بحبك
زي ما تحبي
تكونيلي
يا شمسي
يا قمر ليلي
وصوتك
ف الدروب الضلمه
هوه
ضي قنديلي
وكل منايا
ترتاحي
ويطمّن
انين روحك
لما تحسي معانيها
والاقيكي
بعلو الصوت
تغنيلي
بحبك
لما بتهاودي
ولما تثوري
وتناهدي
ولما أغني لعنيكي
وألاقيها
تلاوعك
وانتي بتصدي
بحبك
لسه محفوره ف جدار
قلبي
وع الكتمان
مانيش قادر
لكين صابر
وشايف للأمل سكه
وحالف عمري ما امشيها
سوى لمّا
ألاقي ايديا
ف ايديكي
ألاقي ايديا
ف ايديكي