حـــــكــــــــــــــــــــــــــي

[جمانة]

يعني صرلي ساعة عم فكر بموضوع تحشيشي هيك ياخد كم صفحة و الكل يفوت عليه
بس ما طلع معي شي
ليش بئا
لانو نحنا عم نهرب من همومنا و من مشاكلنا بتصفحنا لهالنت
عم نهرب من الواقع بالضحك و التحشيش
ما بعرف شو بدي احكي ولا بعرف من وين بدي بلش
يلي بعرفو انو كل واحد عندو هموم اد الدنيي
و اوقات بدو يفش خلقو وما بيلاقي حدا
او بيلاقي بس بيخاف يحكي
لانو الناس همومها بتكفيها
و بيخاف هالزلمة يجي يحكي للعالم
يروحو يحكو عليه من وراه
شبو هاد
مفكر حالو بس هو مهموم و زعلان
شو نحنا فاضيين نسمعو
روح عنا يا يلي فينا مكفينا
مو كل واحد منا بيحكي هيك
مو كل واحد منا مخنوء و حاسس الدنيا ما عم تسع مشاكلو و دموعو
خلونا نخلي هالصفحة للحــــــــــــــــــــــــــــكيو بالخط العريض
فش خلقك
احكي يلي بقلبك
احكي بصيغة المجهول
يلي بدك ياه
بس لا تخبي بقلبك
بعدين بتنفجر

يعني انا اوقات بفكر
انو ليش الدنيي هيك وليش الناس هيك
اوقات بتشتاء لحدا
لدرجة تحس انو روحك رح تطلع منك
و بضلك ماسك هالموبايل
بتدق و ترن و تعمل مس كولات و مسجات وينك شتئتلك خايف عليك
وما في رد
بعد ساعات طويلة من الانتظار
بوصلك رد
كنت نايم
او كنت مشغول
او ما حسنت رد
شو بيكون موقفك وقتا
بتحس بدك تموت هالانسان
بتقول انا على شو قاتل حالي وعم اسأل
اي طز بالعالم يا
ما رح فكر الا بحالي

حكي بس مو اكتر

 

[مختار]

موضوعك كتير حلو والحئ معك بكل حرف
وبدي بلش انا فش خلقي او واحد
يعني ليش الغريب بضل احسن من القريب ليش لما بدو يساعدني بشي بيساعد الغريب اول بعدين بيفكر انو يساعدني
وبيضل شايف حالو عليي وبضل بيحكي عليي من وراييي واذا بدو شي مابقلي بروح بقول للعالم والعالم بتصير بتقلي
شو دين هل تفكير هاد ليش هيك العالم ماحدا بحب حدا وكل واحد عم ينتظر التاني ع شغلة مشان يضحك عليه او يتمسخر عليه حرام نكون فهمانين شوي متل برا ولو بحكينا
بتطلب منو شي بقلك بدي ومابدي وفاضي ومافاضي والله ومحمد ومدري شوي بعدين بتلاقيه هل شغلة يلي طلبتا منو مع شخص غريب ليش ياهل ترى ؟؟؟ لانو انا يعني مو منيح ولا ياهل ترى لانو مابحبني ولا لانو الغريب بضل غير على كلن الله يقصف عمرو وانشالله ينباع بالعزا والله يرزقني اكتر منو ولحتى مااعتازو لاو هوي ولا غيرو وهة
يسملن جوج فشيتيلي خلقي بالفشاشة الآلية ع قولتك

وانا برأيي مشان يضل الموضوع حلو لا يجي حدن ويقلك موضوع حلو ويعبي الصفحة عالفاضي يايرد ويفش خلقو يالا يكتب بنوب

 

[► Mr.Rami ◄]

يعني هي بدا واحد راسو طالع من جسمو من كتر الحشيش
أو وجع الأعصاب يلي صاير معو

أنا بقلك كنت هيك ويمر عليي ظروف وماسك موبايلي
ويجيني رد الساعة 2 بليل إذا بكون نايم وسابع نومة بدي فيق وصحصح وإذا ماكمان ضليت فايق لتاني يوم طبعا بيكون صاير معي نفس الشي قبلا بيوم

بس هلق أختلف الحكي

ومافيني شي والحمد لله

ومابدي أحكي


​

 

[جمانة]

اي والله هيك عم بصير
ليش هالعالم هيك ما بتفهم
و الابشع من هيك
انو يجي شخص يعمل حالو بيحبك و بيموت فيك
و انو انت حبو الاول و الاخير
لك بلا حب بلا بطيخ
انو انت رفيقو صاحبو
وبعد كم يوم بتلاقيه بيحكي من ورا ظهرك
لك يا عمي شو دين هالحب تبعك
لا تحبني ولا حبك حل عني و لا تحكي من ورايي
العما شو بطلت تحس العالم :80:​

 

[STELLA]

تؤبشي قلبي يا جوج

والله لو الواحد بدو يحكي من هون لمليون سنة ما بيخلص حكي

بس صدقيني الصديق الحقيقي بيسمع حتى اخر نفس فيه

وما بيمل من السمع .. بالعكس بيحاول يساعد وينصح ويساند

انا كتير ايام بكون بحاجه اني احكي مع حدا

او عبر لحدا

او خبر حدا ئديه مشتئتلو

بس ما بقدر

ما بلاقي حالي الا قدام المراية

وعم بحكي كل الي بقلبي

وبفش كل خلئي

وببكي بكتير ايام

وبختنق بأيام اكتر

بس ما بحكي الشي الي بحسو لحدا

لأني انا ما بحب دايئ حدا ابدا

بس بسمع هموم الي بحبون وبحاول ساعدون

ييييي حاسه اني خبصت الدنيا ما هيك

هلئ في عبارة كتير حبيتا

( لا نعرف عمق الحب .. الا بعد الفراق )

ما بعرف ليش هالعبارة كتير حبيتها وهيك حسيتا بتشبه كتير عالم منا

طولت كتير بالحكي

اكيد الي رجعه جوجيتي

حبيبة قلبي انتي

اشتئتلك ​

 

[روح الشام]

شو بدي لاحكي

عنجد الواحد بيحب اشخاص حتى لو هوي بعيد عنن بضل بحبن

حتى لو تركوو ونسيوه بس بضل بحبن لو شو ماصار وشو ماحيصير

بس السيئ بهالموضوع انو انت بتحبو وهوي مو مفكر ولا تفكير فيك

وصار يسدئ كل العالم ويكذبك انت وحتى لو ما أثبتولو هالعالم انو هالشي صح اللي عم يحكو

المهم حكي سيئ وبس

يسلمووووو جومنتي لسة عندي ححكي كتير

 

[جمانة]

​

 

[مختار]

بدي فش خلئي انا :80::80:
بدي قول يعني ليش كذبك؟ يعني مارح بتبطل كذب يعني لايمت هيك بدك تضل
يعني وبعديين والله حرام حرام يارجل وين ماكان مساوي مشكلة ومساوي مصيبة
لايمت بدك تضل هيك ولك بقولو طول عمرو دنب الكلب اعوج ولو حطوه بالقالب 100 سنة
بس ياعمري حاجة والله حاجة كن شوي كن
حسبي الله ونعم الوكيل :80::80::80::80:
​

 

[قيــ الروح ــثارة]

ليش الواحد بيفكر حالو عم يعمل شي منيح وبالاخير بيطلع عامل أسوء شي بهالدنيا
ياترى الحق عليي
الحق عالدنيا
الحق عالقدر
ولا الحق على قلبي اللي ساعد ​

 

[جمانة]

هلأ الواحد ليش ما بيحقلو يختار عيلتو قبل ما يجي ع الدنيي
استغفر الله
ما بدي احكي انو هالشي ظلم
بس شو هاد يا
عم ننولد و كلشي مقرر النا
مو حقنا يعني نختار الحياة يلي بدنا ياها
يعني و فوق كل هاد اهالينا بيتدخلو بقراراتنا
و اعمل هيك ولا تعمل هيك
و لا تمشي مع هدول و لا تحكي مع هاد وما بعرف شو
والله شي بيخلي الواحد ينفجر :80:​

 

[زهرة النرجس]

جوجو انتي قنبلة ومواضيع بتجنن متلك ​

 

[ندى القلب]

يعني بس فتت لهالموضوع غم على قلبي اتذكرت

هالشغله الي صارت معي ..............ولا لحظه بنساها

صااحبتي ..........توأمي .............كنا انا وهي مع بعض بالكليه

وبعد الكليه 24 ساعه على التلفون ..........مانخلي شي مانحكيه

حتى الانفاس نحكيها لبعض.............

وفرقتنا الايام........وماعاد في اتصال......مع اني حاولت والله يعلم

ومر تقريبا 4 سنين ماعرفنا عن بعض شي

ولما صحلي وسافرت دورت واتغلبت لجبت رقم نلفونها

كلمتها انبسطت كتييييييييير اني عرفت اخبارها

حكتلها لازم اشوفك ونتقابل ونحكي..............واتفقنا نحكي تاني يوم ونتفق

اتصلت ........وسكرت هي الخط.......رجعت اتصلت ماعادت ردت...........قلت يمكن عندها شي

ظرف او مشغوله او اي شي...............ضليت اتصل وهي ماترد

وخلصت اجازتي ورجعت..........وبعتلها مسج...........وتنين..........بس اسالها

ليه عملت هيك؟ ليه ماردت؟ ليه ماكلمتني؟ ليه مابدها تشوفني؟؟؟؟؟؟

حجن..............لساتني ببعتلها مسجات مع انو ممكن تكون غيرت الرقم او اتخلصت منه

وبرجع بحطلها اعذار وبحكي يمكن حالتها النفسيه هي السبب .......يمكن ويمكن!!


مابنسى هالشغله ..............حاسه انو هدمت شي بداخلي...........مابنساها

انا مافي انساها ولا بنسى حد عرفته .......بيضلو ببالي
كل شي بيحبوه او بيكرهوه

​

 

[مختار]

يعني س سؤال انت ليش بتكولك
وبس بدك ياني ياعمري وياالبي وهلئ مابتتصل لايمت هيك بدك تضل انت وغيرك وغيراتك المصلحة بدمكن تضربو واحد يقول للتاني ملا قربة وملا عالم وسخة كلها مصلحجية الله يصطفل فيكن يوم مفكرين المصاري هيه يلي بتساوي هيك؟؟ لا وربي ولك هيك بجي لسلم عليك بتدير وشك؟ ياعيب الشوم عليك بس وين الخبز والملح وياما نايمين جنب بعض واخر شي هيك؟؟؟
الله يصطفل فيك انت وعيلتك ع هيك تصرفات وع هيك معاملة انتو القمة ع اساس مو اي وشكن هل وش بس بالحكي
استغفر الله العظيم
​

 

[Dark Heart]

الناس ليش هيك ما بيحسوا ....... كيف ما بيعرفوا أنه غير مرغوب فيهم
لمتى راح نضل هيك ..................

​

 

[\\ Dr.3'iNa \\]

الابشع من هاد كلو ، انو الواحد يحس حالو ضايع ومو عرفان شو بدو ..
كل شي قدامو موجود وكأنو ولا شي قدامو موجود ..
بدو يحب ، بدو يشتاق ، بدو ياكل أو يشرب ، بدو يبعد عن هالدني ، بدو يبعد عن هالعالم يلي ما عاد حس الا بحالو ، مانو عرفان شو بدو ..
وقتا بيحس انو مافي معنى لوجودو ، وبيحس انو مافي حدا بهالدني خرج يشكيلو الا الحيطان ، بركي هالحيطان بتقدر تحس فيه اكتر من كل الكائنات ..

الك وردة فارسية ..
ومن هلئ بدي احجز مطرحي هون .. لانو في شغلات كتير بقلبي بدي احكيها ، شو في احلى من الحكي ؟
​

 

[آلبتول]

لمى تحسي نفسك خدعتي نفسك بكذبه انتي خلقتها
عشان تنسي او تتناسي همومك ومشاكلك الي تكون معاكي مثل ظلك
وبالاخير بدمرك وما تقدري تلومين حد لانك انتي اللي رسمتها بخيالك
وتكوني قدام الناس مثل الخدعه لهم ولنفسك
لانك كنتي بدوري
على صدر بضمك
على حد بفهمك
وبحسسك بقيمتك
كل هذااااااااااااااا
عشان بدوري على شيء اسمه حب

***********
لمى بعاتبوكي على اخطاء غيرك
بحكم انتي الكبيره واللي تفهمي
لمى بحمولك مسؤليات وبدل ما بقولو يعطيك العافيه بعاتبو وما يعجبهم العجب
لمى تفشلي يحسسوكي بفشلك ولا برفعو من معنوياتك ويساعدوووكي
لمى تعيش وسطهم بس تحسي حالك وحيده
وبتكلم انو كل هذااااااااااااااا
بحصل معك مع اقرب الناس لك

جمووونه فشت خلقي وخلتني ابكي​

 

[مختار]

هي للمرة ال100 يلي تبعمل فيي هيك وبدك ياني ضل اشتغل معك؟
طولي بالك بس طولي بالك لروح عالجيش وارجع ومابئا بدي اشتغل معك نهائياًًًً
تركني بحالي ع حب الانبياء تركني ماعم بستفيد منك غير وجع الراس والمشاكل ولو عم بشتغل مع الغريب اشرفلي من هل حديث الفاضي لسا مشاكل مشاكل واخر شي بتحكي عليي
ولك عوجااااااااااااااااااااااااااااااا

​

 

[جمانة]

لك شو بدو يحكي الواحد ليحكي
كيف بتحس لما تكون انت سبب في تعاسة انسان
و هو قابل بهالتعاسة
و عم يتقبل كلشي يصير بحياتو بسببك بكل رحابة صدر
و انت واقف مربطة ايديك ما فينك تعمل ولا شي
ولا فينك تعطي اد ما هو يعطيك
ببساطة لانو ما فيك
لانو عم بتحاول بس ما بئدر
هالشعور بيدبح
بيموت
جد شي بيئهر​

 

[روح الشام]

ليش هيك كل العالم ضدي حتى اهلي ليش ماحدا واقف معي
ليش انا عايشة وحيدة ليش انا قلبي طيب
لييييييييييييييييييش
كل ماقول هالشخص حيكوون كتير منيح وحيكون رفيقي بيطلع واحد حقير مابيسوة قرش مصدي
ليييييييييييييييش
لما قول هي صارت رفيقتي وبدي احكيلا كل شي بتروح بتنشر اسراري كلا للعالم

لييييييييييييييييييييييييييييش

 

[Dark Heart]

ليش الحب ساير بهالأيام غصب ........ يعني يا بتحبيني يا ( ما بعرف شو بساوي بحالي )
هاد الكلام مش صحيح ..... و كل واحد بيحكيلك أنا غير عن التانين ..... كلو متل بعضو .... ( بنت أو شب )
و الواحد يادوب ملحق ع دراستو ....... كمان بدو يحب غصب عنه , بلا حب بلا وجع قلب
ياريت لو يجي اليوم و كلهم يحلو عني و ما حدا عاد يتدخل فيني سواء كانت من ناحية حب أو من ناحية أصدقاء و قرايب
​