قولكون انضحك عليي ؟

[احلى دنيا]

مرحبا يا قوم ... مفتوحه قريحتي عالمواضيع اليوم

هاد يا سادة يا كرام من كم يوم

كنت ماشيه بطريقي

واز بتوقفني بنت صبية ..

وشكلا مدايقه

بتقلي يا صبية انتي بالجامعه ؟

قلتلها اي

قالتلي انا نسيت جزدان المصاري بالبيت وبدي اروح عبيتي وما معي مصاري

ومنحرجة كتير

وحكتلي انو معها دفتر اخدو معي متل رهن عشان تاني يوم ترجعلي المصاري

انا والله شفقت عليها واعطيتا مصاري ترجع عالبيت وما اخدت الدفتر بمبدا انو الناس لبعض

بس بعد برهه من الزمن

دورتا بمخي

طيب ازا ناسية جزدانها بالبيت .. كيف وصلت للمنطقة يلي كنا فيها ؟؟

واظن انو لو انا او انتو محلها ما رح نطلب مصاري من حدا بالشارع ... مو ؟؟

قولتكون انضحك عليي ؟


طبعا ماعم احكي مشان المصاري .. بس انا جد حاسه متل الهبله ما فكرت بشي غير اني بدي ساعدها

لو انتو مكاني بتساعدوها او ما بتصدقوها ؟

 

[خُـزآمىَ ..~]

ممكن تكون ما اجت بمواصلات اجت مشي ,
ويا ستي حتى لو انضحك عليكِ المهم انو انتِ نيتك صافيه ,والناس لبعضها
و مو مهم تكون نيتها عاطله , لانو فيه شي اسمو ذمه وضمير

وانا لو مكانك بساعدها وبحتسب بالاجر من الله


​

 

[احلى دنيا]

هلا اني ساعدتا معروف انو شي منيح الحمدلله .. مو هون القصه

بس اني بوقتا ما فكرت ابدا انها ممكن عم تالف قصه . .. وهالشي حسسني اني هبله

 

[لكبړيآئي قصھہ]

والله يا حبيبتي انا صارت معي شي مرتين

يعني صار فيني متلك انا بوئتا ما فكرت وتصرفت من باب الناس لبعضا

والت لحالي الا ما يجي يوم ويصير معي نفس الفصل

لهيك بئلك ما انضحك عليكي انتي تصرفتي بحسب طبيعتك

واكيد الك اجر بهالشي حسب النية متل ما حكت جوان



​

 

[عكــ البيلسان ــيد]

هاد الحكي صحيح وحتى لو كانت هي نيتها التسول او ماشابه
اللي اعملتيه مفروض يصير لانو ما منعرف ايمتى منواجه
هيك حالة بتكون بالفعل بحاجة
فلو بدنا انئول ما بدنا نعطيهن ممكن انكون عم نمنع المعروف بين الناس بطريقة او بأخرى
بس انا بهيك موقف كنت اخدت الدفتر مو لشي يعني الدفتر مالح يكون ئلو ئيمة
بس كرمال ما اشعر بنفس اللي شعرتي فيه بعد ما راحت

 

[احلى دنيا]

لك اي ممكن تصير فيني بس لو بدي اقعد للصبح بمكاني ما بطلب من حدا غريب مصاري

في موبايل مثلا ... شو بعرفني

 

[احلى دنيا]

هاد الحكي صحيح وحتى لو كانت هي نيتها التسول او ماشابه
اللي اعملتيه مفروض يصير لانو ما منعرف ايمتى منواجه
هيك حالة بتكون بالفعل بحاجة
فلو بدنا انئول ما بدنا نعطيهن ممكن انكون عم نمنع المعروف بين الناس بطريقة او بأخرى
بس انا بهيك موقف كنت اخدت الدفتر مو لشي يعني الدفتر مالح يكون ئلو ئيمة
بس كرمال ما اشعر بنفس اللي شعرتي فيه بعد ما راحت

اجتني الشهامه بوقتا يا ابا انس

 

[عكــ البيلسان ــيد]

اجتني الشهامه بوقتا يا ابا انس

ولك الله محيي أصلك
نشمة بنت نشامة

 

[► Mr.Rami ◄]

ماحدا بيطلب من شخص بالطريق ومابيكون متعود ع هالشي
وأساسا بتكون شغلتو
أنا مثلا لما مايكون معي مصاري

مكسمو تكسي ع البيت لك لعند رفيقي لك لأقرب منطقة بعرف فيا حدا وبطلب منو بس بالشارع مستحيل لو بدي أرجع مشي ع البيت

والله يساعد العالم كلا ويرزقا
ويلي بيطلب مني بعطي
​

 

[►RatoOoOb ◄]

الاعمال بالنيات انتي نيتك كانت صافيه

بس شو كان ظرف بنت ماحدا بيعرف

في قابل تكون محتاجه بالفعل او نصابه ...

العلم عند الله

المهم انتي عملتي ع هوا نيتك

انا ماكون محلك يمكن اعمل نفس شي

او كنت بوقفلها تكسي وبقلو خدها محل مابدها وبحاسب التكسي

ع كل حال تعيشي وتاكلي غيرها

والله يجعلها اكبر المصايب


​

 

[احلى دنيا]

رامي معو حق بظن

راتب مانها مصيبه ولا شي

لو طلبت مني يعني شحدت بعطيها وما بهتم

بس هييك بيكون انضحك عليي

وانا دايما بنضحك عليي

 

[JuSt RaMoOTa]

يلا انتي نيتك صافيــة
حتى لو انضحك عليكي

​

 

[{*B*A*T*M*A*N*}]

لا انضحك عليكي ولا شي
اعتبريها مسكينة قاعدة بالارض عم تلم مصاري من الناس
ومرقتي من قدامها بتلحشيلها مصاري و بتضلي ماشية
صارت نفس الشي
مزبوط
وكمان عملتي خير
​

 

[ربيــــــع]

هلأ بالمطلق أنا بالنسبة إلي أزا شفت حدا محتاج بيساعدو مجرد يطلب ...
و بصراحة صار معي موقف من زمان متل موقفك تمام ...و ساعدت الشخص و رجعت دورت الموضوع براسي يعني ممكن يكون صح الشخص لي عم يطلب محتاج و ممكن لأ وممكن يكون محتاج لشغلات تاني ...يعني يصرفهم بشي محل تاني ....بس أفضل حجة و كذبة هيي أني مقطوع بالطريق ...

عكل الواحد ما بيتعلم ألا من تجاربو ...و خاصة أنو بهالأيام صار صعب الواحد يميز بين الصادق و الكاذب

 

[أمورة سوريا]

لأ حبيبتي لا تحسي حالك متل الهبلة
يلا عملتي عمل خير اخدتي حسنات


​

 

[ČốηťĕṨṩก]

و انا لو محلك بعمل نفس لشي
و ما بندم بصراحة , او بفكر انو انضحك عليي بلعكس
بكون عملت اللي عليي
و اذا كانت نيتا عاطلة ففي الله

بلعكس يمكن كنت ادايئت اذا طلبت و ما ساعدتا ساعتا كنت حسيت بلذنب انو بركي عنجد محتاجة
و ما بتعرفي شو ممكن تكون ظروفا
انا بدور الفكرة براسي مية مرة و بحط مية عذر ئبل ما اندم

و الله اعلم بعباده
​