شو رأيكون بالمسلسلات التركية

[نسمة صيف]

من فترة والكل بيعرف أنوظهرت المسلسلات التركية وأنا برأية أنو فية مبالغة وضياع للجيل من ناحية الوقت والتصرفات اللي للأسف عبيقلدوها مجتمعنا أنو البنت مسموح تحب وتترك أهلة وتروح وتجي متل مابدا وأنو تغلط معو وهاد عادي بالنسبة ألون وبرمضان حاطين المشروب والعياذ باللة عاطاولة الأفطار وهالشي طبعآ بسيء لعادات الأسلام هاي وجهت نظري ياريت أعرف شووجهت نظركم :10::10::10:

 

[STELLA]

بصراحه المسلسلات التركية .. فيها كتير سيئات خاصه ع الجيل الجديد

يلي لسى عم يتوعى ع الدنيا .. فلما بيشوف هيك شي بالتلفزيون بفكر أنو هاد الشي هو الصح وما بيتردد أنو يجرب .. أو يقلد ..

المسلسلات التركية على ئد مو قريبة من واقعنا نوعا ما .. الا انو فيها غزو فكري كبير ع الأجيال القادمه ..

يعني هاد الغزو الفكري مقصود فيه المراهقين .. الي هنن لح يكونو داعمه لمجتمعنا بالسنين الجاية .. وطالما هالدعامه ما عم تنبنى صح .. اكيد لح يكون في اعوجاج كبير

انا برأي انو لازم تقل نسبة هيك مسلسلات .. والمسؤولية الكبرى ع الأهل .. هنن الي لازم يتحكمو بالشي الي عم يشاهدوا ابنائون .. ولازم على طول يكون في توجيه بتعاليم الدين الاسلامي ..

يعطيكي العافية نسمة صيف

تقبلي مروري
​

 

[نسمة صيف]

شكرآ ستايل لمرورك الرائع