ايمتى الزوجة بتبيع دهبها ؟؟

[احلى دنيا]

هايتو

صرلي قرن ما كتبت موضوع

وقرن تاني ما كتبت موضوع بهالقسم

المهم

هلا في سؤال خطرلي بعد هالموقف

قريبتي باعت دهبها عشان زوجها بدو يشتري سياره

وهي ما صرلها عروس غير سنة واكم شهر فقط


انتو برايكون محرزة تبيع دهب عرسها مشان سياره ؟؟


ومنطقي الزوج يطلب هالشي ؟؟

سؤال يدور في نفسي ​

 

[لكبړيآئي قصھہ]

الدهب اول شي من حق الزوجة شي أكيد

ومو مشكلة ابدا ازا ساعدت زوجها طبعا ازا كان الزوج بيستاهل هالشي

بس تبيع الدهب كرمال سيارة؟؟ ما بحبذ هالشي

ازا من كل بد وبدها تبيع الدهب لزوجها يكون كرمال شراء بيت او حتى تحسين بيت الزوجية




شكرا لموضوعك حبيبتي موضوع مهم
​

 

[دانووو]

ياستي على هوو الحاجة لهاد الذهب
هلئ انو الذهب هو للزوجة بس ياعمري
لما الوحدة بتكون بتحب زوجها مابيغلى عليه مال الكون
بعيد هو الذهب للحاجة يعني
مثال انو هي السيارة تركبها وتبقى بلا دهب
احسن من ماتنطور تكسي ساعة
بالمطر او الشوب
وبيدها الذهب
هاد رايي ولكككك دخيلك
كلوو رايح خليها تعيششش
انا وحدة عندي دهب بيلبس 3 نسوان
والله وكيلك مالي حاطة شي بيدي ولا شي
غير المحبس مشان ماانخطب بالطريق
يسلمهم عمري عالموضوع
ولا بقى تغيبي قرن وقرنين
عم نشتقلك يعني~~~~~~~~~ديدي

 

[احلى دنيا]

الدهب اول شي من حق الزوجة شي أكيد

ومو مشكلة ابدا ازا ساعدت زوجها طبعا ازا كان الزوج بيستاهل هالشي

بس تبيع الدهب كرمال سيارة؟؟ ما بحبذ هالشي

ازا من كل بد وبدها تبيع الدهب لزوجها يكون كرمال شراء بيت او حتى تحسين بيت الزوجية




شكرا لموضوعك حبيبتي موضوع مهم
​

يا عيني عليكي وانا هيك رايي ...
انو خليه لشي مهم احسن والسياره بتجي عالطريق

 

[احلى دنيا]

ياستي على هوو الحاجة لهاد الذهب
هلئ انو الذهب هو للزوجة بس ياعمري
لما الوحدة بتكون بتحب زوجها مابيغلى عليه مال الكون
بعيد هو الذهب للحاجة يعني
مثال انو هي السيارة تركبها وتبقى بلا دهب
احسن من ماتنطور تكسي ساعة
بالمطر او الشوب
وبيدها الذهب
هاد رايي ولكككك دخيلك
كلوو رايح خليها تعيششش
انا وحدة عندي دهب بيلبس 3 نسوان
والله وكيلك مالي حاطة شي بيدي ولا شي
غير المحبس مشان ماانخطب بالطريق
يسلمهم عمري عالموضوع
ولا بقى تغيبي قرن وقرنين
عم نشتقلك يعني~~~~~~~~~ديدي

حبي لزوجي ع عيني وراسي
بس هو كمان لازم يحبني ويحافظ ع دهبي اكتر ما بقدر
لو طلبو مشان شغل او بدو يشتري شي بيت ما بيغلي عليه
بس ممكن الايام تجور عليهن لا سمح الله ويكون بدهن مصاري
ومافي احسن من الدهب وقت الزنقه
انا هيك بظن
والله يكتر دهباتك حبيبتي
ولا تنسي المحبس ها

 

[دانووو]

لا ماراح انساه ه
نفقنااااااااااااااااااااااااا وجبر الله






بس بتعرفي اكيد زوج الوحدة لما بيطلب منها الذهب
بيكون بيحبها لحتى طلب منها وولومالها هي المرفئ تبعون الامان تبعه
مابيطلب منها مووو؟؟؟؟
​

 

[احلى دنيا]

برايي
فيه يحبني بغير طريقة
ويخلي الدهبات لوقت الزنقات
يعني السياره بيقدر ياخد قرض ويشتري ويسدد من راتبو
صدقيني عم بحكي من باب انو لازم يروح الدهب ع شي محرز
انا بحس السيارة من الكماليات
مو شي اساسي بالحياة
و نورتيني والله

 

[► Mr.Rami ◄]

بترجع للزوج إذا متفقين ومتفاهمين والزوجة معتبرتو زوجا وهو معتبرا زوجتو
أنا بنتحر مشانا
ومو مشكلة أبدا هي كمان تعطي دهباتا

ياهيك المرة يابلا وحياتك الله بيعوضا
​

 

[دانووو]

الله يخليلنا القائم شفتي نفس الراي رايه وحيات الله انا
مابنطر ليقول بوقتها ولو من الكماليات بما انو هي رغبته
وهو اغلى من ذهب الدنيا مافي داعي
انطر للازمات
ومن ترك شيء لوجه الله وابتغاء مرضات زوجها
عوضها الله بخير منه ~~~سامحيني انو هو هاد موضوع للنقاش لهيك عم ارجع اخود واعطي معك
عفوا للازززعاج

بترجع للزوج إذا متفقين ومتفاهمين والزوجة معتبرتو زوجا وهو معتبرا زوجتو
أنا بنتحر مشانا
ومو مشكلة أبدا هي كمان تعطي دهباتا

ياهيك المرة يابلا وحياتك الله بيعوضا
​

 

[خُـزآمىَ ..~]

من وجهة نظري /
طبعاً مثل ماحكيتوا الذهب حق للزوجه ومافي مانع تساعد زوجها اكيد برضاها اولاً
لكن مو محرزه ابد تبيع ذهبها منشان سياره لا كمان فوق هالشيء ماصار لهم سنه زواج
يعني برأئي الزوجه تحفظ ذهبها لوقت الحاجه والضروره القصوى يعني البني آدم مابيضمن الظروف
ممكن تمر عليها ظروف اقسى من الحاجه الي سياره بمعنى لاسمح الله ظروف صحيه وغيرها
تصير الزوجه تضمن حالها فيها

 

[أمورة سوريا]

ليكي حبيبتي انا رأيي انو تعطيه دهبها على هالشغلة متل ما قالت حبيبتي ديدي
احسن ما تنطر تكسي ساعات بالشارع وهنن اذا علاقتون كانت قوية فبكون شي عادي بيناتون انو تعطيه دهبها وهي اذا بتحبو لازم تساعده بأصغر شغلة محتاجا والله الدهب مو كلشي

​

 

[ČốηťĕṨṩก]

رأيي متل جوان و مس سوسو

 

[خُـزآمىَ ..~]

مآ بدي أتدخل برأئي حدا لكن !!
المسأله مو مسالة بيحبني وبحبو ,
فيني أثبتلو حبي و وفائي له وتضحيتي مشانه بغير طريقه
يعني الزوج بإمكانه يجمع مصاري او ياخذ قرض منشان السياره
ويضل الذهب تحسبً لاي ظرف طارئ وهالحكي مو منشان الزوجه لحالها,منشان الاثنين سواء

أعتذر عن الرد مره تانيه
​

 

[سما الاكوان]

يستحق الزوج الوقف معاها والذهب صح من حق الزوجة بس يعنى لو وقفت مع الزوج يفضل ذلك اكيد الزوج راح يعوضها الذهب الا تكرمت في هو الا عطاها الذهب اكيد بعد فترة بيرجع لها الذهب عند تحسن الاحوال
ولكن هناك نقطة اخرى
كان من الافضل طلب المال من شخص اخرى كصديق او احد من الاقارب لانهم ببداية حياة جديدة
والسيارة ليست غالية السعريعنى من المفروض ماكان يطلب منها ويبحث عن طريق اخرى لتجميع المبلغ
غير بيع الذهب
وقد يكون هذا اختبار بنفس الوقت لطرفين وتقريب العلاقة بينهم
في كل الاحوال ان كان هناك رضا وطيب نفس
ليست هناك مشكلة ان كان يستحق ام لا
الله يدوم المحبة والالفة
والمال الحلال
شكرلك اخي على الطرح يعطيك العافية
دمت بخير

​

 

[أيلول]

برأيي ..
المرأة عندما تتزوج فهي لا تأخذ لقب زوجة فقط ، هي شريكة حياة وحبيبة وصديقة
وكل هذه الصفات تطلب منها التضحية بأغلى ما تملك لزوجها
أن تضحي بالذهب لمن هو أغلى من الذهب ، ذلك لا ينقص منها شيء والمال يذهب ويعود
في سبيل سد حاجة زوجها وتوفير ماله وتعبه في الطرقات .. حتى وان كانت مجرد لدفع حرج أمام أصدقائه
طالما هو يستحق ذلك ولم يقصر معها في شيء
فأهلا وسهلا بفرصة تظهر مدى حبها له .. المال لا يساوي شيئا أمام كل هذا ​

 

[احلى دنيا]

هلا هو ليش جابلها الدهب ؟؟
بس مشان يلبسها ياه بالعرس يعني ؟؟
كان فيه ما يشتريلها الدهب ويشتري فيه السياره
وتتزوج بلا دهب
شو فرقت

 

[دموع الورد]

انا برأيي انه من الافضل انه تخبي ذهبها لاشياء اهم وظروف اقسى من هيك

بس طالما هما متفقين وهي معطيتو اياه بارادتها وما عندها مشكلة

وهو بيستحق هالشي منها اكيد ما فيها شي

واذا هو بحبها وبقدر هالشي اكيد رح يعوضها اياه لما تتحسن ظروفو
​

 

[الأسود]

ستندمُ لاحقاً ,.. بالتأكيد

قد يكونُ تحريضاً مِن حماتها ,.. من يدري !


تحية هنا

 

[ღRosa Blancaღ]

بترجع للزوج إذا متفقين ومتفاهمين والزوجة معتبرتو زوجا وهو معتبرا زوجتو
أنا بنتحر مشانا
ومو مشكلة أبدا هي كمان تعطي دهباتا

ياهيك المرة يابلا وحياتك الله بيعوضا


كرمال الله يا رامي لاء كلو الا تنتحر ببيع دهبي كلو وانت ما يصرلك شي اي انا ما سدقت لقيتك
​

 

[احلى دنيا]

جردينا كان نفسي تعلقي عالموضوع بدل التعليق ع رد رامي