شباب شدّو الهمة وعالـــعراضـــة ...

[روح الشام]

لك الله حيووو العراضة​

العراضة = زفة تقال في اول العرس ​

والعرس = حفلة الزواج​

صلوا على محمد مكحول العين
........... نير وغضير وعادلا وهي ​

أول مانبدا منقول
........... صلوا على طه الرسول ​

أول ما بدينا
........... على النبي صلينا ​

يا صلاتك يا محمد
........... والصلاة بالصوت صلوا ​

والصلاة والصوم صلوا
........... وبالصلاة صلوا عليه ​

وعلينا وعليه
........... وعلى من زار قبره ​

وعلى من حج إليه
........... حجيت الحجاج لاجله ​

انشق القمر بنص الليل
........... من هيبة رسول الله ​

لا إله إلا الله
........... محمد رسول الله ​

وادللي ياعيني
........... على عريس الزيني ​

وادللي يا غالية
........... لاطلع لك العالية ​

لالاعبك لعب البنات
........... يا بنات ويا بنات ​

يم الشعور المجدلات
........... يلي شعرك شعر الخيل ​

مسا الخير ومسا الخير
........... الله يمسيكم بالخير ​

الله يمسي حارتنا
........... ياللي مشملة حملتنا ​

حملتنا عالشيخ رسلان
........... شيخ رسلان يا شيخ رسلان ​

يا حامي البر والشام
........... مسا الخير جمعية ​

إسلام ومسيحية
........... إسلام توحد الله ​

والشب يولف صاحبة
........... لاصاحبه لالاعبه ​

لالاعبه بالجودلح
........... جودلح يا جودلح ​

زيزفون يا زيزفون
........... زيزفون خيم علي ​

ما بناخد إلا الصبية
........... ما بناخد إلا الغلام ​

يا غنيم يا غنام
........... لا تروح درب الشمال ​

بياخدك التركملي
........... يعمل فيك شال مال ​

يعمل فيك العجايب
........... يعمل فيك كان مان ​

يعمل من جلدك رباب
........... للشيوخ والشباب ​

للشباب التايبة
........... والشيوخ الشايبة ​

يلي ع ربها تايبة
........... تايبة ومتوبة ​

تايبة عالشيخ رسلان
........... شيخ رسلان يا شيخ رسلان ​

يا حامي البر والشام
........... يا سباع البر حومي ​

اشربي ولا تعومي
........... اشربي من بير زمزم ​

زمزم عليها السلام
........... يا سلام اضرب سلام ​

علي مظلل بالغمام
........... والغمامة غامتو ​

غامتو ما لامتو
........... غامتو خوفاً عليه ​

وعلينا وعليه
........... وعلى من حج إليه ​

محمد زين محمد زين
........... محمد يا كحيل العين ​

هدهد هدهد ياطير
........... عنا الك خبر بالليل ​

يمكن شر ويمكن خير
........... واللي يعادينا نحاربو ​

بالسيف نقطع شواربو
........... بنتك يا خال أخذت عقلي ​

والعزابي يا دلو
........... ما في مين يغسلو ​

صابونتو بجيبتو
........... الله يخليلو ميمتو ​

حامل بقجة قمصانو
........... وداير على جيرانو ​

روح تجوز روح روح
........... حاجة تبصبص عالأسطوح ​

لاتاخد بنت البلكون
........... لو لبست لك كل يوم لون ​

خود البنت المستورة
........... ولو كانت فكحة وعورة ​

اسمر يا بو الجديلة
........... دخيل عيونا الكحيلة ​

وأنا ميت على عيونا
........... مدفعنا عيارو تسعين ​

ست عشر بطارية
........... بيرقنا بثلاث شكال ​

وحكومة عربية
........... وعلينا الخيل من روس الجبال طلعت ​

ما منهاب الموت لو كترت ولو قلت
........... وين الخال يشوف ابن اختو ​

محلا الشايب بين ولادو
........... دلي دلوك يا بنية ​

عريس الزين يتهنا
........... يطلب علينا ويتمنى ​

عريس الزين يا غالي
........... ويا مسهرني الليالي ​

عريس الزين ما بيعو
........... لو جبلي الدهب غالي ​

شن كليلة شن كليلة
........... شن كليلة شو هالليلة ​

شو هالليلة ما أحلاها
........... للحبايب بنتمناها ​

من هالليلة من هالليلة
........... من هالليلة صرلو عيلة ​

طقي وجني حيص بيص
........... نحنا في معنا عريس ​

اضرب واجرح لا تخاف
........... وين السبعة يجاوب تسعة ​

وين ستندر وين ستار
........... يا ستندر مالك خرسان ​

ويا فشك ما لك غليان
........... سمعني الصوت الرنان ​

وان هلهلتي هلهلنالك
........... حطينا البارود قبالك ​

وان هلهلتي يا نشمية
........... واحد منا يقابل مية​

​

شو رأيكن​

 

[♥البرنسيسة♥]

وااااااااااو

احلى مابعرس الشام عراضة العريس وحمام العريس

ويغنلو وهنا حاملينو ع كتافن

ياسلام عاداتنا مافي احلى منا

بيجنن الموضوع روح​

 

[Senior Anas]

يــــــــــــــــــــــــــــــــسلمن والله بكرة عندي عرس ابن خالتي
واجت بوووووووووووووووووقتا وصلـــــــــــــــــــت thank u​

 

[حسام الحلبي]

حلو كتير الموضوع روح الشام يعطيك العافية ​

 

[♥ jasmine rose ♥]

انا كتير بحب العراضة
وبتمنى اعملها بعرسي :10:
يسلمو ايديكي روح الشام


​

 

[Life of the soul]

يعطيكي العافية روح الشام
​

 

[روح الشام]

الله حيوو والله

نورتو ياحلوين

 

[ساحره البشر]

والله اكتر شي حلو في العس العراضه كتيير حلو

يعطيك العافيه يارووووح

 

[شام]

ما بدي ما بدي هلاء بدي انزل على الشام

فتحتيلي اجروحاتي

 

[GaZoOoooL]

لك ياااااااااااااااااااااااااي شو حلوة

يسلمون ولييييه ويعطيكي العافية

 

[shadoo]

أحلا عراضه العراضه الشاميه مافي بعدها والله
بس هي أول مره بفهم شو بحكوو :19:

يسلمن ​

 

[روح الشام]

نورتو صبايا وشباب