حبك يمتزح باحشائي الداخلية

[اسرار]

بقلمي انا (اسرار)
حبك يمتزح باحشائي الداخلية ..
كقطرات مطر تسقط على لوحة رسمها فنان بالوان مائية ..
كشعور قلب يهبط من مكانه خشية عند السقوط من العلية ..
كلحن شجي يدغدغ الفؤاد ..مصدره همسات قيثارة سحرية..
حبك الحرية ..
بل انه العبودية ..
فليتك تمطرين بعضا من قطراتك الندية ..
على اشلاء مشاعري المنسية ..
فتحيي بها نبضات مهترية ..
ليضخ قلبي اليك من جديد ..
باقة من أشواق مخملية ..
فكيف اصف شعوري نحوك .. وحبك مصدر القافية الشعرية ..
أنت من وضعت لي الاحرف الابجدية ..
أنت مزيج من تناقضات ضمتها خلية ..
فانت السعادة وانت شر البلية ..
وانت البسمات .. وانت الدمعة الخفية ..
وانت الزوجة الشرعية ..
والا شرعية ..
انت الخلود في الاديان السماوية ..
ملاكي ..
يا من حملت كل ما في هذه الحياة من قدسية ..
اتعلمين ..
لكل منا احلامه الوردية ..
حلمي ان اموت على صدرك ..
أن انام بين احضانك نومتي الابدية ..
صدرك قبري ..
صدرك سورية ..
صدرك اكوان لا منتهية ..

لا حدا يفوت ويطنش بدي رد ولو نقد معلش بليزززز​

 

[ملك وسلطان]

يعطيك العــآآفيه ....:Albilsan (115)::Albilsan (115):

عجبتني انهآآ عالقافيه...:Albilsan (115):


يسلمو ايديك..

عم نستنى ابدااعااتك يآوحش..:Albilsan (115):


تحياتي...بدر​

 

[آلبتول]

روعه اسرار الياسمين
ابدعت بالتعبير
وموزنه بشكل مميز
دام قلمك النابض بالاحساس
ينبض حباً وياسمين

"
/
بس عندي ملاحظات صغيره بخصوص الموضوع وفوتك بشكل عام
لحتى تكون بعين الاعتبار ويأخذو مواضيعك المميزه بتمنى تكون جديه اكثر وخاصة بقسم الشعر فهنا نعبر عن احاسياسنا ومشاعرنا
لذالك رح غيرلك عنوان القصيده لانو ما تتضامن مع قوانين القسم.. ​

 

[روح الشام]

ناايس

ولله كتير حلووووو

يعطيك العافية:Albilsan (115):

 

[نواعم]

كلام مقفّى روعه......يعطيك العافيه

 

[اسرار]

يعطيك العــآآفيه ....:albilsan (115)::albilsan (115):​

عجبتني انهآآ عالقافيه...:albilsan (115):​

يسلمو ايديك..​

عم نستنى ابدااعااتك يآوحش..:albilsan (115):​

تحياتي...بدر​

والله ماني وحش
امري ل الله كمان رح طنش هالمرة بيكفي مرورك الحلو يا قمر

 

[اسرار]

روعه اسرار الياسمين

ابدعت بالتعبير
وموزنه بشكل مميز
دام قلمك النابض بالاحساس
ينبض حباً وياسمين ​

"
/
بس عندي ملاحظات صغيره بخصوص الموضوع وفوتك بشكل عام
لحتى تكون بعين الاعتبار ويأخذو مواضيعك المميزه بتمنى تكون جديه اكثر وخاصة بقسم الشعر فهنا نعبر عن احاسياسنا ومشاعرنا

لذالك رح غيرلك عنوان القصيده لانو ما تتضامن مع قوانين القسم.. ​

ميرسي على الرد المرهف
منشان العنوان الي بعرفو انو خصوصا بمنتديات الشعر والخواطر منشوف شغلات اشكال والوان يا ريان كلها ملطوشة من منتديات تانية .. انا بس حبيت انو العالم تعرف انو هالمشاركة شخصية ومو ملطوشة
تقبلي مروري وتحياتي

 

[اسرار]

ناايس

ولله كتير حلووووو

يعطيك العافية:albilsan (115):

عطرتي الموضوع بمرورك ميرسي

 

[اسرار]

كلام مقفّى روعه......يعطيك العافيه

الله يعافيلي البك يا رب بس بعد ازنك شو يعني مقفى ؟ لتكون شي مسبه ؟؟

 

[*ياسمين الشام*]

يسلموووو دياتك
موضوع وكلمات رااائعه

​

 

[اسرار]

يسلموووو دياتك

موضوع وكلمات رااائعه​

​

الله يسلمك يا رب يا زووء انت وما يحرمي من طلتك الحلوة يا رب

 

[آلبتول]

ميرسي على الرد المرهف
منشان العنوان الي بعرفو انو خصوصا بمنتديات الشعر والخواطر منشوف شغلات اشكال والوان يا ريان كلها ملطوشة من منتديات تانية .. انا بس حبيت انو العالم تعرف انو هالمشاركة شخصية ومو ملطوشة
تقبلي مروري وتحياتي

من ناحية هالشيء تطمن
منتدانا قبل كل شيء المصداقيه
المطلوش له قسم لحاله
الي هوه منقولات أدبيـــة - أرض البيلسان
يعني من يوم ورايح اطمن نزلها بالقسم
واحط في بطنك بطيخه صيفي على قولة اخوانا المصرين
منورنا ​

 

[نواعم]

الله يعافيلي البك يا رب بس بعد ازنك شو يعني مقفى ؟ لتكون شي مسبه ؟؟

لك شو مسبه ما مسبه!!!؟؟؟؟ مقفّى :يعني عالقافيه ....غريب ما سمعان بهالكلمه ولامرّه!!!!! ما بئول بالعاده أستاز العربي "كلام موزون ومقفّى"

 

[اسرار]

من ناحية هالشيء تطمن

منتدانا قبل كل شيء المصداقيه
المطلوش له قسم لحاله
الي هوه منقولات أدبيـــة - أرض البيلسان
يعني من يوم ورايح اطمن نزلها بالقسم
واحط في بطنك بطيخه صيفي على قولة اخوانا المصرين

منورنا ​

بطيخة ؟؟!!!
طيب مشكورين على الاهتمام

 

[عهد القمر]

شكرا يسلمو دياتك
انا نقد ماعندي مصاري خلصو ...
:19::19::19:

 

[اسرار]

لك شو مسبه ما مسبه!!!؟؟؟؟ مقفّى :يعني عالقافيه ....غريب ما سمعان بهالكلمه ولامرّه!!!!! ما بئول بالعاده أستاز العربي "كلام موزون ومقفّى"

بلااااااااااهي :19:
لك والله بعرفك بتلقطيها عالطاير
مبينة انها مزحة
انا كنت مفكر انو قصدك مقفى من كلمة قفا ... مو من كلمة على القافية
نورتي عنجديد يا قمر واسف ازا كان مزحي تئيلللل
بس والله اني كربوج وحبوب مو :10:

 

[اسرار]

لك شو مسبه ما مسبه!!!؟؟؟؟ مقفّى :يعني عالقافيه ....غريب ما سمعان بهالكلمه ولامرّه!!!!! ما بئول بالعاده أستاز العربي "كلام موزون ومقفّى"

باهي شو ؟؟:19:
والله بعرفك بلقطيها عالطاير
مبين اني بمزح معك يا غالية:Albilsan (115):
يعني بس خطر على بالي انها مشتقة من كلمة قفا
ما خطرلي انها مشتقة من القوافي :10:
واعزريني ازا كنت سئيل
بس والله اني كربوج وحبوب مو :10:

 

[آلبتول]

أرجو تلتزمو بقوانين القسم وما ينقلب الموضوع شات ​

 

[اسرار]

أرجو تلتزمو بقوانين القسم وما ينقلب الموضوع شات ​

بفهم من هالحكي انو ممنوع اني رد على رد اجاني على الموضوع ؟؟
معلش انا جديد بس منشان اعرف يا غالية

 

[آلبتول]

لا طبعاً بترد بس بحدود الموضوع الي منزله وهي قصيدتك الي كاتبها وما تتفرعو لأشياء ثانيه :Albilsan (115):​