الحياة دمعة او ضحكة مش اكتر ..!!

[عهد القمر]

االضحك

​

ماذا يعني لك الضحك ؟
هو نسبة الحزن بقلبي ...
وكااني بدي طلع شئ من الحزن اللي جواتي


​

اعطي النسبة لك من الضحك في حياتك اليومية ؟؟
ماقصة النسب يعني انا اذا بدي اعطي نسبة
راح اعطيها وكاانها كذبة بحياتي
لانو الضحك فعلا كذبة بحياتي


​

ماهو الاجمل ابتسامة اما ضحك...بصوت ...؟؟ ولماذا ..؟؟
كل واحد منون الون ميزة
الابتسامة ...مجرد بذرة منحب نزرعها جوات القلب
اما الضحك ميزتا انو نمسح
قليل من الحزن جواتنا

​

ماالاحسن ان نضحك الناس من حولنا ....او نضحك من حديث الاخرين ؟؟؟
بيظن الاحسن نضحك الناس من حولنا
لانو ممكن نكسبو اكتر ...للانسان
بس نضحكون بمجرد انو هالشئ بيستاهل
الضحك ...انو ماتوصل لدرجة من السخافة باانفسنا

​

مارائك بمقولة ...اضحك لدنيا تتضحك لك ؟؟؟
هالمقولة بحسا مو موجودة
لانو منكون عم نضحك ع انفسنا وبعدين انو يمكن
تكون الدنيا ضدنا ...
وحسب يوم الك ويوم عليك
ومابتعرفو الدنيا ..شو مخبيتلنا
ممكن نضحك ...وتردنا شئ حزين كتير

​

ماذا تقول لانسان يضحك قليلا في حياته ...؟؟
بقلو نيال قلبك
وماذا تقول لانسان يضحك كثيرا في حياته..؟؟
بقلو الحزن مغطيك
ومابتلام اذا ضحكت كتير

​

هل حدث لك موقف وضحكت كثيرا ولم تستطع ان تمتنع عن الضحك ؟؟
وهل تسطيع اخبارنا ؟؟
مواقف كتير صارت ....
بس يعني انو العقل متعبي ....مالح احسن طلع


​

مارائك بالانسان الذي يتمسخر على نفسه ويقلل من احترامه لكي يضحك الناس من حوله ؟؟؟
انسان سخيف سخيف سخيف وعندو انفصام بالسخصية


​

ماهي المواقف التي تريد من الانسان هذا ان تجعله يضحك ؟؟
مواقف كتير بتخلي الانسان اللي مقابلي يضحك ....
بس مو درجة السخافة


​

وماهي المواقف ايضا التي تجعل من الانسان يبتسم ...؟
بكفي نزرعلو هالابتسامة من انفسنا
لما بشوفو ابتسملو لانو هي صفة المسلم
الابتسامة في وجه اخيك صدقة

وما الافضل لك ان تجعله يبتسم ام يضحك ؟؟؟
الابتسامة ..!!

​

متى يضحك الانسان على نفسه ..؟؟
لما بحط نفسو بموقف لا يحسد عليه
بايخ ..

وصارت كتير معي

ومتى يضحك الانسان على غيره ..؟؟
بشغلات كتير
حكيو ....او شئ عملو
هو ماالو ذنب فيه ....
يعني مافينا نمنع حالنا

​

ماعنوان ضحكتك ؟؟
حزني

​

دع لنا صورة قد تتضحك العالم من حولك ؟؟؟

ذكرني بواحد


​

البكاء


​

ماذا يعني لك البكاء ؟؟؟
كل شئ بحياتي
مافيني عيش بدونو


​

اعطي النسبة لك من بكاء في حياتك اليومية ؟؟
نسبتي كبيرة كتير كتير
لانو اخادة جزء كبير من قلبي

​

ماهو الاجمل ان تبكي عيناك ام ان تحزن في قلبك ...؟؟
تنيناتون صعبين علي
بس مابقدر امنع نفسي عن البكي
لان البكاء خيطو الحزن


​

ماذا تقول لانسان يبكي قليلا في حياته....؟؟
بقلو خليك هيك ..بقلة الحزن ...
والله لايرزقك ياه كتير

وانسان يبكي كثيرا في حياته ..؟؟
مافيني غير قلو ابكي


​

هل حدث لك موقفا جعلك تبكي كثير ولم تستطع الامتناء عن البكاء ..؟؟
وهل تستيطع اخبارنا..؟؟
مواقف صارت ...!!
ولساتا بذاكرتي
وكل ماتذكرتا برجع ببكي غصبن عني


​

متى يبكي الانسان على نفسه ؟؟؟
لما يغلط بحق نفسو
واهم شئ ...لما يحس بخوف من الله


ومتى يبكي على غيره ..؟؟
لما بشوفو عيونو عما تتدمع
عيوني بتتدمع معو

​

هل تساعد شخصا تراه يبكي ..ام ان تتركه وتتدعه يبكي كما يشاء ...؟؟
​

وان ساعدته ماذا سوفة تقول له ؟؟؟
بهرب ....لانو بكون عم اتذكر حالي
مافيني اعمل اي شئ
لانو انا ماقدرت امنع حالي عن البكي
لحتى اقدر امنع هالانسان من البكي


​

ماعنوان بكائك ...؟؟
حياتي

​

دع لنا صورة قد تبكي الناس من حولك ؟؟

​

 

[إلهام]

استضفتي حالك​

 

[فرآشة الياسمين]

​

استضفتي حالك​

ليقوم غرتي خلص عهودة استضيفيها مرة تانية ه

 

[عهد القمر]

انا استضفت حالي
يعني اضطريت
والمضطر ماعليه حرج

المهم يلا ارجيني همتك ايووووش

​

 

[فرآشة الياسمين]

دقايق وبجاوب على كل أسئلتك ولو انا كم عهودة عندي

 

[عهد القمر]

تؤبشي قلبي الله محيي اصلك



​

 

[فرآشة الياسمين]

ماذا يعني لك الضحك ؟
كذب
​

اعطي النسبة لك من الضحك في حياتك اليومية ؟؟
20%


ماهو الاجمل ابتسامة اما ضحك...بصوت ...؟؟ ولماذا ..؟؟
الأبتسامة لأنو بتطي تعبير للوجه بالأمل


ماالاحسن ان نضحك الناس من حولنا ....او نضحك من حديث الاخرين ؟؟؟
الأولة انو نضحك الناس من حولنا انا هيك دائما بعمل معو انو انا ما بضحك



مارائك بمقولة ...اضحك لدنيا تتضحك لك ؟؟؟
يعني بصراحة مو مظبوطة لأنو جربت اضحكلها بس هية اخدت مني كلشي


ماذا تقول لانسان يضحك قليلا في حياته ...؟؟
امممم خليك هيك
وماذا تقول لانسان يضحك كثيرا في حياته..؟؟
بقلو الحزن مغطيك
ومابتلام اذا ضحكت كتير ( رائيي من رائييك عهودة مشان هيك تركتها)



هل حدث لك موقف وضحكت كثيرا ولم تستطع ان تمتنع عن الضحك ؟؟
وهل تسطيع اخبارنا ؟؟
اي اي مرة صارت معي شغلة بعمري ما بنساها
مرة دخلت لعندي عالمحل وحدة مو كبيرة كتير صبية بس متزوجة المهم وصارت تتفتل شمال ويمين وصارت تنكش ولا كأني انا هون بعدين كتير تنازقت منها وقلتلها شو هاد شو مفكرة حالك صاحبة المحل شو مالك منتبهة لتصرفاتك قالتلي ليش شو عملت قلتلها عم تتصرفي وكأنك صاحبت المحل قامت التفتت ببرادة ومالتلي انا مالي صاحبة المحل بس انا مرتو ياي بوقتها فرطت من الضحك وصرت اضحك على تصرفي شو كان بايخ
​

مارائك بالانسان الذي يتمسخر على نفسه ويقلل من احترامه لكي يضحك الناس من حوله ؟؟؟
انسان ماعندو شخصية



ماهي المواقف التي تريد من الانسان هذا ان تجعله يضحك ؟؟
امممممممممممممم النكت



وماهي المواقف ايضا التي تجعل من الانسان يبتسم ...؟
يتذكر الماضي الحلو ويبتسم
وما الافضل لك ان تجعله يبتسم ام يضحك ؟؟؟
يبتسم



متى يضحك الانسان على نفسه ..؟؟
لما بتصرف بغباء متل هديك المرة لما اتصرفت هيك مع مرت معلمي من دون ما اسألها مين حضرتك

ومتى يضحك الانسان على غيره ..؟؟
ما صارت معي​

ماعنوان ضحكتك ؟؟
الأطفال


دع لنا صورة قد تتضحك العالم من حولك ؟؟؟

ما بعرف بس هيي الصورة بضحكني

البكاء




ماذا يعني لك البكاء ؟؟؟
جزء من حياتي

اعطي النسبة لك من بكاء في حياتك اليومية ؟؟
80%


ماهو الاجمل ان تبكي عيناك ام ان تحزن في قلبك ...؟؟
انا ببكي بيني وبين حالي ما بورجي دموعي لحدا يعني الأحسن انو احزن بقلبي



ماذا تقول لانسان يبكي قليلا في حياته....؟؟
نيالك
وانسان يبكي كثيرا في حياته ..؟؟
اي بريحك اعملو


هل حدث لك موقفا جعلك تبكي كثير ولم تستطع الامتناء عن البكاء ..؟؟
وهل تستيطع اخبارنا..؟؟
صارت معي شغلاااااااااااااااات بكتني وقهرتني بس أتذكر بقلكن مارح اخبي عنكن


متى يبكي الانسان على نفسه ؟؟؟
لما بيحس انو ظلم نفسو بأيدو
ومتى يبكي على غيره ..؟؟
لما بشوفو الحزن بعيونو بيتذكر حالو وبيبكي عليه


هل تساعد شخصا تراه يبكي ..ام ان تتركه وتتدعه يبكي كما يشاء ...؟؟


وان ساعدته ماذا سوفة تقول له ؟؟؟
انا بدي مين يساعدني ويطبطب علي



ماعنوان بكائك ...؟؟
حكياتي النا عشتها

​

دع لنا صورة قد تبكي الناس من حولك ؟​

​

آآآآآآآآآآآآآآآآآآسفة كتير عهودتي ليقوم تأخرت عليكي
وعلى فكرى حلوة كتير اسئلتك متلك يا قمر​

 

[فرآشة الياسمين]

لك ليش ما طلعت الصورة الي بضحك طيب رح ارجع نزلها وهي بهديها لأبو جانتي مو ملك الانسر ملك الياسمين

 

[عهد القمر]

زبطناها بس لا تعصبي...!!

يسلملي مرورك اللطيف وتعليقك

​

 

[فرآشة الياسمين]

لط مالي معصبة تقبشيني وربي انتي الطيفة وكلامك الي كلو زوء

 

[عهد القمر]

تؤبشي قلبي والله انتي الزوووووووق




يلا باانتظار ضيف جديد

​

 

[عهد القمر]

يلا باانتظار غنوجة البيت


​

 

[غنوجه البيت]

اول شي شكرا لاستضافتك الي

ماذا يعني لك الضحك ؟ ترفيه عن النفس وانبساط والبعد عن النكد

اعطي النسبة لك من الضحك في حياتك اليومية ؟؟ 50%

ماهو الاجمل ابتسامة اما ضحك...بصوت ...؟؟ ولماذا ..؟؟ لكل موقف الو شي معين لانو مابسير ع اقل شغله نضحك بصوت عالي وكمان ما بتزبط انك تبتسم لما يكون موقف كتير بضحك

ماالاحسن ان نضحك الناس من حولنا ....او نضحك من حديث الاخرين ؟؟؟ واللهي براي عجهتين لانو يوم تضحك ع غيرك بيجي يوم غيرك بيضحك عليك

مارائك بمقولة ...اضحك لدنيا تتضحك لك ؟؟؟ اؤمن فيها لانو الي بدو ينكد ع حالو قار ينكد ويتذكر شغلات مو كويسه صارت معو فا انا مع هاي المقوله وانو الواحد ما ييأس

ماذا تقول لانسان يضحك قليلا في حياته ...؟؟ وماذا تقول لانسان يضحك كثيرا في حياته..؟؟ الي بيضحك قليل بحكيلو يخفف عن حالو ويطلع لجانب الحلو من حياتو ولانسان الي بيضحك كثير بحكيلو يخفف لانو رسول محمد عليه الصلاه والسلام قال كثره الضحك تميت القلب


هل حدث لك موقف وضحكت كثيرا ولم تستطع ان تمتنع عن الضحك ؟؟ طبعا اكيد
وهل تسطيع اخبارنا ؟؟ ..........................

مارائك بالانسان الذي يتمسخر على نفسه ويقلل من احترامه لكي يضحك الناس من حوله ؟؟؟ انو يتمسخر ع حالو بحدود لانو كل شي الو حدود

ماهي المواقف التي تريد من الانسان هذا ان تجعله يضحك ؟؟ ................


وماهي المواقف ايضا التي تجعل من الانسان يبتسم ...؟......يمكن اخبار تفرح متل جواز او وظيفه هيك شي

وما الافضل لك ان تجعله يبتسم ام يضحك ؟؟؟ براي برضو كل شي الو وقتو

متى يضحك الانسان على نفسه ..؟؟ عندما يرى من بحوله غدره او كشف حقيقه اشياء كان مخدوع فيها (شر البليه ما يضحك)

ومتى يضحك الانسان على غيره ..؟؟ عندما يجعل من نفسه اضحوكه

ماعنوان ضحكتك ؟؟ممممممممممم مش عارف

دع لنا صورة قد تتضحك العالم من حولك ؟؟؟

البكاء


ماذا يعني لك البكاء ؟؟؟ شعور حزين جدا لا تستطيع تحمله وهو شعور يعبر عن الم بيكون يختلج النفس

اعطي النسبة لك من بكاء في حياتك اليومية ؟؟ 40%

ماهو الاجمل ان تبكي عيناك ام ان تحزن في قلبك ...؟؟ براي ما في اجمل لانو الاتنين اصعب من بعض فا ما بظن انو في صور جميله بلبكاء بظاهر واو بداخل

ماذا تقول لانسان يبكي قليلا في حياته....؟؟ وانسان يبكي كثيرا في حياته ..؟؟ ببكي قليل والله نيالو وبكي كتير بحكيلو الا ما ربك يفرجها عليك


هل حدث لك موقفا جعلك تبكي كثير ولم تستطع الامتناء عن البكاء ..؟؟ اه لاسف صار
وهل تستيطع اخبارنا..؟؟ وفاه ابي

متى يبكي الانسان على نفسه ؟؟؟ يوم يلاقي حالو وحداني بدنيا ومافي حد يسندو
ومتى يبكي على غيره ..؟؟ عندما يكون اعز انسان وصارلواشي وما بقدر يساعدو

هل تساعد شخصا تراه يبكي ..ام ان تتركه وتتدعه يبكي كما يشاء ...؟؟ حسب سبب الي جعلو يبكي واذا كان بمقدرتي
وان ساعدته ماذا سوفة تقول له ؟؟؟ ما بعرف

ماعنوان بكائك ...؟؟ ..............

دع لنا صورة قد تبكي الناس من حولك ؟؟

​

 

[عهد القمر]

شكرا غنوجة لردك واجوبتك

معنا ضيف جديد انتظرونا

​

 

[عهد القمر]

باانتظار
عشتار


​

 

[عشتار]

[FONT=&quot]ماذا يعني لك الضحك ؟[/FONT]

ضروري للحماية من الانفجار النفسي
[FONT=&quot]
اعطي النسبة لك من الضحك في حياتك اليومية ؟؟[/FONT]
[FONT=&quot]75 %[/FONT]


[FONT=&quot]ماهو الاجمل ابتسامة اما ضحك...بصوت ...؟؟ ولماذا ..؟؟[/FONT]

[FONT=&quot]الأجمل هو الضحكة الناعمة ..

لكن الأجدى هو القهقهة بصوت لأننا نصرخ دون أن نثير الشبهات .. إذ يظننا الآخرون نضحك [/FONT]


[FONT=&quot]ماالاحسن ان نضحك الناس من حولنا ....او نضحك من حديث الاخرين ؟؟؟[/FONT]

[FONT=&quot]الأحسن أن نضحك الناس من حولنا ..لأننا بسعادتهم ننال شيئا ً من السلام تحتاجه أرواحنا [/FONT]

[FONT=&quot]بينما ضحكنا من حديث الآخرين قد لا يرافقه شعور بالرضا الداخلي [/FONT]


[FONT=&quot]مارائك بمقولة ...اضحك لدنيا تتضحك لك ؟؟؟[/FONT]

[FONT=&quot]لست مع ولا ضد .. [/FONT]


[FONT=&quot]ماذا تقول لانسان يضحك قليلا في حياته ...؟؟ وماذا تقول لانسان يضحك كثيرا في حياته..؟؟[/FONT]

[FONT=&quot]لكليهما أقول لكما الحق في العيش كما يحلو لكما .. [/FONT]


[FONT=&quot]هل حدث لك موقف وضحكت كثيرا ولم تستطع ان تمتنع عن الضحك ؟؟[/FONT]
[FONT=&quot]وهل تسطيع اخبارنا ؟؟[/FONT]

[FONT=&quot]كتيرة " ما شا الله عليي كانو يقولو رفقاتي انت ِ اذا واحد قلك مرحبا بتفرطي "[/FONT]
[FONT=&quot]
لا أذكر مواقف معينة لكن أختي " ندوش " أكثر من يضحكني ..( خاصة لما كون معصبة و تتبارد عليي )[/FONT]

[FONT=&quot]مارائك بالانسان الذي يتمسخر على نفسه ويقلل من احترامه لكي يضحك الناس من حوله ؟؟؟[/FONT]

رأيي فيه أنه حرّ وهذه شخصيته ..

أما أن أكون أنا مكانه فذلك يعود إلى طبيعة الأشخاص الذين أحاول اضحاكهم

" يعني كتير بحب ضحك ماما واخواتي ..حتى لو كان هاد الشي بيقلل من احترامي ..

بس أكيد مو كل العالم "

[FONT=&quot]ماهي المواقف التي تريد من الانسان هذا ان تجعله يضحك ؟؟[/FONT]

[FONT=&quot]فليضحك متى شاء لا يوجد قوانين للضحك[/FONT]


[FONT=&quot]وماهي المواقف ايضا التي تجعل من الانسان يبتسم ...؟[/FONT]

[FONT=&quot]المواقف التي يحتاج فيها إلى أن يكون لطيفا ً ولبقا ً .. لحظات التعارف الأولى لابد أن تكون مكللة بابتسامة [/FONT]


[FONT=&quot]وما الافضل لك ان تجعله يبتسم ام يضحك ؟؟؟[/FONT]

[FONT=&quot]له الحرية .. أما عني فأفضل الابتسام أمام الآشخاص غير المقربين ..

أما الأصدقاء والأشخاص المقربين " فمتل ما قلتلكن دائما ً فرطانة "[/FONT]


[FONT=&quot]متى يضحك الانسان على نفسه ..؟؟[/FONT]

[FONT=&quot]عندما يخطئ .. عندما يسيء الظن .. فيكون ضحكه نوعا ً من الخجل [/FONT]

[FONT=&quot]ومتى يضحك الانسان على غيره ..؟؟[/FONT]

[FONT=&quot]ليس من حق أحد أن يضحك على غيره مهما كانت الظروف [/FONT]


[FONT=&quot]ماعنوان ضحكتك ؟؟[/FONT]

[FONT=&quot]بلا ولا شي أحسن شي عيش هالشي لأنو بكرة ما رح يبقى شي[/FONT]


[FONT=&quot]دع لنا صورة قد تتضحك العالم من حولك ؟؟؟[/FONT]



[FONT=&quot]البكاء[/FONT]


[FONT=&quot]ماذا يعني لك البكاء ؟؟؟[/FONT]

تعبير عن الرفض المصحوب بعجز ..

" تعبير عن الضعف يمكن ..وهاد مو عيب على فكرة "

[FONT=&quot]اعطي النسبة لك من بكاء في حياتك اليومية ؟؟[/FONT]


20%
[FONT=&quot]ماهو الاجمل ان تبكي عيناك ام ان تحزن في قلبك ...؟؟[/FONT]

الدموع تغسل القلب من ألمه ..

ما صعب ألما ً يسكن القلب وما من دموع قادرة على الانهمار لأجله

[FONT=&quot]ماذا تقول لانسان يبكي قليلا في حياته....؟؟ وانسان يبكي كثيرا في حياته ..؟؟[/FONT]

ربما هنا قد أتدخل قليلا ً مع أني لا أحب تقديم النصائح ..

و أقول لمن يبكي كثيرا ً صحيح أن البكاء يطهّر أرواحنا لكن لندع منه شيئا ً لمصائب أكبر ..

دائما ً هناك مصائب أكبر

" كتر الغسل بيهري التياب .. صح ؟ "

[FONT=&quot]هل حدث لك موقفا جعلك تبكي كثير ولم تستطع الامتناء عن البكاء ..؟؟[/FONT]
[FONT=&quot]وهل تستيطع اخبارنا..؟؟[/FONT]

أكيد كتير .. " لما انجرح من شخص بحبه ..

أو لما شوف منظر بيبكي ..

بيني وبينكن كتير ببكي لما شوف أفلام المؤثرة .. واخواتي بيضحكو عليي "

[FONT=&quot]متى يبكي الانسان على نفسه ؟؟؟[/FONT]

كتير لازم يبكي على نفسه وبكل لحظة يمكن

" عنده أكتر من سبب ليبكي على حاله "

[FONT=&quot]ومتى يبكي على غيره ..؟؟[/FONT]

عندما لا يستطيع أن يقدم لهم سوى البكاء ..

[FONT=&quot]هل تساعد شخصا تراه يبكي ..ام ان تتركه وتتدعه يبكي كما يشاء ...؟؟[/FONT]
[FONT=&quot]وان ساعدته ماذا سوفة تقول له ؟؟؟[/FONT]

بالتأكيد أساعده .. سأقول له ..

ابك علّ هذه الدموع تخفف عنك مصابك ...

ابك دع الدموع تطهرك ..

ولكن لا تستهلك كل دموعك .. ادخر بعضها لمصائب قادمة

فالحياة لا تمل من إيلامنا

[FONT=&quot]ماعنوان بكائك ...؟؟[/FONT]

ما عم اقدر اعمل شي


[FONT=&quot]دع لنا صورة قد تبكي الناس من حولك ؟؟[/FONT]

​

​

[FONT=&quot]
[/FONT]

 

[عشتار]

ان شا الله كون وفيت الموضوع حقه

شكرا ً كتير صديقتي عهود فعلا ً استمتعت بالإجابة على اسألتك الظريفة


​

 

[عهد القمر]

منورة عشتورة
وشكرا ع الاجوبة




باانتظار ضيف جديد

​

 

[عهد القمر]

يعني اسمو الموضوع اسئلة كتيرة
فااختصرت منا جزء بسيط
منشانكون


ماتقوموا تزتزحوا
ماسي

انا اعطيتكون وش كتير



يلا معنا العضو

ملك وسلطان

يتفضل





​

 

[ملك وسلطان]

آلي رجعه ..

ويعطيكي العافيه عهد على هالموضوووع...
تحيآتي..بــrـد