سؤال للجميع ... هل للحب أسباب ؟؟؟

[دموع الورد]

الحب بعمرو ما كان الو اسباب لو كان للحب اسباب كان كل واحد بيختار

اللي بدو يحبو على مزاجو ومتل ما بدو

بس الحب يجيك فجاة حينما ينبض قلبك لشخص اختاره لا انت
​

 

[ضجيج الصمت]

الحب هو الحب ولا اسباب له وفيه فالحب نعمة من الله انعم بها علينا لنعيش الحياة فالحياة دون حب كارض يابسة قاحلة لا حياة فيها

شكرا لمرورك ولرأيك اللطيف​

 

[jiana]

أحببني عندما لا أستحق ذلك
فأنا بحاجة إلى حبك في ذلك الحين


كلامك أخي صحيح فعندما نقدّر الحب نعرف بانه أسمى شيء بالوجود شكرا لك :Albilsan (115):​

 

[روحي مرتحالك]

لأ الحب أكيد بدو اسباب لولا هيك كان فيك تحب مين ما كان لأن مافي شروط

 

[عهد القمر]

الحب مو كلمة قلنها ...الحب اقوى من هيك واعظم من هيك ...
بس بقولا وبكل صراحة
اصلا مافي حب بين الشاب والبنت .....
فيه اعجاب بس ...ومافي تعدي لهادا الشئ
هلئ منلاقي شباب وبنات ..انا بحب ومدري شو ...؟؟
منلاقي هون انو من الاصل مافي حب بيناتون
ع شو بدو يحبا ع جمالها ...مو اسم حب
ع صوتا .....مواسمو حب
ع رقتا ...كمان ما اسمو حب
ع اخلاقها ....وكمان مافيو اسم حب
او العكس ......
متل ما قلت الحب اقوى من هيك ...
اللي بدو يحب بدو يضحي يعمل كل شئ ...
بس منشان يسعد الطرف التاني ...
بس ايمتى بصير هالحب ...لمرحلة ...وكلكون بتعرفوها
مرحلة توصل بيناتون لعلاقة ...تجمعون سوا
وتجمعون بسقف واحد ...تجمعون بكلمة وحدة ...
واللي هو الزواج ...هون بيكمل اسم الحب
ومنطلق عليه اسم حب
بس اذا كل دقيقة حب ..وترك ...عمرو ما هيكون حب

بس للاسف ..المراة هي اللي الاغلب بتكون هالضحية هالحب ...
لانو موهي اللي بتختار هالحب ...هو اللي راح ييختارا
والعكس كمان ......
اما الشاب ممكن يلاقي ..يا بضل يا بيترك ...وراء قلب سببلو نزيف ...وهو السبب
او حتى انو الشاب يئول لوحدة بحبك ...وهي ترفضو ...
ما اختلفنا ...بس مستحيل انو المراة هي اللي تجي تئول ..اما الرجل بئول عادي ...
ومستحيل هي تجبرو او هو يجبرا...لانو احد الطرفين ما بيستاهل هالكلمة تنقلو ......

اسفة ع طولة الرد ...بس حبيت حط رائي
​

 

[mode-dado]

الحب مالو سبب أبدا الحب مشاعر وبس

أنت من داخلك بس تشوف شخص يابتحبو يا أما بتسبو

بس الله يعينو هل زلمه على هل مرا شو نقاقه

:Albilsan (115)::Albilsan (115)::Albilsan (115)::Albilsan (115):
موضوع بجنننننن وبتستاهل أحلى تقييم​

 

[نهر الاحساس]

اكيد الحب ما لو اسبا بلوحدو بيجي من غير اي مخطط
شكرا صديقي موضوع جميل..

 

[ضجيج الصمت]

الحب مالو سبب أبدا الحب مشاعر وبس ​

أنت من داخلك بس تشوف شخص يابتحبو يا أما بتسبو ​

بس الله يعينو هل زلمه على هل مرا شو نقاقه ​

:Albilsan (115)::Albilsan (115)::Albilsan (115)::Albilsan (115):

موضوع بجنننننن وبتستاهل أحلى تقييم​

مرورك يلي بجنن صديقي الغالي
شكرا إلك :Albilsan (115):


أما مشان التقييم ما وصلني شي لهلأ :80:
أنا مو مشان شي بس مشان ما تسفئنا منية عالفاضي ​

 

[moazo]

انا بئلك متل قالو الشلة مالو أسباب لأنك لا تعلم كيف سيأتيك الحب
وما بتساويه على كيفك لأنك اذا حبيت شخص رح تحبو بكل اطباعو
وشكرا ​

 

[ضجيج الصمت]

شاكر مرورك معاذ باشا ​

 

[B alaa B]

ابدا مافي اسباب للحب

الحب بيجي لحالوا مامنكون مفكرين في ولاخاطر ببالنا

والاحلى يجي فجاة ولحالو

 

[فرآشة الياسمين]

لك مالو اسباب الحب بيخلق فينا وبعيش جواتنا ومنتعايش معو ان عذبنا هالحب رح نرضى فيه وان عيشنا بسعادة رح نبقى ممنونين للي حبيناهن وللي عيشونا لحظة سعادة فيه لأنو بلآخر هادا شي من داخلنا ما فينا نتحكم فيه ولولا الحب ما كنا عايشين حلو كتير انو الواحد يحب من دون اسباب هيك بلا ولا شي بحبك اديش حلو هالأحساس
انا بذات نفسي بحب اشخاص كتير بلا اسباب بحب رفقاتي بحب اختي الغالية من دون سبب بحب صديقة عمري والي عشرة عمر بيناتنا انا بحبها مو لأنو مشان عشرة العمر لأنو حبيتها من الأساس بلا ولا شي وهي نفس الشي ومشان هيك استمرينا 10 سنين صداقة
عنجد الحب مالو اسباب
أقبل اعتذاري إن طلت في الرد
لك الشكر ضجيج عالطرح الجميل والرائع تقبل مروري وورودي

 

[ضجيج الصمت]

منورة عزيزتي وردة الياسمين
الله يديم المحبة بقلبك و يخليكن لبعض إنتي وصديقتك وكل أحبابك يارب
نورتي الموضوع بردك الجميل ​

 

[كماتشو]

انا بشوف انه الحب بحد ذاته هو سبب ​

يعني فيك تئول انه هو سبب السعادة​

وسبب التفائل وسبب التعلق بالحياة وسبب وسبب ....الخ مافيك تعدد لانه هو سبب لكل شي تئريبا
والنتيجة انه الحب سبب وماله بحاجة لاسباب ​

شكرا كتير معاذ بيك على الموضوع يلي مريت عليه متاخر لسوء الحظ
يعطيك العافية​

​

 

[Gaidaa]

الحب هو الحياة

من دون الحب لايمكن ان نعيش ​