شو قصة اسمك الحقيقي

[المستشـــار]

والله مو غش


بس احساس

وتوقع



يسلمو عالهدية

 

[Crystal Heart]

بصراحة لح احكي قصة اسمي مع شوية أكشن​

أنا اسمي محمد ( أؤبش قلب حالي بس ):10:
أمي من زمان بتعشق اسم محمد وكل ما يجيها ولد مايرضو أعمامي انوتسميه محمد
قال شو ... عنا بالعائلة تبعنا في شي عشر طعشر محمد يعني فيكن تقولو أنو عيلتنا مقسومة قسمين النص الأول اسمهم محمد والنص التاني بقية الأسماء
المهم أمي بقيت تحب الاسم إلى أن أتيت أنا وكنت طفل سبحان الله آية في الجمال
فقالت أمي هذا الطفل بدي سميه محمد ولو شو ما صار ولكن أعمامي رفضو مجددا وأبي كان محتار ودارت بين أمي وأعمامي معركة استخدمت فيها جميع أنواع الأسلحة ولولا تدخل مجلس الأمن والأمم المتحدة والجامعة العربية( شفتو كيف بوقفو مع الحق ) لما كان اسمي محمد وهكذا عشنا بأمن وسلام بعد انتهاء الحرب بدون موت البطل​

المهم أن أمي انتصرت في النهاية ​

وبالمناسبة أنا أعشق هذا الاسم لأنه على اسم أطهر مخلوق على وجه الأرض سيدنا محمد صلى الله عليه وسلم

ولو ماكان اسمي محمد كنت مصمم طبعاً من وقت كنت ببطن أمي أنو وقت بجي إذا ماكان اسمي محمد أول مشوار بدي روحو وقت بمشي وأنا صغير هوه على النفوث وئللو عمو غيرلي اثمي بدي كون محمد​

اول شي بدي علق على حكيك انو كتير حلو و فعلا اسم محمد رائع جدا حتى لو كتير


هلأ لاحكي قصة اسمي انا اول ما جيت كانوا اخواتي كلون متوقعين انو يجي صبي
و موعودين كتييير كتير بأحمد جيت انا ركدوا هيه هيه اجا احمد قام قالتلون ماما هي مو احمد هي حميدة و هيك سموني حميدة









































عم امزح :19::19::19::19:






هلأ هو صار هيك بس ما سموني حميدة احتاروا شو بدون يسموني بهالاثناء كان بابا بالسعودية
عم يزور اخواتو و طول الوقت تلفونات على شو بدون يسموني و ما بقي حدا من العيلة الا ما عطا رأيو

بالاول قالوا يارا
قام ستي نقزت و قالت لاااااااااا
هلأ بكرة ما بيتركوا اسم مسخرة ما بيحكوا عليها يارا سيارة طيارة فارة حمارة



بالاخر بابا كان هونبك كان منتشر شوي بالسعودية اسم أسيل
بس بسوريا ما معروف ابدا غير لانو في علكة اسمها أسيل

و هيك سموني أسيل على اسم العلكة

و انا بحب اسمي لانو معناه حلو كمان
معناه أقصى درجة من النعومة متلي يعني


ملاحظة هي اول مرة بتجرأ و بقول اسمي

 

[روحي تحبك]

نورتو كلكون يا حلوين

انامن الحلوين يعني انا منورة
تسلميلي ان شاءلله
بس شو مشان وسوم قلبتلي الموضوع شات

له له ليش زعلتي لولو خانوم
حبيت حرك الجو شوي انا
انا اسمي بعدين بقلكون قصتو

انا ئصتي شوي تانية بتعرفوها ماشي
بس لارجع مضطرة روح هلئ
استنيني لولو خانوم
​

 

[روحي تحبك]

والله مو غش


بس احساس

وتوقع



يسلمو عالهدية

لكان بتستاهلا
يسلم هالاحساس
تتهنى بالهدية​

 

[المستشـــار]

يسلمو وسوم

 

[المستشـــار]

وانتوا يا اسيل ويا محمد قصصكون جميلة عاشت الاسامي

 

[روحي تحبك]

انا هلئ رح ئول شو ئصة اسمي
يا سادة يا كرام
هاد عمي الله يرحمو
وامي حامل فيي
كان عل ى طول جاييتو الجلطة
كل كام يوم
ناطة لتزورو
المهم مرة صار عمي بحالة خطرة كتير
واخدو بابا عالشام
لعند دكتورة اسما وسمة
هيي حطت ايدا على ئلبو
وطاب عمي
ماعاد يشكي من شي
صار كلما بدو يروح لعندا
يئول
ولي ئلبي

:19::19:

المهم
ئللو لبابا ازا اجتك بنوتة ما بتسميها غير وسمة
مشان يضل يتزكرا
وهي انا الحمدلله اسمي كتير حلو وعااجبني كمان
اما معناتو
فهوو كالتالي
انو انا اسمي مأخود من موسم
يعني فينا نئو ل معناتو الفصول الاربعة
هاد اولا
تانيا
وسمة
عبارة عن نبتة على نهر النيل
وانا عم ئول لحالي
يا بنت ليش نص رفئاتك سوداينات
تاريني منون وفيونمن يوم يومي


مشكورة كتير لولو
بس ماكون ازعجتك
موضوعك كتير حلو فري نايس ​

 

[المستشـــار]

عاشت الاسامي يا وسمة
تسلميلي انتي يلي عاطية للاسم جماللو ورونقو والله

 

[روحي تحبك]

يسلمو وسوم

الله يسلمك ملكنا
ولو واجبنا​

 

[روحي تحبك]

عاشت الاسامي يا وسمة
تسلميلي انتي يلي عاطية للاسم جماللو ورونقو والله

الله يخليك ملكنا
والله كلك زوء
تسلم
عنجد خجلتني:10::10::10:​

 

[روحي تحبك]

بصراحة لح احكي قصة اسمي مع شوية أكشن​

أنا اسمي محمد ( أؤبش قلب حالي بس ):10:
أمي من زمان بتعشق اسم محمد وكل ما يجيها ولد مايرضو أعمامي انوتسميه محمد
قال شو ... عنا بالعائلة تبعنا في شي عشر طعشر محمد يعني فيكن تقولو أنو عيلتنا مقسومة قسمين النص الأول اسمهم محمد والنص التاني بقية الأسماء
المهم أمي بقيت تحب الاسم إلى أن أتيت أنا وكنت طفل سبحان الله آية في الجمال
فقالت أمي هذا الطفل بدي سميه محمد ولو شو ما صار ولكن أعمامي رفضو مجددا وأبي كان محتار ودارت بين أمي وأعمامي معركة استخدمت فيها جميع أنواع الأسلحة ولولا تدخل مجلس الأمن والأمم المتحدة والجامعة العربية( شفتو كيف بوقفو مع الحق ) لما كان اسمي محمد وهكذا عشنا بأمن وسلام بعد انتهاء الحرب بدون موت البطل​

المهم أن أمي انتصرت في النهاية ​

وبالمناسبة أنا أعشق هذا الاسم لأنه على اسم أطهر مخلوق على وجه الأرض سيدنا محمد صلى الله عليه وسلم​

ولو ماكان اسمي محمد كنت مصمم طبعاً من وقت كنت ببطن أمي أنو وقت بجي إذا ماكان اسمي محمد أول مشوار بدي روحو وقت بمشي وأنا صغير هوه على النفوث وئللو عمو غيرلي اثمي بدي كون محمد​

:19::19::19::19:
يا لطيف
لك عشوي كان بدو يصير الحرب العالمية التالتة حمود
:19::19:
وكلو من تحت راس اسمك
:19:
بعدين عجبتني هي تروح عالنفوث ويغيرولك اثمك
انو لثاتك ثغير بدك تروح عالنفوث
ثو بدو يئللك الموظف
اهلين بالنفوث



ئصتك كتير حلوة

بالاول قالوا يارا
قام ستي نقزت و قالت لاااااااااا
هلأ بكرة ما بيتركوا اسم مسخرة ما بيحكوا عليها يارا سيارة طيارة فارة حمارة

تتهني انسة اسيل
كتير حلو اسمك وئصتك على احلى
بس هالمسخرة هي عجبتني كتير
​

 

[Cosette]

واخيرا حكيتي جدوب وسمة
نورتي ياقمر

 

[روحي تحبك]

واخيرا حكيتي جدوب وسمة


شو ممكن افهم انا
هاد مدح والا ذم

نورتي ياقمر

اي اي لولو خانوم:80:
بعدما تبهدلينا امدحينا
يعني داوي واجرحي ئد ما بدك:80:
انا ما بنجرح بسهولة

لك تسلميلي روئي شبنا ولووو
عنجد مرورك اسعدني
:19::19:​

 

[Cosette]

شو مشان عم تردي عالخلق بدالي
يلا ماشي الحال
بتموني
:19::19::19::19:

 

[روحي تحبك]

شو مشان عم تردي عالخلق بدالي
يلا ماشي الحال
بتموني
:19::19::19::19:

:10::10::10::10::10:

خجلتيني

:10::10::10::10::10:


:19::19::19:
تسلميلي يااااااااااااااااا حئ


​

 

[§ Sammo §]

يسلمو عل موضوع
​

 

[Cosette]

انا اسمي أمل ​

بس كانت ماما حامل فيني ​

راحت هي ورفيقة عمرا لعند الدكتورا لتشوف شو جنس البيبي​

ف لما قالتلا الدكتوره انو بنوته ​

قالت ماما لرفيقتا بدي سميا ع اسمك أمل​

وسمتني ولهلأ انا بشوفا لرفيقة ماما وبناتا رفقاتي ​

وهي كتير حبابه وانا بموت ع اسمي كتير كتير بحبو ​

بحسو لابقلي :10:

وانتي لولو شو اسمك؟​

لك انتي النور والامل كلو
نورتي
واسم قرييييييييييييييبا بقولو

 

[Cosette]

وانا كتير بحبه لاسمي ولابقلي


جدي ابو ابي اختارلي ياه الله يرحمه​

الله يرحمو
نورتي احلا ياسمين

انا اسمي اياد وامي يلي سمتني لانو بتحب اسم اياد بس بصراحة مو كتير بحبو

يا عليك يا اياد
عن جد اسمك كتير حلو ليش مابتبحو

انا اسمي فيصل البابا كان بحب الفاصوليا بالمرقة وفاصوليا بالزيت ولما سألوه للبابا شو بدك تسمي الولد لما اجيت قام قلهم فاصوليا بزيت أأأه ه اصدي فيصل لأنو اقرب شي للفاصوليا.
مع تحياتي لكم:19::19::19::19:​

يحرء حريشك ال فاصوليا ال
:19::19::19:

انا عندي اسمين
الاول روز ......... وهادئصتو انو البابا حب وحدة اسما روز غفسماني عاسما لانو المام ما رضيت تخليه يجوزا :19::19::19::19::19: يعني ليتذكرها بس يناديني مشان هيمك انا الغالية عندوه احم احام رز بلحم :19::19::19::19::19:



اما التاني ..... نيرمين .هاد سمانياها ابن خالتي وابن عمي من الجهتين بيحبني مشان هيك سماني هالاسم :19::19::19::19::19::19::19:

يسلموووووووووووووووو

اهليييييييييييين روز/نيرمين

اسمي غزوووووووول

وئت كانت ماميتي حامل فيني ستي حكتلا تسميني ياه
و ماما ما كان بدا ياه كانت بدا يكون اسمي دعاء



شكرا موضوع حلو​

اخلا غزول
نورتي يا قمر

السلام عليكم يا حلوين انا اسمي محمد عاشت الأسامي
أنا من ابل ما يتجوز ابي بينادولوا ابو محمد راح ابو محمد إجا على اسم جارتنا ( فتكات ) لإنه بتحب المجدرة ولما صار نصيب وجيت على الدنيا سموني محمد ( اللهم صلي على سيدنا محمد )وبيدلعوني حمودي وتسلمي يا لولو يلي لسا لهلأ ما ألتي شو اسمك ​

احلا حمودي
نورت
واسمي رح قولو اخر شي

 

[Cosette]

والله الوالد الله يخليلنا يا
من هوة وصغنون بيقلولو أبو رامي
وأول واحد إجا سما رامي
وأنا أسمي رامي
والبابا صار أبو رامي
سبحان الله
​

سبحان الله اي والله

نورت راميتو

انا لما مامي كانت حامل فيني ماكانو يلاقولي اسم واخواتي ماخلو اسم إلا اقترحرو
شي يارا وشي ديمة ولما ولدت ولدت بليلة القدر قلن خالو سموا سلام لانو بالقرأن في اية سلام هي حتى مطلع الفجر بسورة القدر وهي كل القصة
يسلمو لولو

الله يحميكي يارب
نورتي سوسو

ولك اول شي بدي ادبحووووا لاخي اياد ولااااااااااااا ما حابب اسمك بدي ادبحك
ماشي

تاني شي اسمي انس هه بحبو مابو شي ولو ولدت واسمي مو انس
كنت رح غيرو لاسم انس دغري تصووورووو اسمي يكون غير انس ولي ولي ولي
ولي ​

طيب ما حكيت ليش سموك انس
عكل حال نووووووووووووووورت انوس

انا ماما كان هيك بدا اتسميني لانو كانت وحدة من بنات الخياطة عندي ستي
كتير حلوة و بيضا ف ماما حبت اتسميني ع اسما
بس ستي ام ابي الله يرحما وكانت بدا اتسميني روعة
بس ماما عندت تؤبشني
وسمتني هالاسم
انا كتير بحبو لانو معناه بيجنن

لك انتي و اسمك بتجننو
نورتي سنوء

أنا قصة اسمي مابعرفها بس كل يلي بعرفعوا أنو جدي الله يرحموا ويلي كان مواليدو 1900 وتوفا عام 1974 هو يلي سما أبي من صغرو أبو حسام ومشي عليه الاسم لحتى أبي تزوج ونوى فعلا يمي أبنو الأول حسام وولد حسام باشا يوم 26 / حزيران عام 1985 الساعة 11 ونصف مساءا مع أخت تؤام هي سحر الشرق هي قصة الاسم

أما بالنسبة للعضوة الجميلة وسوم أتوقع أنو اسمها وسام

انت وسحر توأم
ما شاء الله
الله يخليكون لبعض
والله يرحمو جدك

 

[Cosette]

انا امي كان عندا رفيقة لبنانية اسما جمانة ايام الدراسة
و كانت بتحبا كتير
بس ما عادت تعرف اخبارها
وجابت اخواتي التنتين وما خلوها تسميهم على كيفها
لما جيت انا
حكت لبابا الاسم رح يكون مفاجأة
بما انو مش منتشر عنا لا بايران ولا بالخليج
و بس طلعت ع الدنيا
طبعا اهلي كان بدون صبي
جيت انا احلى بنوتة نورت العيلة اؤبش حالي
وماما فاجئت الكل حكتلون رح سميها جمانة
بس خوالي صارو يتمسخرو ع الاسم
انا بحبو لاسمي كتير كتير
لانو حلو ومعناه بيجنن
الله يخليلي اسمي

احلا جوج والله
نورتي