كنت مره بمشوار...في الجنينه ولا بعيد عن الدار جلست وكيفت ولما انتهى المشوار ورجعت المسا على بيتكم ولا شو يا ابو الخوال شو نسيت بالمشوار؟؟؟ شو ضيعت؟؟؟ كنزتك الصوفيه ولا ساعتك؟ ولا فردة سباطك؟؟
صارت معك شي مره؟؟ ولا على طول بتصير معك؟؟
اكتب لنشوف شو ضيعت؟؟ وهالشي كان غالي ولا اشي مش مهم كتير؟؟؟؟
يسلموا سوسنتي موضوع كتير حلو.. اي انا يا غاليه كنت مره قاعده انا وصديقتي وكتير كتير اصدقاء ومتعلقين ببعض كتير صرنا نحكي عن كتير شغلات وسبب الحديث انها هيي واقعه في مشكل وانا طلعتها من هالمشكل بس قبل ما توقع انا نبهتها وما كانت ترد عليي ولتعبرلي عن مدى حبها لإلي وبدها تشكرني قالتلي ازا بتسمحيلي بدي اشلح عقد هالذهب من رقبتي والبسك هوي وهاد العقد كتير غاليي عليي من ماما والغالي للغالي وانا قبلتوا ووعدتها ادير بالي عليه وفي يوم من الأيام انا كنت في حفله لإلي طبعآ بالحفلات ما فيي البس هاي الإشياء فشلحت العقد وحطيتوا في الغرفه اللي كنت فيها قبل الحفله مع باقي الأغراض وطلعت مستعجله على الحفله ويا غاليه بس كملت الحفله ورجعت على الغرفه طبعآ بدلت ملابسي وجهزت اغراضي لإرجع على البيت والاااااااااااااااااااا العقد والجزدان تبعي مو موجودين وما عدت عرفت وينهن وقلبنا الدنيا عليهن وبعديها بشي اسبوع جاين يقلولي لقينا الجزدان مع الأغراض بس بدوم المصاري ولا عقد الذهب وعرفت كمان مين الأخذهن وليش عمل هيك ومين اللي دسو يعمل هيك .. الله يسامحهُ.. ولليوم ما بنسى هاد الشي وكتير حزينه على العقد وزعلانه كتييييييييير كتير لأنو غالي بالتقدير ومن غاليه... كترت عليكي الحكي تخل روحك اتحمليني.. تقبلي مروري ولك كل التحيات..!!!
صارت معي هه سموكه متذكره هذاك النهار لما كنا بايلات شو ضيعتلك :19: لو شفتو سوسنه وهي قاعده على السرير تنوح وتبكي انا بشطارتي وعقلي الي بيحسدوني عليه ضيعتلها كاميرا فيديو كانت لسا مشتريتها يوم وقعدت هدي فيها لا يهمك كاميرا ولا يصير علينا اشي شغله ما بتحرز .....بعد شي ساعه عقب ما اخذ معي تقنيع لننزل نتسوق دوري يا اصاله على المصاري روح اتذكر وين حطيتهن ........اهلن ضيعت المصاري ...فتحت باب الشرفه وقعدت غني على طول صوتي يا بيوتي يا بيوتاتي طارو اليوم مصرياتي والناس تطلع عليي وتقول مين هاي مالها ..وهذيك يلي اسمها سوسنه تضحك وتبكي تضحك وتبكي لاخر شي لقيتهن بسطل الزباله اتاريني كبيتهن بالسطل وقت يلي كبيت علبة الكولا ايام.....................................................
ليش ذكرتيني بكاميرا الفيديو الله يعوض عليي.. وانا مابنسى يوم كنا بجبل الشيخ قامت امي شفقت عليي ولبستني شالا الصوف الغالي قام سحل من على كتفي وضاع وبعدها لليوم بتعاتبني عليه..طيب شو اعملها سحل... ومره عمي أخو ابوي اشترالي ساعه حلوه كتير رحت العب فطبول بساحة المدرسه..خفت عليها تنكسر قمت شلحتها ووضعتها على حجر.. ولما خلصت اللعبه روحت على البيت وبالبيت اتذكرت اني نسيت الساعه رجعت لجيبها وما لقيتها..بح ..طارت..
مرة رحت على محل حلويات وفطاير بالرياض لحتى جيب شوية معجنات وكانت الساعة 7 صباحا شايفين الاكل بمنامنا المهم انا كنت موصي ابل يوم على الطلبية حوالي 6 كيلو معجنات شامية من اللي بحبها البكم وبلا طول سيرة رحت على المحل الصبح وكان يوم خميس لهلأ ما بنساه والشارع فاضي المهم فتت على المحل وقلتلو لوسمحت الطلبية جاهزة قالي ان شاء الله وانا كانت معي نضارتي الشمسية اللي لهلأ ما بنساها ولا بنسى شكلها المودرن وكانت غالية وعزيزة عليي وبعدين اخدت الطلبية وحاسبتون ومشيت وبعد ما وصلت على المكتب تفقدت النضارة ما لئيتا وين راحت مابعرف دورت بالسيارة عجزت وما لئيتا قمت اتصلت بمحل المعجنات كبير ومعروف بالبلد وسألتو عن النضارة قلي والله ماشفنا شي واذا بدك تتاكد تعا لعنا ودور براحتك،، وما كذبت خبر رحت الظهر لعندون وبلشت دور ودور ودور وطلعت على الشارع محل ماكنت صافف السيارة ودورت ودورت كتير لدرجة اني صرت امشي بالشارع لانها غالية على البي والمشكلة ماكان موجود منها غير قطعة وحدة لما شريتها المهم كل اللف والدوران اتصوروا حصلت المفاجأة وانا ماشي جنب السيارة في الشارع مقابل المحل عم اتطلع هيك لتحت جنب الرصيف اللي بالأرض على الزفت يعني بين الدولاب والرصيف في ممر صغير المهم تصوروا وانا عم اتطلع هيك لتحت ما لئيتا قام فار دمي وهديت بعد يومين ورحت اشتريت غيرها بس مو نفس الماركة لاني ما لئيت نفسها. ولحد هلأ بحنلها
هذا الموقع يستخدم ملفات تعريف الارتباط (الكوكيز ) للمساعدة في تخصيص المحتوى وتخصيص تجربتك والحفاظ على تسجيل دخولك إذا قمت بالتسجيل.
من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط.