السيجارة والأرجيلة (الشيشة) بين أصابع الجنس اللطيف !! لماذا؟؟!!

[عاشق الوسوف]

إخوتي وأخواتي الأعضاء.. إنتشرت ظاهرة في المجتمعات العربية بشكل كبير. وهي؛ ظاهرة قيام ( الجنس اللطيف) من النساء والفتيات بالتدخين إما بالسيجارة أو الأرجيلة.. وسواء كان هذا التدخين بالسر أو العلن.. برأيكم ما السبب وراء إنتشار هذه الظاهرة؟؟​

* هل لأن المرأة أو الفتاة لما تُدخن بتشعر إنها متميزة عن غيرها من النساء.. لأن في الغالب أن المرأة لاتدخن؟؟​

* أم تريد المرأة المدخنة إثبات على أرض الواقع أنه لايوجد فرق بين المرأة والرجل ..حتى بالتدخين تستطيع المرأة أن تُدخن؟؟​

* أو أن المرأة تشعُر بالاستمتاع وهي تؤرجل وتدخن ...؟؟؟​

* أو أن المرأة المدخنة تشعر بأنها الأقوى والمجازفة بين النساء الأخريات حيث أنها تدخن .. في حين أن بطبيعة الجنس اللطيف لايتحمل رائحة الدخان .. فكيف بالتدخين نفسه؟؟!!!


ما رايك بهذه الظاهرة الاجتماعية وسبب إنتشارها

 

[ساحره البشر]

صراحه موضوع يستحق النقاش فيه لانو النساء صاروا بأي مكان بيدخنوا وانا برئي
أم تريد المرأة المدخنة إثبات على أرض الواقع أنه لايوجد فرق بين المرأة والرجل ..حتى بالتدخين تستطيع المرأة أن تُدخن؟؟
يسلموووو ع الموضوع الحلو​

 

[قيــ الروح ــثارة]

* هل لأن المرأة أو الفتاة لما تُدخن بتشعر إنها متميزة عن غيرها من النساء.. لأن في الغالب أن المرأة لاتدخن؟؟
يمكن في بنات هيك بيفكروا وعلى ما أظن الاغلب
الله يهديون​

​

* أم تريد المرأة المدخنة إثبات على أرض الواقع أنه لايوجد فرق بين المرأة والرجل ..حتى بالتدخين تستطيع المرأة أن تُدخن؟؟
هاد شي منو كتير كل وحدة بدها تعمل لحالها راس وع اساس هية وزوجها واحد بكل شي :80:​

​

* أو أن المرأة تشعُر بالاستمتاع وهي تؤرجل وتدخن ...؟؟؟

هلئ من جهتي أنا بأركل بأماكن عامة وبعلم أهلي
لأنو بيعرفوني بحبها
مو لألفت نظر
بس بطلتها لأنها ضرت بصحتي كتير
* أو أن المرأة المدخنة تشعر بأنها الأقوى والمجازفة بين النساء الأخريات حيث أنها تدخن .. في حين أن بطبيعة الجنس اللطيف لايتحمل رائحة الدخان .. فكيف بالتدخين نفسه؟؟!!!
كل وحدة الها مخ شكل ما بيشبه مخ التانية
بس بالنسبة الي أبدا مو حلو البنت تمسك سيجارة لا لحالها ولا قدام الناس
حتى الأركيلة ندمت اني كنت امسكها

ما رايك بهذه الظاهرة الاجتماعية وسبب إنتشارها

رأيي أنو ظاهرة مش حلوة نيفر
والله يهدي البنات ع الصواب
يعني اذا الشباب عملوا هيك مو المفروض يكون هالشي لازم يمشي عالبنات
لأنو البنت بنت
والشب شب ما بيعيبو شي
بعدين بحس أنو الرجال حلو يدخن ويأركل
بس البنت نو
وسببها هو ترباية الأهل بالبيت
أهلي ماشالله عليهون ظراف كتير وديموقراطيين بس بالحق
يعني لو بدي دخن كنت دخنت بس عارفة انا لشو الدخان هدر صحة وصرف مصاري وتشويه سمعة



ميرسي

​

 

[المستشـــار]

أولا بشكرك كتير أخي علي على هي المبادرة الرائعة منك بطرح هالموضوع الأروع ..

يعني بالفعل ظاهرة جدا سيئة لا بيقبلها دين ولا مجتمع ولا عادات ولا شي على الأقل من وجهة نظر الناس المتمسكين بالدين مزبوط وبالعادات والتقاليد

تانيا أنا بالنسبة الي برفضها للشب وللفتاة على حد سواء والرجال بعيبو لما يكون متعلق بشي ومو أدران يتركو يعني الادمان على شي غلط باعتراف الأشخاص بحد ذاتون ...

وأكيد الشغلة على المرأة أبشع بكتير لأنو منظر بالفعل مخزي ...

واللي حيجنني أكتر أنو كيف الأهل هنن يلي عم يسمحوا بهالشي

يعني والله هداك اليوم رحت على مطعم بباي يلي بالخطيب أنا وخالتي واختي بدون يمين نحن الطاولة الوحيدة يلي مافيها أرجيلة أو دخان أو حجاب ترللي والحمدلله عز وجل

عموما للأسف هي الظاهرة عم تزيد بالمجتمع وعم تصير أنو هي الصح ..

والله أنا مثلا لهلأ مو مسدقين العالم اني ما بأرجل :19:

يعني كل مرة بيسألوني كأنو شي غريب .. لك أخخخخخ بس

..

حسبي الله ونعم الوكيل والله يورجينا الحق ويرزقنا اتباعو ويوقينا على اتباعو

 

[ஃ MAGNUM ஃ]

يعني وشو فيها اذا المرا او البنت دخنت
يعني هي محلله لرجل ومحرمه ع المرا ؟؟؟؟؟؟؟؟؟

انا بظن ان عادي الي بدو يدخن يدخن
والي بدو يحشش يحشش
والي بدو يسكر يسكر

انا برأي هي حريه شخصيه
وكل واحد منه لربو يصطفل

كل عام وانتو بخير

 

[كتكوووووت]

موضوع حلو ورائع تسلم ايديك على الطرح الجميل هذه الظاهرة انتشرت في البلاد العربية بشكل ملحوظ والسبب الرئيسي غياب وعي الأهل عن بناتهم وأفعالهم.
نسأل الله أن يهدينا إلى السراط المستقيم وأن يبعد عنا وعن الجميع كل مكروه وخبيث ​

 

[butterfly]

برأيكم ما السبب وراء إنتشار هذه الظاهرة؟؟
بتصور انو مافي سبب
بيجبر او بستعدي المرأة انها تدخن
او تأرجل ،،
بس ع الأغلب صايرة موضة

* هل لأن المرأة أو الفتاة لما تُدخن بتشعر إنها متميزة عن غيرها من النساء.. لأن في الغالب أن المرأة لاتدخن؟؟
اها يمكن هيك بتحس
او هي هيك بتعتقد
​

* أم تريد المرأة المدخنة إثبات على أرض الواقع أنه لايوجد فرق بين المرأة والرجل ..حتى بالتدخين تستطيع المرأة أن تُدخن؟؟
ميبي بدها تثبت وجودها
ويمكن انو يعني من باب المسواة
بين الجنسين
يمكن موضة
وكل وحدة معتقداتها شكل
​

* أو أن المرأة تشعُر بالاستمتاع وهي تؤرجل وتدخن ...؟؟؟
ما جربتها لحتى اعرف شو بتحس
وهي بتأرجل او بتدخن
​

* أو أن المرأة المدخنة تشعر بأنها الأقوى والمجازفة بين النساء الأخريات حيث أنها تدخن .. في حين أن بطبيعة الجنس اللطيف لايتحمل رائحة الدخان .. فكيف بالتدخين نفسه؟؟!!!
ما رايك بهذه الظاهرة الاجتماعية وسبب إنتشارها
بجد مش عارفة شو بدي احكي
بس انا هاي الظاهرة برفضها
رفض قطعي ،،
يعني ما بعرف شو بيستفيدو من
اللي بعملوه ..
انا برأيي الشخصي انو الفتاة
مجرد ما تمسك السيجارة بـ ايدها
بتقل انوثتها
او يمكن احس انو انوثتها اتلاشت تماماً !!
ابداً ما بحب اشوف بنت بتدخت او حتى بتأرجل
مش لانو الدخان والأرجيلة محصورين لـ الشباب بس
بس انو خلص الشب اتعودنا نشوفه بدخن
صار الوضع طبيعي
بس بنت !!!!
ما عم تدخل براسي صراحة:80:

موضوع كتير حلو
يسلمو عاشق،،
​

 

[عاشق الوسوف]

صراحه موضوع يستحق النقاش فيه لانو النساء صاروا بأي مكان بيدخنوا وانا برئي
أم تريد المرأة المدخنة إثبات على أرض الواقع أنه لايوجد فرق بين المرأة والرجل ..حتى بالتدخين تستطيع المرأة أن تُدخن؟؟
يسلموووو ع الموضوع الحلو​

 

[Dark Heart]

يعني هم أخترعوا الأرجيلة و السيجارة بس للرجال .....
أنا ما عم بحكي هيك لأني مع أنه المرأة تدخن .....
بل لأني بعرف كتير بيدخنوا بس ما بيدخنوا بمكان عام ...... يعني ما بدخنوا أو بأرجلوا قدام حدا غريب .....
و هيك بكون أثبتت وجهة نظري :10: ............


​

 

[Dark Heart]

يعني وشو فيها اذا المرا او البنت دخنت
يعني هي محلله لرجل ومحرمه ع المرا ؟؟؟؟؟؟؟؟؟

انا بظن ان عادي الي بدو يدخن يدخن
والي بدو يحشش يحشش
والي بدو يسكر يسكر

انا برأي هي حريه شخصيه
وكل واحد منه لربو يصطفل

كل عام وانتو بخير

كتتتتتتتتتييييييييير حلوة ردك
​

 

[§ أبو المر §]

وأنا من رأي ماغنوم حرية شخصية ومافيا شي

 

[ندى القلب]

* أو أن المرأة تشعُر بالاستمتاع وهي تؤرجل وتدخن ...؟؟؟


انا هي رايي انو اذا هي حاببتها ومستمتعه

مافي داعي نكبر الامور كانو جريمه

بس لانها انثى

ولكن طبعاا انا ضد هالشي بالاماكن العامه

يعني عائليه او بين الصاحبات عادي

وبالاخر كل وحده بتجرب ويابتكمل يابتترك


يسلموووووو لطرح الموضوع​

 

[عاشق الوسوف]

* هل لأن المرأة أو الفتاة لما تُدخن بتشعر إنها متميزة عن غيرها من النساء.. لأن في الغالب أن المرأة لاتدخن؟؟
يمكن في بنات هيك بيفكروا وعلى ما أظن الاغلب
الله يهديون​

​

* أم تريد المرأة المدخنة إثبات على أرض الواقع أنه لايوجد فرق بين المرأة والرجل ..حتى بالتدخين تستطيع المرأة أن تُدخن؟؟
هاد شي منو كتير كل وحدة بدها تعمل لحالها راس وع اساس هية وزوجها واحد بكل شي :80:​

​

* أو أن المرأة تشعُر بالاستمتاع وهي تؤرجل وتدخن ...؟؟؟

هلئ من جهتي أنا بأركل بأماكن عامة وبعلم أهلي
لأنو بيعرفوني بحبها
مو لألفت نظر
بس بطلتها لأنها ضرت بصحتي كتير
* أو أن المرأة المدخنة تشعر بأنها الأقوى والمجازفة بين النساء الأخريات حيث أنها تدخن .. في حين أن بطبيعة الجنس اللطيف لايتحمل رائحة الدخان .. فكيف بالتدخين نفسه؟؟!!!
كل وحدة الها مخ شكل ما بيشبه مخ التانية
بس بالنسبة الي أبدا مو حلو البنت تمسك سيجارة لا لحالها ولا قدام الناس
حتى الأركيلة ندمت اني كنت امسكها

ما رايك بهذه الظاهرة الاجتماعية وسبب إنتشارها

رأيي أنو ظاهرة مش حلوة نيفر
والله يهدي البنات ع الصواب
يعني اذا الشباب عملوا هيك مو المفروض يكون هالشي لازم يمشي عالبنات
لأنو البنت بنت
والشب شب ما بيعيبو شي
بعدين بحس أنو الرجال حلو يدخن ويأركل
بس البنت نو
وسببها هو ترباية الأهل بالبيت
أهلي ماشالله عليهون ظراف كتير وديموقراطيين بس بالحق
يعني لو بدي دخن كنت دخنت بس عارفة انا لشو الدخان هدر صحة وصرف مصاري وتشويه سمعة



ميرسي

​

 

[الأمبراطور]

انا برايي هالاسباب كلها مجتمعة
وشكرا عالموضوع الجميل

 

[الملاح التائه]

أنا برأي السبب
هو المسلسلات
السورية
التي
أصبحت تكرس
فكرة التدخين
وخاصة عند النساء

بتلاقي البنت ماشيا مع شب الله اعلم شو بيكون إلا
وبإيدا سيكارة
وبتلاقيه بس عصبت
طلعت الباكيت وشغلت سيجارة وصارت تنفخ
أنا ضد المرأة اللي بدخن والعفو من الجميع هي ما أسما حرية شخصية
لسا بكال مسلسل حاكشين 40 50 ممثلة بلبس يا لطيف
وفوق هدا
سيجارة
​

 

[أيلول]

هي هالعادة غلط إذا كانت للمرأة أو للرجل لأنو الله أعطانا نعمة الصحة اللي حرمها من ناس كتير ولازم نحافظ ع هالنعمة وبيجوز اللي المرأة اللي بتدخن بتحب تلفت النظر إلها

يسلمووووووو​

​

 

[المستشـــار]

أنا برأي السبب ​

هو المسلسلات
السورية
التي
أصبحت تكرس
فكرة التدخين
وخاصة عند النساء​

بتلاقي البنت ماشيا مع شب الله اعلم شو بيكون إلا
وبإيدا سيكارة
وبتلاقيه بس عصبت
طلعت الباكيت وشغلت سيجارة وصارت تنفخ
أنا ضد المرأة اللي بدخن والعفو من الجميع هي ما أسما حرية شخصية
لسا بكال مسلسل حاكشين 40 50 ممثلة بلبس يا لطيف
وفوق هدا
سيجارة ​

والله مزبوط

 

[Naughty Girl]

هلأ بشكل عام لما بتشوف مثلا بشي مسلسل وحدة عاطلة بيحطوا عم تدخن
بس هلأ ماصارت الفكرة هيك والدخان صار منتشر بشكل كبير يعني مافي عيلة بتخيل مافيا شخص بيدخن..وبالنهاية حتكون المرأة الا اسباب كتير بتخليا تدخن متل ماقلت(لفت نظر..اثبات وجود ..)او ممكن يكون نفس السبب يلي بيخلي الشب يدخن والمجتمع يشوفا شغلة عادية..ياعمي في قصص اكبر من هيك ومصايب اكتر من هالقصة لينحكى فيا خليون يدخنو ويأركلو ويعيشو حياتون وتحيا الاركيلة
​