شام العزة

[كتكوووووت]

الشام
هي رائحة البن بالبزورية
وعجقة سوق الحميدية
وصلاة العيد بالاموي
وزيارة قصر العظم

هي اكل الدرا المشوي بالروضة
والبوظة عند دامر

هي تلجات بلودان
وزهر الغوطة
وشط اللاذقية

هي سيران الشادروان
والمشاوي بالفيجة
والبطيخة بالنبع
وكرز مضايا وسفرجل الاشرفية وجانرك بسيمة ووادي بردى

هي النومة بارض الديار بعد الشطف
والياسمين والنارنج والكباد


هي شرب مية الفيجة الباردة من الحنفية بيوم صيف
وعرقسوس رمضان والتمر الهندي وتوت الشام
​

سورية هي اجتماع العيلة وسكوت الجميع بالبيت والمحلات ولايبقى سوى الراديو لنسمع المساعد جميل والرائد هشام وطبعا الأستاذ مصباح المتهم بمعظم القضايا في حكم العدالة كل يوم ثلاثاء
هي مايطلبه الجمهو يوم الأربعاء لمشاهدة ... أحدث الأغاني
هي موسيقى (غدا نلتقي) يوميا قبل النوم
هي سوق الجمعة آخر الليل وخبز التنور مع الفول عند الجدي وجمعة الشباب الحلوة
هي روحة الشلة على حمام السوق وأكلة التسقيية بالسمنة مع الصنوبر..... جووات الحمام
هي طلعة مضايا مع الشلة والرعبة من دوريات التفتيش أن تكشف البواط الإيطالية وجاكيتات الجلد..... يللي لابسينها
هي الكنافة النابلسية عند أباظة
هي شاورمة أبو العبد يللي بدك تاكللك شي عشرة ولسا بدك أكتر
هي الشوكلامو بالتوليدو جنب جنينة الجاحظ ......
​

 

[جذابه بس كدابة]

وااااااااااو
رائع
ماشاء الله عليك ياقمر​

 

[GaZoOoooL]

لك يخلينا شاااااااااااااااااااااااااام
ما في من بعدا و الله

يسلمون

 

[كماتشو]

هي النومة بارض الديار بعد الشطف
والياسمين والنارنج والكباد


هي شرب مية الفيجة الباردة من الحنفية بيوم صيف
وعرقسوس رمضان والتمر الهندي وتوت الشام

يسلمو ايدك كتكوت موضوع بيجنن

 

[المستبده]

سورية هي اجتماع العيلة وسكوت الجميع بالبيت والمحلات ولايبقى سوى الراديو لنسمع المساعد جميل والرائد هشام وطبعا الأستاذ مصباح المتهم بمعظم القضايا في حكم العدالة كل يوم ثلاثاء
هي مايطلبه الجمهو يوم الأربعاء لمشاهدة ... أحدث الأغاني
هي موسيقى (غدا نلتقي) يوميا قبل النوم
هي سوق الجمعة آخر الليل وخبز التنور مع الفول عند الجدي وجمعة الشباب الحلوة
هي روحة الشلة على حمام السوق وأكلة التسقيية بالسمنة مع الصنوبر..... جووات الحمام
هي طلعة مضايا مع الشلة والرعبة من دوريات التفتيش أن تكشف البواط الإيطالية وجاكيتات الجلد..... يللي لابسينها

ممممم كأنك بتحكي عن سورية ايام زمان​

متل باب الحاره والحاره والحمامت والاسواق​

والعيشه الحلوه​

ضل في سوريا هيك شي ؟ متل ايام زمان ؟​

والله شهيتوني زيارتها​

يااا رب​

يسلمووووو كتكووووت ​

الله يخليلكو بلادكو سالمه ​

 

[البحر الهائج]

هي النومة بارض الديار بعد الشطف
والياسمين والنارنج والكباد


هي شرب مية الفيجة الباردة من الحنفية بيوم صيف
وعرقسوس رمضان والتمر الهندي وتوت الشام

تسلم يا كتكوووووت على الوصف الجميل أخدتنا لأيام الولدنة لما كنا اصغار ونلعب بأرض الدار ونركد حول ابحرة ونرش بعضنا بالمي آآآه ياكتكوووووت وصف حلو كتير

 

[روجينا]

ايه والله مافي زيا لهل الشام

يسلمو دياتك كتكوت

احترامي

اختك روجينا​

 

[الوعد السوري]

والله هاد الوصف مابيطلع غير من واحد
بموت بالشام, لك يارجل والله خليتني
اشتاق للشام وأنا فيها

ربي يحفظك ويسلم ايديك​

 

[كتكوووووت]

صباح الفل والياسمين والعنبر صباحكم مابعدو صباح. أحلى شي عندي اني أتصبح بأناس جعلو للصداقة معنى جميل جمعهتم أخوة في أرض منتدى متواضع عشق الشام وارضها وجعل اسمها تاجا على الرِأس دمت لنا ياشام العزة والكرامة أمنة تزهو وتفوح برائحة الياسمين وشكرا لكم أخواني واخواتي على ردودكم اللطيفة التي لها ذرفت دمعتي واسمحو لي أن أذكركم فبكم أزهو وأرتقي :
(( جذابة بس كذابة،، عاشقة عاشق البيلسان ،، كماتشو ،، المستبدة ،، البحر الهائج ،، رجينا،، الوعد السوري)) دمتم لي أخوة أعزاء.​

 

[المستبده]

ليش ذرفت دمعتك ؟!​

 

[كتكوووووت]

من حبي للشام وللي بحبها بتشكرك اختي المستبدة على مشاعرك​

 

[روح الشام]

هي شاورمة أبو العبد يللي بدك تاكللك شي عشرة ولسا بدك أكتر
هي الشوكلامو بالتوليدو جنب جنينة الجاحظ ......

لك تؤبر قلبي الشام وخصوصي جنينة الجاحظ احلا ارنة بالعالم

عنجد اشعرت بدني على هالحكي

يسلمو دياتك كتكوت​

 

[كتكوووووت]

سلامة ألبك روح الشام وان شاء الله عدوينك تسلميلي على المرور الطيب والكلمات الاحلى
سلمت لشامك وسلمت الشام لك​

 

[lilo]

الشام غالية وسكانها اغلى ........ والله نفسي زورا

شكرا كتير على الموضوع الرائع جدااااااااااااا

 

[كتكوووووت]

ونحنا بنتشرف فيك يا أخت lilo ونتشرف في كل أخ عربي فنحنا منكم وانتو منا الله يخلينا لبعض ونضل نحب بعض ونعيش بخير وسلام وتسلمي ياغالية على شعورك الصادق يابنت الأرض الغالية والطاهرة.​

 

[* نغم *]

الحقيقة أجدت في تعابيرك وكلامك الحلو عن احلى ارض واغلى موطىء قدم وبيضت وجهنا مشكور وننتظر المزيد من مواضيعك الرائعة​

 

[كتكوووووت]

ليدي شيك أشكرك كل الشكر على هذا المرور المشرف لصفحتي والذي زادني نورا واشراقاً سلمت لنا.
​

 

[Life of the soul]

احلا شي الشاااااااااااااااام
يسلمووووو كتكوووت
​

 

[كتكوووووت]

عاشقة الليل الشام حلوة باهلها وانت احلا اهلها تسلمي على مرورك الطيب

 

[شام]

لك دخيل الله مااحلى الشام

تسلم​