اختبري شجاعتكِ ( للصبايا فقط)

["أيهم"]

كيفكم يا صبايا

أنا كتبت هالموضوع خصوصي إلكن ، منشان اختبر مدى شجاعتكن إذا واجهتوا هالموقف بيوم من الأيام

الاختبار :

لنفترض شي يوم كنتي رايحة عالمطبخ تشربي كاسة مي ، أو على الصالون منشان تتفرجي عالتلفزيون ، قام طلع بوجهك صرصور

أو أبو بريص

شو ممكن تعملي ساعتها ؟؟؟؟؟؟؟؟؟؟؟؟

1- بتصرخي بأعلى صوتك وبتنادي حدا من عائلتك يخلصك منو بعدين بتروحي على غرفتك وبتقفلي الباب على حالك حتى يتم القضاء عليه

2- بتمري قدامو بأعصاب باردة ولا كأنو موجود ولسان حالكِ يقول : (ليش حتى وسخ إيدي بقتلو ، خلي غيري يقتلو أحسن)

3- تعلنيها حرباً مفتوحة وتستخدمين كافة أنواع الأسلحة المتوفرة : شحاطة ( أعزكِ الله) - مكنسة - مبيد الحشرات ، حتى تحققين انتصاركِ العظيم.

يلا فرجوني شجاعتكن لشوف

على فكرة يللي بيحب يرد من الشباب هو حر بس أنا متأكد إنو ماحدا رح يرد لأنو مومعقول شب يخاف من شقفة صرصور أو أبو بريص

والله يسترني من تعليقاتكم يا بنات من ورا الصور ه


تقبلوا مني كل التحية
أخوكم ayham-111
​

 

[لكبړيآئي قصھہ]

يييييييييييييييييييييييييييي



يبعتلون حما هنة الجوووز على هالمنظر


وووولي بهيك موقف ازا شفتو لهاد ابو بريص يمكن يوئف ئلبي

بس انا بختار هالخيار للقضاء عليهون

- بتصرخي بأعلى صوتك وبتنادي حدا من عائلتك يخلصك منو بعدين بتروحي على غرفتك وبتقفلي الباب على حالك حتى يتم القضاء عليه

 

[JuSt RaMoOTa]

1- بتصرخي بأعلى صوتك وبتنادي حدا من عائلتك يخلصك منو بعدين بتروحي على غرفتك وبتقفلي الباب على حالك حتى يتم القضاء عليه
هيك بعمل


صرصور بصير بركض وببكي...بركض بركض بلف بدور لبين ما يجي حدا....
أما أبو بريــص بوقع بأرضي
ولــــــــــــــــــــي ......

​

 

[Faby]

هلئ ازا في حدا تاني يئتلن بنكمش على نفسي بمكان بعيد وبطلب.المساعدة
اما ازا كان مافي بوقتا ازا صرصور بئتلو بالبيف باف اما ازا المئوص التاني بهاجر بنركلو البيت كلو يمرح فيالله لايورجيني ياهن شو بيهزو البدن يخخخ

 

["أيهم"]

شو بلش مسلسل الهروب
يعني معقول ما تحاولي ولو (مجرد محاولة) انك تقتلي حدا منهم إذا طلعلك؟

على كل لنشوف آراء بقية الصبايا

شكراً على مرورك أخت سوسو
نورتي الموضوع بهروبك قصدي بوجودك ه

تقبلي مني كل التحية
أخوكِ ayham-111
​

 

[✿منى قلبي✿]

هلئ لكل شي الو موقف معين

بلنسبة للصرصور بموت ولا بقتلو بلشحاطة واسمع قرقشة وحس بطقطقة جسمة ولي والله يمكن بيرتفع السكر معي برش بف باف بيمشي الحال طبعا

بعد عناء طويل هاد اذا مافي حدى يقتلي يا واذا في حدا ما بعذب حالي بصرخة بلم الجيران عليه وبينتهي الامر

اما اذا التاني الهجران لامحال مافي كلام

ما حدى يناقش

 

["أيهم"]

1- بتصرخي بأعلى صوتك وبتنادي حدا من عائلتك يخلصك منو بعدين بتروحي على غرفتك وبتقفلي الباب على حالك حتى يتم القضاء عليه
هيك بعمل


صرصور بصير بركض وببكي...بركض بركض بلف بدور لبين ما يجي حدا....
أما أبو بريــص بوقع بأرضي
ولــــــــــــــــــــي ......

كمان انتي بتهربي منهم ؟
ما شاء الله على هالشجاعة يللي عندك

هلئ ازا في حدا تاني يئتلن بنكمش على نفسي بمكان بعيد وبطلب.المساعدة
اما ازا كان مافي بوقتا ازا صرصور بئتلو بالبيف باف اما ازا المئوص التاني بهاجر بنركلو البيت كلو يمرح فيالله لايورجيني ياهن شو بيهزو البدن يخخخ

هلئ لكل شي الو موقف معين

بلنسبة للصرصور بموت ولا بقتلو بلشحاطة واسمع قرقشة وحس بطقطقة جسمة ولي والله يمكن بيرتفع السكر معي برش بف باف بيمشي الحال طبعا

بعد عناء طويل هاد اذا مافي حدى يقتلي يا واذا في حدا ما بعذب حالي بصرخة بلم الجيران عليه وبينتهي الامر

اما اذا التاني الهجران لامحال مافي كلام

ما حدى يناقش

يعني بلشنا نشوف شوية شجاعة ولو بسيطة ، بس حابب أعرف ليش أبو بريص بتخافوا منو أكتر من الصرصور؟ وعاملين إجماع على الهروب من البيت إذا طلعلكم؟

هه



كل الشكر لكم فابي - just me - شذا على مروركم
نورتو الموضوع

لكم مني كل التحية
أخوكم ayham-111


​

​

 

[اميرة الشام]

1- بتصرخي بأعلى صوتك وبتنادي حدا من عائلتك يخلصك منو بعدين بتروحي على غرفتك وبتقفلي الباب على حالك حتى يتم القضاء عليه

​

 

["أيهم"]

ه كمان؟

لك اشتهيت حدا منكم ينقي الاختيار الثالث ، بس عبث ما في فائدة
هه

كل الشكر لكِ أخت أميرة الشام على مروركِ
نورتي الموضوع

تقبلي مني كل التحية
أخوكِ ayham-111
​

 

[ĻàĎỷ iЙ ŖẼD]

ه بصرخ صوت يعبي الدني
وبهرب على امي
وبئلا روحي اتئلي الصرصور والا ما بنام الليل


نو وئت بشوف صرصور بحسو وكانو عم يمشي عليي



مابقدر


الله يبعدو عني يارب

 

[mr_ops]

ييييييييييييييييييييي ما اطلفن هه


من يومين كان عم يحكيلي واحد .. لما كان ببلده كانوا يلعبوا بالصراصير لعب .. يمسكوهن ويتحدوا بعض مين يضل ماسكه اكتر شي قبل ما يهرب منن ه



اما ابو لـ بريص انا قاتل كتير منه وفي منن كمان بالعصاية قاسمه نصين .. سهلة كتير ... ومرة انا وابن عمي قتلنا واحد بمسدس لانه كان عم يهرب بسرعة فـ لحقناه بطلقة اجت عند رقبته .. وبعد هيك طعميناه للقطة يلي عندهم ( وهي جد صارت مو قصة خرافية)


رح يكرهوني البنات هلء هه

 

["أيهم"]

بصرخ صوت يعبي الدني
وبهرب على امي
وبئلا روحي اتئلي الصرصور والا ما بنام الليل


نو وئت بشوف صرصور بحسو وكانو عم يمشي عليي

مابقدر


الله يبعدو عني يارب

ولي لهالدرجة بتخافي من الصرصور ، ، معناتها إذا شفتي أبو بريص شو بتساوي لكن؟

ييييييييييييييييييييي ما اطلفن هه


من يومين كان عم يحكيلي واحد .. لما كان ببلده كانوا يلعبوا بالصراصير لعب .. يمسكوهن ويتحدوا بعض مين يضل ماسكه اكتر شي قبل ما يهرب منن ه



اما ابو لـ بريص انا قاتل كتير منه وفي منن كمان بالعصاية قاسمه نصين .. سهلة كتير ... ومرة انا وابن عمي قتلنا واحد بمسدس لانه كان عم يهرب بسرعة فـ لحقناه بطلقة اجت عند رقبته .. وبعد هيك طعميناه للقطة يلي عندهم ( وهي جد صارت مو قصة خرافية)


رح يكرهوني البنات هلء هه

يا لطيف قتلتو أبو بريص بالمسدس ؟

معناتها الله يعين أي صرصور أو أبو بريص بيوقع بين إيديكم
هه




كل الشكر لكما نيرمين - mr_ops على مروركما
منورين الموضوع

لكما مني كل التحية
أخوكم ayham-111





​

 

[نكهة جنون]

2- بتمري قدامو بأعصاب باردة ولا كأنو موجود ولسان حالكِ يقول : (ليش حتى وسخ إيدي بقتلو ، خلي غيري يقتلو أحسن)



يعني والله منطقي هالاختيار .. لانو مافيي اقتل الابو بريص بس كمان ما ح اهرب من الصرصور

 

["أيهم"]

والله برافو عليكي ، انتي أول وحدة من البنات ما بتختار الهرب مثل ما اختاروا البقية
بحييكي على شجاعتك


كل الشكر لكِ على مروركِ
منورة الموضوع

لكِ مني كل التحية
أخوكِ ayham-111
​

 

[ندى الورد]

اذا شفت صرصور من بعيد بصرخ و بعيط لحدا يقتلوا......
أما اذا انصدمت فيه قدامي فجأة بعيط عياط و ارفع الصوت قد ما بدك و بهرب و احيانا ممكن ابكي اذا انصدمت فيه و كان قريب مني يععععععع.....
و أبو بريص متل الصرصور بس الفرق اني ما بنام بالبيت لحتى يجيبو حدا يبخ كل البيت.......
​

 

["أيهم"]

ولي كل هالشي بتعملي منشان شقفة صرصور
ما شاء الله على هالشجاعة يللي عندك هه

شكراً ندى على مروركِ
منورة الموضوع

لكِ مني كل التحية
أخوكِ ayham-111
​