((السيدات اولا)): هل هي عبارة مبالغ فيها هذه الايام؟

[ღRosa Blancaღ]

لا يتنازل لها عن دوره في صفوف المعاملات ولا يقف لكي تجلس في حافلات الموصلات العامة ...لا يفسح لها الطريق اذا كانت سائقة او راجلة...لا يقدر وجودها كانثى ويتحدث امامها بأي الفاظ من دون اي اعتبار لها حتى ولو كانت خادشة للحياء...
هذه بعض الشكاوى النسائية من بعض رجال هذه الايام ...

فهل انزاح وشاح التعامل المليء بالاحترام وتسرب من بين ايدي المرأة ؟.. فصارالرجل يعاملها كما يعامل اقرانه الذكور؟
وهل باتت هذه سمات الرجل العصري في طريقة تعامله مع المراة,
ام ان ذلك مجرد ((احساس نسائي))
وليس تهمة ولا اساس لها من الصحة؟!!.

بدي اسمع آراء الكل شباب وصبايا​

 

[المستشـــار]

بسم الله الرحمن الرحيم .. الحقيقة موضوع جدا رائع ويحتاج إلى الطرح بالفعل يعني والله قمة المهزلة أنو تطلع مرأة إلى الباص ويكون شب قاعد ويتطلع يمين وشمال أنو هو ما شافها طلعت على أساس !!! وما يقوم الها يا أخي اعتبرها أختك أو أمك أو زوجتك أو بنتك ما بتتمنى حدا يقوم مشانها حتى لو كان حجي كبير بالعمر فاتقوا الله عز وجل بهذا الأمر .. ومما ذكرتي كمان انتشار الكلام السئ والفاحش ان كان امام النساء ام لا وخاصة هذه الأيام زيادته أمام النساء يعني كان الواحد يستحي يحكي هيك ادام النسوان بس هلأ صارت شوربة القصة شو مشــــان؟؟!! .. هل صار الكلام البذئ سمة بالمجتمع موضوع يحتاج إلى معالجة .. أما بالنسبة للدور(الصف) عزيزيتي فهناك لوم على الطرفين والله إحدى المرات أنو واقف صف من الرجال واجت وحدة بدها تدفع .. مرؤوها وردت اجت وحدة تانية ومرقت شي 5 .. طيب الرجل يلي واقف أول شي والرجال يلي واقفين شو ذنبون !!! يعني عفوا منك أحيانا المرأة عم تستغل وأنا أسف لهالكلمة مروءة الرجل وشهامته وين جوزك يجي يدفع أو إلى أخره .. يعني أنا برأيي بالأماكن التي تحتاج أن تقوم المرأة ببعض المعاملات يجب ثم يجب ثم يجب أن يكون هناك صفان منعزلان عن بعضهما البعض ويمشوا الصفين وممكن اقبل يمشوا تنتين نسوان وشب معلش بس أما النط على الرقاب هذا شئ الله ما قالو وخاصة بالأماكن يلي الرجال باعت قريبته مشان تتسلبط على الرجال لأ وهديك المرة واحد ما حب يمشيها صارت تسب طيب كيف بدو يرد يمشي غيرها ... ويطول الحديث .. شكرا عالموضوع المهم ريم ويعطيكي الف عافية

 

[✿منى قلبي✿]

مممممممممممم

الموضوع قيم

اول الشي الله عز وجل كرم المراة بكل شي

هلئ يعني بصير توئف المراة بلدور مع صف الرجل مثلا يعني بنت شي بنت شب ؟؟؟

ما بصير

وكمان لما بكون في بنت واقفة بلدور بصف البنات وبينما في صف للرجال وصف للبنات لازم وضروري انو يمشو صف البنات اولا

مهما كانو كتار

رح اشرح ليش ؟؟

لانو البنت الما بتوقف بمكان في شباب متل المعاملات او صفوف الدور بلخبز او اي شي ما بتكون موجودة بكيفها الا بغصب عنها اما المعاملة ما بتمشي بدون ما تكون موجودة او ما عندا حدى يجبلا غراض بيتها فبتضطر تجيبن هية

يعني لاتفكرو انو وقفة المكاري او المعاملات او اي شي سهلة على البنت

رح بسطها اكتر ولاتواخذوني يا شباب انا ما عم احكي عن حدى معين ولا عن الكل بس اجمالا الشباب بتكون هاد الظريف وهاد يلي ما بيئيم عينو عنها وهاد يلي بيتحركش فيها

يعني تصورو اختك بهل موقف وانت اللموظف يلي عم تبيعها او عم تمشي امورها ما بدك تبديها عن الشب يلي واقف عم ينطر وينطر شي 5 دقائق زيادة شو بصرلو

بس في ناس من البنات كمان ما بيخجلو يعني مشاكي الزلمة ومشاكي ليش لتسبي مثلا ليش ما نكون ارقى ونتعامل بكل لباقة ومحبة بهيك امور

وبس هاد يلي طلع معي من عند الصبخ لصحصح بحكيلكون اكتر ه

 

[المارد]

السلام عليكم
موضوع حلو كثير وردود احلى
انا بنطري انو ترجع للشاب ذو اخلاق كريمة وعالية
كثير تصير معي في الشام وحلب
مو حلوة بحقي انو اترك امراة مسنة او شابة عادية جدا واقفة وانا قاعد معيب بحق للي يفهم هالحكي
او او اتصال من كبينة هاتف او غير ذلك
ان لم تستحي افعل ما شئت هاي امراة يجوز لها خصوصية في التعامل معها عندها اولاد وطبخ وبيت وووووالله يعنها شو متحملة
بغض النظر عن كونها اختك او امك تنحط بالموقف ذلك ترضاها على نفسك اكيد لا والله يجوز اني اول مرة احلف استنى ساعة كاملة ولا اخلي امراة تتنتظر 5دقائق
هكيك تعلمت وتربيت يسلمووروز الغالية
​

 

[sweet-lolo]

اولا شكرا لطرحك هيك موضوع
ثانيا أنا كتير بخطر هالسؤال ببالي
ان ليش تدهورت حالة الرجولة هالايام
هل لم يعد في رجال هالايام؟
أم لم يعد هناك امراة؟
يعني بتلاقي الغالبية العظمى بيعتبرواا
ان هو متله متل هي لا بالعكس بتلاقيه
احيانا بيعتبر ان هو احق منها بكتير قصص

أنا برأيي سبب هالمشكلة هي من كثر ما المرأة
عم بتطالب بالمساواة بينها وبين الرجل مع العلم
ان الاسلام كرم المرأة كتير بدون ما تطالب بالمساواة
​

 

[ღRosa Blancaღ]

ردوركن قيمة كتير وبالفعل انا هالموضوع كان شاغل بالي من فترة ومتدايقة منو كتييييييير

انو صايرين شباب هالايام اذا الهن زميلة قاعدة معن بنفس المكتب لك بيحكو حكي شباب وكلمات خادشة بالحياء قداما ولا كأنو هيي قاعدة

وعلى قولة فلانة اخت رجااااااااال ومتل اختنا يا زلمة لعما على قلة الحيا ان كان بالشارع ولا باماكن العمل ما بئى حدا ستحى

بس انوووووو ليش يعني نقلبت الدنية ع هوا ايام زمان

لعما كانو ما يسترجو يقولو مرحبا للبنت وهيي نفس الشي هلأ حدث ولا حرج

 

[KiNg of Pc]

والله يا عمي انت كلام صح الصح بس بدك مين يعتبر ...
بس مافي شي رايح يعني اذا عمل شي خطأ بالشارع حكى شي كلمه ما قدر الرجال الكبير ومرا رح تصير لألو بس ليكبر او لعيلتو
بس مثلا اذا كان الواحد بيتعمل بشكل لبق وادب بالشارع رح ينرد هلشي عأهلو وعلى هوا نفسو
بقى مافي شي بيروح هيك .....

 

[ღRosa Blancaღ]

 

[المارد]

السلام عليكم
موضوع حلو كثير وردود احلى
انا بنطري انو ترجع للشاب ذو اخلاق كريمة وعالية
كثير تصير معي في الشام وحلب
مو حلوة بحقي انو اترك امراة مسنة او شابة عادية جدا واقفة وانا قاعد معيب بحق للي يفهم هالحكي
او او اتصال من كبينة هاتف او غير ذلك
ان لم تستحي افعل ما شئت هاي امراة يجوز لها خصوصية في التعامل معها عندها اولاد وطبخ وبيت وووووالله يعنها شو متحملة
بغض النظر عن كونها اختك او امك تنحط بالموقف ذلك ترضاها على نفسك اكيد لا والله يجوز اني اول مرة احلف استنى ساعة كاملة ولا اخلي امراة تتنتظر 5دقائق
هكيك تعلمت وتربيت يسلمووروز الغالية

السلام عليكم
بغض النظر عن ردي بالموضوع
يمكن في شي اسمو نخوة او مروءة احترام اخلاق
​

 

[ღRosa Blancaღ]

صح اخي مروان يسلم تمك

 

[جمال الروحـ]

اول شي يا ترااا كل واحد بفكر انوو يقبل على اخته تكون بنفس الموقف يلي البنت بتكون فيه ~ عم تتلطش او حتى واقفه عم تجيب خبز او سوبر ماركت

بجي رفيقوو بقلوو اليوم لطشت بنت يا زلمة نستني امي ~ بسالو شو لابسه بقلوو هيك لابسه بتطلع
نفس مواصفات اخته ~ دووووووم {{ صدمه }}

انا صدفت معي وقفت تكسي ولقيت نسوان واقفين خليتهم يطلعووا وهاد مثال بسيط متلي متل غيري

الشغلة اخلاق واحترام ~ ونخووة تكون بالشخص بس اذا انفقدت ~ عوووجه

وانا بالنسبة الي ~ بمشي بعبارة السيدات اولا"

وندعى الله يهديهم ~

شكرا عالموضوع ريموو

 

[ღRosa Blancaღ]

دخيلو المزوء انا

منور ابو حميد

 

[انا لينووو]

فعلا ما عدنا نلاقي رجال بمعنى الكلمة
و بخصوص السيدات اولا يعني بالكارفور في كاشير محطوط عليه لافتة ^^ السيدات اولا ^^ وكل الرجال ئدام !!
و الله الزمن تغييييير
يسلمو ع الموضوع

 

[ღRosa Blancaღ]

الله يسلمك لولو منورة
​