جولة في ربوع ...ركن الدين

[روح الشام]

ركن الدين الموحد​

حاره من حاراة الشام الرائعه ... كان اول بيت لإلنا بالشام ... خلئو فيه اول اربع اخوات لإلي ولكن من سوء حظي انو انا ما كان نصيبي اني إخلئ بالشام ولكن ببلاد الغربه

الحاره تُكنّى بـــ ركن الدين

الشي يلي بميزها عن غيرها كثرة الجناين ( الحدائق ) يلي موجوده مقابل كل بنايه .. يعني تكاد تخلو أي بنايه من بنايات ركن الدين إلاٌ ما يكون جنينه مقابلها .. الشجر كبر وكتير من الزهر فتٌح بئى عطت جماليه للحاره والقعده عالبرنده قدام جناين خضرا وريحة الياسمين ومنظر جبل قاسيون

ركن الدين كانت بزمنات كلها مزارع خضرا وشجر ... ومن شي 30 سنه وجايه بلشت البنايات تطلع طبعا أغلبية البساتين والمزراع كانت تدفن ويطلع عواضها بنايات سكنيه ومحال تجاريه ... صفي جزء منيح منها مزارع كبيره خضرا موقعها بالجزء الشرقي من ركن الدين ومن هونيك أبي كل يوم الصبح من بعد صلاة الفجر بيجيب حليب تازه من البقرات يلي موجودين بالمزارع ولغاية اللحظه

ركن الدين قريبه كتير على نص البلد يعني بعشر دقائق بتكون بنص الحميديه ومن هونيك عالحمرا والصالحيه ساحة عرنوس وكل شي حواليها

وبنفس المده ممكن تكون بالمساكن او برزه او مصبقة الصنع ... من ركن الدين للكرجات كمانه شغلة 10 دقايق لربع ساعه ممكن طول شوي على هوى العجئه

أكتر شي بميز ركن الدين هدوئها وسكينتها الواضحه .. يعني فعلن منطقه سكنيه للراحه والإسترخاء والنوم ... ما بتسمع صوت السيارات وعجئة المكاري لأنو بعيده شوي عن الأتوستراد او الشارع العام ... بعز دين الصيف والساعه 8 او 7 المسا اذا رميت ابره بتسمع صوت رنتها وبخص بالذكر ركن الدين شرقي

بركن الدين في جامعين كبار ... أولهم جامع طارق بن زياد والتاني جامع صلاح الدين الأيوبي

بالنسبه للرياضه كمان في ملعب الفيحاء الرياضي ... هو مجمع كبير يضم صالات رياضيه لجميع الإلعاب ( سباحه - طابه - سله - العاب الأثقال .... الخ ) والمسا بيصير حوالين المسبح طاولات واكل وشرب واراجيل يعني قعده حلوه حوالين المسبح وبشغلو اضواء ونوافير وياعيني على نفس الأرجيله مع جاط الفواكي على انغام نوافير المي وام كلتوم

بركن الدين في مطاعم كتيره من فول وفلافل للتساقي وأخيراً للشاورما و الأكلات السريعه بالإضافه لوجود كوفي شوب رائعين وقعداتون كتير حلوه

بالإضافه لوجود أطيب أنواع البن بالنسبه إلي بن ابو سمره

ياعيني عالرواء .. لو بينحطلي عشر فناجين قهوه قدامي .. فيني طالع الفنجان المغلي بــ بن ابو سمره
من الريحه ياخال والطعمه والله غير شكل

هي جوله مختصره بتحكي عن حارتي ركن الدين

 

[جمانة]

يسلمو ام السوس
الله يعطيكي العافية ​

 

[miss of disaster]

 

[§ Lισи Hεαят §]

​

هي أقرب صورة لبيتي ومسقط رأسي

يسلمو سوس
​

 

[Senior Anas]

ولـــــــــــــــي يا سيدرا ولك والله هي الحااااراااااات اكلة من رجليي شئف

ضاااع كعب البووط هنيك :19:حشا ئدركن وخصوصا عند الجوازات ولك

هديك الارنة الوحيدة اللي بكرها بركن الدين

اما بااائي ما تبئى حــــــــــلــــــــــــــــــــــــــو


يسلموووووووووووووو سيدرا جد صووور بتنعش


ومشان الباص الاخضر يعدمني ياه الهي اخدين الصورة من بعيد بالله ئربيا شوي كل تلاتة بكرسي

 

[فادي]

كم احبك يادمشق وا

 

[روح الشام]

هه


لك انووس هدول الباصات الخضر مافي باض غير ركبانتوو

من البرامكة للسومرية :19:

اهلا وسهلا منورين شباب وصبايا​

 

[♥البرنسيسة♥]

دخيل رب ركن الدين انا

انا من هنيك بس انو حاره ضوعتيني روح المهم خلف الجوزات



يسلمو روح خليتيني اشتاق ​

 

[دلوعه وكلمتي مسموعه]

نحنا بيتنا بركن الدين الموحد
هوة في جنينه قبال بيتنا ع الاغلب هي

وفي تحتنا بقاله

قبال نادي ميرا مار.. شوفيلي ياه طالع معك بالله

يلا جخو هي وصفنالكن عنوان بيتنا ​

 

[روح الشام]

في عندكن بنات للخطبة دلوعة وهي اخدنا العنوان

ه


تؤبشوني انتو وركن الدين والله نزلتو مشانك ومشان امولة


منورين حبيباتي​

 

[Bilal Mohammad]

مشكوووووووووووووووورة روح

​

 

[STELLA]

اوووووووووووووووووه اديه كنت اسمع عن ركن الدين

وبعرف عالم هونيك عايشيين

بس ولا مرة شفت نتوفة صورة لركن الدين

يسلمون روح صور كتير حلوين

ما كنت بتوقع انو ركن الدين هيك حلوة

​

 

[blak engel]

مشكورة

 

[مختار]

:19::19::19::19:

يسلمن عمري

 

[Pure Feelings]

:10::10::10::10:

كتير بحبا انا لانو هادية

 

[§ Lισи Hεαят §]

تؤبشوني انتو وركن الدين والله نزلتو مشانك ومشان امولة​

منورين حبيباتي​

شو مشاني أنا :80::80:​

 

[حسام الحلبي]

يعطيكي العافية روح الشام حلو الواحد يشوف صور بلدو​

 

[روح الشام]

شو مشاني أنا :80::80:​

ماكنت بعرف انو بتقربك ركن الدين

اي خلص الموضوع خص نص لأنوس :10:

منورين شباب