حدد موقفك ؟

[Rotting_misery]

رح بحكي بالعامية معليه سمحولي كرمال ئئدر فهمكون اكتر

شخص كزب عليك وغدر فيك وخانك بس انت بتعزو معزة كبيرة , وفي بيناتكون خبز وملح
وذكريات , ياترى شو رح بيكون موقفك , رح تنفي هادا الشخص وتزمو, او رح تتئبلو متل ماهو
وترضى في لانو بتعزو وكرمال لخبز ولملح يلي بيناتكون ؟؟؟


بتمنى من لكل يشارك
​

 

[sofi]

انا اول مشتركه وبقلك شكرآ على الموضوع الرائع...
وبحكي عن حالي لأنها صارت معي لليوم بعدني بحبها وبحن عليها وما بسمح لحد يحكي عنها ولا انا ما بحكي عنها غير كل خير...
وهيي الله بيصطفل فيها لأنها غدرت فيي وخانتني وحكت عليي كتيييييييييييييير بس معلش بتظل غاليه عليي وبحترمها وبعدني بحاكيها وصحاب ولا مره قلتلها انتي عملتي هيك او سويتي هيك شي...مو كرمالها لأني ما بدي اخسرها لا بس كرمال انو في بيناتنا خبز وملح وعشرة عمر...:10:
وبكررلك تحياتي والف شكر على الموضوع..!!!

​

 

[أبو الفدا]

اول اشي بقعد معاه وبفهم ليش عمل هيك
واذا في مبرر مقنع وانا شخصيا اقتنعت مع الدلائل طبعا
راح اسامحو بس راح اضل حريص منو

اما اذا كان بطبعو يعمل هيك مع الكل ووقع معي معناتها راح شنقا بالرصاص

اما راي بشكل عام الصاحب ببين من اولها والانسان
حسب ممشاه بصاحب الناس

​

 

[TaImA]

بسامح بس اكيد مش رح انسى..
ومش رح نرجع عادي
يسلمو

 

[ريحانة]

مش كل غلطه بتتسامح وبتتعدى لاااااااااااااااااااااااا ابدا"
في وفي ..وفي انواع للخيانه ..
بس انو اذا كانت خيانه عظمه بنظري لا يحلم يشوفني من بعد نهار
وحتى ولو كان هالشخص صديق ,صديقه, حبيب او اخ,او شو ما يكون ..
ومنشان الخبز والملح ليش هو ما احترمو ولا قدرو
مو بس انا ولما بدو هالطريقه يتفضل بس يلعب بعيد عني ما بتعجبني هالاصناف خصوصا" انو بقول المثل ..الي باعك بيعو

 

[Rotting_misery]

مشكورين جميعا على مروركم الطيب
هلئ كل واحد ئلو رأي الخاص
وانا بتشكركم على هل أراء الحلوة

بس بنسبة لئلي انا مع الأخت ريحانة

مش كل غلطه بتتسامح وبتتعدى لاااااااااااااااااااااااا ابدا"

في وفي ..وفي انواع للخيانه ..
بس انو اذا كانت خيانه عظمه بنظري لا يحلم يشوفني من بعد نهار
وحتى ولو كان هالشخص صديق ,صديقه, حبيب او اخ,او شو ما يكون ..
ومنشان الخبز والملح ليش هو ما احترمو ولا قدرو
مو بس انا ولما بدو هالطريقه يتفضل بس يلعب بعيد عني ما بتعجبني هالاصناف خصوصا" انو بقول المثل ..الي باعك بيعو

كلام صحيح وانا هيك كمان بفكر مية بالمية

​

 

[§ أبو المر §]

والله بكسر راسو

 

[The Hero]

هلق شوف أكيد الخبز والملح مابينتسى بس كمان الجرح مابينتسى من مين ماكان يكون
مشان هيك باخد موقف شغلة وإذا كان هوة غلطان وحب يصالح أنا قلبي كبير وماحدا أكرم من ربو منصالحو
ويسلمو على الموضوع

 

[قمر فلسطين]

والله انا من النوع بفدي روحي للي بيني وبينو خبز وملح

وشو ما يعمل رح ارضى لانو غالي عليا كتيييير

والله انا عندي القداقصة اغلى من روحي وبفدي بروحي ولو بدو ياخد قلبي والله ما بقصر معو

لانو الصداقة شي مو سهل ابدا لانو ازا حطيت حدا بقلبك صعب انك اتزعلو او ترضى على زعلو

تقبل مروري خيو

 

[Rotting_misery]

شكرا لكل يلي مرو على هل موضوع
وأبدو برأيون
شكراً كتير كلكون زوء
​

 

[alqaesar]

انا بس أزعل من حدا ما بحكي معو بحياتي
وبحاول سامح العالم أد ما بحسن مشان ما أزعل من حد ولا حدا يزعل مني
انا بسامح بس ما بصالح

 

[إلهام]

عادي
بجد عادي من
قلت ماشاف ورح يشوف الواحد بزمانه
ممكن ما اشعره اصلن شوعمل
بضل من بعيد معو
انا عندي
قاعده بتحكي
اذا وجدت انه لافائده في شيئما
فمن الافضل ان تتركه
لانك تضيع الوقت
كله او بعضه تضيعه

فانسان متل هاد
لو بينا شريين دم
رح يضل خوان​