد تكون السفرة بالطيارة
يعني بالسيارة او بالسفينة صعب أكون لوحدي
والخلاصة أنو أنا ضد سفر البنت لوحدها
دون أهلها أو أحد أقاربها
يعطيك العافية على الموضوع ​

 

[قيــ الروح ــثارة]

وعني انا سافرت أكتر من مرة لحالي طبعا للمحافظات
وكان في سفرة ع دبي وكنت رح سافر واهلي نو مايند يعني

لأنو البنت اللي قد حالها بتسافر ولو عالصين بس طبعا لدراسة أو لشي مهم مو للصياعة


ميرسي​

 

[روح الشام]

اذا اجينا للدين مافيها تسافر لحالها لا بالطيارة ولا بالبر ولا بالهلوكبيتر كمان

بس اذا كان في ضرورة فيها تسافر لحالها وعادي

اما اذا ماكان في بتستنى شي محرم لحتى تسافر معو وانا ضد هالفكرة تماما

الوحدة تسافر بالطيارة ولحالها اشرفلها من مية محرم يسافرو معها:80:

يسلمو

 

[miss of disaster]

و الله انا ضد سفر المرأة لحالها و خاصة اذا كانت المسافة بعيدة الا عند الضرورة يعني متل ما قالوا بلكي صار معها شي يعني الواحد ما بيعرف شو بيصير معو

 

[المستبده]

انا مع ملك الغرام لازم يروح معها حدا

بس متلا اللي رايحه تدرس مش معقول تاخد معها ابوها بس ليوصلها

ويرجعها وهالغلبه

بس يعني هاي من ناحيه انو لازم يروح معها حدا

والناحية التانيه انو البنت اللي واثقه من حالها

واهلها في عندهم ثقه فيها عاااادي

يعني تروح وين ما بدها طبعا على قولتكو مش للصياعه ولا شمة الهوا

والبنت اللي بتفهم بتعرف انو حتى لو ما في حدا بتعرفو ليراقبها ويشوفها

بتتذكر انو الله موجود وبيشوفها



ثانكس يا اميرة كل النجمان​

 

[المستشـــار]

الحقيقة رح ضيف شغله انو الرسول صلى الله عليه وسلم قال

(( الضرورات تبيح المحظورات )) بقا اذا كان للضرورة لابأس والله أعلم مع مراعاة الأفضلية يعني كما ذكر الأخوة من قبلي بالطائرة أفضل والأفضل ان تكون بصحبة امنة يعني مجموعة من النساء

 

[♥البرنسيسة♥]

انا صراحه كتير بسافر لحالي بس بالطياره طبعا ​

بس ماكتير بأيد صراحه سفر البنت لحالا ​

لأني جربت​

سؤال حلو كتير​

 

[Life of the soul]

انا جربت السفر لحالي
وكان عادي مافيه شي
والمفروض البنت تسافر لحالها حتى تنطلق بحياتها
وتعرف تتعامل بهاللحظة

يسلموووو اميرة موضوع حلو
​

 

[أميرة كل النجمات]

بشرفني سماع ارأكم
نورتو

 

[جمانة]

مم بظن عادي ما فيها شي
يعني جربتها هالمرة ورجعت من ايران لحالي
و رح جربها و روح بريطانيا لحالي طبعا مشان الدراسة ​

 

[المارد]

السلام عليكم لا تسافر الا مع محرم ابوها اخوها زوجها احسن لها

 

[أميرة كل النجمات]

بشرفني سماع ارائكم
بس انا من وجهة نظري انو البنت متربايه
متربايه حتى لو طلعت مع ميه شب بكل الطياره وهي
البنت الوحيده

 

[Crystal Heart]

انا سافرت اكتر من مرة لحالي و ما حسيت بصعوبة ابدا بس كانت بالطيارة
بس حتى اذا بالباص بس مو لمسافات بعيدة ما اظنها مشكلة اذا كانت ضرورة

 

[TOoOLeN]

ما بصير البنت تسافر من غير محرم
حتى وان كان للدراسة او للشغل :80:
يسلمو امورة ​

 

[TOoOLeN]

بشرفني سماع ارائكم
بس انا من وجهة نظري انو البنت متربايه
متربايه حتى لو طلعت مع ميه شب بكل الطياره وهي
البنت الوحيده

امورة ما دخل الترباية بالنص
البنت مرباية ما اختلفنا ...بس شوفي يلي معها شو بدن يحكو عليها ولو ما عملت شي ...ولا تنسي انو ممكن خلال هالسفرة تتعرض لمواقف ومشاكل ممكن هيي ما تئدر تحلها فلازم يكون معها سند​