عذر أقبح من ذنب ...

[عشتار]

ربما قد طرح الموضوع من قبل ...

ولأني لاحظت أنه يحتوي على أكثر من فكرة ويمكن النظر إليه من عدة زوايا

أحببت أن أطرحه للنقاش البيلساني ..

يقول القائل :

" انا مغترب في دوله خليجيه وأقضي في كل سفره حوالي سبعه اشهر او ثمانيه وفي سوريا متزوج وعندي اولاد
وزوجتي تحبني كثيرا جدا وانا ايضا احبها كثيرولكن ....
في سفري تزوجت من امراه ليس حب وعشق ولكن السبب الاساسي ان اعصم نفسي من الحرام .
ولكن قدر الله وجائني اولاد منها فماذا افعل هل اترك اولادي في الغربه ام اعود بهم الى وطني ؟
" ان عدت خسرت زوجتي التي احب فماذا افعل على الرغم ان زوجتي الاولى لو عرفت اني متزوج 100%ستطلب الطلاق
وانا لا اريد ان يحصل هذا لاني احبها بصدق ولا استطيع العيش بدونها
.
.

.
.
.
.
.
.
.
.
هل يحيا الحب مغلفا ً بالنفاق والكذب

ماذا عن تلك التي تزوجها ليس عن حب وإنما فقط لارضاء نزواته .. أليست انسانة

هل هذه طريقة العصمة عن الحرام

ماذا عن أولاد وُلدوا في أسرة لا يحب فيها الأب الأم وانما يراها أداة لتلبية رغباته

عندما يحصل الرجل على رغبته من الأنثى حتى لو كانت زوجته .. هل يفكر ولو للحظة بطفل سيأتي

أليس هناك فرق بين الزواج والتزاوج

متأكد هو من ردة فعلها .. ألم يتذكر ذلك إلا الآن

لو صارحها منذ البداية برغباته ألم تكن لتتفهم ..بطريقة أو أخرى

أليس لها وهو البعيد عنها رغبات تعادل رغبته بل وقد تفوقها

ألم تصن عرضه و تربي أولاده طوال فترة غيابه

بصدق أبحث عن أجوبة .. أرجو مساعدتكم

أتمنى جوابا ً يخرج من عمق أرواحكم من صميم فطرتكم

أصدقائي













​

 

[§ Lισи Hεαят §]

الصراحة أنا متفاجئ من ردة فعلك أختي
بالنهاية الرجل عمل الصواب وماعمل لاحرام ولا عيب

وهي مو نزوات لا إنساية طولي بالك شوي هاد الشي الله زرعو بالإنسان

بالنسبة لرأيي يرجع ولادو معو ويصارح مرتو وإذا بتحبو رح تتفهم الموضوع ومارح تتطلب الطلاق

الله يوفق
​

 

[Faby]

طيب هي الزوجة يلي تركها زوجها وراح شو صار فيها؟؟مين فكر فيها؟؟
هو اتزوج ليعصم نفسو من الحرام ......وهية شو بتعمل؟؟؟
تركها وحيدة بعدين يجي متزوج عليها ؟؟؟؟؟؟ وبيقولو هو اللي عملو حلال؟؟؟؟؟؟؟؟ هلأ الشرع حلال بس ما بظن ربنا بيرضى انو تنظلم هي الزوجة الوحيدة كرمال رغبات الرجل

 

[إلهام]

والله الموضوع صعب ومعقد
وحده بيحبها ومابدو يزعلها بس زواجو اصلن زعلها
لو تعرف رح تندم عكل التضحيات الي قدمتها
ووحده مابحبها ولو تعرف رح تكرهو وممكن تتركه
هو لخسران بالنهيه من طرفين
لو صبر وتحمل وعتبر نفسو عزابي بهلغربه وتكل عربه
ما اضن صار الموقف المتشابك هاد
بس هي المراة هيك بتنحط دايمن
بمواقف صعبه
وماحد بيفكر بشو بدها
شكرا للطرح
​

 

[§ Lισи Hεαят §]

طيب هي الزوجة يلي تركها زوجها وراح شو صار فيها؟؟مين فكر فيها؟؟
هو اتزوج ليعصم نفسو من الحرام ......وهية شو بتعمل؟؟؟
تركها وحيدة بعدين يجي متزوج عليها ؟؟؟؟؟؟ وبيقولو هو اللي عملو حلال؟؟؟؟؟؟؟؟ هلأ الشرع حلال بس ما بظن ربنا بيرضى انو تنظلم هي الزوجة الوحيدة كرمال رغبات الرجل

هو أنا مابعرف شو الظروف الي خلاه ما ياخد زوجتو الأولى معو

بس لو حكيك صح كان الشرع سمح للنسوان تتزوج 4 كمان
فهي مالها بحاجة أنو تتزوج لحتى تعصم حالها
بالنهاية بالشرع يكره أن يترك زوجتو أكتر من 4 شهور متواصلات
وسمح للرجل بالزواج بأكتر من زوجة وفرض عليه العدل

ومن زمان كثرت الزيجات للرجل الواحد في حال السفر متل الي صار مع أخونا هون

أنا عند رأيي يصارح زوجتو الأولى ولو بتحبو مارح تتركو
​

 

[Faby]

هو أنا مابعرف شو الظروف الي خلاه ما ياخد زوجتو الأولى معو

بس لو حكيك صح كان الشرع سمح للنسوان تتزوج 4 كمان
فهي مالها بحاجة أنو تتزوج لحتى تعصم حالها
بالنهاية بالشرع يكره أن يترك زوجتو أكتر من 4 شهور متواصلات
وسمح للرجل بالزواج بأكتر من زوجة وفرض عليه العدل

ومن زمان كثرت الزيجات للرجل الواحد في حال السفر متل الي صار مع أخونا هون

أنا عند رأيي يصارح زوجتو الأولى ولو بتحبو مارح تتركو
​

هلأ حكيي اكيد صح بس الشرع ما سمح للمرأة تتزوج 4 خوفا من اختلاط الانساب
انا مع انو الشرع ما بيسمح للزوج بالسفر اكتر من 4 شهور متواصلة بس في حال اضطر وبقي اكتر من هي المدة
لازم يصون زوجتو متل ما بتصونو بغيابو
وبعتئد لما الرجال يتزوج ع مرتو وخبرها اكيد ما رح تضل معو لانها بتحبو بيجوز تبقى لاسباب اخرى
بس اكيد الحب مو وحدة منها

 

[عشتار]

............. .................
​

 

[الأسود]

قدْ استساغَ طعمَ الليمون


فهوَ لوحدهِ !

 

[مشــــ كل ــــا]

من دون تعليق

 

[آلبتول]

وانا لا اريد ان يحصل هذا لاني احبها بصدق ولا استطيع العيش بدونها

أسمح لي هو ليس صادق لا مع زوجته ولا حتى مع نفسه

انا لا ألومه على فعلته لان فعلاً الرجل كأنسان لا يستطع تحمل هجران حبيبة له

وقد تكون عوضها في غربته عنها لتلك التي أخذها كأجيره !

لكن لا ندخل الدين في ما لا يفقهون فيه البشر

فالأسلام حلل أربع لمثل هذه الظروف ولكن بشرط العدل فيما بينهم

في الزوجة وفي الأولاد


فعندما تزوجها يجب يكون على اتم استعداد لتحمل مسؤولية أكبر من قبل

الزوجة الاولى والزوجة الثانية وأولاده جميعاً سواء من الأولى و الثانية

لكن كما قلتي

عندما يحصل الرجل على رغبته من الأنثى حتى لو كانت زوجته .. هل يفكر ولو للحظة بطفل سيأتي

هذه كثيراً ما يقعون فيها من يتبع شهواته ورغباته كطفل مراهق ....لا نضج منه !

 

[جمانة]

يعني الموضوع الواحد لازم ينظرلو من عدة زوايا
الزوج هون فضل يتبع الحلال ويترك الحرام وهاد شي ما فينا نلومو عليه ابدا
بحكم انو الرجل كتير اوقات بتحكم و غريزتو
يعني بالعكس لازم نثني عليه انو اختار هالطريق
و الزوجة الاولى .. صح رح تكون في حالة انهيار .. بس بظن لازم تتقبل الواقع
بالذات اذا كان عندها اولاد
لانو برأيي المرأة بس يكون عندها اولاد
خلص حياتها بتكون مرهونة الهم
و كل عمرها كرمالهم
هاد رأيي
ومشان الاسرة يلي فيها الام والاب ما بيحبو بعض
بيكفي انهم بيتعاملو بمودة وألفة قدام الاولاد
ويلي بالقلب بيضل بالقلب
و برجع وبقول بهنيه لانو اختار الطريق الصح
وما بظن انو عذر اقبح من ذنب
لانو الرجال تجاوز الذنب و عمل الحلال
يسلمو عشتورة
​

 

[الأسود]

" انا مغترب في دوله خليجيه وأقضي في كل سفره حوالي سبعه اشهر او ثمانيه وفي سوريا متزوج وعندي اولاد
وزوجتي تحبني كثيرا جدا وانا ايضا احبها كثيرولكن ....
في سفري تزوجت من امراه ليس حب وعشق ولكن السبب الاساسي ان اعصم نفسي من الحرام .
ولكن قدر الله وجائني اولاد منها فماذا افعل هل اترك اولادي في الغربه ام اعود بهم الى وطني ؟​

" ان عدت خسرت زوجتي التي احب فماذا افعل على الرغم ان زوجتي الاولى لو عرفت اني متزوج 100%ستطلب الطلاق
وانا لا اريد ان يحصل هذا لاني احبها بصدق ولا استطيع العيش بدونها
.
.​

.
.
.
.
.
.
​

انا علقت بدايةً لكن عدتُ فـَ استوقفتني هذه الجملة في الأحمر​

وَ بدأتُ افكر​

أكانَ زواج متعة مرهون بنهايةِ سفرهِ​

وَ لا يرجى منه بناء أسرة ولا أطفال !!​

أفكر لحظة بالمرأتين اكثر مما فكر بشهوةٍ تلاحقه ؟!!!!​

أراهُ ملوماً !​

 

[mr_ops]

يعني في نقطة الكلللللللللللللللللللللل نسيانها ...

الرجل تزوج مرة تانية .. ما فكر انه ما بدي ولاد ؟؟؟ في اكتر من طريقة لحتى يكون حريص وما يجيب ولاد منها

ورب العالمين قدر وجاب ولد من التانية ما تعلم واخد حذره من الولد الي صار عنده لحتى يجيب منها ولاد كمان ؟؟؟؟؟؟؟

وبعدين الرجال ما غلط وعمل الصح بدل ما يرتكب الزنا راح تزوج على سنة الله ورسوله ...

وما عاد هلء شي ينفع غير انه يصارح مرته الاولانية .. ولو بتفكر منيييييييح بعقلها مرته الاولانية .. بتلاقي انه تزوج وحدة احسن ما يروح يرتكب الزنا 100 مرة ويمكن 500 مرة وما يشبع هيك بكون تزوج وحصن حاله من الحرام وبدل ما يكون خانها (على حسب تعبير النسوان لما الزوج بيتزوج على مرته ) 100 مرة بكون خانها مرة وحدة ولازم تفرح لانه ما ارتكب معصية ..

بدي اطلب منك يا عشتار تقرئي هالقصة هي وتشوفي تضحية الحب لوين بتوصل

http://albailassan.com/vb/threads/5...ط§ظظط§ظط¹-)-ط£ط±ط¬ظ-ظظ-ط§ظط¬ظظط¹-ظط±ط§ط،طھظط§

القصة اسمها نصف رجل وهي قصة من الواقع موجودة بقسم القصص والروايات الفحة الرابعة ...

بتمنى تلاقي الجواب بالقصة الي موجودة ....

 

[الأسود]

أعجبُ مِن أولئكـَ الذينَ يبررونَ زواجه بأنه اصاب


لمْ أشعر بأي شكل أنه سيعودُ لـِزوجته الثانية في سفرٍ قريب !

هوَ لم يشعرنا بحبهِ لـِ الثانية ,. و لا لأبنه منها !! أليسَ في هذا إجحاف لحقها !


إن كانَ مقتدراً على الزواجِ بأخرى فـَ لمَ سافر

وَ إنْ سافر لمَ لمْ يأخذ زوجته , فالزوجة أقدرُ إنسان على فهم احتياجاتِ الزوج

سترضى بالسفر .. وَ لنْ تقبل الضرة !!

 

[إلهام]

يعني ضروري الرجال يوقع لبالحرام
او يتزوج
شو يعني يابطخه يابكسر مخه
ليش الي بتستنا في مو انسانه كمان
لي مايقدر مشاعرها كل مافكر برغبته
انو هي كمان عم تتوجع
وعم تنحرم منو
ضروري يضل الرجال مدلل وين مايروح
لانو الشرع سمحلو
اي ولن تعدلوا
لو صايره معي
كان الاولى كنت او تانيه
مابسامحه ابدا
لانه مافكر غير بنفسه بس
وعم يتحزون كمان
​

 

[عشتار]

أذكر أن صديقنا غابرييل قد طرح ذات مرة موضوعا ً عن لا جدوى النقاش على صفحات النت

لانه يخفي شخصياتنا و يجعلنا نتقمص الحالات المثالية

ومع ذلك أشكر كل من شاركني فحتى لو لم يعطيني رأيا ً موضوعيا ً فقد ترك أثرا ً في نفسي

شكرا ً للجميع

​

 

[الأسود]

أذكر أن صديقنا غابرييل قد طرح ذات مرة موضوعا ً عن لا جدوى النقاش على صفحات النت​

تذوقتُ نصكـِ هنا وَ قرأتهُ أكثرَ مِن مرة ., بل قدْ رددتُ عليه أكثرَ مِن مرة

بعضنا يعتبرُ المنتديات سبيلٌ لـِ التعارفِ لا أكثر ,.. وَ البعضُ يراها لـِ التسلية أبعدَ ما تكونُ عن الجد

فـ لا تكادُ تروي مواضيعُ أي منتدى أحدٌ من المتعطشُين لـِ المعرفة من ظمأ


في الآنترنت ,.. وَ حولَ الطاولة المستديرة خصيصاً ,..

تلقينَ لـِ الأعضاءِ طعماً , موضوعُ نقاشٍ إجتماعي من الطرازِ الشائع كهذا

تغرينا بصقلِ الأقلامِ ثمْ تتنكرينَ لـِ الرد !


عذراً مِن ردكـِ فقدْ كانَ فادحاً !

أتراكـِ ارتكبتهِ عن سبقِ إصرار !

 

[عشتار]

على عكس ما وصلك مني صديقي

لم يكن ردي تأكيدا ًُ على موضوع غابرييل .. وإنما إشارة إلى أنه رغم عدم اتصاف النقاش بالموضوعية

إلا أن فائدته لا يمكن انكارها ...

(( ومع ذلك أشكر كل من شاركني فحتى لو لم يعطيني رأيا ً موضوعيا ً فقد ترك أثرا ً في نفسي ))



​