المرحلة الثانية (( مسابقة عريس المنتدى ))

[حسام الحلبي]

صوتي لحسام ​

ع راسي جمانة والله مافي منك أنتي وهي سمعة​

 

[حسام الحلبي]

كل الشباب أبدعو وكنت بتمنى كون بيناتكن بس يلا خيرها بغيرها

وهي أنتو ماشالله مو مئصرين ​

أنا بصوت لحسام
قصتو كانت واقعية كتير وعجبتني
الله يعطيك العافية حسامووو​

​

شكرا ضجيج الصمت هاد من زوقك أنا كنت بتمنى أنك تستمر معنا بالمسابقة بس خلص أنا أدعوك للمشاركة بمسابقة السيارات وهي سمعة عربون شكر صغير​

 

[حسام الحلبي]

أنا بصوت لحسامووووو قصتو واقعيه وبمحلا


وحسامو يا حساموووووووو​

يسلمو شادوو رأيك بواقعية القصة وسام تشريف بالنسبة الي وهي سمعة​

 

[سحر الشرق]

انا بصوت لحسام​

 

[Senior Anas]

راحت عليك يا انس

 

[جذابه بس كدابة]

واللهى التلاتة احلى من بعض

بس اانا حختار
انوووووووووووووووووووووووووس​

 

[lilo]

صوتي لأنووووووووووووووووووووووووووس

 

[Senior Anas]

واللهى التلاتة احلى من بعض ​

بس اانا حختار

انوووووووووووووووووووووووووس​

صوتي لأنووووووووووووووووووووووووووس

ولك تسلموووولي انتوووو واصوووواتكن الهي الله لا يحرمنا ياها يا حئ :10:

 

[آلبتول]

♥ jasmine rose ♥, أبو الليل, مختار, amoooooool, النرجسية, البيلسان, البحر الهائج, الطير الحر, ابو المعتز, احلى دنيا, بالمرصاد, دلوعه وكلمتي مسموعه, حبيب الكل, king*, museumoflove, زهرة النرجس, root, spotless mind, عاشق الوسوف, فـارس, § أبو المر §, § lion heart §, وردة الاحلام, قمر الشام, كماتشو, كتكوووووت

:19::19::19::19:
كل هذا عجز تكتب اساميهم :19::19::19:
طيب فيه عالم ما صوتت لك :19:

 

[TOoOLeN]

:19::19::19::19:
كل هذا عجز تكتب اساميهم :19::19::19:
طيب فيه عالم ما صوتت لك :19:

:19::19::19::19::19::19::19::19::19::19::19::19::19::19:

 

[Moood]

راحت عليك يا انس

انا شو عم سوي ولك انس يا جماع نصيحة اخ لي اخوه او لي اخواته انكم تصوتو لي سنيور انس الحلو :10::10:

 

[Senior Anas]

ولك حبيب قلبي مووود كلك زووووء والله ه هو بااائيلي صوتين لصير انا وابو المر تعاادل بس شاايفلك ابوو حميد متصدر المرحلة التانية بتستاااهل شريك

روووح ريااااضية

 

[غنوجة بيا]

كتير مهضومين القصص

تم التصويت لسنيور أنس

 

[Senior Anas]

:10::10: كلك زوووء غنوووجة :10::10:

 

[حسام الحلبي]

والله مارحت الا على محبوب الجماهير

​

 

[Senior Anas]

باااااااائيلي صووووت يااااربي صووووت

 

[اميرة الحب]

مبروك....​

 

[حسام الحلبي]

تحية بيلسانية للجميع وشكرا لكل مين صوتلي لحتى قدرت أنتقل للمرحلة التانية ​

​

المهم وصلنا ياسادة ياكرام عند نهاية اللقاء الأول يلي جمع بيني وبين حبيبتي ويلي قدرت فيه بوقت واحد اعترف بحبي الها وأني أطلب ايدها..........بعدين كل منا راح بطريق لأنو مافينا نمشي سوى منشان مايشوفنا حدا من أهلها وبطريق الرجعة عل البيت ( لأني كنت أجازة بيومها ) كان قلبي عم يدق بشكل سريع
وشاءت الأقدار والأشغال أنو مانحكي سوى لبعد يومين وطبعا عل الايميل لأنو صعب كتير نحكي ع الجوال منشان اهلها مايحسوا على شي قبل ما أحكي فيها بشكل رسمي وكلمة منها كلمة مني وبدون تردد قلتلها ايمتى فيني شوف أبوكي هي سمعت هالكلمة عالمايك سكتت ثواني وأنا سمعان صوت لهتتها وحاسس بحرارتها ارتفعت من سؤالي فقالت ( تشوووووووووف بابا ؟؟؟ ) جمعت بكلمتها تلات حالات المفاجأة والفرح والاستغراب لأنو البنت بتفرح كتير لما ينحكى فيها بشكل رسمي و بضل الخوف لاحقها ليوم الخطبة والاستغراب لأنو البنت بمجتمعنا السوري خاصة تعودت تسمع من الشاب السوري أقوال وبس بدون أفعال متل ( حبيبتي _ اشتقتلك _ بكرة بدنا نتزوج ) ووقت يصيروا بالجد بقلها ( ظروفي ماتسمحلي بالارتباط حاليا ) :80::80: يعني بفلسع بمعنى أخر لما يقول الشب للبنت بدي شوف أبوكي تعتبر كلمة شرف أنو أنا بالفعل هدفي الحلال
المهم اتفقت معها بس تقدر تاخد موعد من أهلها ( بحجة أنو أنا أخو رفيقتها بالمعهد وهي مابتعرفني ) أنو تبعتلي رسالة ومانحكي سوى ليوم الخطبة ............... مرت بعدها عشر أيام لاحس ولاخبر وفجأة وأنا بالشغل وفكري عم ياخدني ويوديني :80::80: فجأة بيرن جوالي لتنبيه عن رسالة واردة فتحت الرسالة وكان كل شي مكتوب فيها ( أهلي عم يستنوك أنت وأهلك الخميس الساعة 6 ) وكنا بيوم الاثنين وكنت مخبر بابا وماما مسبقا عن إعجابي بزبونة بتجي لعنا عل المحل ( كذبة بيضا لأنو أهلي كمان متشددين ) كان معي 3 أيام لكون جاهز وقلت لحالي يلا أبو شادي حاجتك شانق الكيس ( بمعنى حاج بخل ) أمرك لله نزيل لعند ملبوسات 400 وخدلك طقم وبالفعل هاد يلي صار طقم أسود قميص أبيض كرافة ( خيلة ) بوط مرتب صاروا بالكيس طقينا حقهن مافتح ورزق ( مو خسارة كرمال حبيبتي فوفو ) طقم متل يلي بالصورة ​

​

وكملت الشوبينغ عند عطورات الغبرة وطلبت منو زجاجة هوغو بوس ( عطر رجالي ) وزجاجة هاواي ( عطر نسواني للخطيبة أم شادي مستقبلا )​

​

ومريت لعند أبي عل المحل ووصيتو على علبة حلو عربي فاخرة ( باعتبارو حلواني ) منشان بيت حمايي بالفعل طرئني بهدلة وقلي ( شو نسيت المصلحة هي مصلحة بيت الحلبي من سابع جد ) وباعتباري مهذب قلتلو أمرك وفتحت علبة فاضية ورتبت فيها ( المبرومة والكول وشكور وأصابع الست ووو .............. )​

​

ومضيت الشغلة وصرنا صباح يوم الخميس كان جاهز كل شي تقريبا ماضل غير قصة الشعر وفورا لعند الحلاق حمزة صديقي قلتلو توصى ...... هلق بحسن قول جهزت كل أموري وصارت مية مية وعلبة الحلو مغلفة بورق هدايا والعطر تبع فوفو كمان وطبعا العريس محبوب الجماهير بالطقم الأسود والساعة السودا خفت نزلت الصورة مشان ما يصير في حالات إغماء لبنات المنتدى وانطلقت أنا وأبي وأمي وأختي لعند أهلها دقينا باب بيتهن ع الساعة 6 إلا خمسة تماما فتح الباب عمي وقال أهلا وسهلا دخل أبي أولا بعدين أمي وأنا وأختي وراهن سلم أبي على عمي كان أسمو أبو محمد وأمي سلمت على أم محمد وأنا سلمت عليهن وقعدنا وعطيت مرت عمي علبة الحلو فقالت ( ليش معذب حالك ) قلتلها (ولو مافي عذاب مرت عمو مشان واجبكن ) قعدنا صار سلام وكلام بين أبي وعمي وبين أمي ومرت عمي وأختي سحر الشرق عم تهديني لأني كنت متوتر شوي وبعد عشر دقائق ندق باب الغرفة مرت عمي قالت ( فوتي حبيبتي ) فاتت فوفو وكانت لابسة طقم جينز وتحتو قميص بني وحجاب أبيض​

مع خدود مزهرة تزهير خفيف :10::10:وقدمت القهوة كانت الفناجين عم تتأرجح بايدها من كتر الخوف ووجهها أصفر قعدت مقابيلي وأنا من خجلي مو قدران طلع فيها بها اللحظات ابي قطع الهدوء
وقال ( شوف أخي أبو محمد اجيناك اليوم وطالبين منك ماتردنا خايبين ) رد أبو محمد بكلمة وحدة وبصوت أهل العمارة ( وصلت )
أبي : ( بدنا نطلب أيد المحروسة بنتك لأبنا حسام بعد ماسمعنا عنكن وعن عيلتكن كل شي طيب )
عمي : ( ونحنا النا الشرف بمناسبة بيت الحلبي بيت الكرم والجود بس كمان بدي أسأل الشب كم سؤال عمي حسام شو بتشتغل ؟؟؟ )
أنا : ( والله ياعمي بشتغل بياع ألبسة نسوانية بالطلياني وكافيها الله الحمد لله)
عمي : ( وانشاء الله عندك بيت )
أنا : ( في بيت عل العضم بزملكا وشوي شوي عم أكسيه )
مرت عمي ( حماتي ) تلون وجهها يمكن ماعجبها الحكي :80: :80: فدخلت عل الموضوع
وقالت : ( أي ابني وقديش بدك لحتى تخلص كسوتو )
أنا : ( يعني حسب التيسير مرت عمي )
مرت عمي : ( ابني ماشي الحال مع أنو زملكا بعيدة شوي بالسيارة شي ربع ساعة بس ماشي الحال شو مشان حقوقها )
أنا : ( أي حقوق ؟؟؟ )
مرت عمي : ( له ياأبني سلامة عرفك المقدم المأخر ملبوس البدن بأي صالة العرس )​

أمي ( تكرمي أختي أم محمد باذن الله مابتكونوا الا رضيانيين )​

مرت عمي : ( أختي أم حسام أختها يلي أكبر منها مازوجتها الا أحسن جوازة العالم كلو حكى بجوازتها شهرين سلامة خيركن يعني أنا بدي 200 ألف ليرة سوري مقدم 200 مأخر 150 ملبوس بدن ( يعني جهاز البنت من ملابس وخلافو ) )​

أمي : ( والله يابنت الحلال ماعم نشوف هيك مبالغ لجوازات العالم )​

مرت عمي : ( يوه لك أم حسام الدنيا كل مالها عم تغلي )​

أبي : ( يا أختي أم محمد قال عليه الصلاة والسلام : ( من جائكم من ترضون ينه وخلقه فزوجوه )​

الجميع : ( عليه الصلاة والسلام )​

وضليت بامتحان شي ساعة وأنا وأبي وأمي نجاوب عل الأسئلة ماخلينا شي ماحكينا فيه لحتى وصلنا لأمور وسط ترضي الطرفين ( 150 ألف مقدم غير مقبوض _ 200ألف مأخر _ 100 ألف ليرة ملبوس بدن )​

ضل شي مهم اسم الصالة يلي انتهت القعدة وماتفقنا على اسم لأنو عم تختار حماتي أفخم القصور يلي بالشام ويلي بتوصل سعر اقامة حفلة لليلة وحدة فيها للمئة ألف ليرة وطلبت حماتي بنفسها أنو تنزل عالسوق وتختار غرفة النوم وبدها تروح تشوف البيت وتكسيه على كيفها صار شوية خلاف بين أهلي وأهلها على أمور ثانوية سطحية لا بتقدم ولا بـتأخر استغليت أنا وفوفو خلافهن وقعدنا نطلع من تحت لتحت ببعض وكان أخر الكلام من عمي : ( انشاء الله بيصير خير ) وقد مادخت من الأسئلة نسيت أعطي فوفو الهدية لأخر القعدة وقبل مانطلع بخمس دقائق من عندهن ومشينا بانتظار الرد من أهلها ​

هاد يلي صار وهي روابط المواضيع :​

الأول بقسم معلومات عامة واسمو الشباب في قائمة أكثر 100 شخصية مؤثرة في العالم وهي اللرابط تبعو http://albailassan.com/vb/showthread.php?goto=newpost&t=24359​

والتاني بقسم الكمبيوتر والانترنيت واسمو أفضل الخطوط العربية والانكليزية لجهاز بروابط مباشرة وهي الرابط http://albailassan.com/vb/showthread.php?goto=newpost&t=24435​

ألقاكم بالمرحة التالتة اذا صوتلي ​

يتبع ....................................​

​

أحلى قصة أبو شادي أنا بصوت لمحبوب الجماهير​

 

[شام]

انا صوتت لاابو المر

ومبوك مقدما

 

[Dark Heart]

يلا يا شباب صوتولو لأنوووووووووووووووووووووس
والله بيستاهل