روح الشام
رئيس وزارء البيلسان
- إنضم
- Dec 4, 2008
- المشاركات
- 13,083
- مستوى التفاعل
- 93
- المطرح
- iN FaNtAsTiC wOrLd
عن تياب الباشاوات
..... .gif "مألذني :Girls (4):")
ودلع ست البنات
..... ودلع ست البنات
... وردح أم اللسانات ...
هدول هيك نزلو صَب ...
لا بيتغيرو ولا بيتحرَّفوا ولا بينتسو....
وصاروا من قواميس الشوام ...
يلا فَتْحو إدنكن ربي يسعدكن ..
إمباز : لباسالرجل الشامي التقليدي مشابه للكلابيّة ...
وبنقول فيها إمبازوووو
اليوك : مكان كانت ترص عليه الفرشواللحف في البيوت العربية ...
أوضة :غرفة كانت تستعمل غالبا للنوموالجلوس
وأنا أوضّتي لونها زهريّة حلوة
وأوضة الأعدة تبعنا كبيرة ..
وأوضة الأكل طوَّاليِّة ..
وأوضة الضيوف ما بتخلِّينا أمي نفوت عليها آل منشان ما تتوسّخ ...
الواهْ الواهْ :تعبير شامي جميل ... انتقادي كمثل : الواه الواه لابئلوكتير!!!!
أو ..
الواه الواه هاد يلي كان نائص !!!
إيدي بزنارك :تعبير يستخدم للتعبير عن الرجاء
وهي الزكرتيّة بحارتنا بئولوها كتير ... 
هه
هه
دشرو : يعني رحالعنّو. ...gif "أتركوووني :Albilsan (119):")
أو فلّتو .. متل " أم لبنتا : دشْري الصحن وبلا أزا..
وأب لإبنو : دشِّر أخوك أحسلّك ...
ومرا لجوزا : دشّرني مالي رايئتلّك ..
ماني غضران :يعني لست بقادر
(وهي بالميداني)>>> بس انا مابقوولا
البنت لأمّا : أومي عزْلي .. مالي غضرانة
وفصعون لأبو : أوم روح معي عشّغل .. مالي غضران
وكنِّة لحماتا .. أومي ساوي المطبخ .. مالي غضرانة ..
ومرا لجوزا : أومي إطفي الضوووووووو ...مالي غضرانة
هه
يوه تشكلو آسي :يوه مفرده يأتي شرحها لاحقاَ
تشكلو آسي (بعيد الشر) تعبير يفيد شدة حبالمتكلم للمتكلم عنه ....
ومااااااا أكتر هَي الكلمة على لسان التيتات والختيارات ونَسَوين الحارات القديمة
اولا :آداة تستخدم في النهروالشتم.
وما أكتراااااا بجميع التصاريف والاشتقاقات ..
ويمكن أكتر كلمة بيستعملوها أهل الشام ..
ولي على قامتو
ولاك أوم من خلقتي أحسن ما طحبشك ..
ولاّك سيف ..
ولي على حظي ..
ولي على آمتها شو حلوة " هَي بتسمعها أكتر شي بالحفلات والأعراس ه منشان هيك أغلب الصبايا الحلوين بيرجعو مسطوحين ه
ه منشان هيك أغلب الصبايا الحلوين بيرجعو مسطوحين ه
وهاد بيشمل " ولي على طولها ، عرضها ، شكلها ، نحفها ، رقصها ، ضحكتها .... إلخ من يلي بيخطر على بالكن ومن يلي ما بيخطر بنوووووب ..
وأحيانا بيكون معها توابع يعني ولي عليها شو مهضومة " مسبة بس مكّحلة "
ه
ولي .. " هيك لحالها بدون شي .
وهَي مع كلشي منيح ولّى مو منيح ... عادية ..
وخنان :مسبّة مانها ظريفة بس وضعت للضرورةاللغوية.:19::19:
وأمانة التعريف والمتعارف ه
ه
بسمعها بس بصراحة ما بعرف شو معناتا بالضبط ...
شعرهمتل الشوشة : أي أن شعره منفوش ومنكوش.
وضرَّاب السخن :وهيمسبة..كمان من حظي إني ما بعرف معناتا .. لأني شامية إي .. بس ما بستعملون ...
مابعرف خلاص .... مسبة وبس .:80:
شاضومه :بنت مجلوئة .. يعني كيف بديالكن ....
قليلة أدب وامصَبينه.
وأغلبها بتقولها الحماية للكنة
أو بنات الإحما للكنة أو بالعكس ...
تعسيله : نومة بعض الظهر..gif "صَح صح :Albilsan (89):")
مسرسبة :يعني بتحب النظافة كتير.
مثال : ويعليك شو مسرسبة ..:19::19:
بسطاتي : تطلق على صانع البسط قديماً
مخللاتي : بيَّاع المخلل ..
وكتااااااار بالميدان والشيخ سعد .. يم يم
وكل الأنواع والأشكال
احميماتي : كشَّاش الحمام .. وهاد باب تاني .. لأنو يلي بيقولو عنو احميماتي بيقصدو كذاب .. وعليه إشارات كتير ومآخذ آكتر .. منها للمثال إنو ما ابتنقبل شهادتو أبداً .. ليششششششششش؟؟
لأنو احميماتي ..هه:19:
هه:19:
بسطجي : صاحب البسطة ..أي البائع الذي يضعبضاعته على درج خشبي
أو طاولة على الرصيف أو على زاوية طريق
...
ويمكن هي أكتر ظاهرة منتشرة عنَّا وبالأخص بالحميدية و الصالحية بعد العصر وأبورمانة كمان بعد العصر والمخيّم إيمتا ما كااااااااان ..
وهنَّاح وهنَّاح ممكن تلاقي واحد عندو محل مثلاً بس حاطط شئفة بسطة على الزاوية احتياط ..
بركدن مرقتلا شي وحدة مااااا شافت الواجهة ... بتشوف البسطة
بابوجة : الحذاء أو المشاية أو الكندرة
بس في شغلة ما فهمتا .. كتير بنستعمل هَي الكلمة على نمط : بابوجتك ... بعد ما يكون الواحد عم يطلب شي ... ليش الله أعلم ؟؟
أو على أسلوب السخرية .. بيقولو : إيه بابوجتك وبابوجتها هاد يلي كان ناقص ...
وبنختم بزبدة وحلاوة ...
وآخر كلمة ..
يحرء حريشك ... ابتنقال لشخص فهلوي
وأنا من جهتي كتيييييييير بستعملها
وانتو يحرء حريشكن شو مهضومين
وأخصيّتَن وإنتو عم تئروا واتعَلْؤا
على هلحكيات ...... الظراف ...:10:
يلّا لهون حاجتكن ....:80:
.gif "مو أنــــا :Albilsan (155):")
