عندي مشكل

[البيلسان]

لو اكتشفت انو حدا اخوتك عم يفتح اشياء بطالة بالنت وكمان الو علاقات مش مزبوطه كلها ​

بالنت وهو شخص كبير وواعي شلون حكي معو بهيك موضوع اذا كان الموضوع بالاساس ​

مسبب لك صدمة شلون تواجهو بهيك موضوع لو كان مراهق ممكن تبعت لو مسج او ايميل​

وتفهمو بس هو تفكيرو ووعيو اكبر من هاي الاشياء فلازم تواجهوا بس المشكله انو انت مابدك​

تواجهوو مشان تحسسو انك مسكت عليه اشي انت بدك ياه يرجع عن هالطريق واكبر مصيبة ​

انو اذا كان اللي رح يحكي معو اختو ومافي غيرها يحكي معو فكيف رح تواجه شب بهالحكي​

ساعدوني​

عزيزتي هو الموضوع كبير كتير كتير وصدقيني من رأي انك تكتبيلو رسالة توضحيلوا هدا الشي وأليلو فيا آية قرآنية .. من يتقي الله يجعل له مخرجاً من حيث لا يحتسب ... و شرحيلو بعدين انو هدا الشي حرام و أحترم انو عندك اخوات بنات والله ولي التوفيق

 

[زهرة النرجس]

الاخت اللي فاتت باسم عندي مشكل وطرحت مشكلتها مع شب الموضوع انحكى فيه والكل اعطى رايو وهلء صار الموضوع رح يزيد عن حدو وكل واحد بدو يرمي الحق على التاني ورح يصير تخليص حقوق فرجاءا رح ينحذف اي رد بعد هالرد بيخص هالمشكلة وشكرا ​

 

[انثى غامضة]

بس بدي اعرف ليش اخده فكره هيك عن الشباب ماكل اصابيع يدكي متل بعض خلي عندك امل

عزيزي انا مابقصد كل الشباب لاني قلت بالنهاية انو راح دور على انسان تاني كمل حياتي معه

فما كل الشباب متل بعض

عم بقصد الغدارين والي مفكرين الحب لعبة تافهة بيضحكوا على الصبايا فيها

سلامة قيمتك يا عسل

 

[مختار]

 

[المغترب]

مممممممم مرحبا يا جماعة ​

انا عندي مشكل​

وهي انو في ابن حلال حبني بعدا انا حبيتو​

ئام صارت علاقة بيني وبينو لمدة كم شهر بعد هالكم شهر
بيتصل فيني وبيئلي
حبيبتي ما بدياكي تزعلي
اوعديني
ئلت شوفي خبرني
ئال انا نطبخت"ئصدي خطبت​

ئلت بربك
شو جايي تخبرني لزغرطلك يعني ولا زفئلك
المهم
ئال لا انتي حبيبتي وما بتركك وانت روحي
وهاد الشي صار غصبن عني مو بئرادتي​

سدئناه
ومشيت على حكياتو​

بس انا من كتر ما نزعجت منو
فضحتو بين رفقاتو انو هو نطبخ"نخطب​

بس لئنو هو ما بدو يعرفو رفقاتو بهالشي
ئام تحجج بهالشغلة ليتركني
ئلنا ماشي
ترجينا وبوسنا الايادي
ولا حياة لمن تنادي​

بس انا ما فيني ما بسمع صوتو
ئام صرت عم دئلو
وبحكي معو​

المهم فجئى بيئلي لا عاد تتصلي خطيبتي بتكون حدي بعض الاوقات والموبايل يكون معا
فمشان هيك لا تعملليلي مشاكل​

المهم ئطعت فترا وما دئيتلو​

رجعت وصرت عم دئ​

بعتلو مسج بليلة ال27 من رضان
ئلتلو فيه الله لا يوفقك​

ئام السيد تصل من خوفو من ربو
ونار جهنم
وبكل عين قوية
بيئلي ليش عم تدعي عليي
انا شو عملتلك​

ئلت ولا شي​

المهم صار عم بيهدد هون انو بيخبر امي بكلشي
لئنو هو عندو رئما لئمي​

ومن بعدا ما عاد دئيتلو
وبعد فترة
بسمع بيحكي لرفقاتي يئلون انو هو من الاساس ما حبني
بس كان عم يتسلى لمدة 6 اشهر​

فشو رئيكون​

اي نوع من الرجال هاد؟؟؟​

كل واحد عندو ضمير بيجاوب بصراحة​

وتسلمولي​

بس انا لهلئ بدعي ربي بيوم من الايام شوفو​

بس لكفين وربي بس كفين و... بوشو
وبئلو بي بااااااااي​

سلام​

هلأ بصراحة غريب وما بيخاف من الله
هلأ العلاقة كلها فيها حكي بس يكون عميلعب بمشاعر الطرف التاني فاكيد ما عندو ئلب ولا رحمة
يعني يحسب هالشي على اختو انو خطيبتو يلي هلا خطبا بعد كام شهر تعمل فيه نفس الفصل
عنجد شي غريب بس بصراحة كترانة بهالايام هالشغلات
يعني بيكون الواحد بالمشرمحي ما بيطلع بئيدو يطلع بوش بنت او يحكي معها ومو خوف من الله او تدين اكيد لاء بس لانو مالو واثق بنفسو وحتى اي بنت بدو يحكي معها بدا تحلئلو عالناعم
منشان هيك بيلجأوا ببعض الاحيان ضعاف النفوس انو يظبطو بنات عن طريئ النت يعني لا بيعرفا ولا بتعرفو
بيتظاهر انو هو قيس وهي صار ليلى بالنسبة ئلو وشوي شوي بيكبر هالشي براسو وبيحس انو طلع بئيدو يظبط بنات وبيكون بالمحصلة عبارة عن شخص تافه وعميلعب بمشاعر هالبنات والمسكينة بتكون بالغربة بتفكر انو هادا الفارس يلي عميستنو من زمان وبالآخر بيطلع
عبارة عن ولد وعميتراهن مع رفئاتو مين بيطبئ بنات اكتر
وبئلك انسيه ولا تفكري فيه واتعلمي من درسك ولا تكوني ضحية هالولاد
​

 

[§ Lισи Hεαят §]

لو اكتشفت انو حدا اخوتك عم يفتح اشياء بطالة بالنت وكمان الو علاقات مش مزبوطه كلها


بالنت وهو شخص كبير وواعي شلون حكي معو بهيك موضوع اذا كان الموضوع بالاساس

مسبب لك صدمة شلون تواجهو بهيك موضوع لو كان مراهق ممكن تبعت لو مسج او ايميل

وتفهمو بس هو تفكيرو ووعيو اكبر من هاي الاشياء فلازم تواجهوا بس المشكله انو انت مابدك

تواجهوو مشان تحسسو انك مسكت عليه اشي انت بدك ياه يرجع عن هالطريق واكبر مصيبة

انو اذا كان اللي رح يحكي معو اختو ومافي غيرها يحكي معو فكيف رح تواجه شب بهالحكي

ساعدوني​

عزيزتي مع أنو الأمر محرج بس برأيي أنك تواجهيه
أنت متل أمو تعتبري وخاصة بغياب الوالدين
فالبكلمة الطيبة والتوعية وبشوية حكمة منك ممكن توصليه لطريق الصواب
لكي مني خالص الود
​

 

[Dark Heart]

أنا كمان رأيي مع ليون هارت :10:
أنه ما تعمليله شي ... و ما تقليلي أنك بتحبيه لأنه مستحيل لسه بتحبيه و هو عمل فيكي كل هاد
و غير هيك خطب
يعني سيبك منه و أنتبهي لحياتك ولا تعطيه أي أهتمام لأنه هو ما بيستحقه :80:
و بس أزا واجهتيه بيوم قوليله الله يوفقك و أن شاء الله تتهنى
و هو لحاله ما راح يجي فيكي بعد هالحكي ......... لأنه هو عم يعمل هيك و يهددك لأنه خايف أنك تعملي شي
ولأجل هيك فرجيه أنك ما بدك تعملي شي عشان هو كمان ما يعمل شي
و بـــــــــــــس
​

 

[مختار]

امممم اي والله الحئ معها انسة روان
فكرة حلوة ورد مميز
​

 

[mahmoud salih]

انا ما بلومو ....بلومك ئلك طالما هو انسان في خلل نوعا ما ..

انت من الاساس المفروض تدرسي الموضوع بالتالي رح تدرسي الشخص المذكور بشكل غير مباشر عند راسة الموضوع بشكل عام ....

من الاساس في غلط اكيد بس دائما الانثى تسير خلف عواطفها ...

انا من راي ...تحلي بنعمة النسيان واكيد هو ما بيستاهلك
​

 

[زهرة النرجس]

تنويه
العضو اللي بستخدم عندي مشكل يستخدمها فقط لطرح المشكله وممنوع يفوت تاني ليكتب تعليقات على الردود.
بما معنا أنو العضو بيطرح مشكلتو وبتبقى لمدة معينة {5 ايام}
. يمتلك العضو صاحب المشكلة المطروحة الحق بقرائة الاراء لا نقاشها سواء أعجبته او العكس
نرجو التقيد بالشروط وأي مخالفة
يرتكبها العضو تحرر مخالفة فورية بحقه
دون الرجوع إليه.

​

 

[الحرالباكي]

نرجومن الجميع التقيد بالتعليمات

ولكم فائق الود
​

 

[المغترب]

هلأ ما بعرف كأنو كان في ئلي رد وماحينو ؟؟؟؟؟؟؟؟؟؟
يا جبابين اذا بتريدو المشرف يلي محاه بيعرفني عن حالو وبيئلي سبب المحي ؟؟؟؟؟؟
لانو لحنا كلياتنا شباب هون وعمنحكي بمنطئ الشباب
​

 

[رفاء]

فكرة حلوة كتييييييييييير يسلموووووووووووووووووووووووووو

 

[عندي مشكل]

حبايبي
مشكلتي و باختصار
انا شب عسكري و كان الفرز تاعي كتير سهل يعني دوامي كان ساعتين ب اليوم
و فجئة اجا قرار نقلي لفرز صعب كتير و انا ماني مستحمل حالي و عم خاتق دبان وجي انصحوني شو اعمل
​

 

[عهد القمر]

جيب واسطة ...ااذا فيك ...يااما خليك بالامر الواقع ...واستحمل
غمض عين وفتح عين بتلاقي حالك خلصت ...
واذا عندك مصاري كتير ...عطيون هنن بيسكتو دغري ....!!
بس هالطريقة حرام ما بنصحك ....خليك وامن بالامر المحتم عليك ...
القدر هيك ...بدو...والله اعلم ...
(عسا ان تكرهو شيئا وهو خير لكم )
يمكن خير عليك


بعدين يلا حلو كتير الموضوع ..
خليه ...يصير حي ...
​

 

[نهر الاحساس]

والله يا اخي باينتا مشكلتك من زمان31/1/2010
وللاسف وصلنا للموضوع متأخرين
لهيك ارضى بنصيبك وخلصنا لانه هيك مشاكل ما بتحلها الا الواسطة ودفازا في لالك واسطة حركها بيمشي الحال
على فكرة الموضوع كتير حلو وفكرتو بتجنن ولاول مرة بشوفو ا
يلا يللي عندو مشكل يحكي ..

 

[دموع الورد]

عنجد فكرة هالموضوع حلو كتير

وين كاين متخبي عني والله ما شفتو غير اليوم

يعطيك الف عافية احمد

فكرة كتير رائعة

الله يبعد عنا وعنكم المشاكل
​