المرحلة الثانية (( مسابقة عريس المنتدى ))

[وردة الاحلام]

((المطلوب))

1 _ كيف خبرت حبيبتك انك راح تتقدم لخطبتها​

يعني كيف ألتلا ليك كيف
ألتلا يا بنت حاج بئا تعذبيني
أنا ما بحب هيك
بدي أسطهج انا وياكي نقعد أنا وياكي وتوت انا وياكي
بئا منشان هيك يابنت الحلال رح ببعت اهلي
خليون يشوفوكي ويخطبوكي لألي
وهيك بصير شوفك كل يوم
ومنسطهج سوا ​

2 _ كيف جهزت حالك لمقابلة أهلها
كنت متلبك كتير لأنو اهلا بيعرفو اني رح بجي
وكنت خايف
أم امي ئالتلي حمودة لاتخاف يصحلون واحد متلك تئبر ئلبي :19::19::19:
رحت جبت علبة جل من التقيلة
وبارفان
وجبنا
حلو وعصير والحلو العربي
لانو نحنا الفلسطينية هيك العادة منجيب ضيافتنا معنا
مع بقلاوة شرحات ولي ​

3 _ اشرح لنا اللقاء اللى حدث بين والدتك ووالدك مع والد العروسه ووالدتها ؟ وماذا فعلت انت وعن أى شئ تحدثت ؟​

بعد مابوسو بعض وحكو مع بعض
طبعا بابا ساكت لانو المراة السلطة العليا
ئالت أمي :
ليكو ها من هلق ابني وحيد وبدو يعيش معي
وهو شغيل يئبر ئلبي :19:
ورح منحطا لبنتكون بعيونا
أمي ئوية لانو الله يعينا صاحبة النصيب :19:
طبعا أنا ماعم بحكي شي
عم بطلع بحبيبتي وبس :10::10::19:
لأنو امي ماخلتني أحكي شي :19:​

4 _ شو كانت طلبات اهل العروس ووافقت عليها كلها ام بعضها ؟ اتفقتو على قديش مهر للعروس​

اهل العروس كانو مابدون غير سعادت بنتون ماطالبو بشي
لأنو سالو عني وسمعو كلام حلو :10:
بدون بس ندير بالنا على البنت :10:
ومنشان المهر تفئنا نحنا هاي عنا على طول
100000 متقدم
و
100000 متاخر
و
100000 ملبوس بدل
وفلست يا أبو المر ​

5 _ هديتك لحبيبتك​

و

بوكيه الورد​

و

الطقم اللى هتروح بيه لخطبة حبيبتك​

هاي الطقم ديزل الله وكيلكون
حقو فوق 20000 ليرة ​

6 _ كل عريس ينزل موضوع لقسم معلومات عامة

وموضوع بقسم برامج الكمبيـوتر و الإنترنت
وحط الروابط مع باقى الطلبات
وبقسم البرامج حاليا
يلي بفوت علي بلائي
أبو المر متصدر الصفحة
من أولا لاخرا ​

​

​

​

الله يتتم بخير يا ابو المر ايوة هك احنا الفلسطينيه .. انا بصوت لابو المرررررررر .. بالرفاه والبنين ان شاء الله با ابو المر :19::19:​

 

[museumoflove]

ستمتد فترة تنزيل الطلبات للخامسة مساء غدا

لحين تنزيل فارس لقائه
أو تقديم أعتذار عن المسابقة لسبب مقبول





​

 

[حسام الحلبي]

ستمتد فترة تنزيل الطلبات للخامسة مساء غدا​

لحين تنزيل فارس لقائه
أو تقديم أعتذار عن المسابقة لسبب مقبول​

​

أوكى ونحنا بانتظار بدء التصويت​

 

[حبيب الكل]

الله حيو جميع العرسان والقائمين على هالمسابقة الحلوة الله يعطيكن الف عافية خيو ايمن باين عليك النجومية والاداء الرائع تسلملي على الحركات الجميلة التي تجعل الحماس والنشاط بين الاعضاء جميع وجميع لقاءات العرسان رائعة ومميزة وتدل على اهتمامهم الكبير في انجاح المسابقة
اشكر جهودكم البنائة ​

 

[آلبتول]

أنا أعلن من منبري هذا و في هذا الوقت العصيب
أنسحابي من هذه المسابقة وبشكل ودي وذلك لظروف خارجة عن إرادتي
بعتذر كتير من القائمين عالمسابقة يمكن كون خيبت أملهن بس ارجو تقدير وضعي :10:
كان بودي أني كمل بصراحة كان عندي
أفكار وقصص حلوه بس للأسف ما عندي وقت
و انشالله بمرات قادمة
بعتذر مرة تانية من جميع الاداريين والأعضاء

وبتمنى التوفيق لبقية المشاركين
رح كون متابع ومشجع انشاء الله

و دمتم سالمين

قصة حسام الحلبي الله يعينك على حماتك
ام انته ابو المر فالله يعينها حبيبتك على حماتها :19:
يلا المرحله الثالثه قول كيف تزوجتو :19:
بالتوفيق للجميع
​

​

 

[Senior Anas]

​

قصة حسام الحلبي الله يعينك على حماتك
ام انته ابو المر فالله يعينها حبيبتك على حماتها :19:
يلا المرحله الثالثه قول كيف تزوجتو :19:
بالتوفيق للجميع ​

​

:10::10::10::10::10::10:
كيف تجوزنا :10:الله لا يوفق شرك

 

[museumoflove]

تم استبعاد العضو فارس من المسابقة
لأهمالة بتنزيل الطلبات وعدم التقيد بالوقت المحدد لطرح الطلبات

شكرا على مشاركتك معنا اخى فارس ومجهودك بالمرحلة الاولى

واتمنى يكون اللى منعك عن المسابقة خير يارب







​

 

[museumoflove]

تحياتى لكل أعضاء البيلسان

فى الاول راح أعرض عليكن مشاركات المتنافسين ولقائهم اهل العروس وخطبتها

ورجاء الاطلاع على كل المشاركات قبل التصويت

وياريت يكون صوتك للقاء الافضل من وجهة نظرك بدون مجاملة لحدا



1

_​

لقاء الخطبة
Senior Anas
​

اول شي مسالخير للكل وتحياتي للجميع
وبتشكر كل اللي صوتولي بالمرحلة الاولى
كل الشكر بالاضافة للي ما صوتولي
وتحياتي لايمن حبيب القلب بالزات

وببدا الحكاية من اولها من طقق .... للسلام عليكم

كيف خبرت حبيبتي انو بدي اطلبها من اهلها
طبعا بعد حب دام حوالي السنة وانا حبي متعلئين ببعضنا
اكتر مما تتصورو تلائينا بالجامعة طبعا كانت سنة تخرجنا وكان هاد الشي بنهاية اخر يوم من الامتحانات
رحت انا وحبيبتي على كافيتيريا الجامعة وقعدنا وكالعادة ميلووووو ه هاد المشروب المفضل بالجامعه
عند كل الطلاب وفتحت معا الموضوع انو حبي انا وانتي وخلصنا الحمد لله من جامعتنا وهلق ما عاد في اي
عائق يحيل بينا وبين هالخطوة الجريئة اللي هي الارتباط وهي كانت الفرحة بتلقي هالخبر عندا لا توصف
وقالتلي انت بتعرف رقم بيتنا خلي امك تتصل وتطلب موعد وتروح تشوفني وهيك تم الاتفاق بين وبين حبي ....


كيف جهزت حالي لمقابلة اهلها ؟
طبعا اتصلت الوالدة على بيت حبي واخدت من اما موعد للقاء الاول لتشوف حبيبتي طبعا امي ما قالت
انو ابني بيعرف بنتك لا على اساس مدلاية علين تدلاية وباليوم المحدد للروحة لعندن رحت انا وامي
وطبعا كنت جاخخ جخة على كيف كيوفكن كنت لابس هالبدلة

ووصلنا على بيت حبي ريتا تئبش قلبي الهي وانا شفت الباب تبع بيتن وبلش قلبي يدق قبل ما امي
تدق الباب طبعا انا كنت بالسيارة بعد ما تفوت امي وتعد شوي بتندهلي لشوف البنت هيك الاصول
المهم فاتت امي وفااااات قلبي ئبلا وانا ناطر ناطر وفجأة بيطلع عمي عمي ابو حبيبتي اجا لعند السيارة وئلي اهلا وسهلا يا ابني تفضل طبعا انا جهزت حالي ئبل ما شوفوا لانو امي علمتلي على الموبايل خخخخ
نزلت وسلمت على عمي اللي لسا ما صار عمي وفتت معو على البيت وفتنا على غرفة الضيوف وسملت وئعدت
وانا خجلااااااااااااان المهم بلش عمي كيفك يا ابني ومرت عمي كذلك وانا قول الحمد لله وبلشو من الاسئلة المعروفة
تبع الخطبة الشغل والبيت والحياة والذي منو وانا جاوبت وبلا تردد المهم سكتنا وما لائيت الا الباب عم يندق دق دق دق
دقااااات هااااااادية وقلبي عمل معن دج دج دج هوو وعم يرفرف لشوفت حبي فاتت عالغرفة وشايلة القهوة ولي ولي ولي :10:
ضيفت امي وبعدين انا طبعا خليت عمي ياخد قبلي هو ومرت عمي وبعدين اخدت القهوة منا بنظرة اعجاب على اساس موو حب انتبهوااا عم كولك على عمي ه وراحت ئعدت وسالتا انا عن احوالا ودراستا ييي وبالصدفة طلعت نفس فرعي بالجامعه
تصورا هه عم نضحك على عمي ودردشنا شوي وبعدين طلبنا الازن بدنا نروح وقالت امي انشالله بالتوفيق وناطرين منكن
رد ونحنا انشالله بنرد عليكن وسلمنا وطلعنا .....

​

اشرح لنا اللقاء اللى حدث بين والدتك ووالدك مع والد العروسه ووالدتها ؟ وماذا فعلت انت وعن أى شئ تحدثت ؟

​

'طبعا بعد ما رجعنا من بيت حبيبة قلبي حكيت انا وامي مع بعض وقالتلي امي انو ماشالله البنت اسمالله عليا والله
​

وعرفت تنئي يا ابني وانا انشالله بكرة رح اتصل على امها وشوف راين واذا ما عندن مانع رح حدد موعد الخميس
​

الجاي نروح نطلب ايدا رسمي من اهلا ....

​

اتصلت امي تاني يوم وانا ئااعد جمبا وعم شوفا شو عم تحكي ردت عليا اما لحبيبتي وئالتلا امي انو نحنا
​

منتشرف بطلب ايد بنتك وحابين نعرف اذا انتو عنكن اي مانع او الصبية وردت اما لحبي انو ونحنا كمان
​

منتشرف واهلا وسهلا فيكن ايمتا ما بتحبو وانا هوووووون وئفت وصرت ارئص بالمحرمتين وغني ...

​

انا لحبيبي وحبيبي الي
​

​

​

وطلبت امي يكون الموعد الخميس القادم وفعلا يوم الخميس راحت امي وابي وجدي وعمي وكبارية العيلة يعني
​

واخوواتي واناااااااا وفتنا على بيت حبيبتي طبعا فاتو النسوان لعند النسوان وفتنا نحنا لعند الرجال

​

شو كانت طلبات اهل العروس ووافقت عليها كلها ام بعضها ؟ اتفقتو على قديش مهر للعروس

​

الحديث اللي دار بين ابي وابوها لحبيبتي عن الطلبات اللي طالبينا وشو شروطن وطبعا ما كان الن طلبات
​

كتيرة لانو ابو حبيبتي قال انو نحنا شارين رجال والسترة لبنتنا ابووس وشو لعمي شو حباب
​

وطبعا حكينا بالنقد المتقدم والمتاخر كانوو 200متئدم 200 متاخر يخيخيخيخ شو متسااهل عمي
​

وعن السكن انو رح يكون بشئة انا وحبي لحالنا وطبعا مافيا شي مامنة ولهوون مافي اي اشكال
​

وحكينا بامور الخطبة يعني الحفلة و حددنا كل شي وبعدين ...


​

شربنا فنجان القهوة وقرينا الفاتحة هون بكون خلص عند الرجال الحكي ...

​

بالنسبة للنسوان كانو ئاعدين عم يتحاكووا شوي بالخطبة وشوي تعارف وشوي
​

امي تتغزل بحبي يعني تدللا شوي وهيك حكوا بالامور تبع الحفلة وتبع الخطبة
​

ووين وكيف وايمتا .... وبس

​

وهيك بكون خلص لقاء الاهل .....


​

هديتك لحبيبتك

​

'طبعا حبي بتستاهل كل شي بالكون يكون مسخر لالها وبس بس للاسف هالحلم
​

صعب على اي انسان يئدموا لملكتوو جبتلا هاد طقم الدهب هاد

​

​

بوكيه الورد

​

طبعا ً بتتزكروا الباائة الاولى تبع اعتراف لحبي
​

جبتلا نفسا طبق الاصل لانو كتير حبتا وحبيت فرحا
​

مرة تانية بنفس البائة

​

​

و

​

​

الطقم اللى هتروح بيه لخطبة حبيبتك

​

والطقم اللي رحت فيه لما رحنا انا وابي والجاهة هاد هو



​

​

بتمنى تكون الخطبة عجبتكن تحياتي

​

Senior Anas

​

المواضيع
​

1. في قسم المعلومات العامة ( معلومات نادرة انت تجهلها )​
2. في قسم برامج الكمبيوتر والانترنت( الانترنت باختصار شديد)​

​

​

عـــــــــــــفــــــــــــوا نسيت حط الرواااابط الخطبة اخدة عئلي

هي الروابط

قسم معلومات عامة (موسوعة معلومات نادرة انت تجهلها )

http://albailassan.com/vb/showthread.php?p=249141#post249141

قسم الكمبيوتر والانترنت ( الانترنت باختصار شديد )

http://albailassan.com/vb/showthread.php?p=249146#post249146

2​

_​

لقاء الخطبة​

حسام الحلبى​

تحية بيلسانية للجميع وشكرا لكل مين صوتلي لحتى قدرت أنتقل للمرحلة التانية ​

​

المهم وصلنا ياسادة ياكرام عند نهاية اللقاء الأول يلي جمع بيني وبين حبيبتي ويلي قدرت فيه بوقت واحد اعترف بحبي الها وأني أطلب ايدها..........بعدين كل منا راح بطريق لأنو مافينا نمشي سوى منشان مايشوفنا حدا من أهلها وبطريق الرجعة عل البيت ( لأني كنت أجازة بيومها ) كان قلبي عم يدق بشكل سريع
وشاءت الأقدار والأشغال أنو مانحكي سوى لبعد يومين وطبعا عل الايميل لأنو صعب كتير نحكي ع الجوال منشان اهلها مايحسوا على شي قبل ما أحكي فيها بشكل رسمي وكلمة منها كلمة مني وبدون تردد قلتلها ايمتى فيني شوف أبوكي هي سمعت هالكلمة عالمايك سكتت ثواني وأنا سمعان صوت لهتتها وحاسس بحرارتها ارتفعت من سؤالي فقالت ( تشوووووووووف بابا ؟؟؟ ) جمعت بكلمتها تلات حالات المفاجأة والفرح والاستغراب لأنو البنت بتفرح كتير لما ينحكى فيها بشكل رسمي و بضل الخوف لاحقها ليوم الخطبة والاستغراب لأنو البنت بمجتمعنا السوري خاصة تعودت تسمع من الشاب السوري أقوال وبس بدون أفعال متل ( حبيبتي _ اشتقتلك _ بكرة بدنا نتزوج ) ووقت يصيروا بالجد بقلها ( ظروفي ماتسمحلي بالارتباط حاليا ) :80::80: يعني بفلسع بمعنى أخر لما يقول الشب للبنت بدي شوف أبوكي تعتبر كلمة شرف أنو أنا بالفعل هدفي الحلال
المهم اتفقت معها بس تقدر تاخد موعد من أهلها ( بحجة أنو أنا أخو رفيقتها بالمعهد وهي مابتعرفني ) أنو تبعتلي رسالة ومانحكي سوى ليوم الخطبة ............... مرت بعدها عشر أيام لاحس ولاخبر وفجأة وأنا بالشغل وفكري عم ياخدني ويوديني :80::80: فجأة بيرن جوالي لتنبيه عن رسالة واردة فتحت الرسالة وكان كل شي مكتوب فيها ( أهلي عم يستنوك أنت وأهلك الخميس الساعة 6 ) وكنا بيوم الاثنين وكنت مخبر بابا وماما مسبقا عن إعجابي بزبونة بتجي لعنا عل المحل ( كذبة بيضا لأنو أهلي كمان متشددين ) كان معي 3 أيام لكون جاهز وقلت لحالي يلا أبو شادي حاجتك شانق الكيس ( بمعنى حاج بخل ) أمرك لله نزيل لعند ملبوسات 400 وخدلك طقم وبالفعل هاد يلي صار طقم أسود قميص أبيض كرافة ( خيلة ) بوط مرتب صاروا بالكيس طقينا حقهن مافتح ورزق ( مو خسارة كرمال حبيبتي فوفو ) طقم متل يلي بالصورة ​

​

وكملت الشوبينغ عند عطورات الغبرة وطلبت منو زجاجة هوغو بوس ( عطر رجالي ) وزجاجة هاواي ( عطر نسواني للخطيبة أم شادي مستقبلا )​

​

ومريت لعند أبي عل المحل ووصيتو على علبة حلو عربي فاخرة ( باعتبارو حلواني ) منشان بيت حمايي بالفعل طرئني بهدلة وقلي ( شو نسيت المصلحة هي مصلحة بيت الحلبي من سابع جد ) وباعتباري مهذب قلتلو أمرك وفتحت علبة فاضية ورتبت فيها ( المبرومة والكول وشكور وأصابع الست ووو .............. )​

​

ومضيت الشغلة وصرنا صباح يوم الخميس كان جاهز كل شي تقريبا ماضل غير قصة الشعر وفورا لعند الحلاق حمزة صديقي قلتلو توصى ...... هلق بحسن قول جهزت كل أموري وصارت مية مية وعلبة الحلو مغلفة بورق هدايا والعطر تبع فوفو كمان وطبعا العريس محبوب الجماهير بالطقم الأسود والساعة السودا خفت نزلت الصورة مشان ما يصير في حالات إغماء لبنات المنتدى وانطلقت أنا وأبي وأمي وأختي لعند أهلها دقينا باب بيتهن ع الساعة 6 إلا خمسة تماما فتح الباب عمي وقال أهلا وسهلا دخل أبي أولا بعدين أمي وأنا وأختي وراهن سلم أبي على عمي كان أسمو أبو محمد وأمي سلمت على أم محمد وأنا سلمت عليهن وقعدنا وعطيت مرت عمي علبة الحلو فقالت ( ليش معذب حالك ) قلتلها (ولو مافي عذاب مرت عمو مشان واجبكن ) قعدنا صار سلام وكلام بين أبي وعمي وبين أمي ومرت عمي وأختي سحر الشرق عم تهديني لأني كنت متوتر شوي وبعد عشر دقائق ندق باب الغرفة مرت عمي قالت ( فوتي حبيبتي ) فاتت فوفو وكانت لابسة طقم جينز وتحتو قميص بني وحجاب أبيض




مع خدود مزهرة تزهير خفيف :10::10:وقدمت القهوة كانت الفناجين عم تتأرجح بايدها من كتر الخوف ووجهها أصفر قعدت مقابيلي وأنا من خجلي مو قدران طلع فيها بها اللحظات ابي قطع الهدوء
وقال ( شوف أخي أبو محمد اجيناك اليوم وطالبين منك ماتردنا خايبين ) رد أبو محمد بكلمة وحدة وبصوت أهل العمارة ( وصلت )
أبي : ( بدنا نطلب أيد المحروسة بنتك لأبنا حسام بعد ماسمعنا عنكن وعن عيلتكن كل شي طيب )
عمي : ( ونحنا النا الشرف بمناسبة بيت الحلبي بيت الكرم والجود بس كمان بدي أسأل الشب كم سؤال عمي حسام شو بتشتغل ؟؟؟ )
أنا : ( والله ياعمي بشتغل بياع ألبسة نسوانية بالطلياني وكافيها الله الحمد لله)
عمي : ( وانشاء الله عندك بيت )
أنا : ( في بيت عل العضم بزملكا وشوي شوي عم أكسيه )
مرت عمي ( حماتي ) تلون وجهها يمكن ماعجبها الحكي :80: :80: فدخلت عل الموضوع
وقالت : ( أي ابني وقديش بدك لحتى تخلص كسوتو )
أنا : ( يعني حسب التيسير مرت عمي )
مرت عمي : ( ابني ماشي الحال مع أنو زملكا بعيدة شوي بالسيارة شي ربع ساعة بس ماشي الحال شو مشان حقوقها )
أنا : ( أي حقوق ؟؟؟ )
مرت عمي : ( له ياأبني سلامة عرفك المقدم المأخر ملبوس البدن بأي صالة العرس )

أمي ( تكرمي أختي أم محمد باذن الله مابتكونوا الا رضيانيين )

مرت عمي : ( أختي أم حسام أختها يلي أكبر منها مازوجتها الا أحسن جوازة العالم كلو حكى بجوازتها شهرين سلامة خيركن يعني أنا بدي 200 ألف ليرة سوري مقدم 200 مأخر 150 ملبوس بدن ( يعني جهاز البنت من ملابس وخلافو ) )

أمي : ( والله يابنت الحلال ماعم نشوف هيك مبالغ لجوازات العالم )

مرت عمي : ( يوه لك أم حسام الدنيا كل مالها عم تغلي )

أبي : ( يا أختي أم محمد قال عليه الصلاة والسلام : ( من جائكم من ترضون ينه وخلقه فزوجوه )

الجميع : ( عليه الصلاة والسلام )

وضليت بامتحان شي ساعة وأنا وأبي وأمي نجاوب عل الأسئلة ماخلينا شي ماحكينا فيه لحتى وصلنا لأمور وسط ترضي الطرفين ( 150 ألف مقدم غير مقبوض _ 200ألف مأخر _ 100 ألف ليرة ملبوس بدن )

ضل شي مهم اسم الصالة يلي انتهت القعدة وماتفقنا على اسم لأنو عم تختار حماتي أفخم القصور يلي بالشام ويلي بتوصل سعر اقامة حفلة لليلة وحدة فيها للمئة ألف ليرة وطلبت حماتي بنفسها أنو تنزل عالسوق وتختار غرفة النوم وبدها تروح تشوف البيت وتكسيه على كيفها صار شوية خلاف بين أهلي وأهلها على أمور ثانوية سطحية لا بتقدم ولا بـتأخر استغليت أنا وفوفو خلافهن وقعدنا نطلع من تحت لتحت ببعض وكان أخر الكلام من عمي : ( انشاء الله بيصير خير ) وقد مادخت من الأسئلة نسيت أعطي فوفو الهدية لأخر القعدة وقبل مانطلع بخمس دقائق من عندهن ومشينا بانتظار الرد من أهلها ​

هاد يلي صار وهي روابط المواضيع :

الأول بقسم معلومات عامة واسمو الشباب في قائمة أكثر 100 شخصية مؤثرة في العالم وهي اللرابط تبعو http://albailassan.com/vb/showthread.php?goto=newpost&t=24359

والتاني بقسم الكمبيوتر والانترنيت واسمو أفضل الخطوط العربية والانكليزية لجهاز بروابط مباشرة وهي الرابط http://albailassan.com/vb/showthread.php?goto=newpost&t=24435


​

ألقاكم بالمرحة التالتة اذا صوتلي

يتبع ....................................​

​

​

3​

_​

لقاء الخطبة​

أبو المر​

((المطلوب))

1 _ كيف خبرت حبيبتك انك راح تتقدم لخطبتها

يعني كيف ألتلا ليك كيف
ألتلا يا بنت حاج بئا تعذبيني
أنا ما بحب هيك
بدي أسطهج انا وياكي نقعد أنا وياكي وتوت انا وياكي
بئا منشان هيك يابنت الحلال رح ببعت اهلي
خليون يشوفوكي ويخطبوكي لألي
وهيك بصير شوفك كل يوم
ومنسطهج سوا

2 _ كيف جهزت حالك لمقابلة أهلها
كنت متلبك كتير لأنو اهلا بيعرفو اني رح بجي
وكنت خايف
أم امي ئالتلي حمودة لاتخاف يصحلون واحد متلك تئبر ئلبي :19::19::19:
رحت جبت علبة جل من التقيلة
وبارفان
وجبنا
حلو وعصير والحلو العربي
لانو نحنا الفلسطينية هيك العادة منجيب ضيافتنا معنا
مع بقلاوة شرحات ولي

3 _ اشرح لنا اللقاء اللى حدث بين والدتك ووالدك مع والد العروسه ووالدتها ؟ وماذا فعلت انت وعن أى شئ تحدثت ؟

بعد مابوسو بعض وحكو مع بعض
طبعا بابا ساكت لانو المراة السلطة العليا
ئالت أمي :
ليكو ها من هلق ابني وحيد وبدو يعيش معي
وهو شغيل يئبر ئلبي :19:
ورح منحطا لبنتكون بعيونا
أمي ئوية لانو الله يعينا صاحبة النصيب :19:
طبعا أنا ماعم بحكي شي
عم بطلع بحبيبتي وبس :10::10::19:
لأنو امي ماخلتني أحكي شي :19:


4 _ شو كانت طلبات اهل العروس ووافقت عليها كلها ام بعضها ؟ اتفقتو على قديش مهر للعروس

اهل العروس كانو مابدون غير سعادت بنتون ماطالبو بشي
لأنو سالو عني وسمعو كلام حلو :10:
بدون بس ندير بالنا على البنت :10:
ومنشان المهر تفئنا نحنا هاي عنا على طول
100000 متقدم
و
100000 متاخر
و
100000 ملبوس بدل
وفلست يا أبو المر



5 _ هديتك لحبيبتك
​

و

بوكيه الورد
​

و

الطقم اللى هتروح بيه لخطبة حبيبتك

هاي الطقم ديزل الله وكيلكون
حقو فوق 20000 ليرة

​

6 _ كل عريس ينزل موضوع لقسم معلومات عامة
وموضوع بقسم برامج الكمبيـوتر و الإنترنت
وحط الروابط مع باقى الطلبات
وبقسم البرامج حاليا
يلي بفوت علي بلائي
أبو المر متصدر الصفحة
من أولا لاخرا

​

​

 

[museumoflove]

أبو المر ​

 

[♥البرنسيسة♥]

انا بصوت لابوالمر احلى عريس :10:

​

 

[سِدْرَة المُنتَهَى]

أصوت لأنوووووس ​

 

[Dark Heart]

انوووووووووووووووووس

 

[Dark Heart]

على فكرة بدلة ابو المر بتجنن
كتتتتتتيييييييير حلووووووووة

 

[♥البرنسيسة♥]

تنئايتي البدله الله وكيلك :10:

:19::19::19::19:​

 

[عاشق الوسوف]

ابو المر
​

 

[وردة الاحلام]

ابو المر انا بصوت لابو المررررررر​

 

[روح الشام]

سنيور انس

​

 

[البحر الهائج]

الكل خزيت العين عنهم الله يحميهم ويوفقهم
وعملهم كان بكل جد ونشاط

وانا بضم صوتي للمعلم ابو المر
ملك المعسل

​

 

[كماتشو]

انا صوتت لحبيب الشعب ابو المر

 

[بالمرصاد]

احلى عريس واحلى ابو المر
وهي تصويت لابو المر