انا ولابتوبي (سؤال لاصحاب الاختصاص)

[زهرة النرجس]

هلء فس عندي مشكله بسيطه هي انو اي موقع فيه فلاش مابشتغل عندي والسبب انو برنامج الفلاش مو موجود عندي على الجهاز لهون مفهوم صح؟

طيب هلء رحت حملت البرنامج ونزل على كمبيوتري لما بدي اعملو تثبيت بيقلي سكري برنامج المتصفح فايرفوكس لهون مفهوم صح ؟


طيب حكولي لازم تحذفي الفايرفوكس من جهازك وتثبتي الفلاش وترجعي تثبتي الفايرفوكس
رحت على لوحه التحكم في ازاله البرامج كل ما احط ازله للفايرفوكس بيعلق الجهاز لازم اطفيه وارجع اشغلو
مش راضي يحذف الفايرفوكس

السؤال هو هو لازم تعرفو السؤال بالله لازم احط سؤال ولا خلص فهمتو

ولا يهمكم السؤال هو كيف احذف المتصفح المتخلف فايرفوكس

ضليت اقول لهون مفهوم لانو بحكولي انتي مابتوضحي كلامك مزبوط

 

[§ Lισи Hεαят §]

هلق بالأول الفاير فوكس أحسن متصفح موجود
بس يبدو أنو العطل عندك بالويندوز
بأسوء الأحوال بدك تنزلي ويندوز جديد مع أنتي فايروس مرتب وتحدثيه على طول

بالنسبة لحل الموضوع مؤقتاً فوتي على الوضع الآمن وهنيك انشاء الله بتقدري تلغي تنصيب الفاير فوكس

الدخول للوضع الآمن عن طريق ضغط F8 قبل إقلاع الويندوز واختيار الوضع الآمن (Safe mode)

وهي موقع فيكي تنزلي منو أحدث نسخة فاير فوكس وفلاش بلاير وكتييييييير برامج

http://filehippo.com/

تحياتي
​

 

[The Hero]

والله أنا ؤئييد أستاذنا الكبير ليون وكلامو مية المية والفاير فوكس أحسن شي