ســــــــــؤال ؟؟؟؟

[LOoLoO]

ليه الواحد بيضل يسعى ويجري ورا شغلة طول ماهيا مو بإيدوو .. ومو عارف يوصللها؟؟
لكن أول ما يحصل عليها وتصير ملكو وبإيدو ,, بيرميها ؟؟؟؟؟؟؟؟؟
عجزت الاقي الجواب
بلكي بتفيدوني اصدقائي
​

 

[مريم...مصر]

لان الانسان ما بيمل عينو غير التراب​

 

[aaaaay]

جواب شافي ما بتوقع فيه لكن الانسان بس وصل لحد الاشباع من أي شي ( حد المنفعة ) دائما بدور ع شيئ تاني يشبع حاجتوالتانية وهكذا .....طبعا عم احكي عن الحاجات الملموسة
:Albilsan (115)::Albilsan (115)::Albilsan (115):

 

[ταℓα syяɪα]

ببساطة لان الانسان ما بيشعر بقيمة اللي مالكو ليفقدو
بس يفقد هالشي بحس شو خسر بفقدانه
وبحس شو كان كسبان وهوي معو
​

 

[STELLA]

الأنسان بطبيعة الحال بيسعى نحو الشي الي بدو اياه

اذا كان سيعو وراء شي مادي مجرد ما يشبع نفسو منو لح يمل منو ويتركو

أما اذا كان عم يسعى وراء شي روحي .. فلو ضل عندو العمر كلو

بيضل اشتياقو ورغبتو لبقائو دائمة متل الصداقة والحب .. هدول ما بظن أنو الانسان بيقدر يتوصل لمرحلة الاشباع فيون أو لمرحلة الملل بمعنى اصح

إلا إذا كان ما بيقدر الشي الي بين ايديه

تبقلي مروري

و ودي

​

 

[Senior Anas]

بتوقع فئة قليلة من الناس اللي بتعمل هاد الشي ​

وهاد الشي الو دوافعوا الخاصة متل ​

الغيرة يعني انا بشوف شي مع غيري ما بتهنى لحتى شوف الشي اللي معو صار بايدي وساعتا بكبوا المهم صار بايدي متلي متلوا​

التحدي ممكن ايا شخص يتحدى تاني على انوو يحصل على شي صعب الحصول عليه ومجرد ما حصل عليه بيرميه المهم عندو كسب التحدي وشو ما كانت نواتج هاد الشي على الطرف التاني ما بتفرء معو المهم هوو وبس ​

مممممم في كلام كتير بس هي شغلتين بتوقع هنن الغالبين ​

:Albilsan (115):​

 

[كنافه نابلسيه]

يمكن لان الانسان ملول ويحب البحث من جديد عن شي تاني

 

[مشــــ كل ــــا]

الانسان اعطو نص الدنيا
قام حكالن النص للتاني لمين
و هيك الانسان ما بيملي عيونو غير التراب
​

 

[دموع الورد]

لانو الانسان ما بيشبع ابدا وما بيملي عينو غير التراب وبمجرد ما يزهق من

شي اللي بين ايديه بيرميه ويدور على شي تاني وهكذا لعله يشبع ولكن دون

جدوى فهو لن يشبع ابدا
​

 

[نهر الاحساس]

هادي طبيعة بالبشرية
هيك نحنا يللي بيشترينا بنبيعو ويللي ببيبيعنا بنشتريه

 

[GaZoOoooL]

متل ما حكو الانسان ما بتملا عينو غير لتراب

يسلمووون:Albilsan (115)::Albilsan (115):

 

[برشلونية فور ايفر]

ببساطة لان الانسان ما بيشعر بقيمة اللي مالكو ليفقدو

بس يفقد هالشي بحس شو خسر بفقدانه
وبحس شو كان كسبان وهوي معو

​

فعلا بعتقد هوا هد الجوااااااب

 

[فوزية]

لأن كل إنسان بداخله طفل صغير... يضل يعاند ليحصل على الي بدو ياه... لحتى يوصله... وبس بيعجبو شي بياخذ عقله وباله وكل كيانه ...وإذا وصلو ومل منه يتخلى عنه ليشوف شي ثاني... تماما مثل الطفل الصغير ...
طبعا هالطفل الي بداخله يطلع لبرا... كل ما عجبتو شي شغله ...وهون يكون العقل بدأ يفقد مفعوله لحتى يصل لمبتغاه... وبس يرجعله عقله يبلش يفهم أنه كان يجري وراء فراغ.................مسكين هالإنسان آخذ حياته كلها تعب .......................

 

[عكــ البيلسان ــيد]

لأن كل إنسان بداخله طفل صغير... يضل يعاند ليحصل على الي بدو ياه... لحتى يوصله... وبس بيعجبو شي بياخذ عقله وباله وكل كيانه ...وإذا وصلو ومل منه يتخلى عنه ليشوف شي ثاني... تماما مثل الطفل الصغير ...
طبعا هالطفل الي بداخله يطلع لبرا... كل ما عجبتو شي شغله ...وهون يكون العقل بدأ يفقد مفعوله لحتى يصل لمبتغاه... وبس يرجعله عقله يبلش يفهم أنه كان يجري وراء فراغ.................مسكين هالإنسان آخذ حياته كلها تعب .......................

برأيي :أصبتِ كبد الحقيقة

هو الواقع تماماكما قلتي .نجهد انفسنا لنصل مبتغانا. ما إن نملكه حتى تبدأ تتناقص أهميته
عندنا ومكانته لتصل حد الضياع منا
وعندها .....ياالاسف على مايحصل عندها
!!!!!​

 

[LOoLoO]

فيها وجهة نظر
بس اغلب البشر هييك.. معقول كل الناس بتفكر غلط​

 

[الأمبراطور]

لان الشخص الي بيساوي هيك ما عندو ايمان بالله

 

[رفاء]

الانسان طبعه الطمع
هادا هو الجواب

 

[عااشق الغروب]

اول ما يشوف الانسان شي يعجبو بيصير هدفو الوحيد يوصل لهل شي
وبس وصل لهدفو وصار بيملك اللي بدو ياه
مل بيضل عندو هدف وبتصير حياتو مالها معنى
من هيك بيدور على شي جديد منشان يجدد حياتو
ويمكن يضل محافظ على الشي اللي وصلو بعد تعب ويمكن يكبو ويهتم بالشي الجديد اللي عم يطمح انو يوصلو
لان الحياة بتتطلب منا التجديد الدائم وكسر الروتين​