عضو بين الحب والذكريات

[عكــ البيلسان ــيد]

عبد يا عبد

بما انك متورط وبما اني حباب لازم حط لمستي خخ

بدي اسألك سؤال خفيف نضيف

شي مرة تمنيت تخبط الصبية اللي معك كف تخليها تفرّء من وراه؟!
​

اي دخيل لمستك انا

لا والله يا انوسة انا بعمري ما فكرت بهيك طريقة
بعدين في شغلات وقعها اقوى من الكف

 

[عكــ البيلسان ــيد]

ممممم ما كان بدي اسألكـ بس طالما عزمونا هون مارح رد العزيمة


سؤال على السريــــــع : يقال ان الحب اعمىا هل هاد صحيـــــــــح ؟وشو هي نسبة العمىا

اذا طبعا جربت الحب .....اذا ماجربت انت معفى من هاد السؤال وسلامتكـ عبود

​

الاعمى اكيد اعمى والنسبة تصل لدرجة انو يستعين بالجنون ليبصر به طريقه

منورة فاتو الحلوة

 

[عكــ البيلسان ــيد]

عكيدنا الحباب يللي ح يجاوب ع كل الأسئلة

عندي سؤال

حاليا اخدت وحدة كنت تحبها ؟؟




​

لا والله يا ملاكنا الحبابة ما اخدت ولا وحدة كنت حبها

 

[عكــ البيلسان ــيد]

1. ماشي أنت وحبيبتك بالطريق ماسكين ايدين بعض , و الهوا عم ينسم عليكم , فجأة وقفت أنت و اتطلعت بعيونها , شو هي الكلمة الي ممكن تقولها من قلبك بهديك اللحظة ؟
أعشقك ولم يزدني عشقك الا عطشا

2. لو صار معك حادث أنت ومجموعه من الأصدقاء وكانت معكم حبيبتك , و طلبت منك تنقذ حدا من الاصدقاء الموجودين على حساب انقاذ حياتها , هل يا ترى رح تستجيب لطلبها و لا رح تنقذها وما ترد على كلامها ؟
ما ظنيت ابدا اني اسمع كلمتها , بس بعمل محاولات اني انقذ حدا معها
اما اني اتركها مستحيل

3. لو عرفت من مصدر موثوق جدا , أنو الصبية الي بتحبها و بتحبك ع اساس , بتحكي نفس الحكي الي بتقلك اياه لشب تاني , شو رح يكون موقفك ؟ و شو ردت فعلك ؟ بتنسحب بكل كبرياء و لا بتفضل المواجهه ؟
طبعا بواجه لانو بعمرو ما كان في بالانسحاب كبرياء
بالعكس بنظري الكبرياء بالمواجهة
وبخليها هي تنسحب بكل خذلان

4. قاعد بنص الليل مع اركيلتك و فنجان قهوتك , فجأة رجعت ع بالك ذكريات قديمة كتير و بتحبها , نزلت دموع غصب عنك من الشوق , بتتصل على حبيبتك رغم الإنفصال حتى تسمع صوتها ؟ ولا بتكفي سهرتك مع الذكريات والحنين و الدموع و الوحدة ؟
لا بكفي وحدي لانو ازا اتصلت عليها لح اتروح لذة الذكريات اللي خلت الدمعة تنزل

5 . صار نقاش بينك و بين حبيبتك حول موضوع بخصكم , و احتد النقاش بينكم لدرجة كبيرة خلتك تعصب كتير , ممكن ترفع ايدك و تضربها لا شعوريا ؟ ولا بتحاول تتمالك اعصابك ؟

ابدا مستحيل اضربها انا بطبيعة الحال مستحيل اضرب
انثى مهما كانت صفتها اخت ولا عمة وخالة ولا بنت اخ ولا حبيبة و
مهما كانت فعلتها



حاليا هدول الأسئلة الي خطرت ببالي

إن شاء الله ما كون تقلت عليك

و لألي رجعت اذا خطر ببالي شي سؤال تاني

​

موشي لا لا شو تئلتي ما تئلتي
بتشرفينا بأي وئت ستول العظيمة

وناطر بالك انا ​

 

[عكــ البيلسان ــيد]

1- هل بتؤمن بالحب العذري (يعني حب الروح فقط بدون حب الجسد) ولا بتعتبر هاد مكمل لهاد؟
هلأ الحب العذري موجود لكن لابد من التكامل
فلا جسد بلا روح والعكس يصح بطبيعة الحال

2- قلت انك مثلت دور الحب لايام معدودة صح ؟ طيب شو يلي خلاك تضطر لتمثيل هالدور
هل مشان الصبية ولا لارضاء رغبة ذاتية داخلك؟
طبعا ارضاء لائلها لانو رغبة ذاتي ما بتضطر لهيك تصرف

3- هل بتعتبر الحب قوة أم ضعف وأيهما بتفضلهن بالبنت يلي بتحبك؟
أكيد قوة لما يكون متكامل روحيا وجسديا
وطبقا القوة دائما مفضلة عن الضعف

4- هل بتعتبر ان الحب يقتله الزواج أم هاي الفكرة خاطئة؟
طبعا خطأ بس اللي عم يصير مع اغلب المتزوجين هو ضمور الحب لعدم كثة استخدامه
بعد الزواج وطبعا متل مو معروف بعلم الاحياء العضلة التي لاتستخدم تضمر
ممكن انشبه الحب بالعضلة بهي الحالة

5- هل حصل انك حبيت صبية ورفضت حبك مثلا؟
وشو عملت لحتى تقنعها بحبك الذي ببلش باعجاب طبعا؟
هلأ ازا رفضت انا مومضطر اقنعها ليش
سألتيني ليش ؟ ما ها ها لح جاوبك
هلأ انا لما بدي حب بنت ئبل ما اعترفلها بالاعتراف الخطير
لح كون حواليها اغلب الوئت ئبل فترة التصريح عن حبي او اعجابي فيها
بفترة كافية انها تعرفني شو انا بكل تفاصيلي
وساعتها ازا كنت عاجبها لح اتكون من داخلها ناطرة هيك كلمة مني
لهيك ما بضطر كون بهالموقف

6- شو ممكن تعمل او عن شو ممكن تتخلى لحتى ترضي المحبوبة؟
بعض الامور الثانوية ممكن اني اتخلى عنها
بس ثوابت بحياتي مستحيل اتخليى عنها كرمال اي حدا
لكن فيي خليها راضية بنهاية المطاف

7- الحب من أول نظرة شو رأيك فيه ؟ وهل بتؤمن فيه ؟ وهل جربته مثلا؟
الحب من نظرة أولى شي كتير حلو وطبعا بآمن فيه
ومجربو

8- برأيك أي نوع من أنواع الحب يلي بيستمر فترة طويلة ؟
مو نوع الحب هو المقياس للاستمرار
إنما نوع التوافق بين الشب والصبية هو المقياس للاستمرار

9- في مثل مصري بقول داري على شمعتك تئيد برأيك
هل جمال وسحر الحب يكمن في سريته أم اعلان الحب أجمل؟
انا عن نفسي بفضل السرية
لانو الحب بنظري شي فائق الخصوصية
ومابحب يكون فيه اكتر من بصمتينا عليه
حاج هدول حاليا خطي انت زعلت عليك بس ياريت تجاوب بكل شفافية


​

موشي حاجينا وبتمنى اتكون الشفافية اللي طلبتيها انوجدت بالاجوبة
منورة يا sweet

 

[عكــ البيلسان ــيد]

هل يمكن أن يكره الأنسان الشخص بعد أن أحبه؟
ممكن وكتير حالات عرفتها اتكللت
بكره يرتقي لذات مستوى الحب المعطى قبله


هل الحب عبر الأنترنت و غرف الدردشة ممكن؟
(بمعنى أن تحب شخص لمجرد معرفتك لأفكاره بدون معرفة شكله أو صوته )
أحيانا لكن سرعان ما يتلاشى
لانو هالحب غالبا مايبنى على صورة تتشكل بالخيال
ومصممة على مقياس مايحلمون به

ماهو شعورك اذا علمت انه في احد يحبك؟
شعور كتير حلو
يعني رائع لما انشوف حدا عم يهتم فينا ومعجب بتصرفاتنا
و ماذا تقول في الحب من طرف واحد؟
عذاب مالو داعي
يعني اما بصارح بحبي للطرف التاني
او بنسى الامر برمتهلو حدا بيحبك وانت مو حاسس فيه كيف بتحب يعبرلك عن حبة لك ؟
بكل بساطة ازا ما حبت اتصرح بشكل مباشر
بيكفي انها تلمح وانا بفهمها ع الطاير

مامواصفات شريكه حياتك ؟
بيكفي انها تفهم طباعي
وتمشي على خطة الطريق اللي منرسمها سوا

اكتر شئ بتحبة فى الشخصية البنت ؟؟
الرزانة

والصفة يلي بتشدك الها ؟؟
الخجل اللي بيظهر سحر انوثتها

ما هي نظرتك للبنت الجريئة واقصد هنا الجرائة بكل معنى الكلمة ؟؟الجرائة بعواطفها الجرائة بنظراتها بجسدها
النوع المفضل لديي

مممممممممممممممم بس ما بعرف اذا الي رجعة
اذا خطر شي ببالي بناديلك تجاوبني

​

موشي وانا بالقرب ان شا الله

 

[عكــ البيلسان ــيد]

اي اي اي تذكرت

عبارة الى حبي الوحيد كم مرة حكيتا ؟؟

ولكم بنت التا ؟؟بيني وبينك

ما ئلتها لحدا مشان ما كزب ع حدا

 

[sweet-lolo]

ممممممممم
والله يا عبد في شفافية
لكني توقعت الشفافية أكثر أو يمكن اسهاب أكثر

المهم في كمان أسئلة خطرتلي بس هالمرة محرجات

1- الرذيلة في الحب خليني قول عنها رذيلة وليست جرأة
مادورها في حياتك وهل بنظرك تثير مشاعر الحب أكثر؟
وهل تفضل استخدامها مع الزوجة ان وجدت؟

2- هل تعيش حالة حب حاليا؟ومع كم أنثى تعيشها؟

3- قلت انك ممكن تتخلى عن اشياء ثانوية كرمال الحبيبة
هل بتعتبر هاد حب مثلا ؟
برأيك الحب مابيستاهل التضحية أكثر من هيك؟

4- برأيك مين أناني أكثر بالحب الأنثى أم الرجل؟
هالحكي بشكل عام وليس بشكل خاص

5- هل قلة الاهتمام تضعف الحب ؟ طبعا اي
برأيك كيف ممكن تهتم بالحبيبة لحتى ترضيها على أولتك؟

6- هل بتعتبر حالك انسان بيعرف ان يعبر عن الحب؟
عم احكي عن الحب مو عن شي تاني

7- يقال أن الرجل يحب من أجل الجنس لكن المرأة تحب من اجل الرومانسية
شو رأيك بهالحكي ومامدى صحته برأيك؟

بكفي أسئلة ما هيك؟؟

هون ورجيني الشفافية بئا





​

 

[✿منى قلبي✿]

سويت هلئ بدو يفوتنا بستين حيط

ويطلع متل الشعرة من العجينة

طول بالك رح جبلك اسئلة ب الم نشرخ ما تعرف كيف تطلع منها
​

 

[✿منى قلبي✿]

حابب انت هلأ ؟؟

اذا اي ~

هي معنا بالمنتدى ؟؟

جاوب هون عبد

لاتهرب

لانو اخر اسئلة كنت بدي اسئلك ياهن انا كمان




​

 

[sweet-lolo]

والله يا منى لنشوف كيف بدو مسيو عبد يجاوب
لسا عندي أسئلة كتير بس يجاوب على هدول
سأمطره بالبقية يعني خلي شوية أكشن
ماني شريرة صح
​

 

[✿منى قلبي✿]

اي اي سويت حصريه بكم سؤال من كعب الدست

حتى وين ما لف وين ما دار ما يقدر يهرب الا بل اعتذار

والاعتذار ممنوع عبد بتعرف مو

بدي جننك عبد لسا بدو يخلص دورك واانت عم تصرخ


انااااااااااااااااااااااااااااااااااااااااااااااااااا لالالالالالالالالالالالالالالالالالالالالالالاء

انا بلاششششششششششششششششششششششششششششششش
​

 

[جمال الروحـ]

الله لا يسلطكم على حدا ~ راح الرجال بين ايديكم ~

بس عبد قد وقدوده


خفووو عليه شووي صبااياا هاد عبووده
​

 

[✿منى قلبي✿]

هئ .......
​

 

[✿منى قلبي✿]

تعا الي عبد

لمين بتهدي هلجمل التالية

خايف كون عشقتك وحبيتك ؟؟

خليكي بعيدة احسن ما النار تحرئني وتحرئك؟؟

بدي شوفك كل يوم يا حبيبي

انتي بتذكريني بجرح الماضي

موجوع وانتي الدوا

لو بقدر انساكي

بحبك حب مش عادي

سمي اسماء لو في ها
​

 

[ĻàĎỷ iЙ ŖẼD]

الله حيو الصبايا هيك بدياكون كملو كملو

 

[STELLA]

يا جماعه اسم الموضوع " عضو بين الحب و الذكريات "

مو بين الاسئلة التعجيزية و التوريط و الإحراج

الغرض من الأسئلة مضمونها مو كميتها و عددها

لذلك رجاءا لا حدا يطلع عن إطار الموضوع


​

 

[✿منى قلبي✿]

ستيلا ما حدى طلع عن المضمون

وعبد بيعرف ينفد حالو

 

[► Mr.Rami ◄]

الله يعينك عبوووود

​

 

[ĻàĎỷ iЙ ŖẼD]

الله يعينك عبوووود

​

جايك الدور