حدّو .....!

[جمانة]

:19::19::19::19:

حلوة جوج كملي
وتحياتي لليو كانغ ​

اهلين انوس منور
اي بكمل روءو عليي ​

 

[TOoOLeN]

:19:
يؤبر ئلبي هالحدو
حمش :19:
يسلمو ام الجوج ...ويسلمو للكاتب الاصلي أحمد ​

 

[جمانة]

:19:

يؤبر ئلبي هالحدو
حمش :19:

يسلمو ام الجوج ...ويسلمو للكاتب الاصلي أحمد ​

نورتي حياتو ​

 

[قيــ الروح ــثارة]

:19::19::19::19:
لك كانو فيها شي من المصداقية هالقصص
ميرسي جوج وياريت كمان تخترعي تتمات الون
:19::19::19:​

 

[جمانة]

اي جاييتك بالكمالة ولا يهمك روحي ​

 

[mr.mimo]

أما شو قصة بتهبل
دخيلو انا
ناطرين الكمالة
واشتغل التطبيق

يسلمو جوج
متعتينا
​

 

[الوعد السوري]

يسلمو جوج
يللا كملي لنشوف شو صار بالجماعة
​

 

[جمانة]

نورتو مهند و الوعد السوري
بكرا بكرا اصبرو شوي ​

 

[STELLA]

مدير المنتدى : شخص اندبوري ..ما بيضحك للرغيف السخن ... قراراتو بتشئ الواحد شئ .. يعني كل اعضاء المنتدى مشتهين يشئوه لهالبني ادم بس مو طالع بايدهن شي .. بيضل المدير تبعن ..

أكيد هاد مو المانجر تبعولنا :19::19::19:

حلوة كتير ام الجوووووووج عم انطر التكملة

تسلم ايدين الي كتبها وايدين يلي عم يحطها هون :10::10:​

 

[آلبتول]

اي اي
قد قريتها بالمنتدى ...... ولا بلاش فضايح :19:
بس وربي بقراء من جديد
كملي تؤبشني :10:
​

 

[جمانة]

أكيد هاد مو المانجر تبعولنا :19::19::19:​

حلوة كتير ام الجوووووووج عم انطر التكملة ​

تسلم ايدين الي كتبها وايدين يلي عم يحطها هون :10::10:​

تؤبشيني ستولة :10:​

 

[جمانة]

اي اي

قد قريتها بالمنتدى ...... ولا بلاش فضايح :19:
بس وربي بقراء من جديد
كملي تؤبشني :10:​

لك انتي يلي تؤبشيني فطوم :10:
متزكرة حدو يؤبر قلبي شو حمش :19:​

 

[جمانة]

دحدوح شاطة ريالتو وناطر رد ست الحسن... وهلئ الصعقة :80:​

.​

.​

يقرأ الرسالة بتمعن شديد مع ظهور اعراض الانطعاج والورم الشعوري ​

بينو وبين نفسوو ( انا روح خيط بغير هالمسلة ... خيطك ابو ملعوون , بسيطة لك نهايتك لعندي :80: )​

( حط البنت براسو بئى )​

دحدوح عم يلحق لوما ع الملف الشخصي خطوة خطوة .. يفوت على اي موضوع بتفوت عليه ويرد وراها ​

( سوالف شباب ) ​

لوما : هفففففففف شو هاد . لك شو كل شوي لاحئني ع الدعسة . وين ما بفوت بيفوت وبيطج رد .. ​

اجت والله جابها ... لعند المدير حبيب ئلبي:10: . والله لخليك تنئلع من المنتدى بليلة ما فيها ضو قمر ​

دحوح عرف انو عم تبعت رسالة للمدير ( بعدين بتعرفو كيف عرف)​

تسجيل خروج .. ​

لوما : لك وين راااح .؟؟ منيح انو انئلع سبحانو الله شو انو لزئة :80:​

ياااه كركوبة هوون ...!

​

لوما : كيفك ولي دبة ؟ وين هالغيبة .. ما عم شوفك كتير هوون ​

كركوبة : اهلين ام اللول .. لك مرضانة والله .

​

صحيح .. شو بدي ئللك .. مممم شو بتعرفي عن ابو سمعوو ؟؟:10:​

لوما : ابو سمعوو . هو يعني شب ئبضاي ومعدل . وهيك كتير حنون . ليش عم تسألي عنوو اه ؟؟ شو في بينك وبينو ؟؟ اعترفي ..! :80:​

كركوبة : لا ولا شي .. بس اليوم بعتلي رسالة خاصة .. وكان كتير لطيف معي ​

ما كان في غيري انا و اياه .. :10:​

لوما : يي ولي على آمتي .. وما بهدلتيه متل عوايدك؟ .. حاكم ما حدا بيسترجي يئرب عليكي من الشباب هوون ​

بئى شايفتك شاطة ريالتك عليه..شو الئصة ااه ؟؟​

كركوبة : لا ولا شي .. بس انا بيعجبني الشب يكون هيك . بموت بهيك رجولية :10:​

لوما ( يا حبيبي البنت وئعت ) : هممم ترى ديري بالك منيح هه .. وما تندلئي زيادة عليه .. يعني تدللي عليه وفئعيه ​

كركوبة : حاضرر بدك شي ؟؟ انا رايحة نام لانو نعست .. باي ​

لوما : باي ​

علئة بالصالون .. بين سلال و وابو حظوظ لوما وعمشة عم يتفرجو عليها .​

سلال : اهاا .. يعني مواضيع عموشة بينفات عليها .. اما مواضيع العالم لا:80: ​

ابو حظوظ : ضب لسانك بحلئك وحاج تلحئني متل النساس .. من تحت لتحت .​

سلال : بسيطة .. رح تندم على هالكلام ​

ابو حظوظ : الله معك .. سكر الباب وراك :80:​

لوما ( اه يا جدع .. حيوو ابوو حظوظ ) عمشة ( تؤبرني ابو حظوظ شو ابضاي .. تؤبش ئلبي .. بس لو تلتكش فيني مرة ) ​

لوما بتنتبه انو عمشة فايتة على ملف ابو حظوظ الشخصي وعم تبحلئ على معلوماتو ​

لوما : يا حبيبي .. هي البنت كمان مطفية ع الاخير ... بلشت ريحة الحب تطلع بالمنتدى

​

المدير .. لك المدير اون لاين ... ولي على ئلبي .. :10:​

يتبع ... !​

 

[Cosette]

حاسة حالي عم اقرا عننا بالبيلسان
احلا شي المدير
:19::19::19::19:

 

[Life of the soul]

:19::19::19::19::19::19::19:
​

 

[جمانة]

:19::19::19:

نورتو ​

 

[رامي وبس]

يسلمو أم الجوج :19::19::19::19::19::19:

 

[► Mr.Rami ◄]

المدير أون وبدو تقييم
​

 

[جمانة]

نورتو

رامي بلا طمع صارت سمعتك اكتر شي ​

 

[جمانة]

لوما عم تراقب تحركات المدير ... (اخر شغل الشباب الرسائل الخاصة )​

لوما : منيح كتير .. دام هو بالرسايل الخاصة . معناها عم يقرا رسالتي وبدو يرد عليها


ع الصفحة الرئيسية ...



... تلقيت ردا من المدير ...


المدير : مممم .. يعني اناا قررت هه مو اني ما قررت.. قررت انو نحكي سوا ع المسنجر .. حتى نعرف بعض اكتر عرفتي كيف ..!


بس انو هلئ في شغلة لازم اتاكد منها .. يعني وهيك بنصير بنحكي سوا ماشي يا دلووعة :10:


صحيح لولو انتي ئديش عمرك ؟؟:10:


لوما : دل دل دل دلوووعة .... ولك تطلع على ئبري انشا الله


يرسل ردا ...



لوما : اي ليش لا .. متل ما بدك يا تاج راسي... تكرم عينك ابن عمي :10:( ع السريع حطت الزلمة خاتم باصبعا)


بالنسبة لعمري .. انا كتير فرفورة وامورة :10:.. عمري 18 .. :10: ( مع ملاحظة انو عمرها الحقيقي 19 :80:بس منشان تبين انها فرفورة )


وانت ؟؟ اديش عمرك ابن عمي:10:



... ارسال ...




المدير .. فايت على قسم الادارة عم يشوف شكاوي الاعضاء لبين ماترد ست لول .


احد المشاركات


تقرير من ابو علم


مديري العزيز ...








ببووووووووووووووووووووووووووووس ايدك احكي مع الاعضاء


لك بنوووووووووب مو شايلين اعتبار لالي:80:.. هلكوني بحط المواضيع المكررة ومخالفة كل قرار بحطو انا ... يعني منشان الله


.. ئلك .. اعطيني ميزة المخالفة

منشان اطرئهن مخالفة لكل واحد بيدئ فيو عرق الحيونة




المدير يكتب رد .. ارسال ..



اي انتي هاد اللي بدك اياه .. تستفرد بالاعضاء وتبلش نقر مخالفات ما هيك .
يالله مو مشكلة بما انو طلعت روحك .. رح اعطيك ها الصلاحية
بس وينك ... اوعك تبلش تخبيص هه :80:

ابو علم : يسعد الله .. ولا يهمك .. انا بأمرك وين ما رحت ووين ما جيت

( بينو وبين نفسو : والله لاحرء نفسكن يا فصاعين .. انا بورجيكن )


المدير عم يقرا رسالة لوما ... (مع شوية احساس بانو المخلوئة عم تطبئو )

المدير : اها .. عمري ..؟ انا عمري يا كربوجة يا أمورة .. 25 سنة
( هو عمرو 24 بس منشان يبين كبير بنظرها ويأسرها برجولتو:80

وهلئ بعد اذنك بس عندي كم شغلة بعملهن وبرجعلك ..اوكي بنت عمي :10:


... ارسال ... وع السريع ديليت كوكيز منشان يطلع بسرعة


لوما عم تقرا الرسالة الخاصة ..


لوما : ولي .. ولي على طولي .. 25 سنة .. انشا العمر كللو ابن عمي .. :10:
خود راحتك عيوني ..
صحيح .. حلوة من تمك كلمة بنت عمي .. على طول ناديني هيك :10:
( يا لطييييييييييف .!!:19


... ارسال ...


حدو على باب المنتدى .... تسجيل دخول

اسم المستخدم : حدو
كلمة المرور : مو شغلك

عذرا لا يمكنك المشاركة .. اذهب الى ملفك الشخصي وقم بتعديل البيانات .

حدو : لعمى .. مالي تارك المنتدى اسبوع شو عامل المدير .؟؟
يعني هلئ بدي عذب حالي وفوت على لوحة التحكم تبعي :80:

حدو عم يعبي بيانات ...

عمشة (اون لاين ): شرف حدو اغا .. وينك حدوو .. لك وين مو مبين ؟؟


حدو : لك حلي عني .. عايف حالي . كان عندي شغل .:80:
شو اخبار المنتدى ؟؟

عمشة : عينك تشوف هالعلئة اللي صارت بين ابو حظوظ و سلال . انمسحت الارض بسلال .

حدو : لك شبو هاد ؟ سلال عم يوجعو شي يعني ؟:80: .. ما ئصر ابو حظوظ


حدو لاحظ وجود بنت جديدة بالمنتدى .


حدو : لك عمشة كانو في بنت جديدة هون ما ؟
على كل حال بكرة بيستلموها الشباب .. متل العادة :80:
اصحاب المشاعر المشلخة والرومانسية الرنانة :80:


عمشة : وما تنط حضرتك تطبئها ؟؟ شو نائصك


حدو : لك انا ما بعرف احكي كلمتين على بعضن .. روح زت شي كلمة تنطعج البنت . حتى اعتذار اذا انطعجت ما بعرف اعتذر :80:

ابو حظوظ ( دخل ع الخط ) : لك انت هون وما بتخبرني ؟؟

مرحبا جميعا يا شبيبة .. كيفك حدوو .. كيفك عموشتي :10:

حدو : عمشك ضرييب .. اهلين :80:الحمد الله عم دفش انا :80:

عمشة : اهلين ابو حظوظ :10:كيفك ؟


(ابو حظوظ : رسالة ع الهامش .. عموشة كيفك ؟ ما تروحي اليوم .. بدي احكي معك اوكي عيوني :10:)

(عموشة : طيب ابو حظوظ ..:10: ناطرتك بس لبين ما رح اتعرف على البنت الجديدة هون :10:)


حدو : لك وجع وجع وجع ابو حظوظ .. خليك معي ..:80: شفت البنت الجديدة

ابو حظوظ : اي اي معك .. اي شفتها .. مبين انو ظريفة .. شو رايك طبئلك اياها ؟؟

حدو : يطبئو الباب على اصابعك .. يستر عليك ما بدي :80:








يتبع ....!