اسئلة عن طفولتك

[F°¹A°²R°³ES¹²³]

الطفولة اجمل الذكريات واحلى الايام

الطفولة..البراءة... الطهارة... العفوية... الحب الخالص... والعواطف النقية...

الطفولة... الامان... والاطمئنان... الراحة... وصفاء البال...

الطفولة...الشقاوة... الفضول.. حب الاكتشاف... التهور البريء الجميل...

دعونا نتعرف على جانب جميل عشناه جميعنا ونذهب في رحلة لطيفة وجميلة .. رحلة الى حيث كانت طفولتكم ..


1-طفولتك كانت جميلة ام بائسة

2-ما هو اجمل موقف تعرضت له لا يمحى من ذاكرتك وماهواسوءموقف

3-ماهو الموقف الذي صممت منذ الطفولة ان تفعله عندما تكبر

4-ما هي أجمل هدية تلقيتها في طفولتك ولم تنساها لليوم وممن

5-وماهي الهدية التي اهديتها انت بطفولتك ولمن

6-هل هناك انسان معين كرهته في طفولتك .. ولماذا ؟

7-كلنااكيد احد ما صفعنا ولكن ما هي اصعب مرة تلقيت صفعة وممن ؟؟؟؟؟؟؟؟؟
ومازالت محفورة في ذاكرتك و وماهو السبب ؟

8-بصراحة من كنت تحب اكثر بطفولتك.. امك ولا ابوك

9-من كان يؤثر عليك ويثنيك على شئ صممت عليه كنت لا ترفض له طلب

10-بصراحة هل كنت محبوب بالحارة ولا مزعج ومكروه

11-هل كنت غيور بطفولتك من اخوانك وتحس فيه تمييز بينك وبينهم


12-شو كانت اكثر وافضل لعبة تلعبها وانت صغير

13-ماهو المسلسل الكرتوني الذي كان محبب لديك واذا فاتتك حلقة منه تصرع الدني بكى


14-هل كنت تميل للعب مع الاولاد اكثر من البنات ؟
وبالعكس السؤال للبنات

15-هل كنت بطفولتك مغلوب على امرك او كانت شخصيتك قوية؟

16-لو تراجعت السنين للوراء وعدت طفل من تحب ان تأخذ معك لتلك السنوات



ج 16 : من جهتي :10::10: باخد معي ام عبدو وام فوزي :10::10::10:

 

[جمانة]

1-طفولتك كانت جميلة ام بائسة​

كانت بتشنن :10:​

2-ما هو اجمل موقف تعرضت له لا يمحى من ذاكرتك وماهواسوءموقف​

مرة كنا بالملاهي انا وابي و اختي .. كنا ع المراجيح .. أبي نادا اختي مشان تشوف الطاووس وانا ما بدي روح شوفو قمت ضليت ع المرجيحة عم اتمرجح وبعد 5 دقايق اختفو بابا واختي صرت ابكي واوا اغ قام شافني واحد ابضاي دخيل قلبو لسه بتزكرو لو بشوفو هلأ بحبو :10: قلي مين انتي .. قلتلو انا جمانة .. قلي وين ابوكي ..قلتلو ابي واختي ضاعو لازم ندور عليون قلي من وين انتي .. قلتلو من البحرين وصرنا ندور ابي واختي و شفتون واقفين عم يشوفو الطاووس ورحت لعندون .. بس السر بالقصة انو انا قلتلو اني من البحرين .. طيب نحنا بالبحرين من وين بدي كون يعني :19: ولسه اخواتي بيفرطو عليي من الضحك لما بيتزكرو ​

اجمل موقف لما بابا اشترالي بيت باربي ​

3-ماهو الموقف الذي صممت منذ الطفولة ان تفعله عندما تكبر​

اني ما خلي امي تبكي .. لأنو مرة شفت ستي تبكي و بابا كتير وجعو قلبو .. قلت مستحيل خلي ماما تبكي لانو انا اكيد رح يوجعني قلبي ​

4-ما هي أجمل هدية تلقيتها في طفولتك ولم تنساها لليوم وممن​

باربي :10:مامي وبابي :10:​

5-وماهي الهدية التي اهديتها انت بطفولتك ولمن​

ما بتزكر بتزكر مرة خليت ابن خالتي ياكل معي الشبس ازا بتسمي هي هدية يعني :19:​

6-هل هناك انسان معين كرهته في طفولتك .. ولماذا ؟​

اي كنت بكره ابن جيرانا لانو سرقلي البسكليتة .. لسه بتزكرو اسمو جلال .. يئطع عمرو :80:​

7-كلنااكيد احد ما صفعنا ولكن ما هي اصعب مرة تلقيت صفعة وممن ؟؟؟؟؟؟؟؟؟ومازالت محفورة في ذاكرتك و وماهو السبب ؟​

من امي لاني ضربت اختي بمطرقة حديد على راسها منيح ما كسرتلا الجمجمة :19:كانت صفعة قوية بس اختي هي يلي بلشت اخدتلي الطنجرة يلي كنت العب فيها :80:​

8-بصراحة من كنت تحب اكثر بطفولتك.. امك ولا ابوك​

ماما .. لانو اختي كانت متعلقة بأبي ودايما كان ياخدها كل مكان وانا ضل مع امي ​

9-من كان يؤثر عليك ويثنيك على شئ صممت عليه كنت لا ترفض له طلب​

ابن خالتي كان بيحبطني بيقلي انتي هبلة ما فيكي تعملي شي :19: ​

10-بصراحة هل كنت محبوب بالحارة ولا مزعج ومكروه​

مبلا الكل كان بحبني .. كانو يحكو خلو جمانة معنا بس ما بدنا اختها المزعجة :19:​

11-هل كنت غيور بطفولتك من اخوانك وتحس فيه تمييز بينك وبينهم ​

لا لاني الصغيرة كان الكل يغار مني ​

12-شو كانت اكثر وافضل لعبة تلعبها وانت صغير ​

احلى لعبة انو نقضي انا واختي ساعتين نعمل بيت باربي من الشغلات يلي عنا بالبيت كراسي ومفارش وما بعرف شو
بعدين نمل وما نلعب :19:​

13-ماهو المسلسل الكرتوني الذي كان محبب لديك واذا فاتتك حلقة منه تصرع الدني بكى​

ليدي ليدي .. لسه هلأ كنت عم بحضرو ​

14-هل كنت تميل للعب مع الاولاد اكثر من البنات ؟
وبالعكس السؤال للبنات​

لا ما كنت بحب العب مع الولاد لانو بيضربوني ​

15-هل كنت بطفولتكمغلوب على امرك او كانتشخصيتكقوية؟​

مغلوب على امري ​

16-لو تراجعت السنين للوراء وعدت طفل من تحب ان تأخذ معك لتلك السنوات​

باخد معي نرجوس و سنوء ​

​

 

[F°¹A°²R°³ES¹²³]

GoGeTo ​

 

[روح الشام]

1-طفولتك كانت جميلة ام بائسة

مابعرف


2-ما هو اجمل موقف تعرضت له لا يمحى من ذاكرتك وماهواسوءموقف

اجمل موقف لما طلعت عالسعودية وكنت مستقرة بالشام بس كان عمري 4 سنين وطلعت ع جده وبقيت فيا 3 سنين متواصلة
ولما نزلت عالشام ماكنت قايلة لحدا واصلا ماكنت بعرف حدا
فحسيت حالي عم بتعرف ع ناس جدد :10:
واسوأ موقف لما مات جدي


3-ماهو الموقف الذي صممت منذ الطفولة ان تفعله عندما تكبر
اني سافر بالطيارة :19:

4-ما هي أجمل هدية تلقيتها في طفولتك ولم تنساها لليوم وممن
مطبخ صغير وكتير حل عنج كان بعيد ميلادي ومن عم عمي

5-وماهي الهدية التي اهديتها انت بطفولتك ولمن
وردة لماما بعيد الام وكان وقتا في عنا مجلس امهات بالمتيسة
وهديتها ياها قدام الكل

6-هل هناك انسان معين كرهته في طفولتك .. ولماذا ؟
ايييييييييي بنات عمتي كانو يقولولي انو حتجي اسرائيل تكسر بيتكن

7-كلنااكيد احد ما صفعنا ولكن ما هي اصعب مرة تلقيت صفعة وممن ؟؟؟؟؟؟؟؟؟
ومازالت محفورة في ذاكرتك و وماهو السبب ؟
من بابا :10: لأني لطشت اختي الاكبر مني كف ام انكسرت نظارتها:19::19:
8-بصراحة من كنت تحب اكثر بطفولتك.. امك ولا ابوك
بابا ... لأنو كان يدافع عني
9-من كان يؤثر عليك ويثنيك على شئ صممت عليه كنت لا ترفض له طلب ماحدااااااا

10-بصراحة هل كنت محبوب بالحارة ولا مزعج ومكروه
محبوبة :10:

11-هل كنت غيور بطفولتك من اخوانك وتحس فيه تمييز بينك وبينهم
لأ هنن كانو يغارو منني لأني اخر العنقود والكل يدللني

12-شو كانت اكثر وافضل لعبة تلعبها وانت صغير
مغنية :19: بصف العابي كلن مقابيلي وبجيب فرشاية الشعر
وبغني غنيه من الكلام اللي ما الو لغة :19:
13-ماهو المسلسل الكرتوني الذي كان محبب لديك واذا فاتتك حلقة منه تصرع الدني بكى توم اند جيري و السيدة ملعقة



14-هل كنت تميل للعب مع الاولاد اكثر من البنات ؟
وبالعكس السؤال للبنات
بالعكسسس كنت حب العب مع لولاد اكتر
لأنو بحسن مو تبع غيرة وحسد اذا بدك تلعبي مع بنت
بتلاقيها عطيني لعبتك هي وخدي هي وبتبلش تضحك ع عقلي

15-هل كنت بطفولتك مغلوب على امرك او كانت شخصيتك قوية؟
شخصيتي قوية لأنو في مين ورايي بابا وماما

16-لو تراجعت السنين للوراء وعدت طفل من تحب ان تأخذ معك لتلك السنوات

سنوووووء


ثانكس اب ساطور

 

[الدمشقي]

1-طفولتك كانت جميلة ام بائسة

جميلة

2-ما هو اجمل موقف تعرضت له لا يمحى من ذاكرتك وماهواسوءموقف مرة كنت راجع من المدرسة وقت كنت تحضير عاملها تحتي

أجمل موقف في كثير بس كنت أنبسط وقت نجتمع بشي لعبو طابة
3-ماهو الموقف الذي صممت منذ الطفولة ان تفعله عندما تكبر
في واحد كنت ناوي أقتل بس لأكبر بس ما قتلتو
4-ما هي أجمل هدية تلقيتها في طفولتك ولم تنساها لليوم وممن
وقت جابلي أبي الكمبيوتر

5-وماهي الهدية التي اهديتها انت بطفولتك ولمن
ولا حدا
6-هل هناك انسان معين كرهته في طفولتك .. ولماذا ؟
أي بنت جيرانة كانت كثير غليظة
7-كلنااكيد احد ما صفعنا ولكن ما هي اصعب مرة تلقيت صفعة وممن ؟؟؟؟؟؟؟؟؟
ولا حدا
ومازالت محفورة في ذاكرتك و وماهو السبب ؟
............
8-بصراحة من كنت تحب اكثر بطفولتك.. امك ولا ابوك

أمي

9-من كان يؤثر عليك ويثنيك على شئ صممت عليه كنت لا ترفض له طلب
أمي
10-بصراحة هل كنت محبوب بالحارة ولا مزعج ومكروه
أي كنت شاقق الأرض وطالع
11-هل كنت غيور بطفولتك من اخوانك وتحس فيه تمييز بينك وبينهم

لا
12-شو كانت اكثر وافضل لعبة تلعبها وانت صغير
أم عميش إذا بتعرفوها
13-ماهو المسلسل الكرتوني الذي كان محبب لديك واذا فاتتك حلقة منه تصرع الدني بكى

الفايكنك

14-هل كنت تميل للعب مع الاولاد اكثر من البنات ؟
وبالعكس السؤال للبنات
والأثنين بس الاولاد أكثر

15-هل كنت بطفولتك مغلوب على امرك او كانت شخصيتك قوية؟
ه كنت أقتل كل يلي من جيلي
16-لو تراجعت السنين للوراء وعدت طفل من تحب ان تأخذ معك لتلك السنوات

بأخود أبو المهر

يسلمون على الموضوع يا حبيب

 

[F°¹A°²R°³ES¹²³]

بشكرك جيرل على مروك الكريم وعلى اجوبتك الصريحة تقبلي مني فائق احترامي وتقديري ...

( حلو هل صيت والله الي طالعوه عليي اب ساطور ال )


بشكرك دمشقي الغالي على مرورك الراقي تقبل مني فائق الاحترام والتقدير ....


​

 

[butterfly]

الطفولة اجمل الذكريات واحلى الايام
أنا معك

الطفولة..البراءة... الطهارة... العفوية... الحب الخالص... والعواطف النقية...
ضاااااعوا:80:

الطفولة... الامان... والاطمئنان... الراحة... وصفاء البال...
خلصت مدتهم

الطفولة...الشقاوة... الفضول.. حب الاكتشاف... التهور البريء الجميل...
ماعاد صفي منهم شي

دعونا نتعرف على جانب جميل عشناه جميعنا ونذهب في رحلة لطيفة وجميلة .. رحلة الى حيث كانت طفولتكم ..
ماشي

1-طفولتك كانت جميلة ام بائسة
جميلة وليش ماتكون جميلة

2-ما هو اجمل موقف تعرضت له لا يمحى من ذاكرتك وماهواسوء موقف
من يللي بتذكرو ..
أجمل موقف يوم اللي دخلت الروضة كنت مبسوطة كتيييير
ومعجوئة بـ حالي باليوني فورم والشنتة
وأسوأ موقف برضو بنفس هـ اليوم لانو بعد ما ماما راحت
بكيت كتيييييير وأهل البلد التمو عليي
بس حلو كنا أنا وابن عمي

3-ماهو الموقف الذي صممت منذ الطفولة ان تفعله عندما تكبر
انو أطلع معلمة
بس هلأ غيرت هـ النظرة كلياً

4-ما هي أجمل هدية تلقيتها في طفولتك ولم تنساها لليوم وممن
لعبة من بابا بـ الصف الرابع وقت جبت 97

5-وماهي الهدية التي اهديتها انت بطفولتك ولمن
وردة لـ ماما بـ عيد الأم

6-هل هناك انسان معين كرهته في طفولتك .. ولماذا ؟
خالو
بدون ليش

7-كلنا اكيد احد ما صفعنا ولكن ما هي اصعب مرة تلقيت صفعة وممن ؟؟؟؟؟
مش من حدا طبعاً

ومازالت محفورة في ذاكرتك و وماهو السبب ؟
قلنا ماحدا

8-بصراحة من كنت تحب اكثر بطفولتك.. امك ولا ابوك
بابا يؤبر قلبي بموت عليه:10::10:

9-من كان يؤثر عليك ويثنيك على شئ صممت عليه كنت لا ترفض له طلب
ماحدا عنيدة كنت مابرد ع حدا وبعمل يللي بـ راسي

10-بصراحة هل كنت محبوب بالحارة ولا مزعج ومكروه
ماكان الي دور بـ الحارة .. بـ طفولتي كنت
هادية جداً وما التكش بـ حدا وماكنت العب كمان


11-هل كنت غيور بطفولتك من اخوانك وتحس فيه تمييز بينك وبينهم
ولا يمكن


12-شو كانت اكثر وافضل لعبة تلعبها وانت صغير
افضل لعبة كنت العبها مدرسة وطلاب ومعلمة
بتجنن كانت
كنت ألم بنات الحارة وبنات العيلة وألعبهم

13-ماهو المسلسل الكرتوني الذي كان محبب لديك واذا فاتتك حلقة منه تصرع الدني بكى
ريمي بحبو كتير ومازلت

14-هل كنت تميل للعب مع الاولاد اكثر من البنات ؟
لأ مابحب
بـ العكس ماكنت أحب ألعب معهم
عنيفين:80:

15-هل كنت بطفولتك مغلوب على امرك او كانت شخصيتك قوية؟
على العكس كانت قوية وكتير :19:

16-لو تراجعت السنين للوراء وعدت طفل من تحب ان تأخذ معك لتلك السنوات
ماحدا

لزيز الإختبار
يسلمو


​

 

[سوسنه]

1-طفولتك كانت جميلة ام بائسة? من اروع الطفولات بالعالم كلو

2-ما هو اجمل موقف تعرضت له لا يمحى من ذاكرتك وماهواسوءموقف؟ أجمل موقف كانت مواقف كثير حلوه بالأخص عند جدتي اللي كانت تحضني وتشمني..أسوء موقف يوم رحت العب مع رفقاتي بعيد عن البيت وبس ارجعت اكلت من امي قتله مرتبه

3-ماهو الموقف الذي صممت منذ الطفولة ان تفعله عندما تكبر؟ لم اكن افكر ولا لدي وقت للتصميم كان كل وقتي رحلات والعاب وتسالي..

4-ما هي أجمل هدية تلقيتها في طفولتك ولم تنساها لليوم وممن؟عربانه وصنيوره بتجنن من ابي الله يرحمو..

5-وماهي الهدية التي اهديتها انت بطفولتك ولمن؟يوم عيد ميلادي السادس اهديت دولار لكل واحد ووحده من ولاد الصف عليهاا اهداء..

6-هل هناك انسان معين كرهته في طفولتك .. ولماذا ؟ايه ..ابن عمتي كان شايف حاله كثير وما بطيقو لليوم..

7-كلنااكيد احد ما صفعنا ولكن ما هي اصعب مرة تلقيت صفعة وممن ؟؟؟؟؟؟؟؟؟
ومازالت محفورة في ذاكرتك و وماهو السبب ؟ايه بتذكر..كانت الصفعه من الأستاذ وطلع بيي لعند المديرة وشكالها عنو وشرشحوو:19:

8-بصراحة من كنت تحب اكثر بطفولتك.. امك ولا ابوك.. اكيد بيي لانو امي كانت فساده كانت كل ما اتصرف غلط ما تعاقبني بس تضلها تهدد ببيي ولما يرجع من شغلو آكل قتله كالمعتاد..

9-من كان يؤثر عليك ويثنيك على شئ صممت عليه كنت لا ترفض له طلب؟ عمتي الصغيره كانت بالنسبة الي ملاك..

10-بصراحة هل كنت محبوب بالحارة ولا مزعج ومكروه؟ محبوبه بس محسوده الكل يغار مني لانو عندي كثير شغلات حلوين..

11-هل كنت غيور بطفولتك من اخوانك وتحس فيه تمييز بينك وبينهم ؟شوي بس..


12-شو كانت اكثر وافضل لعبة تلعبها وانت صغير ؟؟ كتير العاب وبتذكر لعبة علالي يا ربي تهدي بالي..

13-ماهو المسلسل الكرتوني الذي كان محبب لديك واذا فاتتك حلقة منه تصرع الدني بكى؟
بل وسباستيان


14-هل كنت تميل للعب مع الاولاد اكثر من البنات ؟لا
وبالعكس السؤال للبنات

15-هل كنت بطفولتك مغلوب على امرك او كانت شخصيتك قوية؟شخصية قويه

16-لو تراجعت السنين للوراء وعدت طفل من تحب ان تأخذ معك لتلك السنوات؟ ما بحب ارجع لهديك الأيام لانو اكيد اذا رجعت رح تخلص قوام وضل اتحسر عليها..

شكرا وميت ورده..