عاش الزعيم

[الأمبراطور]

ده شعب فقري​

​

​

​

نظرًا لأن النعمة فاقت حدّها
ولأننا مش قدّها​

ولأن فعلاً إنجازاتك
فوق طاقتنا نعدّها​

ولأننا غرقنا فى جمايل
مستحيل حنردّها​

نستحلفك.......نسترحمك
نستعطفك......نستكرمك
ترحمنا من طلعة جنابك
حبتين​

عايزين نجرب خلقة تانية
ولو يومين​

إسمع بقى
إحنا زهقنا من النعيم
ونفسنا فى يومين شقا​

عايزين نجرب الإضطهاد
ونعوم ونغرق فى الفساد​

بينى وبينك حضرتك
دا شعب فقري مايستحقش جنتك​

أنا عارف إنه شعب ماينفعوش
إلا شارون وبلير وبوش​

عايز يجرب الإمتهان
ويعيش عميل للأمريكان​

بيمد غازُه لإسرائيل
ويومين كمان ويمد النيل​

أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء​

وبلاها نعرة وطنطنة
وتبقى البلاد مستوطنة
متسلطنة ومتسرطنة​

إيه اللى خدناه م الكرامة والإباء
حبة خطب وكلام...كلام
إحنا راهنّا على النظام
ورضينا بخيار السلام​

خيار حنسد عين الشمس بيه
علشان مايطلعش النهار
ويطلع لمين​

حبة معارضة مغرضين
وحسب بيان السلطة
شلة مأجورين​

ياعم فضك سيرة
وإرضى بقسمتك​

دا شعب مش فاهم أكيد
يالا أُطرده من رحمتك​

وإن كنت غاوي الحكم
خليك مطرحك​

حاغطس وأقب وأعود
بشعب يريحك
راضي وعمره مايجرحك​

أخرس وما بيسمعش
وأعميلك عينيه​

مش كل قرش يبص فيه
مايقولش لأه ، وفين ، وليه​

يضرب ينفض فى السليم
وعلى الصراط المستقيم​

كل اللى يعرف ينطقه
عاش الزعيم
يحيا الزعيم​

​

​

 

[lavander]

عاش الزعيم
يحيا الزعيم​

قوية وملعوبة يسلم الشعب الأبي الذي لايقبل الذل والمهانه​

مشكوووووووووور يا الرجل الحزين​

 

[البيلسان]

قوية جدا

يسلم الشعب الصنديد شعب سيناء وتشرين

 

[سعد قيس]

يسلمو دياتك حبيب
روعة وقوية

 

[القيصر]

على راسي يا حبيب ملعوبة كتير


شكراً على الموضوع ​

 

[أميرة كل النجمات]

الله يعطيك العافيه
يسلموووووووو

 

[الأمبراطور]

شكرا الكم عالى الردود الجميلة

 

[ملكة زماني]

يسلم ايديك

 

[ريماس]

 

[آلبتول]

يسلمو على النقل ​

 

[أيلول]

​