الى اللقاء ليس وداعا ( Sammo & Mr.Rami )

[§ أبو المر §]

والله لأجي كل جمعة وجبلكون معي الأرجيلة
ومعسل عنب من يلي بتحبو رامي

 

[حسام الحلبي]

صرلي يومين غايب عن المنتدى قلت لحالي بجي بلاقي أخبار حلوة لاحول ولاقوة الا بالله بشرفي زعلتوني ورح نستفئد................. بس بزعل منكن اذا ماعملنا شي قعدة بباب توما توديعة ( اوعكن ها من زعلي شنو صعب ) والله أنتو غالين على قلبي صحي ماقعدنا مع بعض قعدتين تلاتة بس حسيت حالي بعرفكن عمر.......
وهي كلمة صغيرة لكل واحد :

ساموو ( حبيب الشعب ) : شد حيلك وخلي معنوياتك عالية أنا قبل ماروح ع الجيش بشهر ( مابخبي عليك ) كنت خايف شوي يعني غربة نوعا ما وشوية مشقة بس صدقني فيها تجارب حلوة بتتعرف عل الحلبي والحمصي والحموي والادقاني ومتأكد من غير ما وصيك أنك تحكي معي بالاجازات وتقولي بأي مكان فرزك وأنا عندي معارف ممكن يساعدوك بموضوع الفرز .......... وبحب قلك أنو متل ماكنا بوجودك بالمنتدى أخوة رح نكون هيك باجازاتك وبوعدك ضل أحكي عنك وذكر الأعضاء فيك ( بالخير طبعا ) ساموو ( رح أبكي ) لاتودعني مابحب الوداع الله يسيرلك العسكرية بجاه الحبيب محمد ونسمع عنك أخبار حلوة


مستر رامي ( مانيجر البيلسان ) : غالي وابن أخت الغالي رح تضل أنت المعلم أنت ( ملك جمال البيلسان ) مو بالشكل بس ..... بالروح وبالاخلاق وتعبك وموضيعك وتنسيقك وخاصة فترة الأعياد مارح ننساها رح نضل نحس أنك معنا صح أنت بالجيش بس أنا متأكد أنو بس جسمك هون ( فدا الوطن طبعا ) بس قلبك وروحك رح بضل معنا صدقني أنك بالفعل جني مجهول بتمنى منك وهي عم طالبك مطالبة أن تسمحيلي وتشرفني بأني أعمل أسبوع تكريم الك لأنك بتستحق وكان مفرووض أول شخص يتكرم بس أنت عودتونا بالمنتدى أنو ماعنا شي اسمو عضو رقم واح وعضو رقم اتنين وعضو رقم أربعة الاف أنتو عودتونا أنو كلنا أعضاء البيلسان وكلنا أخوة ........ومتل ماقلت لسامو بقلك شد حالك وأي مساعدة بتحتاجها أنا أخوك بزعل منك اذا مابتخبرني وبدي أعرف أول بأول عن فرزك ورح حط ثقلي أنو ساعدك وبوعدك اذا أنا كنت بالشام أطلع لعندك على الثكنة وزرك ويارب يارب يارب تطلع أنت وساموو بفرز واحد وبكتيبة واحدة والله يهونها عليكون ويصبر قلب أمهاتكم على البعد امين أمين أمين وعنجد تضايقتوني بهالخبر تروحو وترجعوا بالسلامة


وبالنهاية بقلكن انتظروا مفاجات حسام الخلبي بأخر أسبوع من هذا الشهر من 23 اذار الى 31 اذار بمناسبة الوداع

 

[§ أبو المر §]

أي سامو أهم شي دير بالك من الأدلبي والدوماني

 

[الوعد السوري]

شو أصدك أبو المر أنا التاني
​

 

[عاشق الوسوف]

تروحو وترجعو بالسلامه
​

 

[lavander]

بكره الوداع كتير كتير​

حماة الديار رح اعتبركم باجازة مو اكتر​

والله يحميكم ويهون عليكم كل امر عسير​

بامان الله وحفظه​

 

[جمانة]

ولي على قلبي انا شو هالخبرية
انو يعني
ما عم يطلع حكي
رح نشتألكون
مين بدي استشير لما بصير شي بجهازي سامو


تروحو وترجعو بالسلامة سامو ورامي
والله ما في منكون انتو :10:​

 

[المستشـــار]

الله يسرلكون ... وانتوا قدها وقدود يا شباب ... هلأ أنا ما تفاجئت كتير لأني بعرف بالقصة بس الحقيقة تبقى في القلب حسرة

نراكم والى اللقاء ... وبعدين زبطوا أموركن ... وفوتوا من هنيك

 

[§ Lισи Hεαят §]

أي سامو أهم شي دير بالك من الأدلبي والدوماني

:19::19::19::19::19::19:
يخرب بيت قلبك يا أبو المر شو إنك حشاش :19:
خلصنا بقى مافي شي ببكي شو عمنقول رح يروحوا وما يرجعوا يالطيف
كم يوم وبح
وبالنسبة للقحات أبو المر لا تتدايق أنا موحود
ولا تقلبوها دراما ما بدها القصة
​

 

[سحر الشرق]

والله انكم زينة شباب المنتدى الله يوفقكم ويسرلكم الجيش وترجعو على المنتدى بخير وسلامة


​

 

[►RatoOoOb ◄]

الله معكن

انتو روحو وقلبي داعيلكن:19:
وعد مني بجي بزوركن وبجبلكن
معي علبة حلاوه
:19::19::19::19::19:​

 

[ندوش]

بأمان الله
يردكن سالمين غانمين

​

 

[§ Sammo §]

شو ماحكينا مارح نقدر نعبر عن الحكي يلي قلتوه
ولارح نقدر نعبر عن فرحتنا بوجود عيلة متلكون موجودة معنا بفرحنا وزعلنا وحياتنا
رح ضلو الفرحة يلي نزرعت بقلوبنا شمعة ضوي حياتنا

وبأذن الله متل ماقال ليون
كم شهر ومنرجع ومتل ماقلت الى اللقاء لا وداع
ومنرجع لاحلى عيلة بالدنيا
عيلة البيلسان

ابو المر صحي هنن فترة بس والله اني رح استفقدلك خيرات الله
بكرة جيب الحلاوة يلي بالبراد وطلعلنا ياها :19:
احلى ابو المر واحلى شريك واحلى اخ
بعدين بالنسبة للدوماني والادلبي
عندي واحد لاتخاف عليي
بس غير كل العالم
شريكي واخي وحبيب قلبي



مارد
الحمد لله ماصار لا خلاف ولا اي شي
منضل اخوة وانت عل عين والراس يخليلي البك ياغالي
بتشكرك على كلامك الرائع ياغالي



حسام الملك
كلامك مابينوصف للصراحة
اخجلتنا بلطفك معنا وبكلامك المعدل والراقي متل شخصيتك


بتشكر الكل فردا فردا من كل قلبي
​

 

[عسولة]

الله معكم ...وييسرلكم كل صعب
الى اللقاء ​

 

[*EmiLy*]

تروحوا وترجعوا بالسلامة الله يهونها و يسرها عليكون
ديروا بالكون على بعض

 

[♥ jasmine rose ♥]

​

 

[ريماس]

الله معكم وييسر امركم
تروحو وترجعولنا بالسلامه يارب
ونحنا رح نستناكم هون بارض البيلسان
مارح ننساكم ودعواتنا اليكم على طول
موفقين يارب وديرو بالكم عل حالكم
يلا موفقين يارب
​

 

[Cosette]

يعني الله يلعن هيك موضوع
والله حاسو فلم رعب بنسبة ألي شيلو والله
مامحرزة كلا كم شهر
تؤبش قلبي سالم رح أشتاق ل قحاتك يلي بتوجعلي راسي :19:

انا مع ابو المر الموضوع امسحوه انا مبارح انبحتت شوي واليوم بدي كمل لك تضرب ياسامو عهالموضوع اي

 

[glossyrose]

ممنوع هيك مواضيع(الوداع)بالمنتدى:80::80::80:
مستر سامووو رح احكي لسمسوم يشيلو
لإنو هو دايما بيحكي انو هيك مواضيع ممنوعة


​

 

[Cosette]

جبتيها ايات ويلا لشوف امسحووووووووووووووووه