أحكولنا شو صار معكون اليوم....شلون مرق يومكم :)

[اميرة الشام]

اليوم فقت الساعة 3 و نص الفجر و قرأت قرآن و صليت الفجر و حفظت الاحاديث و بعدها كملت دارسة للامتحان

و الساعة 7 إلا ربع اجى الباص و رحت المدرسة الساعة 8 و ربع بدأ الامتحان و كان صعب كتير ضليت عم فكر و فكر وأألف الاجوبة

و كنت رح موت و تجي معلمة الاسلامية لأسألها شوية اسئلة بس ما رضيو و بعدها خلصت وقت الامتحان و سلمت الورقة ووقعت

و طلعت دقيت لأمي و بعدها وقفت مع رفقاتي شوي لعبنا و حكينا

و اجت امي و اخدتنا انا و رفقاتي ع البيت و كل وحدة راحت بيتها

و رجعت فطرت و فتحت النت و لهلق فاتحة و شوي و قايمة نام لأنو ما نمت طول الليل و انا قلقانة

و بعدها الله اعلم شو رح يصير

 

[{*B*A*T*M*A*N*}]

فقت الساعة 7 إلا ربع
ولبست ورحت على الفحص
وأجيت بعدين اكلت ونزلت أشتري وطلعت

 

[JuSt RaMoOTa]

ما صار شي
نايمين عنا بيت خالي ونانا ...
وابن خالتي
عم نقضي هالوقت ضحك

وبس

​

 

[اميرة الشام]

اليوووم فقت الساعة 2 تغديت بعدها نظفت البيت و فتحت النت شوي و رفيقتي دقتلي و طلعنا انا و رفقاتي صعنا و اتمشينا و اتعشينا و ضحكنا و لعبنا و سمعت صوت شخص ما بطيقو نهائيا بس شو بعمل مو بإيدي كان يوم بيجنن مع احلى رفقة بالعالم كلو و رجعت البيت و فتحت النت و بعدها سكرت و اتفرجت على فيلم و فتحت مرة تانية و شوي و سكر

 

[JuSt RaMoOTa]

انو اليوم فقت
فطرت
رجعت نمت
وهلا اجت الكهربا فقت ..

وبس
​

 

[JuSt RaMoOTa]

فقت ... فتحت فيس

طلعو لعندي بنات جيراني (( اليوم خلصت فحصا )) .. أخدناها ورحنا صعنا

ورجعت عالبيت
​

 

[بنت حمص]

مشروعي لبكرا

أول شي منتصور مع الشلة بمناسبة إنو خلصنا من البكالوريا

منتصور بحديئة المركز مشان تضل زكرى

و منروع عاد ع بيت وحدي من الصبايا

و برجع ع البيت شي الساعة2 بتغدى و بستلم اللاب

بصمم كام صورة

منصلي و منشوف الاخبار

و بعدين بحط راسي و بنام..~​

 

[RaNoSh]

فئت » غسلت وشي » شربت مي عاليئ ﻷنو مفيد » فطرت » شربنا ئهوة الضهر مع عمتي ﻷنو اجت عنا » اتصورنا مع ينات عمتي بالجنينة تبع البيت » أكلنا شيبس » تغدينا » شربنا شاي » راحو الضيوف » صليت العشي » فتحت نت وئعدت »»»»»»»» واكيد رح نام اليوم

 

[سما الاكوان]

ماوس الاب توب خرب​

.​

​

 

[{*B*A*T*M*A*N*}]

أكل ومرعى وقلة صنعة
​