على طريئة سويت لولو

[sweet-lolo]

والله اليوم عملت أكلة مفيدة
على قد ما ماميتي بتجنني
مشان اكل كوسا لكتر فوائده وانا مابحبه
بئا لكل يلي ما بحبو الكوسا متلي
عملت هالطبخة على طريئتي
ان شاءالله تعجبكن


كوســــــــــــــــا بالبشاميل




المقادير:

كوسا
جبنة موزاريلا أو قشقوان أو أي جبنة بتحبوها مبشورة
بشاميل (الطريقة موجودة عالنت)
ملح حسب الرغبة

الطريقة:

طبعا الكوسا فيه ماء كتير
لهيك بالاول لازم نغسل الكوسا منيح
ونقطعه شرائح بالطول
ونرش عليه رشة ملح بس لا تكترو مشان الاكل ما يملح
ومنتركه شي نص ساعة بمصفايه لحتى تنزل ماء الكوسا

منجيب شرائح الكوسا ومنشويها على الشواية
بس اوعا تحرقوه هاا
منصف الشرايح بصينية فرن متل الصورة



ومنكون هون نحنا عاملين البشاميل
منخلط الجبنة مع البشاميل هيك بحب انا
أنا حطيت جبنة (قشقوان +موزاريلا)

منحط خليط البشاميل مع الجبنة
فوق الكوسا متل الصورة



منكون مجهزين الفرن
نضع الصينية بالفرن لمدة ساعة أو أكتر
حسب فرن كل بيت
يعني المهم يبلش وش الصينية يصير اشقر فاتح

منطالع الصينية من الفرن ومنرش فوقها الجبنة المبشورة
ومنرجعها على الفرن بس منغل شواية الفرن من الفوقانية
ومنحمر وش الصينية كمان لاتتركوها كتير مشان ما تحترق
يعني شغلة 10 د

وبتكون النتيجة هييك



وألف صحتين وهنا
جربوها وخبروني
هل بعدين انحلت مشكلة يلي مابحب الكوسا

​

 

[{*B*A*T*M*A*N*}]

والله إذا الأم بتعرف تطبخ كل شي بتطبخو لح يطلع طيب , شكراً على الطبخة الجديدة , ويعطيكِ العافية . ​

 

[sweet-lolo]

الله يعافيك عبودة
​

 

[آلبتول]

سهله وطيبة ...بجد ابدعتي

رح اجربها

يسلمو ايديكِ يارب

 

[sweet-lolo]

الله يسلمك حياتي
ان شاءالله صحتين

تفضلي لضيفك
​

 

[سِدْرَة المُنتَهَى]

يمي يمي
كل شي في الكوسا أكل منو أنا عكسك
يعطيك العافية

 

[دانووو]

ولي على قلبي
انا
ولي ولي
بموووت بالغريتان انا وخصوصي بالكوسا والبيتنجان
ولي شووو طيب الف هنا ياعمري
ومخصوص لو عاملة معه رز ابيض بمرق الماجي يا شباب شوو بدنا بالحكي
اكلة تؤؤؤؤؤؤكأأأأأأأأأأأأأأأل وخصوصي من ايدي لووليتي ~~~ابووس روحك
يا خيتوو انا وجه وقفاااااااااا

 

[sweet-lolo]

يمي يمي
كل شي في الكوسا أكل منو أنا عكسك
يعطيك العافية

الله يعافيك حياتي
ان منيح يلي عجبتكن الطريئة

ولي على قلبي
انا
ولي ولي
بموووت بالغريتان انا وخصوصي بالكوسا والبيتنجان
ولي شووو طيب الف هنا ياعمري
ومخصوص لو عاملة معه رز ابيض بمرق الماجي يا شباب شوو بدنا بالحكي
اكلة تؤؤؤؤؤؤكأأأأأأأأأأأأأأأل وخصوصي من ايدي لووليتي ~~~ابووس روحك
يا خيتوو انا وجه وقفاااااااااا

لك دخيل الكرارات أنا
تبوسك العافية دندونة
ان شاءالله تروحي دفش لعنا
على حلب لحتى استضيفك
ودوئك من أكلاتنا
ان جد عجبتكن الطريئة
يعني ازا مو مجاملة خجلتوني ها
بس شو بدكن بالحكي
طلعت الاكلة طيبة اشتهيتكن والله
على الاقل خلصت من عقدة كرهي للكوسا
​

 

[دانووو]

يحررررق يدبك من الصين دفشة لحلب يا خيتوو ام المحاشي والكبب
انوو انا زايرة حلب على عدد شعر راسي الله وكيلك لانوو جوزي كان الو فرع عندكم
ز هلا بتقول عم كررر
اي اي كرارة انا بس بحب الغريتان ابو قلبك ااناا

 

[✿منى قلبي✿]

والله منظر الاكلة بشهي

بس الصراحة ما بحب الباشميل بكل انواعه

ما بعرف ليش

ميرسي الك سويت

 

[JuSt RaMoOTa]

اممممممم والله باينتا طيـــبة

لولو شو رأيك نتفق اتفاق خطير

تنيناتنا بحلب
منشوف بعض
بتجي لعندي مناكل ترماسو
وبجي لعندك ومناكل كوسا بالبشاميل


​

 

[STELLA]

صحتين وهنا سويتي

مبين عليها كتير طيبة و لزيزة

يسلموا دياتك الي عملتا

​

 

[عكــ البيلسان ــيد]

له يا sweet له
عم يطلع معك والله

 

[- ]Safee[ -]

شكلا طيبة الاكلة..

وانا مابحب الكوسا غير بالمحشي

يسلمو هالايدين ​

 

[نكهة جنون]

تسلم ايدك

بس صار لازم نجربها

​

 

[sweet-lolo]

يحررررق يدبك من الصين دفشة لحلب يا خيتوو ام المحاشي والكبب
انوو انا زايرة حلب على عدد شعر راسي الله وكيلك لانوو جوزي كان الو فرع عندكم
ز هلا بتقول عم كررر
اي اي كرارة انا بس بحب الغريتان ابو قلبك ااناا

فرع؟؟؟؟؟؟
اي خيتو اشبك شو فيها تعي زورينا
مناكل كمان من أكلاتك شكلك مو بس شاطرة بالكري كمان بالطبخ

والله منظر الاكلة بشهي

بس الصراحة ما بحب الباشميل بكل انواعه

ما بعرف ليش

ميرسي الك سويت

مية السلامة منى
بس ان الناس ازواء
ازا دئتي شي طبخة من تحت دياتي
رح تغيري رأيك

 

[sweet-lolo]

اممممممم والله باينتا طيـــبة

لولو شو رأيك نتفق اتفاق خطير

تنيناتنا بحلب
منشوف بعض
بتجي لعندي مناكل ترماسو
وبجي لعندك ومناكل كوسا بالبشاميل


​

والله اكلاتك الخطيرة
اي موافقة منتفق ليش لا
بس ان بشرط انتي تعمليهن
مو تخلي ماميتك تتعزب
​

صحتين وهنا سويتي

مبين عليها كتير طيبة و لزيزة

يسلموا دياتك الي عملتا

​

على قلوبك يا حلوة
والله يسلم عمرك
تفضلواا انت والاهل
لنعزمكن على أكلاتنا الحلبية
نورتي يا زووء
​

 

[sweet-lolo]

له يا sweet له
عم يطلع معك والله

اي شو قصدك يعني
بيطلع معي ليش لحتى ما يطلع
ياما مخترعة أكلات
وان عن جد الناس وأهلي بيعجبن طبخي
​

شكلا طيبة الاكلة..

وانا مابحب الكوسا غير بالمحشي

يسلمو هالايدين ​

الله يسلمك
ان طبخنا محشي كوسا
وشيخ المحشي بس ما صورتن
لأن الكل بيعرف الطريئة
​

تسلم ايدك

بس صار لازم نجربها

​

الله يسلمك حياتي
بس شو مشان هالسمايل يعني
​

 

[ČốηťĕṨṩก]

والله عجبتني هلطريئة
لانو انا متلك سويتي مو كتير بحب الكوسا

بس هي شكلا طيبة واهم شي انو سهلة


بركي بجرب ساويها


و صحة وهنا حياتو
والى مزيد من التألق​

 

[sweet-lolo]

صحة وهنا على ألوبك حياتي
اي طيبة جربيها
أو تعي لاعزمك عليها
من تحت دياتي
وبخترعلك شي أكلة غيرها كمان
تسلميلي خوخة
​