بائع الاموات..!!

[دلوعه بس نغشه]

بائع الاموات!!

--------------------------------------------------------------------------------



مرحبا اخواني واخواتي
بدي اكتبلكم شي قرأت في موقع
وانا عجبني كتير لانه مؤثر
ما بعرف ازا اختياري للمكان هادا اني اكتبه في صح ولا لا
بس حبيت اكتبه بهالقسم واتمنى يكون اختياري صحيح!!

هل سمعتم قصّة البائع المتجوِّل في الشّارع العربيّ يوم العيد؟!..

إعترضت طريقه "الجثث" من المحيط إلى الخليج فحمّلها على ظهر شاحنته، وأخذ ينادي بعدها "بالميكروفون" مثل المجنون:



"يلّلا الميِّت!..يلّلا الميِّت!"



معنا اموات اشكال الوان:

معنا مطخوخ رصاص

معنا مطمور تحت الرّدم

معنا مفلوق صاروخ

معنا مسحوق تحت القدم!



"يلّلا الميِّت!..يلّلا الميِّت!"



معنا ميِّت- حيّ وميِّت

معنا ميِّت- ميِّت حيّ



معنا ميِّت من الظّروف:



معنا ميِّت من الجوع/من الوجع/

من العَطَش/ من اللّطش/

من النَّعس/من الدَّعس/

من الجري/ من العري/

من التّعب/ من الجرَب/

من التَّشريد/ من التَّهجير/


من الشَّرد/ من البَرد/

من البطالة/ من العطالة/


من البِكا/ من الشَّقا/

من الهمّ/ من الغمّ/

من النَّسايب/ من القرايب

معنا ميِّت من القهر

معنا ميِّت من الصّبر...



"يلّلا الميِّت!..يلّلا الميِّت!"



معنا ميِّت- حيّ وميِّت

معنا ميِّت- ميِّت حيّ



معنا ميِّت من الحَرام:



من العَمالة/ من الهَمالة/ من النّذالة/

من الفساد/من الفسق /من الخيانة/ من الرّذالة/

من الحَسد/من الحقد/من اللّؤم/ من الغيظ/ من النّميمة/

من الكذب/من الكيد/ من الغيرة /من الضّغينة/



من الكحول/من الكوكايين

معنا ميِّت من الهيروين..



معنا ميِّت عَ بائعة هوى

معنا ميِّت من الجوى!



معنا ميِّت عَ "الشَّرف"

معنا ميِّت من القَرَف...



"يلّلا الميِّت!..يلّلا الميِّت!"



معنا ميِّت- حيّ وميِّت

معنا ميِّت ميِّت حيّ



معنا ميِّت من السُّلطات:

معنا ميِّت من الخوف/ من القهر/من الخَرَس/

من الظُّلم/ من الحبس/من الكبت/من الحَرَس/

من العذاب/من التّعذيب/

من الاضطهاد/من التّمييز/

من الشّنق/من الجَلد/ من الضَّرب

معنا ميِّت مخلوق مخنوق

معنا ميِّت من الخازوق...





"يلّلا الميِّت!..يلّلا الميِّت!"





معنا ميِّت- حيّ وميِّت

معنا ميِّت- ميِّت حيّ


معنا ميِّت من الحرب:

من الشّهادة/من الدّبابة/ من الفراق

معنا ميِّت من العراق:

من بغداد / من النّجف/ من الموصل /من كربلاء/

من الفُقدان..

معنا ميِّت عَ الحَنان...



معنا ميِّت من لبنان:

من قانا/من صبرا /من شاتيلا/من السّاحل



معنا ميِّت من الدّاخل:

من دير ياسين/

من مرج ابن عامر - من صَندلة /

من كفر قاسم/من سخنين..

معنا ميِّت من النّقب/ من المثلّث

معنا ميِّت من الجليلين!



معنا ميِّت من الهُويّة-

من العاطفة/ من القوميّة/من الوطنيّة/

من الأسرلة / من المواطنة / من العنصريّة/

من التّمييز / من الحقوق المدنيّة

معنا ميِّت من "الضّواحي"..

ومن "الإخلاص المزدَوَج"!!



معنا ميِّت من "المطرقة"/ من "السِّندان"/

من "الضَّياع"/ من "الصِّراع"/

من الأزمات/من الاحتلال

معنا ميِّت عَ الاستقلال!



معنا ميِّت من القطاع:

من غزّة-

من الطَّيارة/من الدَّمار/

من الصّاروخ/ من الرُّعب/ من الحصار/

من الأعصاب/من الشّوق/ من الجدار

معنا ميِّت من الحنين...



معنا ميِّت من الضَّفة:

من جنين-

من القلق/من الأخبار/من الملجأ

معنا ميِّت من السَّردين...



معنا ميِّت عَ مائدة الفطور/ عَ الشَّط/ بحماية أبوه/

من "الحَماس"

معنا اموات اجناس اجناس!!



***



معنا ميِّت ذِكر ألله:

معنا ميِّت من رام الله!

معنا ميِّت من حزب الله!

معنا ميِّت ما شاء الله!

معنا ميِّت حيِّ ألله!

معنا ميِّت خلقة ألله!

معنا ميِّت يسعد ألله!

معنا ميِّت يعلم ألله!

معنا ميِّت يستر ألله!

معنا ميِّت - ويشهد ألله!



معنا ميِّت بالألوان:

معنا ميِّت أزرق نيلي/ أصفر ليمون/ أحمر داكن

معنا ميِّت أسود حاقن



معنا ميِّت بالأعداد

مكسِّح سنوات الميلاد

معنا من ال48/ من ال49..

من ال 54/ من ال 56...



معنا التّقويم الهجري- معنا التّقويم الميلادي

معنا من كُلّ الرُّزنامة/ معنا من كُلّ بلادي!



معنا ميِّت من الضّحك:

معنا ميِّت من شرّ البليّة- بلا اطراف

معنا مِنّو اضعاف اضعاف!



"يلّلا الميِّت!..يلّلا الميِّت!"



معنا ميِّت "حلاوة حلاوة"

معنا ميِّت "نقاوة نقاوة"



"يلّلا الميِّت!..يلّلا الميِّت!"



معنا ميِّت- يا عيني عليهْ!

معنا ميِّت- يا قلبي عليهْ!

معنا ميِّت يا ناري عليهْ!..

يا حسرة عليهْ!..

يا حسرة عليهْ!!..

يا حسرة عليهْ!!!...



بدَّك ميِّت بِبَلاش؟!

معنا الميِّت بِسواش!



بدَّك ميِّت زَي الخَسْ؟!

قرِّب جرِّب عِنّا وبَسْ!



بدَّك ميِّت مجنون مطحون مضمون ؟!

لحِّق حالك قبل ما بُكرا تهون!



بدَّك ميِّت هَبيان؟!

تفضَّل صوبنا إحنا العنوان

يلّلا قبل ما يموت الميِّت

وما يبقى عِنّا إلاّ العربي الميِّت..عالنِّسوان!

ما بعرف ازا عجبتكم بس بتمنى انها تكون عجبتكم
تحياتي

 

[روح الشام]

ولي


ثانكس امورة

 

[فراشة الزهور]

قولتك صاار فيى كساد هالايام بالاموات

بدن تصريفه

يسلمو دلوعة ​

 

[دلوعه بس نغشه]

ولي


ثانكس امورة

يسلمو على مرورك اللطيف

 

[دلوعه بس نغشه]

قولتك صاار فيى كساد هالايام بالاموات

بدن تصريفه

يسلمو دلوعة ​

الله يسلمك حبيبتي

 

[&OSSO&]

بدَّك ميِّت مجنون مطحون مضمون ؟!

لحِّق حالك قبل ما بُكرا تهون!


:19::19::19:

مطحون كمان


يسلمو دلوعة

​

 

[ḾǑŏǑŏǓĐỸ]

ه يا لطيف والله سمعة

 

[دلوعه بس نغشه]

بدَّك ميِّت مجنون مطحون مضمون ؟!​

لحِّق حالك قبل ما بُكرا تهون!​

:19::19::19:​

مطحون كمان ​

يسلمو دلوعة ​

​

يسلمو على مرورك اللطيف
اسعدني تواجدك في صفحتي

 

[دلوعه بس نغشه]

ه يا لطيف والله سمعة

يسلمو على مرورك اللطيف
اسعدني تواجدك في صفحتي

 

[Dark Heart]

​

 

[Queen]

يسلمو عن جد حلوة كتييييييييير لانو فيا معاني و مغزى كتير حلو

بحس يلي كاتبا كتبا بحرقه لانو وانا عم اقراها حسيت بمشاعرو اديش هوه عايش قهر وظلم الانسان العربي ......... القصه عن جد معبرة

يعطيكي الف عافيه