طاولة نقاشات المنتدى::!::جاوب..:..وسأل..؟

[آلبتول]

اي نسيت
سؤالي
ليش المرأة لمى تغلط يحملوها كل المسؤليه ام الرجل ما بعتب عليه
مشان شوو لانو رجال والرجال ما ينعاب << ليش هالعباره نسمعها يعني مو نحنا بشر مثلكم؟؟
ورجاء لا تتطرقولي بالدين وتفرقت الدين بين الرجل والمرأة هالشيء بنعرفه بس انا بتكلم عن المعامله وحقها بالمجتمع يعني لمى بتغلط بتلاقي عذاب وقهر كل هذا لانها مرأة ام الرجل لو وقع بنفس غلطتها ما بلاقي كل العذاب الي ذاقته لييييييييييييييييييييييييييييييش؟؟؟ ​

 

[سِدْرَة المُنتَهَى]

اي نسيت ​

سؤالي
ليش المرأة لمى تغلط يحملوها كل المسؤليه ام الرجل ما بعتب عليه
مشان شوو لانو رجال والرجال ما ينعاب << ليش هالعباره نسمعها يعني مو نحنا بشر مثلكم؟؟​

ورجاء لا تتطرقولي بالدين وتفرقت الدين بين الرجل والمرأة هالشيء بنعرفه بس انا بتكلم عن المعامله وحقها بالمجتمع يعني لمى بتغلط بتلاقي عذاب وقهر كل هذا لانها مرأة ام الرجل لو وقع بنفس غلطتها ما بلاقي كل العذاب الي ذاقته لييييييييييييييييييييييييييييييش؟؟؟ ​

دائماً بإعتقادي أنو المرأة متسرعة بإتخاذ قراراتها حتى القرارات المصيرية
و دائما تفكيرها يكون من الناحية العاطفية غالب على الناحية العقلية
وبكذا تكون أخطاء المرأة كثييرة .. وكبيرة كمان أنو بأشياء تسبب لها ضرر
أما الرجل يبتعد شوي عن العاطفة أو تفكيره عقلاني أكثر
وبكذا أخطاءهـ ماتكون فادحة او بقرارات مصيرية
و المرأة لو غلطت .. الغلط هذا راح يمس عائلتها
يعني محسوب عليها وعلى أهلها كمان ...
الشي الثاني أنو إحنا كلنا بشر وكل شخص أغلاطه راح يتحاسب عليها
إذا مو بالدنيا .. بالآخرة إن شاء الله
هذا رأيي الشخصي ...
.. سؤالي ..
هل تؤيد المجاملة من خلال تعاملك مع الأشخاص؟!!​

 

[STELLA]

أول شي يعطيك العافية أخي ع هالموضوع الحلو

أنا دخلتو أكتر من مرة بس ما سنحت لي الفرصة أني رد ..

تانيا بالنسبة لجوابي على سؤال ملاك الروح

المجاملة .. بمعنى أنك تكوني لبقة بالتعامل مع الغير ..

وتحكي الكلمة الطيبة الي بتدخل للقلب وبتئدي للود بين الاشخاص

فهي برأي ما فيها شي أبدا بالعكس بأيدها ..

أما المجاملة الي بتكون بمعنى الكذب .. يعني شخص مثلا بيكون مو عاجبك صفاته او صفه معينه فيه

تجي وتمدحي هالصفه الي مو عاجبتك فهاد قمة الكذب .. يعني شو الها ضرورة تجي تحكي من الباب للطاقة انو هالشغلة عاجبتني وهي بالاصل مو عاجبتك .. ؟؟

فهون انا ضدد المجاملة بهي الطريقة



سؤالي : الشب الي بياخد البكلوريا وبيترك الدراسة الجامعية من مبدأ بدي أسس حياتي من بكير مشان أتجوز على بكير .. هل تكفيرو صائب ولا يكمل دراسة بعدين يدخل بالحياة العملية أفضل ؟؟

بغض النظر عن المعاناة الي عم يعانو منها الشباب بخصوص الدراسة .. يعني النقاش موجه كفكرة​

 

[بسمة سوريا]

الشب الي بياخد البكلوريا وبيترك الدراسة الجامعية من مبدأ بدي أسس حياتي من بكير مشان أتجوز على بكير .. هل تكفيرو صائب ولا يكمل دراسة بعدين يدخل بالحياة العملية أفضل ؟؟

هلأ بهالدنيا صار الواحد بلا شهاده جامعيه مابيسوا شي ومابيعتبرو فرد من المجتمع

بس احيانا بكون هاد اللي مخلص البكلوريا عبقري اكتر من الأخد الشهاده

بس خلص هلأ ماعد في ضمير ولاعد في احساس بمشاعر الاخرين خلص صارت

قاعدة ازا واحده معو بس بكلوريا هاد واحد بس عم يلعب ومابيعرف يدير شؤونو

واللي ماحيكمل الجامعه مستقبلو كلو حيرووح وماعد يقدر يفتح بيت ويطعمي عيلتو لأنو كل شي عم يغلى

وهلأ صارو الناس ببيعيو اهلون وناسون ودنيتون كلها مشان المصاري

فأحسن شي ياخد الشهاده الجامعيه ويتوكل على الله

ودمتم



سؤالي: ازا اي حدا خانك شو بتكون ردة فعلك يعني شلون بتتعامل معو او بتواجهو ؟؟

 

[butterfly]

ردة فعلي رح تكون صدمهـ كبييييييرة
بواجهو إذا قدرت أواجهو
لـ حتى اسألو سؤال "وين كان ضميرك لما خنتني؟"

وإذا ما قدرت أواجهو رح أحتسب ربنا
وأكيد في ربنا بياخدلي حقي وبينصفني لو بعد حين ..


سؤال لـ يللي بعدي ..
برأيك المرأة حاصلة على حريتها أم لأ ؟!؟
​

 

[الحرالباكي]

برأيك المرأة حاصلة على حريتها أم لأ ؟!؟​

اسمحي لي بالاجابة : بيترفلاي​

انا لا اجزم ولكن اعتقد ؟ بأنها ان لم تكن نالت حقوقها بالاعوام التي سلفت ...... فقد نالت ما لم تناله اي امرأة أخرا وخصوصا في زماننا الحاضر وأكبر شاهد على ما سلف من كلام وجودكم الفعال بييننا وبمتياز على الفضائيات والعالم الثاني عالم الاتصالات والمعلومات
طبعا ناهيكم عن جميع المهن الثقافية والعلمية
والأقل من ذلك البعض منها
وهذا دليل على ان الامرأة حصلت على جل ما تتمناه من الحرية والوجود لو صح التعبير​

~~~~**~~~~~~~~~~**~~~​

سؤالي التالي مايلي:"ـ ما المخاطر المحتلمة الناتجة عن استخدام الاتصال بالانترنت للأطفال..؟
​

 

[ندى القلب]

انا رح احاول ارد بقدر استطاعتي على السؤال ان سمحتمولي


كما نعلم الانترنت اصبح في كل بيت تقريبا

وانا لست ضد هذا الامر اطلاقا

ولكن هناك محاذير يجب على الاهل مراعاتها عند السماح للاطفال

باستخدام هذه الخدمه

وبما اننا نعلم ان الجميع صغارا وكبارا يحتاجون لهذه الخدمه

سواء لاجراء الابحاث الاكاديميه او لخدمه الترجمه او الوصول لاي معلومه وبسرعه

لكن الاهم ان يعي الاهل مخاطر هذه الخدمه وفي رايي

ان لم يكن الاهل على درجه من العلم والثقافه ان لايسمحو للاطفال

باستعمال الانترنت

الرقابه ثم الرقابه ثم الرقابه للاطفال.......ان يكون جهاز الكومبيوتر

الموصل بالانترنت في مكان عام داخل البيت وليس في غرف النوم

ان امكن وضع اتصال آمن اي محمي من المواقع المحظوره

ولايلزم ايضا برنامج الجافا الخاص بفتح مواقع الدرشات

اعود واكرر الرقابه ولنحدد اي الاشخاص يتم التواصل معهم

قرات العديد من القصص عن تورط الاطفال بمشاكل عظيمه

بسبب دخولهم لمواقع الدردشات واتصالهم باشخاص اكبر منهم سناا

..........................

​

 

[ندى القلب]

سؤالي

بنظرك ماهي اهم مقومات نجاح اي علاقه بين اثنين


سواء صداقه او علاقه عاطفيه او علاقه العمل؟؟؟


ومن هو الشخص الذي تتمنى الاحتفاظ به بجانبك (اقصد صفاته)سواء كان صديق او غيرو؟؟​

 

[الحرالباكي]

سؤالي
بنظرك ماهي اهم مقومات نجاح اي علاقه بين اثنين
سواء صداقه او علاقه عاطفيه او علاقه العمل؟؟؟

الصدق والصراحة قبل اي شئ ويأتي لاحقا امور عديدة منها تفهم الغير وعذر الغائب وتقدير الظروف ما إلى هنالك من مقومات العلاقات السليمة ما بين إي شخصين سويين .


ومن هو الشخص الذي تتمنى الاحتفاظ به بجانبك (اقصد صفاته)سواء كان صديق او غيرو؟؟

الشخص الذي احببته وأخلصت له بكل ما آتاني الله من محبة وتفاني وأخلاص سواء كان على الصعيد العاطفي او الشخصي .؟ فبطبع الإنسان حين يحب شخص أن يخلص له أخلاص دون حدود بغض النظر عن الجنس طبعاً
الكلام ينطبق على كليهما بكل تأكيد


​

 

[الحرالباكي]

سؤالي لم يريد الاجابة سهل صعب ,؟
​

الصدق من هو بكلمتين.:؟
الحبيب من هو بكلمتين.:؟
العــدو مـن هو بكلمتين.:؟
عرف معنى كلمة ((اخلاص)) بسطرين.؟؟؟؟؟​

 

[روح الشام]

الصدق من هو بكلمتين.:؟ كلمة قديمة
الحبيب من هو بكلمتين.:؟وهم ومصلحة
العــدو مـن هو بكلمتين.:؟ ضعف و غيرة
عرف معنى كلمة ((اخلاص)) بسطرين.؟؟؟؟؟​

اخلاص كلمة كتير كبيرة بمعناها
وماحدا بيقدر يقول انا مخلص
الا لما يكوون هوي هيك
وهالشي مستحيل بهالزمن
نسيو شي اسمو اخلاص​

​

 

[STELLA]

أين السؤال سيدرا ؟؟​

 

[روح الشام]

سوري ماكنت بعرف انو بدي حط سؤال

يلا هي السؤال

هل عندمايحب الشخص يكون من القلب ؟؟ ومتى ؟؟
ام هل يحب لإشباع شهواته ؟؟؟ ومتى ؟؟

 

[butterfly]

هل عندمايحب الشخص يكون من القلب ؟؟ ومتى ؟؟
ام هل يحب لإشباع شهواته ؟؟؟ ومتى ؟؟

المفروض والمنطق والعقل وكل شي مبني ع أسس صحيحة
بقول انو الحب بكون من القلب ..
لانو الحب احساس مشاعر عوطف
وهـ الشي منبعو القلب !!
بس رح نضل نكرر بـ كل موضوع انو بـ هالزمن انقلبت الآية
وكل شي اتغير وما ضل شي ع حالو
وحالياً أغلب الشباب والشابات بحبو لـ يشبعوا غرائزهم وشهواتهم فقط
لـ الأسف .. أمر مُخجل لـ الغاية انو توصل فينا الدنائة لـ هـ المرحلة !!
انو اغلب الشباب هلأ كل تفكيرهم بـ البنت تفكير جداً مقرف
ومافي داعي اتلفظ بـ الكلمة كلنا عارفينها..

بس برأيي الحب لـ إشباع الــــــــروح قبل كل شي
وحب اشباع الشهوات حب فاني ومابدوم بتاتاً



​

 

[ابن النيل]

سبقتني اماني

بس وين السؤال ​

 

[butterfly]

أما سؤالي ..

شو دافعك للحب؟؟
​

 

[الحرالباكي]

شو دافعك للحب؟؟

الحب اسما المشاعر و ارقها وهو عنفوان يكمن داخل الانسان ويكبر ويترعرع عندما يجد الوسط و المحيط الملائم فلولا الحب لغابة الحياة والتواصل بين الناس
الحب يقضي على الكثير من الآلام لأنه أعظمها
والحياة أيضاً كالحب لا حكمة فيها ولأني أكره الآلام يجب أن يكون الحب دافعي الوحيد
ودافعي أيضاً لأنني إنسان عادي والحب يجعل الإنسان العادي شاعرا ، والشاعر مجنونا ،ومجنون لاذنب له، ولأن الحب هوا اللعبة الوحيدة التي يشترك فيها اثنان
فأما بكسبان هما الاثنان أويخسران بكل تأكيد هما الأثنان
وانا دافعي حب الفوز لأنني من عشاق هذه الالعاب
دافعي لأن روح المحب تعيش في جسم من يحب ولأن
حبنا لشخص لجماله ليس حبا ، ولكن عندما نحبه رغم عيوبه .. فهذا هو الحب الذي يدفعنا إليه لنعشق الحياة مهما قست الظروف وتتالت المحالات
دافعي...
دافعي...
دافعي...
دوافعي لا تعد بكلمات ولا تحصى بحروف

ْ~~~~~~~~~~~~~~~ْ

سؤالي: مالفرق بين كلمت أكون .. ؟؟ و .. لا أكون؟؟​