بعد إذنك الحر الباكي حابة أعقب على بعض الأمور هون إذا مافيها ازعاج
النقاش حق للجميع ومن يرفض رأي الاخر فأولا به عدم دخول النقاش نهائيا ولم اطرح انا الموضوع لأتبنا مسار كلامه ؟ بل للإستفادة العامة لي وللجميع ولكل مشارك حق الرد على كلامي وكلام غيري طالما أنه يناقش في صلب المطرو...
في بيت شعر بقلك "نعيب زماننا والعيب فينا..وما لـ الزمان عيب سوانا"
يعني الحب لما بفشل في الأغلب أو 99% من الحالات بيفشل لانو إحنا بدنا
يفشل .. بغض النظر البنت كانت بدها يفشل أو الشب
لانو "نهايات الحب إحنا بنصنعها"
والـ1% يللي بقي هادا بكون ظرف خارج عن الإرادة انو أهلها أو أهلو أو مجتمعها ومجتمعوا ماوافقوا .. وإلخ
إحنا ليش بنفشل الحب؟
لانو بطلنا نعرف شو يعني حب .. أو إحنا من الأصل ما بنعرف شو يعني
وطبعاً ما بعمم
لما يكون الشب بحب الف بنت مع بعض
وبضحك ع هاي وهديك
وبقول لـ فلانة وعلانة بحبك بـ الوقت نفسه
وتكون البنت من واحد لـ التاني وكل يوم حب جديد
طبيعي الحب يفشل
وقصص كتيــــــــرة
مش بحاجة أعدللك إياها اسم الله عليك فهمان
وعارف شو الدنيا وشو اللي فيها ..
الغريب انك قلتي مافي حب!!
انو كيف مافي حب؟؟
كيف الزوجة بتحب زوجها؟والعكس!!
وإذا مليون حالة أو أكتر اتطلقوا بسبب عدم الثقة
وإذا في ناس سطحية لـ درجة انها بتطلق لانو والله كانت تحبني ويمكن حبت قبلي وبعدي ومابعرف شو
فـ هادا كلو مش ذنب الحب
وعلى الرغم من اني شفت وسمعت بلاوي عن قصص الحب
وبدون ما أجربو
أنا على يقين بـ انو الحب أحلا شي بـ هـ الوجود
شرط يكون مع الإنسان وفي الوقت المناسب !!
في شغلة حكتها جمانة
انو إنتَ لما بتحب إنسان بتحبو لـ روحو وقلبو "كـ بداية"
ومابكون بدك منو شي غير انو يبادلك الحب ويعطيك الحنان .. وإلخ
فـ يعني الحب مش بس أمسك إيد يللي بحبو وهـ القصص
أنا ما بقلك انو ما يكون هـ الشي موجود .. مع العلم انو بتناقض مع شريعتنا الإسلامية
بس رح أستبعدها حالياً
مين منا مابحب يكون اللي بحبو الو وجمبو ع طول؟؟
بس كـ بداية بجد ما بكون فكرك هـ القصص هاي
في حالة كان الحب بريء
مشكلتنا انو بنقول شي وبنعمل شي 
انو شو يللي خلاكي تتأكدي انو نهايتو كزب!!
ما بنفي انو أغلب الحب صار كلام في الهوى
بس كمان متل مافي كزب ع النت
كمان في برا النت
وأنا إذا كنت كزابة ع النت وكزبت ع كزا شب
بقدر كمان أكزب عليهم وأتسلى معهم ع أرض الواقع
انو مافي شي بعيقني أعمل هيك
مادام مخافة ربنا مش موجود بـ قلبي
وبالنسبة لـ قصة المنتدى
فـ هدول أطفال لا شك
وعاملين حالهم بحبو
بـ النهاية بدي أحكي جملة ملخص لـ يللي حكيتو..
الحب البريء "يللي لسا موجود وأنا متأكدة لانو ان خليت خربت"
مش متل ما حكى البعض
سواء ع النت أو برا النت إذا كانت القلوب صافية وكان ربنا رايد انو العلاقة تكمل رح تكمل وتكبر
لو كل الدنيا وقفت بـ وجههم
سواء كان ع النت أو غير النت
حكيت كتير بعرف
