عم احكي من حرقة (من أهم المشاراكات برأي)

[المستشـــار]

اكيد نحن مقصرين

الله يهدي الجميع

الموضوع كتير حلو​

امين الله يهدي الجميع
يسلموووو كتير ... نورتي ... والله

 

[المستشـــار]

كل الشكر لك ملك الغرام وكلامك انا معو حرف حرف

على راسي والله .. نورت

 

[المستشـــار]

موضوعك مهم جدا اخي الكريم والاغلبية او بالاحرى كلنا عنا مشكلة الوقت​

لكن عن نفسي احاول قدر المستطاع تنظيم وقتي والله يوفقنا جميعا​

امين ... الله يبارك فيك يا رب .... شكرا لمرورك

 

[شمعة الحب]

والله كلام سليم لا يخره الماء


يعني بجد لاحظة انو في كتير ناس بتفوت ع المنتديات حتى تكثر من رصيدا وبس
لك بحطو كلمة مشكور\ة بدون ما يقرو الموضوع حتى
مع انو بكون الموضوع كتير مهم مرات


هلأ نحنا اكيد عم نضيع وقت كتير كبير ع النت والله بدو يحاسبنا علي

بس كمان عم نستفيد مرات يعني بصراحة كل واحد فينا عارف من جواتو انو هو عم يضيع وقت والأستفادة نسبتها كتير قليلة قدام الوقت يلي عم نضيعو


بس منقول بكل الأحوال الله يهدينا ولا يحكينا كلمة نندم عليها يوم القيامة

مشكور اخ ملك الغرام

 

[المستشـــار]

مشكورة كتير على مرورك نورتي والله


الله يهدينا جميع .... يسلموووووووو كلك ذوق والله

 

[PliiiJl JljJj]

أنا فايت لهون بإذن الله لفيد واستفيد والله يعينا

 

[Rotting_misery]

اول شي بتشكرك ملك لهل طرح الرائع

بالنسبة للموضوع فااكيد انا فايت لحتى استفاد وفيد ..

بس من ناحية التقصير فااكيد نحنا مقصرين

ئلا مايجي يوم وانهدى فيه ... الله كريم


​

 

[القيصر]

الكلام بصراحة
ياشباب والله إن كان الشخص يعمل للخير إن شاء الله بيحصدوا بس ما بتعرف في كتير فاتوا على الموقع بس مشان يقضي وقت بس لح قلك شغلة يلي بيلحق طريق الخير بلاقي كلوا خير ويلي يلحق طريق الشر بلاقي الشر ...
وما فيك تحكم على كل الناس في أشخاص النية الصادقة تنبض من قلبه وما فيك تحكم مثلا على بائع التلفزيون إن بيع التلفزيون حرام لأن فينك تستخدموا في سبيل الخير وفي سبيل الشر ....... فا الحديث لا غبار عليه أبدا "
وكل شخص بيعرف حالوا والله مني وعلي أنا واثق بحالي لأن في مواضيع لازم ينحط حدود إلها ..





abo bilal the best usually ​

 

[المستشـــار]

Abo Bilal .. Rotting_misery .. PliiiJl JljJj




بتشكركون جدا على مروركم

 

[Crystal Heart]

أنا تعبت وأنا عم أكتب وفكر بقا كملوا

سؤالان مهمان :

السؤال الأول

يا ترى هلا نحن عم نفوت بس للمشاركة ورفع رصيد المشاركات وتمضاية وقت ولا في هدف اخر نصبو اليه

انا بصراااحة فتت لهون لانو شفت الكل مروئين و دماتون خفاف و انا كتييير بحاجة اني روئ هالايام

السؤال التاني

لو سُئلت سواء هلا او يوم القيامة انت أفنيت عمرك نصو على الانترنت شو عملت وشو ساويت لدينك وبلدك ولحالك .....

بصراحة للأسف ما رح يكون عندي جواب ان شاء الله يارب انا مقتنعة اني استفدت و افدت بس تضييع الوقت غالب جدااااا
و حتى الضرر

بدي قلك شكرا لانو وقفتنا وقفة لنفكر شو عم نعمل و انو هاد كلو عليه حساب

 

[museumoflove]

معاك بكل حرف

تسلم يــــــــــــا

​

 

[المستشـــار]

نورتي

 

[المستشـــار]

معاك بكل حرف​

تسلم يــــــــــــا​

​

تسلم يا أيمن يا غالي

 

[عهد القمر]

حلو كتير الموضوع وانا كنت راح نزل موضوع هيك شئ
هلئ الصراحة انا عم حس انو فيه ناس فقط بس اجت منشان تحب
ومنشان تلعب وتزود مشاركاتا ...ومنون جايين منشان يتناقشوا ويطرحو مواضيع
ع جيلون ...وهنن بنفس الوقت بيتعلمو ..
انا بدي احكي بصراحة ...
انا عم شوف انو نص المنتدى ...العاب اكتر من الفايدة
حتى لو ما بتحسب المشاركات ...بس هي اكترها بالمنتدى
وين مابروح بشوف العاب وين ما بجي بشوف العاب
نلعب ...ماقلنا شئ...بس نلعب لما نخلص نحنا ...من الفائدة اللي جاينا..ونفيدون
ومو كل الوقت العاب ....ندخل ع لعبتين ..وتمانة افادة ...
انا حاسة انو مافي مناقشات ...بين الاعضاء هون ....يعني ماتواخذوني..
انا بشوف بعض المشرفين والمنسقين الاكتر ...ماعم لاقيون بناقشو الاعضاء..
يعني لازم يكونو المشرفين والمنسقين قدوة للاعضاء ..موبس حذف ..ومدري شو
بدك تناقش ...يعني ع اساس شو مشرفين ومنسقين ...لازم ناقش بعضنا ...
لازم نحط اضواء على حياة المراهقين هلئ ...
يعني ماشاء الله انا شايفة شباب يخز العين حوالهون ...كبار عمارون بتتجاوز 25
ليش مانستفيد من خبرتون من الحياة ...نحكي قصصنا ..ونشوف حال شبابنا
وكيف لازم نتصرف ...ونتعلم منون
يعني انا اشتهيت حدا بالمنتدى يقتبس مشاركتي ..ويعلق عليها..
بفوت بعطي رائيو ..وبيترك الموضوع ..ولا بقراء الردود تبع الاعضاء....
.يعني حتى صاحب الموضوع
بقلو شكرا ولا بناقش معو ...ناقش واعطي رائيك اذا انت ضد او معو ...
يمكن يكون رائيو غير منطقي فينك والناس تمشي ع رائيو ..انت بنفسك تغيرلو رائيو
يعني حتى انا بشوف بعض الاعضاء عم يشاركو بالمواضيع بس منشان يزودو مشاركاتون
كلمة مزيد من التقدم وشكرا ومدري شو ...
وينكش بمواضيع القديمة بس منشان يكتب هيك شئ
حتى انا عم شوف مواضيع الصراحة ماالها علاقة للنقاش..يعني
ومنشان قصة انو عم نقصر كتير ...
انت مابتقصر ابدا اذا كنت عم تفيد المجتمع ...فوت وقت بتكون فاضي ماعندك شئ
والصلاة يعني ماراح تاخود من وقتك شئ ...
والمنتدى ماراح يهرب والمواضيع راح ضل والردود ماراح ينحذفو
خلينا نفيد ونستفيد ...وموبس نحط وقتنا كلو بالالعاب
فيه معلومات كتير مفيدة هون بالمنتدى نقرا ونستفيد ونعلق عليها...
خلي تكون نيتنا خير ع المجتمع ...مو بس لعب ....
وانا يمكن ماالي الحق احكي هيك انتو حرين ...بس بالاخر هادا رائي
وحبيت نزلو ...يمكن واحد من الاف الاشخاص هون
يعجبو ردي ويقلي نعم ...مو ضروري كل الاشخاص تكون ضدي
او تكون معي ...واخير بتمنى الافادة لجميع
ونخلي مواضيع النقاش اكتر من مواضيع الالعاب وردودنا كلها افادة ونقاشات


​

 

[AbeER الشام]

قال الرسول صلى الله عليه وسلم { انما الاعمال بالنيات وانما لكل امرئ ما نوى......}​

 

[- ]Safee[ -]

كلامك صحيح مية بالمية صديقتي عهد القمر.....
......ولازم ما نئضي كل الوقت عالفاضي

بس كمان في بتلائي بعض الالعاب المفيدة يلي بتشغل المخ وبتزيد الثقافة

(أنا برئيي شوي هونو شوي هون)

وشكرا​

 

[مريم...مصر]

وشو رأيكون بالموضوع أنا حطيتو هون لا نو حابب نتحاور ؟

موضوع جدا جدا رائع
وانا كمان هالموضوع كان شاغل بالى
او مش لدرجة شاغل بالى
انه لفت نظرىة كتير
يعنى فى ناس مضيعة كل حياتها ع منتديات
طب وبعدين
يعنى مشاركات بعد مشاركات
كل يوم بتشارك
وكل يوم بتكتب
وكل يوم بتتعرف على ناس
طب انت شو استفدت من كل هالمشاركات
شو اتغير بحياتك
هل حياتك بقيت احلى اوحش
يعنى
كل واحد المفروضص
يفكر لحظة
شو هى حياتو ؟
وفى شو قاعد عم يسوى فيها؟​

 

[eyad]

اخي العزيز المنتدى رااااااااائع جدا ومكان للنقاش بحرية كاملة واللي بدو يستفيد رح يلاقي الفائدة الجمة الموجودة بين طيات هالمنتدى
على فكرة انا من زماااااااااااااان بدخل نت واول مرة بنضم لمنتدى لانه فعلا راااااااائع ومفيد
:Albilsan (115)::Albilsan (115)::Albilsan (115)::Albilsan (115):​

 

[eyad]

بعدين عزيزي الرد على حسب الموضوع يعني اذا الموضوع بيحتاج لنقاش رح نناقش الموضوع اما اذا
كان موضوع نكت او صور فطبعا الرد رح يكون مختصر على كم كلمة
متل يسلمو او يعطيك العافية
بعدين لو البيلساني كتب ردود كتير وعلق كتير شو رح يطلعلو بالاخر يعني من طابعتو اسديااااات
ولا خمسميات
اكيد في فائدة وثقافة وعلم وترفيه
يسلوووووووووووو​

 

[ḾǑŏǑŏǓĐỸ]

الحمد لله عم نفيد ونستفيد يعني قسمي اجباري بدي حط مشاكل في ليمشي

بس في احبار رياضية هي صخ تضيعة وقت وحكي فاضي بس بلنهاية الرياضة وصانة فيها النبي عليه الصلاة والسلام

وكمان موضوع الرماية والسباحة وركوب الخيل وكل الرياضات عندي وعلى الكمل وجه


وانا بغير قسمي الحمد لله منشارك للأفادة والاسنفادة وانشالله يكون كلو عم يستفاد ما عم يتسلى تسلاية



بتشكرك عماد موضوع غاية بلأهمية:Albilsan (115)::Albilsan (115):

والله بتستاهل تقاييم الاعضاء كلها
​