تميم البرغوثي طمنوا ستي ام عطا

[حلبي]

طمنوا ستي ام عطا ​

طمنوا ستي ام عطا بإنه القضـية من زمان المندوب وهي زي ما هية

لسـة بنفاصل القنـاصل علـيها زي ما بتفـاصلي ع الملوخـية ​

لكـن اطمـني وصـلنا معاهم بين ستة وستة ونص في الميـة ​

بطلـع لهم يا ستي حيـفا ويـافا ولنا خرفيش وسيسـعة بـرية ​

ولنا دولة يحرسـها طير السـنونو يا ام عطا ولبسوه رتب عسكرية ​

والسنونـو إله نمو اقتصـادي والسنونـو إلـه خطط أمنـية ​

والسنونـو عم ينبذ العنف ويعلن إلتزامـه الكـامل بالاتفــاقية ​

ولنا برضه يا سـتي سجـادة حمرا تالسنونـو يأدي عليها التحـية ​

والنـا قمة يدعـو إليها السنـونو يعقدوها في الجامـعة العربيـة ​

حيـوا برج الحمام وحيوا حمامه من ملوك المحبـة والأخــوية ​

يا حمـام البـروج ويا مواليـنا يا دوا الجـرح ويا شـفا البردية ​

يا شـداد الخطـر على أعـادينا وحبكو إلنا حب قيـس للعامرية ​

راح أقول اللي قالوا طوقان قبلي أخو فدوى وبن الأصول الزكية ​

في يـدينـا بقيـة من بـلادٍ! فاستريحوا كي لا تضيــع البقية​

و للذي يرغب بسماعها من الشاعر بالصوت و الصورة
​

http://www.youtube.com/watch?v=gEBacvx0aPQ​

 

[الوعد السوري]

تميم البرغوثي هو إحدى الحلقات الذهبية في سلسلة فلسطين الحبيبة من الشعراء الكبار
ملتزم بالقضية وثائر بكل معى الكلمة
تمنيت اسمعها وشوفها صوت وصورة بس للأسف عنا بسوريا رابط اليوتيوب محجوب

شكراً جزيلاً لك ​

 

[حلبي]

أشكرك أخي الكريم على المرور

و هذا رابط ممكن تسمعها بالصوت

http://www.akhbarna.com/upload_file/7330681233723936.mp3

أما عن عدم أمكانية فتح اليوتيوب أعتقد أنه يوجد رابط لفك الحجب و يمكن أن يساعد به الأخ ماغنوم و أذا حصلت عليه سوفا أقدمه للأخوى

 

[الوعد السوري]

شكرا كتير لك أخي
سمعتها كتير حلوة
وأنا من متابعي الشاعر الشاب تميم البرغوثي
يعطيك ألف عافية ​

 

[mahmoud salih]

رائعة أخي الكريم الحلبي ...
​

 

[أنور]

تميمٌ ,. وَ هلْ أروع