حفل زفاف ام شهر عسل ايهما ستختار / ين

[fofetooo]

هلئ بغض النظر عن موضوع مرة او 20 مرة الزواج
بس مدري ليش بحس انو شهر العسل احلا
ومو ملحوق عليه لانو اول فترة بحياة الزوجين
اكيد احلا فترة
وبالنسبة للعرس
شووو ماعملت الناس بدها تحكي عليك
على فلانة لابسة
وعلانة حاطة
ولعما شو شرشيح مافي بوفيه
لا لعما شوو هالاكل مو طيب
ومدري شووو
ونق ونق
وصنبعة لمدة 4 ساعات والواحد بيكون مو طايق حدا من الموجودين
يعني ايمتى بدون يروحو ..... اه بس اخ


ايمتى بدي اتزوز بقى

 

[زهرة النرجس]

قريبا ان شاء الله

 

[Casanova]

يسلمو عل الموضوع الرائع ... عن جد كنت افكر الغي حفل الزفاف وكل تبعاته حسب العادات بالريف الفلسطيني اللي بتهري الواحد وبترجعو 10 سنين لورا .. يعني المصاريف اللي بدو الواحد يصرفها على الناس بيوم او يومين بيطلع بيهم شهر بيكون على الاكيد احلى شهر بحياته .

 

[mr_ops]

انفتح الموضوع مرة تانية .. وحبيت شارك فيه ..

والله بصراااااااااااااااااحة .. شهر العسل ممكن يكون ببساااااطة بالبيت .. الرجال مع مرته .. يطلعوا لهون ولا لهون ينبسطوا بوقتهم مع بعض .. اما انه شهر العسل والسفر لبرا لهون ولا لهون هي بشوفها مو شهر عسل .. هي بشوفها سياحة انه يعني طالعين سياحة وين الدلع والعسل الي رح يصير ؟؟؟ ولا ما بصير شهر العسل الا بدفع هالمبلغ الفلاني مشان السفر لهون ولا لهون .. بينما في ببلادنا مناطق واماكن بتكون مناسبة لاحلى شهر عسل وباقل التكاليف .. او لتركيا ومالها مكلفة كتير ..

شهر العسل بخص العروسين .. اما العرس بخص الجميع .. يعني لما تنين من العيلة بيتزوجوا قديش بتكون فرحة للجميع لما بيحضروا العرس ... وبعدين العرس بضل ذكرى .. وخاصة لما يكون في تصوير وصور اهل العروس واهل العريس .. كل ما بدهم يتذكروا العرسان عرسهم بيتفرجوا عليه وبيسترجعوا كل اللحظات الحلوة ...

وبعدين لو كان الشب عايش بالغربة بيتزوج وبياخد مرته معه .. هي عليها البلد جديدة وبتكون بـ شهر عسل اول فترة ..

هاد هوو رأيي بكل صراااااااحة​

 

[لكبړيآئي قصھہ]

خطيبي حاول يسألني شو بختار بين العرس وشهر العسل

اطلعت فيه نظرة ئصيتو بالنص

والتلو حبيبي ليش مانعمول عرس انبسط انا واهلي ورفئاتي وتاني يوم بنطلع على تركيا ليكا ئريبة وما بتكلف كتير

ئلي تكرمي ​

 

[ČốηťĕṨṩก]

بدي التنين انا طماعة

 

[ندوش]

الاتنين حلوين

يوم زواجي عملنا حفلة ولبست فستان أبيض
وكان في مطرب وفرقة
ومعازيم كتير ورقصنا ودبكنا و..ووووو
و عالساعة وحدة ونص سافرنا
يعني عشنا فرحة حفل الزفاف
وخصوصية شهر العسل
تجربة كانت حلوة كتييييييييير
بانصحكن تجربوها
وعئبال العزابية
​