الوعد السوري
أنا بتنفس حرية
- إنضم
- Jan 5, 2009
- المشاركات
- 3,838
- مستوى التفاعل
- 124
- المطرح
- مدينة المآذن والشهداء .... دوما
صباح الخير ومسا الفل ويسعدلي أوقاتكم جميعاً .gif "شي أمرك أمرك :albailasn(548):")
خلينا نشرب قهوتنا مع بعض ونحكي على بساط أحمدي, سواء بتحب الرياضة أو لاء , لاتقول هالكلام مو إلي
أنا قبل فترة وبالتحديد خلال كأس العالم بجنوب افريقيا كنت غايب عن الساحة للأسف ( طبعاً مو بإيدي ) بس كنت متابع الحملة المرافقة للمونديال يلي دخلت كل البيوت أو معظمها , هاد بشجع منتخب البرازيل
وهاد فرنسا , والتاني اسبانيا والتالت ألمانيا , والأرجنتين إلـــخ ...
والأغلبية رفعوا أعلام هي الدول على شرفات بيوتهم وإن كان عندي تحفظ على قضية الاعتزاز بأعلام دول أجنبية ...
ماعلينا ....
نحنا هلأ مقبلين على بطولة قوية جداً وهيه بطولة كأس الأمم الآسيوية في قطر 2011 ومنتخبنا تأهل لهي البطولة بجدارة واستحقاق
ومتل مابتعرفوا مجموعتنا بتضم الشقيقين الغاليين الأردن(النشامى) والسعودية(الأخضر) إلى جانب اليابان (محاربو الساموراي)
مجموعة صعبة بالتأكيد.gif "صَح صح :Albilsan (89):")
بس كمان فريقنا مو سهل هالمرة وجهز حالو منيح رغم كل شيء
وضم لاعبينا على مستوى عالي جداً ... منهم , سنحاريب ملكي هداف الدوري البلجيكي
, ولؤي شنكو أفضل لاعب وسط بالدوري الدنماركي
وفراس الخطيب أفضل هدافي الدوري الكويتي لعدة سنوات
وكمان جهاد الحسين والبقية كلهم أبطال والله
يعني نحنا مو أقل من غيرنا
............
هلأ بيجي واحد بقول شو مناسبة هالكلام ؟
مع كل بطولة عم تصير مهما كانت صغيرة أو كبيرة عم نشوف كل الشعوب عم تلتف حول منتخباتها ولاسيما بالمنتديات
وهلأ بهي الفترة نحن أحق الناس بالوقوف ورا منتخبنا أو بالأحرى أولاد بلدنا وشباب بلدنا ( يعني منتخبنا الغالي ) هنن الأحق انو نفتخر فيهم
ونرفع معهم علم بلادي للعالي
ونوصلو للسما لفوق الغيوم
هي سورية ياناس , هي الشام الحلوة يلي بنعشقها وبنموت فدى ترابها
, هي العراضة الشامية
, هي قلعة حلب الشامخة
, وأمواج بحر اللاذقية الهدارة
, إدلب الخضرا
, وحمص العدية
, ونواعير حماه
, وفرات الدير , و أرض الحسكة المعطاءة
هي بلادي ياناس خلوا كل العالم يسمع اسم سورية
ويعرف مين السوريين أحفاد يوسف العظمة يلي تحدى أقوى جيوش العالم وبيعرف انو مامعو سلاح ولا عندو عدد كافي , بس ما استسلم
ونزف دمو الطاهر على أطراف قاسيون لحتى ماينكتب بكتاب التاريخ انو فرنسا هاجمتنا بدون مقاومة
هي سورية يا ناس يلي خرج من لاذقيتها الشهيد البطل جول جمال العربي السوري المسيحي ليدافع عن مصر خلال العدوان الثلاثي ويفجر زورقه الصغير المتواضع بأعتى بارجة فرنسية قبالة الاسكندرية
وليملأ بدمائه الطاهرة أصقاع البحر المتوسط
هي سورية يلي أعطت العالم أول أبجدية وعلمتو كيف يكتب رسالة الحضارة , سورية حضارة الفينيق والكنعانيين
سورية
يلي لما نكون بعيدين عنها ونسمع اسمها حتى بالأخبار بنشوف الدمعة لوحدها تتسلل بين عيوننا
سورية ..
يلي إذا بتتعرض لخطر بتشوف جدك الكبير بالعمر بيرمي العكازة وهو بيرجف وبصير مستعد يدفع دمو كرمالها
نحنا ولادها ونحنا لازم نخلدها ونرفع اسمها وعلمها وراياتها
هيه الأحق بأنها تكون الأولى ومهما صار رح تبقى سورية قبلة الكون
وجنة الله في أرضه
شجع بلدك إذا كنت بتحبها
مو شرط انك تكون رياضي أو لاء
كون وطني كون سوري بأخلاقك وضمن إطار الروح الرياضية وضمن منطق الفوز والخسارة
وقول للكون انك عربي سوري وبتفتخر انك سوري
..........................
كونوا مع منتخبكم بصورة رمزية أو بتوقيع أو بكلمة حلوة (برشلونة والريال وغيرهم وغيرهم مو أفضل من وطني أبداً مو أغلى من أولاد بلدي .. فراس ومحمد وجهاد و.. إلــخ )
ياترى رح تبخلوا على سورية؟؟؟
و ح تقولوا أنا بكرهك يا سورية( موشرط تقولوها ,,, إذا بتتجاهلوا القصة معناها قلتوا أكتر من هيك 
)
ولا شو رح تعملوا فداها ؟
سورية
روحي فدى ترابك يابلادي
خذي منا الحياة وخلدينا
بقلمي
الوعد السوري
أخوكــ محمد ــــــــم
خلينا نشرب قهوتنا مع بعض ونحكي على بساط أحمدي, سواء بتحب الرياضة أو لاء , لاتقول هالكلام مو إلي
أنا قبل فترة وبالتحديد خلال كأس العالم بجنوب افريقيا كنت غايب عن الساحة للأسف ( طبعاً مو بإيدي ) بس كنت متابع الحملة المرافقة للمونديال يلي دخلت كل البيوت أو معظمها , هاد بشجع منتخب البرازيل
وهاد فرنسا , والتاني اسبانيا والتالت ألمانيا , والأرجنتين إلـــخ ...والأغلبية رفعوا أعلام هي الدول على شرفات بيوتهم وإن كان عندي تحفظ على قضية الاعتزاز بأعلام دول أجنبية ...
ماعلينا ....
نحنا هلأ مقبلين على بطولة قوية جداً وهيه بطولة كأس الأمم الآسيوية في قطر 2011 ومنتخبنا تأهل لهي البطولة بجدارة واستحقاق
ومتل مابتعرفوا مجموعتنا بتضم الشقيقين الغاليين الأردن(النشامى) والسعودية(الأخضر) إلى جانب اليابان (محاربو الساموراي)
مجموعة صعبة بالتأكيد
بس كمان فريقنا مو سهل هالمرة وجهز حالو منيح رغم كل شيء
وضم لاعبينا على مستوى عالي جداً ... منهم , سنحاريب ملكي هداف الدوري البلجيكي
, ولؤي شنكو أفضل لاعب وسط بالدوري الدنماركي
وفراس الخطيب أفضل هدافي الدوري الكويتي لعدة سنوات
وكمان جهاد الحسين والبقية كلهم أبطال والله
يعني نحنا مو أقل من غيرنا
............
هلأ بيجي واحد بقول شو مناسبة هالكلام ؟
مع كل بطولة عم تصير مهما كانت صغيرة أو كبيرة عم نشوف كل الشعوب عم تلتف حول منتخباتها ولاسيما بالمنتديات
وهلأ بهي الفترة نحن أحق الناس بالوقوف ورا منتخبنا أو بالأحرى أولاد بلدنا وشباب بلدنا ( يعني منتخبنا الغالي ) هنن الأحق انو نفتخر فيهم
ونرفع معهم علم بلادي للعالي
ونوصلو للسما لفوق الغيوم
هي سورية ياناس , هي الشام الحلوة يلي بنعشقها وبنموت فدى ترابها
, هي العراضة الشامية
, هي قلعة حلب الشامخة
, وأمواج بحر اللاذقية الهدارة
, إدلب الخضرا
, وحمص العدية
, ونواعير حماه
, وفرات الدير , و أرض الحسكة المعطاءة
هي بلادي ياناس خلوا كل العالم يسمع اسم سورية
ويعرف مين السوريين أحفاد يوسف العظمة يلي تحدى أقوى جيوش العالم وبيعرف انو مامعو سلاح ولا عندو عدد كافي , بس ما استسلم
ونزف دمو الطاهر على أطراف قاسيون لحتى ماينكتب بكتاب التاريخ انو فرنسا هاجمتنا بدون مقاومة
هي سورية يا ناس يلي خرج من لاذقيتها الشهيد البطل جول جمال العربي السوري المسيحي ليدافع عن مصر خلال العدوان الثلاثي ويفجر زورقه الصغير المتواضع بأعتى بارجة فرنسية قبالة الاسكندرية
وليملأ بدمائه الطاهرة أصقاع البحر المتوسط
هي سورية يلي أعطت العالم أول أبجدية وعلمتو كيف يكتب رسالة الحضارة , سورية حضارة الفينيق والكنعانيين
سورية
يلي لما نكون بعيدين عنها ونسمع اسمها حتى بالأخبار بنشوف الدمعة لوحدها تتسلل بين عيوننا
سورية ..
يلي إذا بتتعرض لخطر بتشوف جدك الكبير بالعمر بيرمي العكازة وهو بيرجف وبصير مستعد يدفع دمو كرمالها
نحنا ولادها ونحنا لازم نخلدها ونرفع اسمها وعلمها وراياتها
هيه الأحق بأنها تكون الأولى ومهما صار رح تبقى سورية قبلة الكون
وجنة الله في أرضه
شجع بلدك إذا كنت بتحبها
مو شرط انك تكون رياضي أو لاء
كون وطني كون سوري بأخلاقك وضمن إطار الروح الرياضية وضمن منطق الفوز والخسارة
وقول للكون انك عربي سوري وبتفتخر انك سوري
..........................
كونوا مع منتخبكم بصورة رمزية أو بتوقيع أو بكلمة حلوة (برشلونة والريال وغيرهم وغيرهم مو أفضل من وطني أبداً مو أغلى من أولاد بلدي .. فراس ومحمد وجهاد و.. إلــخ )
ياترى رح تبخلوا على سورية؟؟؟
و ح تقولوا أنا بكرهك يا سورية
( موشرط تقولوها ,,, إذا بتتجاهلوا القصة معناها قلتوا أكتر من هيك ) ولا شو رح تعملوا فداها ؟
سورية
روحي فدى ترابك يابلادي
خذي منا الحياة وخلدينا
بقلمي
الوعد السوري
أخوكــ محمد ــــــــم
.gif "وردة وردة*")
.gif "يوبيي :Albilsan (87):")
.gif "كووورة :Albilsan (158):")
كلام جدا معبر .. كلام جدا رائع 
![- ]Safee[ -](/vb/data/avatars/m/12/12349.jpg?1626131205){kind=avatar}
